本原純素

营业中

休息中

人愈大愈注重養生健康，所以我平時都會試下素食餐廳，中環新開嘅Root Vegan提供中、西、韓式等等嘅fusion素食，賣相同味道都好吸引，就算唔係素食者都一定啱食😆擔擔麵($78)呢個擔擔麵真係十分有驚喜，絕對好味過好多專賣擔擔麵嘅舖頭，淨係個湯底已經嬴咗😍，佢係麻辣同花生醬之間嘅平衡真係做得好好，有啲似麻辣火鍋嘅湯底，後勁仲會有陣花生醬味走出嚟🤤，加上麵條夠彈牙，Omnipork嘅肉碎，豆腐同埋菇都保留到佢原有嘅味道，真係無得頂👍🏻Root Salad Bowl ($108)沙律入面有好多唔同嘅蔬果，例如扁豆、栗米、藜麥、紅菜頭等等，真係一個超級健康嘅沙律😆！味道方面都唔錯，牛油果大大舊超級滿足，豆腐嘅豆味都好出，唔係普通山水豆腐，仲有平時好少出現嘅腰豆， 營養指數爆燈，啱晒平時多肉少菜嘅香港人🤩茉莉花茶($68)店主上茶嘅時候好細心咁提醒四分鐘後就飲得，果然飲落真係啱啱好，甘香得嚟完全唔會有苦澀味😚！隻杯個大細有啲似功夫茶嘅杯，一啖飲晒啱啱好，最貼心嘅係個杯嘅隔熱做得好好，明明杯茶出晒煙但拎上手都唔會辣親👍🏻菊花桂圓杞子茶($28)菊花同桂圓杞子配埋一齊沖茶，具有養陰補血、疏風清

喜歡純素飲食嘅朋友最近發現中環有間新開嘅純素cafe，趁住weekend一齊去試試。Root Vegan位於中環威靈頓街近半山扶手電梯嘅新威大廈，食完仲可以去埋附近嘅中環街市打咭。Cafe裝修走水泥原始風，設計簡約舒適，仲有唔少植物同心思擺設，窗旁位置透入自然光，環境寫意，仲有室內外座位可選。飲品有咖啡有茶；食品方面幾有驚喜，菜式fusion創新，純素都可以好有新意好好食！今次試咗本原漢堡同脆脆酸菜手指魚酸辣粉，已經決定下次嚟試埋佢地嘅魚香茄子貝果同麻婆豆腐卷餅！✨本原漢堡配薯條$128好有誠意嘅純素漢堡，包身烘得外脆內軟，內裡嘅白蘿蔔絲同蓮藕脆卜卜，沾滿紅菜頭汁，味道酸酸甜甜好開胃。”漢堡扒”唔係平時一般現成嘅植物肉，係cafe自家製打成。薯條即叫即炸，夠脆又唔油。✨脆脆酸菜手指魚配酸辣粉條$148手指魚炸得金黃香脆，同平時食到嘅魚手指冇咩分別，像真度極高！伴碟嘅雲耳酸辣惹味，不得不提嘅係碟中間嘅鷹嘴豆泥，質感好滑，當中亦有原粒鷹嘴豆以增強口感，好好味！酸辣粉係呢日嘅重味之選，夠哂酸辣刺激！粉條煙韌彈牙！如果有辣度可選就更加好！✨幽蘭花茶$68玻璃茶壺同雙層玻璃杯上茶，外表已經好吸引

蝦子餅知道中環新開咗間純素餐廳，前幾晚就同我哩個為食貓嚟試菜，店面簡約明亮，坐位不會過於擠迫(中環區難得！)，當晚試咗「酸菜手指魚配酸辣粉條」同「酸種pizza」，有驚喜，發覺佢哋用料很有心思，食物美味而有層次。今日特意約了一位葷食的朋友來試試他們的午餐，果然也相當出色👍🏼😋 今日試咗一冷一熱嘅「韓式粉絲伴野菜飯卷」同「紅咖喱雜菜天貝配蒟蒻麵」。韓式粉絲伴野菜飯卷：長長嘅野菜飯卷超過十件，餡料相當豐富，有菠菜、甘筍、漬蘿蔔、素火腿、Just Egg配上珍珠米，口感豐富，飯量與餡料比例也剛好，素火腿唔係死咸嗰種，沒有搶走整體清新美味嘅感覺😊至於個粉絲係涼拌嗰種，拌以木耳、甘筍同大豆芽，最後撒上香口嘅芝麻，唔好睇見佢咁深色就以為係好重口味，不但醬料味道調得恰到好處，食後亦無油膩膩嘅感覺。另外，除已配的泡菜外，還可自選多兩個前菜(5選2)，當日就揀咗麻醬波菜+涼拌青瓜。紅咖喱雜菜天貝配蒟蒻麵：佢嘅賣相已經冇得輸，剛放上枱隔離枱位女士即刻問我哋哩個係咩嚟😉。以天貝配以新鮮而多樣化的蔬菜，加上低卡又飽肚嘅蒟蒻麵(可選烏冬)，真係一碗份量十足(有圖有真相😆)，既高纖又蛋白質豐富，仲要好好味嘅湯麵！

近期大愛素食，朋友推介位於威靈頓街新開素食店，中環街市橋底斜路上兩個街口，十分方便，順路去埋街市打卡店內裝修簡約，十分舒服，不得不讚的是沒有密質質的座位，絕對感受到老闆的用心令客人食得舒適，店員亦十分友善及耐心地介紹食物。本想試漢堡餐，但賣晒😭友人點選了擔擔麵餐，不包飲品，但加送2款小食，雖是素食，但味道剛好，不油不膩我點選了韓式炒粉絲配紫菜飯卷，因是素食，完全不覺油膩，十分清新，讚👍飲品我們選了桂圓菊花杞子茶（清甜至極）青檸薄荷梳打（配搭剛好）這不是熱飲加冰🧊而是雪櫃取出來再加冰的，在33度高溫下，渴一口冰凍飲品，真是降溫本想追加甜品，可惜蛋糕售罄🥺但還有Bagel，下次早點去再試蛋糕，店內有多款素食麵包醬、花生醬、芝士醬等等，還有小量精品賣，建議下午茶時段去，可以慢食及選購精品

Vegan又多一個好選擇。新開的Root Vegan主打特色的fusion素食。Lunch menu有飯卷、漢堡、擔擔面、薄餅、烏冬等選擇。無論吃辣還是不吃辣的，喜歡飽肚一點還是Light一點的，都有得揀。素食菜式都可以千變萬化。今次點了韓式粉絲伴野菜飯卷，份量非常多。菜式口味是比較清淡的，我個人很喜歡。另外蝶豆花檸檬茶都可以少甜，整頓午餐都感覺沒有負擔。Dinner menu和lunch Menu不一樣，Root Vegan和 Little field hk 合作，小隱於野的手工bagel出色是常識吧。下次一定要試試另一款signature dish — 魚香茄子bagel。

今日同女朋友放工經過中環 平時中環嘅素食舖頭已經差唔多食昀晒 今日終於見到一間新嘅就即刻去試餐廳地點超級方便喺日式超級市場後邊轉個彎就到 上到去發現舖頭好光猛裝修好新 感覺好舒服餐廳員工好nice 好細心咁介紹俾我哋知間舖頭有咩特色菜式 最後我哋揀咗最受歡迎嘅魚香茄子bagel 同特色擔擔麵另外在叫咗兩杯飲品一杯係洛神花特飲令一杯係青檸檸檬梳打 食物好快就到仲好熱辣辣個魚香茄子非常之夠味仲唔係只係得辣椒油個鐘死辣 食物出去有好多種唔同嘅香料 最特別嘅係佢個bagel有紫菜同埋芝士 所以配合起上嚟味道非常濃郁係邪惡之選另外擔擔面都係水準之作最欣賞佢就係非常之香 所以都吸引到我女朋友不停咁食兩個飲品其實非常清爽 糖水都係自己落 而且價錢其實非常便宜 值得推介聽老闆講遲啲會有下午茶餐牌 禮拜六日可以再嚟tea 一 tea