木船 (已結業)

Food taste good with fancy presentation. 食物賣相精美，味道夠香，午市及晚市都要等位係有佢原因的，只是樓面質素仍有進步空間，有心經營，值得捧場

經過木船兩次～ 每次都見倒有人排緊隊，今次男朋友建議不如試下～就決定黎晚餐～咁岩唔洗等位就可以入去喇～教你講泰文～～～都幾好玩～哈哈 有心思menu選擇都幾多鮮蝦炒金邊粉側邊有d 辣粉都幾辣.....如果menu會寫明邊d 菜式會比較辣會好d～味道唔錯～大蝦好食金邊粉唔會太黏溶岩椰青海鮮焗飯側邊仲有杯椰青～ 好清甜d 海鮮就正正常常啦可以放左一陣覺得面d 飯有d 凍..好彩舀入面d 飯仲暖暖地～飯有椰青味～好味道～大埔黎講我覺得食物質素有水準份量算多值得再黎食多次～下次仲想試其他野～

食泰國菜不得不介紹大埔呢間「木船」😋，環境雅緻，好似坐緊隻船仔咁好舒服😌！同埋「木船」既泰國菜，改良左唔似外面食既泰國菜咁，加左d西式元素，所以變得好特別，帶有新鮮感😍。頭盤叫左個木瓜沙律，酸辣程度適中好開胃，入面加左提子同脆腰果，而且青木瓜好爽脆，食落口感豐富，值得推介👍🏻。碎肉生菜包煮得好惹味，又有洋蔥絲，生菜好新鮮洗得干淨，包住食香口多汁又爽口。帶子青咖哩意粉🍝，四粒大大隻既帶子，青咖哩汁唔太辣仲有少少甜，味道清新特別😋。鮮蝦炒金邊粉，上面的蛋網好特色，賣相吸引見到已經想食🤤🤤，d蝦又係大隻，絕不吝嗇，d海鮮款款都大大隻😆，金邊粉加上豆腐干一齊煮，食落口感爽韌分明。最後點埋兩杯沙冰飲品，迷紅小象同泰公主，兩杯都用左幾種生果做沙冰，飲落仲有d果肉添😬😬全部食物都比足料！

船木咁特別既餐廳名，吸引嚮往大海既食客裝修特別，食物水準唔錯，地方乾淨，服務員服務態度好價格低食同友人點左個spicy 豬頸肉飯同船木河配黑pork個人較喜歡豬頸肉飯，因唔太spicy 又幾豐富材料～ 湯河都唔錯，只係加多少少蔬菜就完美啦～

相約朋友食飯一向鍾情泰國菜發現大埔呢間新式泰菜決定一試一打開餐牌見到呢版好特別👍🏻好欣賞呢個概念我同朋友都試讀左幾個好搞笑朋友點了這杯杯叫迷紅小象由香蕉、蘋果及菠蘿製成有好重既香蕉味味道清香不算太甜我點了這杯驅魔師沙冰有荔枝及藍柑一飲入口有好清香荔枝味，好好味！我們點了這個泰菠雞沙律睇餐牌見到賣相相當吸引所以點了上檯時已被佢七彩繽紛吸引相機食先呢個頭盤感覺好清新開頭以為個菠蘿是一片片原來是一個𠝹出來連住菠蘿配雞絲絕對是很好的配拾再加上特製醬油作為前菜一流再配上新鮮的生果芒果很甜整個感覺很清新健康這個性價比高，真心推介👍🏻呢個餸名好特別唔係炒既街頭泰北生菜包有大大塊生菜再配合吾係炒，係煮既肉碎肉碎超好味，帶有少少辣一食便愛上停吾到口呢個泰式什菜野菇炒金邊粉超惹味既炒金邊粉這款鮮蝦帶子墨魚汁意粉鮮蝦夠大隻爽口沾滿墨魚汁的意粉很彈牙整體很滿意這間新式泰國餐廳食物味道不錯坐位亦很舒適地點都算方便太和站b 出口行5分鐘左右真心推介

大埔餐廳林立, 自然就美食多羅羅新開既泰國菜就一開張到E家日日都排隊食, 價錢又唔貴今日收早少少, 仲唔趁機會走黎食先上前菜 街頭泰北生菜包 ($72)原棵生菜奉上配上肉碎, 份量夠大夠足之餘, 食物質素都不錯, 生菜新鮮爽脆, 肉碎夠香, 配上生菜, 味道剛好, 不會過咸個人最喜歡的是 鮮蝦炒金邊粉 ($88)比較有特色,  金邊粉上舖了薄薄的"蛋網", 入口蛋味香濃夾開"蛋網", 一隻隻大蝦舖在金邊粉上, 大蝦入口爽彈, 金邊粉乾而不黏串燒雞柳泰炒飯 ($78)炒飯挺值得欣賞, 炒飯充滿蝦醬的香味, 入口都能嚐其香味而不咸, 飯粒乾而不油, 的確令人一讚串燒雞柳燒得剛好的嫩滑, 配上其沙嗲醬, 會更覺滋味最好到我的飲品啦! 係雜果打成的沙冰 - 迷紅小象香蕉、蘋果加菠蘿, 甜甜酸酸剛好去除飽感, 更有水果的清新, 令晚餐感覺比較輕盈一點

大埔係一處美食集中地同元朗一樣，只要四周逛逛就可找到不錯的食點。在太和站行了不到五分鐘就見到間在一點九客頗滿的泰國餐廳———木船，不用多諗入内試試。内部裝飾以木為主，粗繩吊燈，木船桅，鮮蝦菠蘿卡通壁畫，格局設計有花心思。看午餐餐牌後有驚喜，包基本奶茶、咖啡$60元以下都有八款楝，$44/48也有3款選，C P值高，仲可以特價追加小食。食物顔值高，味道頗正宗好好味，待應態度好，仲勤快地為我們换碟，餐廳整體唔錯可列回頭及介推表上。小食泰式鳳爪，甜酸辣味掌握得度，鳳爪入味，值得試。泰式炒通菜，熱辣剛炒，但對我這辣度接受力弱的是辣了點，但友人則覺香味夠又不太辣，食得開懷。泰式辣鷄炒意，雞肉彈牙，意粉有咬口，不錯。最後上的該店金牌大串燒飯，循可能等了15分鍾，但值得。伴碟的泰式鮮菜沙律量很多外，仲很新鮮，還有4串串燒(大虎蝦、雞、牛、牛舌)，串燒應該是即燒的，時間拿捏得好，肉邊有微焦，蜜糖加烤肉香，味正肉汁仍在，沾上濃郁黑椒汁，很配。蝦新鮮，肉彈味鮮。這餐食很開懷，人也充足電。

朋友在大埔太和教書，邀請我去學校乎近接佢放學，兼請我食飯，我橫掂無嘢做，又有一餐食，梗係liu 飯應，米當旅行囉，但突然佢話要整埋D手尾，叫我去呢間木船等，太和對我嚟講真係好陌生，好彩有Openrice帶路，原來離港鐡站A出口唔遠，差唔多直行過馬路就到，Openrice教行12分鐘，我仲以為好遠添。等朋友等到六點多D，由無乜人等到開始多人，我估都應該好食，朋友終於到，佢話好多時都會向木船食晏，好食抵食夠大碟，仲進介佢D特飲俾我，可惜朋友咳，佢今晚只能飲暖水。朋友好知我心意，喜歡濃味D嘅生果，幫我叫左杯迷紅小象，內有菠蘿、蘋果及香蕉打成沙冰，好香帶微酸，賣相亦水mark mark(好靚）；青木瓜沙律，有木瓜絲甘荀絲花生小紅蝦乾車厘茄，最特別係有無核提子，其他泰國餐廳好少見，酸酸甜甜夠爽口；唔係炒既街頭泰北生菜包（少辣），成個名好得意，好直接，有少少肥肉嘅豬肉碎，連同紅洋蔥及辣辣地酸酸地嘅香料一齊炒，包住新鮮唐生菜食，好食到停唔到口；泰式辣椒膏炒飯，呢碟飯嘅味道，應該係喺賽馬日至出現，有種炒過龍嘅獨特香味，朋友話平時好D㗎，而辣椒膏唔辣，ok嘅。

第一次係木船食晚餐等位吾算好耐 半小時內就入得兩個人食，食左三款食物 就已經好飽好滿足第一個就係青咖哩帶子意粉 有少少辣度第二款就係菠蘿炒飯炒飯好多，菠蘿又甜，食得好飽好滿意！第三款就係串燒大約$15 一串豬肉串燒

今日被好友拉左入來，太和＂木船＂開餐原本山長水又遠，都唔太想來，但好友誠意介紹這間餐廳，話一定俾到驚喜我，佢知我喜歡食，就引左我來。。由於路程遠，我預早左車程，好快就到左附近，時間尚早，門口未有人等位。我當然入去坐住等啦。。環境舒服，搵左個靚位坐埋一邊，等人最好😜Combo 小食拼盤（細$118）必食，款式多，最啱人少，又想吃多點的我地。。燒雞翼外表，看起來沒什麼分別，但內裡有驚喜，就係芝士👍🏻好味右：多d 乳酪、多d 酸、多d 苺（士多啤梨加乳酪）$48粉紅小象（西瓜沙冰）$45泰式什菇野菜炒金邊粉$78惹味整體味道都好好，服務態度又親切。在區內都是一間好味道的泰菜一個好選擇。所以到了⋯⋯7點時段，已經坐滿食客。

以前踩完單車經過已經留意到呢間餐廳，今次終於把心一橫嚟試吓～好彩早少少大概七點嚟到，嗰陣都未滿座，之後到咗約 7:30便開始多人且滿座了～一入去就見到牆上超大嘅噴漆畫，主要用木色調，真係好有木船嘅感覺。點咗兩杯水果飲品 — 泰公主、迷紅小象，兩杯甜得嚟清新，唔會有好假嘅藥水味，前者嘅士多啤梨味重，而後者就香蕉味較出眾，用嚟配食泰式辣嘢最啱～先叫咗個沙律已經好大份，仲有兩隻巨大青口，本身唔係咁鍾意紅蘿蔔，所以唔鍾意佢喺粉絲撈咁多蘿蔔絲，味道方面都幾辣，用咗啲泰國香料令佢有好獨特嘅辣味。呢碟個名改得好鬼馬～生菜大大塊又夠多，洗得乾淨，但肉碎仲多，絕對足夠夾菜食，味道唔太辣。賣相標誌，好有風味，金邊粉面頭鋪上一層薄薄嘅蛋絲，貌似反轉嘅鳥巢, 實屬心思之作～拌上鮮蝦大大粒，唔食辣嘅人都啱食。意粉用上原隻軟殼蟹，大隻到遮蓋哂啲意粉，只是唔係炸得好脆。意粉彈牙，雖然墨魚汁比較多油，但質感幾好，唔會太多或太水。呢餐本身冇預期好高，但所有食物都出乎我預料之中，是心機之作，估唔到去到大埔都搵到咁高質素嘅嘢食～

泰式餐廳嘅cafe要入去試吓咩叫蘆賣咩藥先得，話明泰式嘢我就要食個生菜包，對於我嚟講一間泰國餐廳個生菜包做到好唔好食係最緊要，泰北生菜包賣相都ok個肉碎有小小微辣紫洋蔥再加埋其他香料仲帶小小酸生菜夠新鮮同脆口;忌廉芝士雞翼拼單骨雞翼炸得夠乾身之餘仲好juicy;泰式辣椒膏炒飯炒得夠乾身，味就偏甜小小但個辣椒膏都香飯裏面仲有粒粒菜增加口感，仲有蝦係面，另外伴碟嘅青瓜同紅蘿蔔酸酸地夠開胃青咖喱帶子意粉賣相係綠綠地色嘅意粉幾得意，佢哋將個青咖喱嘅汁剛剛掛起D意粉度仲有帶子，圓形茄子同荷蘭豆都好清甜。話明cafe又點會唔叫杯嘢飲吓，佢哋飲品嘅名改得好cute迷紅小象(香蕉+菠蘿)飲品飲完落去個口腔仲有陣陣香蕉味，泰公主(士多啤梨+蘋果)味道啱灑大人飲

呢一晚真係非常神心走入大埔搵食，目標餐廳＞木船，餐廳唔算大，裝修都幾令人眼前一亮㗎，坐都算ok舒服，最重要係有位女店員勁好服務（讚）我上網睇過食評㗎，好多人話必叫菠蘿炒飯，但我又唔係咁認為喎，我覺得米紙芒果軟殼蟹卷先係必食喎（笑）煙un嘅米紙包住香甜芒果，當然仲有主角軟殼蟹啦～炸到好香，有膏仲勁濃蟹味，有蔬菜夾埋一齊食絕對唔膩，正吖。其次係呢個辣椒膏炒大蜆，蜆肉新鮮厚肉又大粒，個汁先係精髓，惹味得黎唔會太辣，食唔到好辣嘅朋友一定冇問題。跟住就係菠蘿炒飯，顏值高，影相冇得輸，至於係咪咁突出必食呢？我又覺得普通咋喎。。都好食嘅，大蝦算新鮮，蝦肉實淨嘅，炒飯就一般般 (/^▽^)/ 方死唔夠食叫埋單骨炸雞翼，要趁熱辣辣食，好入味，似乎有少少香茅醃過，新鮮炸起小心有生飛滋嘅風險（笑）飲品方面我最近戒凍飲，所以只能叫個普通柚子蜜（泣）朋友就叫呢個椰青水+菠蘿嘅smoothie，原個上，勁大個，叫左小甜覺得椰味Ok，但冇乜菠蘿味（爆）整體係一間質素唔錯嘅餐廳，難怪8:30去到都仲要等位啦。

第一次食，早過六點唔駛等，六點後如冇預約都要等一個鐘左右，雖然價錢貴，但真係幾好食！值得試下！唔叫飲品會抵啲，或者兩人分享一杯飲品，因為飲品都幾大杯！我兩個大人加一個小朋友都已經好飽！

星期六下午一時放工去大埔覓食,在附近開始遊走了幾條街,希望找到一間心水食店,行經了2間韓國菜館,冇特別吸引我,於是繼續走向前，突然發現有泰國菜,門開了看到裝修就二話不說按自動門入內坐下,一看價錢唔貴食完發覺係幾有水準的泰國菜餐廳黃咖喱牛腩飯幾吸引, 飯及餸是分開上的, 飯面有些好似蝦米仔, 份量適中, 牛腩好淋, 咖喱唔算辣, 帶甜的, 薯仔好入味及好淋, 都好好味幾香凍啡泰式生蝦刺身冰鎮後的生蝦，蝦肉收縮，更顯彈牙鮮脆