木葉 (已結業)

今日同同事過觀塘做野，放工就約埋食個晚飯，係附近商場搵到有間食Ribs，仲要係任食於是就入去試試餐廳裝修比較簡單，不過令人好舒服好relax，掛畫、裝飾等都好靚又特別服務都好好，員工好親切，不過最重要都係又平又好味，任食價錢平日$138+1，除咗Ribs外，仲有沙律、薯條可以任食沙律醬既份量啱啱好，蔬菜非常fresh爽脆兩隻蝦都好新鮮，而且爽口彈牙職員準備膠手套&垃圾桶仔比你，然後每人一份Ribs有2塊，唔夠可再叫佢加，無限食嫁依個肋骨真係好好味，個醬料味道有小小甜味小小酸味，但又唔會好重，個份量啱啱好，而且肉質非常嫩滑，燒既時間火侯都控制得好好除左Ribs之外，薯條雖然係配菜，不過都落咗心機去做，薯條上面加咗小小辣粉，唔會太辣，但更好味蕃茄醬用咗新鮮蕃茄打爛而成，仲有小小茄肉，見到餐廳好用心做每一樣食物&配料有機伯爵茶&玫瑰花茶叫咗兩杯熱茶，用透明玻璃杯裝住，玫瑰花茶上面放咗幾粒玫瑰，賣相非常靚味道又唔錯，差唔多飲曬職員就會主動幫你refill服務好好

放工三五知己行下行下經過一間幾有feel既餐廳入到去好有草園feel 有顆好可愛既🎄老闆必定係LEGO 粉絲有d LEGO 既裝飾 坐得十分寬敞 舒服最適合文青影相講下d食物先今日我就試左佢地個牛肋骨2小時任食&小食真心 我本身選擇尼到食飯係食個環境架者一個女仔邊食到咁多首先尼個沙律前菜先👍🏻👍🏻👍🏻👍🏻沙津既醬汁好開胃蝦🦐好爽口雖然係開胃前菜我忍唔住嗌多幾次👍🏻👍🏻👍🏻👍🏻👍🏻釀雞翼平平無奇既雞翼竟然有驚喜通常都係煎炸焗而雞翼既外皮炸得恰到好處原來入面有鑲料口感好似台灣既雞翅包飯🤩👍🏻👍🏻👍🏻👍🏻主菜牛肋骨我本身都好怕任食質素冇保證竟然好牛肋骨肉質較嫩 油花均勻加上醬汁 比起其他大型食肆有過之而無不及食肉獸岩哂👍🏻👍🏻👍🏻👍🏻👍🏻特別推介❗️法式紅酒燴啤梨女人第二個胃 終於岀動想不到甜品出人意表諗住尼幾天氣好乾燥整個啤梨潤下喉***本身要三天前預訂先有***今晚有食神老闆整多左 就推介我食酒紅色外型驚艷影想可以呃like果肉由外到內,由酸至甜,由甜帶香重有雲呢拿雪糕襯托無人可以抗拒得到👍🏻👍🏻👍🏻👍🏻藍梅芝士蛋糕最後又點少蛋糕呢通常芝士蛋糕都好膩食一件已經好膩口入面加入左檸檬 清香之餘

Ribs 放題 $138 @ 木葉原來除左豬肋骨，薯條同沙律都可以任食😋😋，豬肋骨即叫即烤，每份上枱時都冒緊煙嫁😆；豬肋骨塗上蜜糖再烤，焦香得黎帶點甜味，每啖都很美味呢。仲有薯條，灑上七味粉，所以會帶點辣度，不過第1份只是微暖，encore的薯條則夠哂熱辣辣啦😀。 … . .第一份上枱既豬肋骨會有兩大件，之後每次添加都會上一件，以138既價錢黎講，真係食一份已經抵哂，仲可以無限添加，真係不得了🤓，而且職員態度都好好

$150蚊可以食到幾多塊牛扒?我諗而家只能夠勉強夠錢食一塊加埋一真係好D忟水呢間餐廳竟然$150都唔洗就已經可以食到牛扒放題沙律任添!! 更係要去試下佢 一去到就覺得好文青既感覺好多位置都好岩影靚相 我地係選左食牛扒任食既首先一黎既就係前菜, 凱撒沙律除左菜新鮮之外, 最正就係佢既醬汁!! 無得頂店員仲話可以無限REFILL沙律架, 不過就冇上面個2隻大蝦 到正餐了!!牛肋骨扒一黎到就每位兩大件既牛肋骨扒好貼心咁佢PROVIDE左有手套比我地牛助骨扒最正既地方就係一切就已經有一條骨係度可以慢慢食有埋手套就可以食得好放呢個牛扒係帶點微甜, 肉質係嫩滑既, 而且可以無限食, 真係極爽快!!出面食一塊都已經要100走唔甩食兩塊基本上已經回本 另外不得不讚既係佢既薯條係粗薯黎, 配合個自家製醬汁真係一流!!

呢間餐廳主打Ribs放題，晚市連加一平均一位150...食到飽…又好味道。簡直食肉獸既天堂呀…今晚我地就一人一個Ribs套餐。要食到夠皮…前菜沙律好新鮮，兩粒大蝦又甜又彈口。好正~食完沙律就直接一人一排ribs，哇~~~真係超大份。對於大食既朋友仔肯定簡直抵食到爆。豬肋骨咬落去啖啖肉，肉香融化係個醬入面，好夾。食多兩條都唔會覺得好滯~對於我地兩個大食精，K.O.一份ribs，so easyyy ^0^....最後就係杯嘢飲啦，老友照舊凍檸茶，距話茶香特別濃厚，好似係用伯爵茶沖。我就叫左杯養顏美容既熱玫瑰茶，好正!淡淡玫瑰香，好似又有小小檸檬草，同薄荷香。食完ribs飲，完全fresh~滿足曬lu!呢度裝修簡約舒適，燈光柔和，坐位又夠闊洛~個侍應姐姐仲好溫柔有禮貌添呀!

觀塘真係越來越多好嘢食啦…今晚來到一間係駿業街56號二樓新開既餐廳。我同friend兩個食肉獸最愛食Ribs，貪距肉質夠柔軟，又帶又小小爽脆口感。今晚放題係Barbecue豬Ribs。首先有兩個沙律做前菜。唔好講笑，呢個沙律真係好好食，沙律菜新鮮。頭盤沙律有兩粒大蝦又甜又彈口。好正~個豬肋骨表面烤到有小小脆，跟住就擦滿barbecue sauce再焗。切開排ribs，肉質十分滑嫩，完全唔鞋。配菜呢就有薯條，玉米粒同蘆筍。呢度用來點薯條既茄醬真係好好味，唔同平時餐廳用既罐裝，而係新鮮製造既香草洋蔥番茄蓉茄汁。酸酸甜甜又帶有香草香氣。點薯條食真係正到呢~!好有心思呀!讚~

今晚同堂哥一家食飯，由於小朋友係食肉獸，堂哥已再三提示小朋友已踏入青春期係一名吃貨，最好揀任食嘅餐廳。上網搵到觀塘新開咗間ribs任食餐廳，而且價錢實惠，每位$138食足兩小時，就決定去試試。餐廳位於商業大廈內，裝修簡潔，水泥牆增添一份raw味。座位舒適闊落好適合朋友聚會。餐牌有任食ribs及點套餐兩款。任食ribs包括沙律任食及一杯飲品，而點套餐加$50也可任吃ribs。我地有食肉獸同行當然揀任食ribs😂沙律有二隻大蝦，沙律菜新鮮爽脆，我地當然要追加啦😃Ribs每份ribs都多肉，切開還有肉汁滋潤著豬肉，肉質彈呀嫩滑，秘製BBQ醬汁醃得甜酸好惹味。伴碟的薯條灑上七味粉調味，再點上用鮮蕃茄製成的醬汁，酸酸辣辣好食!我地四人共追加了二次ribs，實在太愛吃肉喇~大韓紅棗茶堂哥話甜甜好潤喉，最岩秋天飲。玫瑰花茶好多玫瑰花浮係茶面，好靚。充滿玫瑰花香，入口有淡淡的清甜味，好飲。咸檸七 / 檸樂食肉獸兩小時無間斷咁進食，只係話好味😂連佢都話好飽好滿足!

同堂哥堂嫂好耐冇見, 趁堂哥生日在即, 我地今晚約左係觀塘晚飯, 聚一聚。堂哥兩公婆都係觀塘返工, 我地約埋係觀塘地鐵站Join埋就入工業區搵食。堂嫂提議去日升中心2樓呢間木葉, 我開頭聽間餐廳名我都驚一驚, 因為老婆同堂哥堂嫂都戒口唔駛牛同海鮮, 我以為佢揀呢間木葉係素食餐廳, 作為食肉獸嘅我非常擔心。😮我地去到餐廳時我立刻放下心頭大石。😆 因為我見到木葉除左有普通Dinner Set外, 仲有Ribs同沙律任食, 唔怪得堂嫂會揀係呢度開餐啦。🍴Ribs我地去好多西餐廳都點過, 因為老婆唔食牛, 我地撐枱腳時經常都係點豬肉, 而Ribs嘅肉質比較嫩滑, 老婆非常喜歡。不過外面點一份都要差不多$200, 我地通常都係share一份, 而其實大半份都係俾老婆食哂。😂木葉嘅任食Ribs可能係新開張關係, 平得好誇張, $138就可以任食。😱 而且餐廳裝修簡約之餘都好企理, 座位又闊寬, 新開張客人又唔太多, 坐得好舒服。👍食Ribs之前我地當然要試下任食嘅沙律先啦, 雖然係任食, 不過沙律嘅質素都唔錯, 蝦好大隻爽口, 老婆都添食左幾輪。😊Ribs係用BBQ醬烤製, 肉質非常鮮嫩多汁, 外

ㄧ行九人慶生飯,每人2大塊ribs. 仲有大蝦沙律。雖然不是每位可再添ribs. 但呢個价錢真係好抵吃, 味道好,沒有过濃味。另老人家不吃Rībs, 厨房願意預備ㄧ款main course龍利魚柳卷, 魚肉滑, 仲有湯,小吃。正!

到觀塘工廠區工作，晚上老婆過來和我晚飯。大廈從外面看睇落冷清清，但出面很多水牌，很多餐廳可選。選了間看似很有格調的餐廳，有豬肋骨放題。很鍾意食豬肋骨，而且可以食完再加，十分吸引。有三幅好有意境的畫像。除了豬肋骨，伴著脆脆的薯條。茄汁加Tabasco，辣得來幾開胃。豬肋骨個汁幾香甜，而且都幾入味，肉質幾firm，幾彈牙！小食價錢都幾相宜，點了個煙三文魚蘆筍卷，上菜時有驚喜，似高級西餐的擺設。煙三文魚的濃味再加上清新的蘆筍，好夾。份量有四件，抵食。老婆點了杯比較特別的大韓紅棗茶，甜度幾適中，幾香紅棗味。全晚店內只有一名女店員招呼，但很幾勤快，而且態度親切。整體餐廳是值得再幫襯的！期待下次來的時候，有另外一種美食的放題！

這間餐廳是新開的，在外面經過的時候，俾佢宜幅green wall吸引了，就入左去食晚飯了！餐廳環境寬闊，枱與枱之間的距離有很多，同朋友講是非都唔怕會比隔離枱聽到！哈哈！🤣🤣🤣Dinner set menu 有五款可以選擇，以魚主食為最多！ 肉類既選擇很少，感覺幾健康！前菜係大蝦沙律，蝦肉結實又夠大，配上爽口既沙律菜，很開胃。Honey點左龍蝦汁煙肉龍利卷，賣相很吸引，以煙肉包住龍利魚肉，很有創意。本身龍利魚柳冇乜味，以煙肉作配搭，以煙肉既鹹味補足，很不錯！而我點的是香草忌廉汁比目魚，魚肉幾滑嫩的，但宜種魚比魚柳多骨，食既時候要小心。魚扒唔太大塊，幸好配有薯條，薯仔可以增加多小小飽肚感。相信普通既男生感覺未必會食得好飽唷！

在公司附近一個位置幾偏僻的樓上餐廳「木葉」，發現晚市有兩小時的ribs放題供應，看來十分吸引。由於要輪班的我通常都返中班，這天放假不用趕著吃的情況下，專程到來一探其虛實。大概八點多一點來到，由於此店十點左右收工，自然立刻點這個燒排骨、沙律同薯條三樣野任食的放題啦。先來一個沙律，上面有兩隻細細的蝦，肉質都算彈牙。不過之後在叫的話就只有蔬菜而沒有蝦了。等了十多分鐘，主角來了。木盤上放了兩件大大的燒排骨。顏色挺吸引，ribs雖不致有好多肉汁，但並不乾身，肉質亦軟硬剛好。最欣賞其醬汁帶少許甜卻惹味，整體來說令我這個愛ribs之人很滿意。此外，伴著木盤的蔬菜中有我喜歡的蘆筍，加分！值得一提的是其炸薯條雖是普通的波浪紋薯條，但調味過，帶極微的辣，不俗。難得是點薯條用的蕃茄汁是用真蕃茄自製，不會過酸，抵讚。店員叫我吃完keep番過木盤，以後Refill燒排骨會放到這木盤上。每次order refill會有一件燒排骨，期間每次都要等十分鐘左右，可見不是預先弄好，夠晒熱辣辣。大概九點半左右last order，但我已吃不下了，前後吃了四件ribs，三份沙律，兩份薯條，連加一155蚊（星期一至四的價錢，凍

加班加到夜，同同事一齊去左附近一間西餐廳食晚餐。我地亂入左依間餐廳，諗住食返餐好嘅慰勞一下自己，令自己開心一點。點知越食越嬲！！！！！😡😡😡依家終於都明白點解依間餐廳七點幾都冇咩人客！！！我地真係蠢左仲諗住唔使等位太好，可以快快手手有得食！餐牌選擇唔多，我叫左一個白汁比目魚扒依！魚扒好細份，而且又多骨，去埋骨之後，可以食既部份唔多！最難食既係白汁冇咩味，口感仲要好差！！入口近似係鼻涕既質感薯條理應係最穩陣嘅食物都可以整得唔好食！薯條落左調味粉係面，愈食愈鹹，好重口味囉！唔會介紹朋友同事黎食！

平時去餐廳吃一份ribs最少要百多元，但在觀塘新開張的「木葉」，只需$138，就可以在兩小時內任吃了！ 木葉在今年九月才開張，裝修簇新，由於身處工廠區內，所以閒日晚上來到，環境頗為清靜。 晚上來到，除了一般的晚餐選擇，還可以吃任食Ribs餐。在兩小時之內，你可以吃到多少份？老闆娘說，最高紀錄是9份！太厲害了吧，不敢挑戰紀錄，但這個價錢，絕對可以一試吧！ 除ribs之外，原來沙律都可以任吃，我們這晚是鮮蝦沙律，大蝦新鮮，味道鮮甜，非常美味，每份沙律都有三隻，任吃真的很划算！ 任吃Ribs（套餐，$138）然後Ribs來了，第一份有兩件，之後追加每份一件，分量絕對不少。Ribs不肥膩，肉質嫩滑，用BBQ醬調味，真的很不錯！旁邊的薯條也不能錯過，灑上了辣粉，像粗版的shake shake薯條，很惹味。 馬來麥皮脆大蝦（套餐，$138）不喜歡吃ribs的話，這裡也有其他晚餐選擇。這個麥皮脆大蝦是個好選擇，大蝦鮮甜彈牙，旁邊的麥皮與香料葉一起炒過，麥皮經過調味，同時帶有麥皮本身獨特的香氣，脆卜卜的像零食，好吃又有益！CurlyStars ⭐️⭐️⭐️⭐️ 4.5/5

觀塘工廈的西餐臥虎藏龍都唔係新聞，今日去開觀塘工作，留意到一家細間的西餐，裝潢比較raw, 人少少幾有氣氛。而我係比呢個牌吸引入去，$138任食真係啱晒食玉獸！一個價錢任食ribs夠哂吸引，仲要薯菜沙律都係無限追加。同男仔朋友來就最啱。咁啱爸爸最鍾意食燒排骨，所以今餐就同佢一齊去！而沙律仲好新鮮，有兩隻大蝦真心驚喜。其他套餐仲跟餐湯同嘢食！都係百幾蚊，抵食！叫得任食，本來都係打算塞飽個肚就算，出奇地原來質素都唔差！每客豬肋骨即叫即烤，保證熱辣辣。而面頭嗰層甜甜的蜜糖，令人再三回味，流哂口水。燒得好香，好惹味，有埋啤酒就仲正。而且每一條都幾多肉。而且第一客有兩份，好滿足！因為少食肉，我點了一份香煎鱸魚配虎蝦！鱸魚唔腥，灑上一點白汁都幾惹味。而且跟餐仲加埋薯菜所以唔驚唔夠飽。知道係香港能夠經營一間食肆都唔係一件易事，所以唔好介意行多幾步去支持下，隨時有驚喜！