木糠甜品屋

营业中

休息中

上次來呢度就識左佢哋嘅招牌菜式 質素唔錯 所以今次就來呢度食下佢哋嘅新野！三色糯米糍分別係啡色黑色同黃色 其實就係朱古力芝麻同埋芒果 朱古力糯米糍入面係有半粒士多啤梨做餡 士多啤梨好甜 但係朱古力味唔濃 個皮薄返少少就更加好啦 芝麻糯米糍係香蕉餡 呢個配搭好surprise 完全估佢唔到 有驚喜 芒果糯米糍質素同以往一樣都係咁好 永遠都唔會食到酸嘅餡見到餐單上面出左新野 蛋白燉奶 即刻叫返過嚟試吓 呢個真係好驚喜 個味道拿捏得啱啱好唔會過甜 好有奶香 超級滑 結果最後叫咗一個大之後再encore一個細嘅嚟食！好上癮！再嚟一個新嘢 心太軟 佢個心太軟一出嚟就聞到好濃嘅朱古力味 想點嘅時候都仲係好熱 好吸引 趁熱切開 啲朱古力醬即刻流晒出嚟 好似熔岩咁樣 佢入邊嗰醬唔會係好水嗰啲 有少少竭身 食落去係超級濃郁嘅朱古力味 但係偏甜 就咁食個醬會食到喉嚨痛 加埋個蛋糕一齊食就好好多啦雖然都係覺得佢哋嘅招牌菜式水準好啲 但係今次都有驚喜！以咁嘅平民價食到咁嘅質素認真幾抵食！

位於希雲街嘅木糠甜品屋 由本身係大街嘅原址搬遷到現在比較偏僻嘅地段 但係食物嘅質素反而提升左 款式亦都多咗 佢哋嘅招牌菜式木糠布甸質素更加穩定 每個都一定有七層 帶有雪糕嘅口感 同傳統嘅唔同 好特別值得再試 木糠布甸有好多唔同嘅創新口味 原味同埋Oreo味係最好食嘅 經典不敗 咖啡味木糠布甸冇原味同埋Oreo味咁甜 咖啡味濃郁 但係又唔會苦 唔係咁食得甜嘅朋友可以試吓 包你話好食 菠蘿味木糠布甸好盞鬼 入邊真係有一粒粒嘅菠蘿！咬落去嘅口感又綿滑又有𡁻口 好特別 但係覺得菠蘿味唔夠濃 相比之下原味比較好食除咗木糠布甸 佢哋嘅班戟亦都係熱賣之選 出名皮薄 水果餡完全唔吝嗇 成個班戟有九成都係個餡 超級抵食 芒果班戟好新鮮 食咁多次食咁多個都冇一次係酸嘅 見到佢哋係用原片嘅芒果 cream嘅份量唔多 但係因為新鮮芒果嘅原因 食落去成個口感好juicy 值得一讚最重要係價錢超抵！今次好好彩 有榴槤班戟 即刻叫咗一個來試吓 同樣地入邊有九成都係榴槤 食得出係用新鮮嘅榴槤去整 完全冇溝任何野 榴槤好新鮮好濃郁好甜 超級好食呢兩個係佢哋嘅招牌菜式 水準好好 價錢又平民 真係好味夾抵食

糯米糍，三種口味芒果糯米糍：糯米外皮煙韌有口感，芒果果肉好香，唔酸！朱古力士多啤梨糯米糍：外層係硬硬地既帶苦味既朱古力粉，裡面係一粒🍓，呢個苦甜combination應該幾得意，可惜粒🍓太酸😣😣搞到又酸又苦......黑芝麻香蕉糯米糍：個人唔太喜歡煙韌既糯米糍包住口感稔既🍌，仲有外層既黑芝麻太薄，香蕉既甜味蓋過晒佢既香味🤔

係CWB食完飯﹐朋友話有間芒果布甸好好食既甜品﹐不過沒什麼美麗裝橫﹐但芒果布甸真係好好食... 當然﹐我地呢啲窮等人家﹐最緊要既係好食我朋友很強調"沒美麗裝橫" - 係10分鐘既路程﹐佢足足講左三次... 有一刻閃過 "如果真係咁好食既﹐點解係CWB呢啲地區會無人排隊???"... 反而我 concern 既quality... 當我到達時﹐反而我好欣賞呢間舖頭... 好似返返細個讀書時﹐食完飯就會約埋好多朋友落街食雞翼尖糖水個啲舖頭... 餐廳都好多甜品揀﹐價錢仲要合理我地三個人﹐嗌左 "原味木槺布甸"、"巨峰啫喱" 同埋 "南瓜粟米露"︰"原味木槺布甸" = 好好食﹗真係要比個"指公" 佢 ... 每一啖都有木槺﹐每層都好分明﹐中間白色仲有啲硬硬地；唔太甜﹐很有木槺味"巨峰啫喱" = 好好食too﹗係唔係巨峰都唔重要﹐但佢有既係提子味﹐無藥水味﹐仲要啫喱底係舖左椰果! 好食"南瓜粟米露" = 好好食 three﹗成碗野好溶﹗以為呢啲少人嗌既野佢會"渣流灘"﹐但無﹗仲要有啲大大粒既粟米比你有啲咬口我著實太耐無食過呢啲咁好食、咁有 heart既甜品﹐所以忍唔住最後都叫多左個 "朱古力木

又有了改進，有了更多的選擇。今次又食這家「木糠」，因為我們家的肥膏又想食木糠布甸！平日的晚上，八時多去到，竟然差不多爆滿！好少見！只剩下一張檯，當然我們便順利的坐下了。見到新的餐牌，原來加了晚餐的選擇！之前每次來都只有兩個晚餐做選擇，今天竟然有四個！我揀了A餐！牛尾汁紅蘿蔔炆牛腩 HKD 45.00這個飯真係好好味！用牛尾汁煮紅蘿蔔，紅蘿蔔真的是太入味了！而且紅蘿蔔好稔，一口飯再加一口紅蘿蔔的，好味！牛腩煮得亦好稔，好入味！牛肉味亦好香！另外要說的是，份量真的不少，有超過五塊牛腩，實在是良心小店！紅米飯比一般的白米飯健康，如果有得選擇，當然要食得健康一點！跟餐的一格菜也煮得相當有水準，菜好甜好甜！連肥膏不愛食菜的人，都不禁食多了幾口，可想而知有幾好味！這個餐真是有水準之作！跟餐的飲品，熱咖啡。上次我已經有提到，這家小店的咖啡很不錯。咖啡好香好濃好滑，不錯。鹵水大腸＋蟹籽丸出前一丁 HKD 37.00(再加自選味道 XO 海鮮 HKD 3.00）這個是一般的出前一丁麵，沒布甚麼特別。好吃的是鹵水大腸，真的好入味而且好稔好易咬開。XO海鮮味其實就是不同出前一丁的味道，之前是只有麻油味的。現

老實講自從佢搬咗入嚟呢個小巷真係食少咗好多因為都要行一段時間我又食少左甜品今日突然身痕決定食懷念已久嘅木糠布甸維持昔日美好嘅水準因為朋友好old school亦決定食佢嘅大菜糕其實我自己真係冇食過唔係扮後生朋友口中膠雞蛋殼嘅大菜糕見都未見過真係幾好食喎比啫喱較硬冇咁彈牙但亦不乏口感朋友話難得佢唔甜而且佢有好多套餐三樣嘢食加埋都係幾十蚊最難得雪耳木瓜糖水非常潤又足料服務亦都係一百分

當晚真巴閉, 有美少女相伴和我吃飯後甜品 ( 當然我太太也在場 ) ~西瓜涼粉 $27天氣暑熱兼且心火盛, 當然要清涼一下降降溫 ~西瓜拼涼粉, 就是最爽的最寒涼的配搭, 西瓜起沙而且夠甜, 涼粉吃落有草青味, 最重要就是夠冰凍 ~吃吃甜品, 吹吹水, 是一個非常愉快的晚上 ~

今日要OT到九點~要食返個茶餐頂住,不過炎炎夏日已經來臨,有時真是唔大食慾，公司附近係希雲街,.有十幾間餐廳最後選擇這間木糠甜品。最吸引係menu 上十幾樣组合配搭, 真係好難落決定纪然來到,唔試下木糠布甸好似對不住自己決定選k 又有布甸，又可以飲糖水。不使3分鐘就來到,布甸size 都好大,有差不多ㄧ個手掌左右,食落非常鬆軟,有濃濃的忌廉係口内腐竹薏米糖水就普普通通,薏米仲遍少得兩粒。總结用三十元食到兩種甜品,(原本平時單叫一個布甸都要28元),真係好抵下次會再來食下午茶,A餐有三文治+小食+沙嗲牛面+糖水=34元 簡直是下午茶經濟抵吃首選

約了人未夠鐘，到希雲街走走看看，隨意的走了進去。甜品選擇很多，夠膽以「木糠」為名，大概是最有把握的甜品，就試試木糠布甸吧！芝麻木糠布甸（$30）平時吃的木糠布甸是用杯盛著，質地較軟身。這款像芒果布甸那種倒模的，雪得較挺身。吃的時候，布甸慢慢變暖也變得較軟。味道方面不算甜，淡淡的黑芝麻味，不嗜甜的朋友也可以一試。這裡還有下午茶套餐，價錢算是實惠。光顧的時候，適逢附近的女子名校下課時間，鄰座女生們沉醉在自己世界，旁若無人的大呼小叫，讓我大開眼界。

食完飯走去搵甜品食， 之前已經食過呢間木糠甜品屋好多次了， 不過銅鑼灣附近既甜品鋪黎講抵食好食坐得舒服性價比低既首選都系呢間， 第二間就系聰嫂星級甜品... 唔講聰嫂住，講返呢間小店先，呢間D木糠布甸根本改錯名，因為無論口感同外表都絕對唔系出面果D軟淋淋既布甸，食落去可以話系凍餅既質感，如果用支叉大力吉落去舊野度，一定會成介彈落地下， 所以應該歸類為凍餅！如果以$28一舊甘大舊既凍餅黎睇，絕對平絕銅鑼灣，而且味道非常有特色， 雖然內裡系硬硬地， 不過最外層系入口即溶！ 呢種感覺唔系好多甜品可以比到我的，一試上癮...甜度剛剛好，唔會太甜， 所以完全唔膩！我試過食其他口味，例如朱古力，榴蓮， 不過都系覺得原味最岩我！不過次次經過都無咩人， 可能地點關係， 系希雲街最入既地方，的確唔系甘方便。不過甘都好， 可以無甘逼， 而且租金平D，維持性價比高呢個優點！希望呢間小店可以繼續做落去！ 加油！另外，同意樓下有評論講，話如果唔切開一舊舊的話，賣相應該會更加好！不過分定比客，可以避免個客唔識吉，搞到舊野彈哂落地下，而浪費食物～

人總是矛盾的生物。之前有寫這一家的食評，我是給OK的，但有幾樣食物是令人失望，所以我心中給了一個很低的分數。更是揚言不會再來。但奈何，我家的肥膏偏愛這家的木糠布甸。於是，我又再次來到了這家「木糠甜品店」。好吧！既然有機會，再比一次機會你又如何呢？上次是來吃麵食，這次都一樣，但揀的餸不同。我點了 蟹子丸廚師腸出前一丁 HKD35.00 跟餐點了一杯熱檸水。蟹子丸夠熱，咬一口後有少少汁燙口，雖然是大路貨色，但本身好味再加上夠熱，不錯。不過一碗得兩粒，我覺得太少。廚師腸也是大路貨，沒有甚麼不好吃。再泥來就是要說到出前一丁，煮得剛剛好，不會太淋，未熟透的麵帶有少少彈牙口感。這次的麵令人眼前一亮。雖然是普通的出前一丁，但要煮得好就更好味。肥膏點的是 大腸煎蛋出前一丁 HKD 35.00加HKD 3.00 轉飲凍好立克。大腸處理得好沒有騷味，而且都幾入味，好吃。太陽蛋煎得不錯，充滿蛋香味。凍好立克同以往一樣，會攪均。這點是肥膏最喜歡的，亦是店家的細心。而熱檸水就太多檸檬，水太少，建議放少一兩片。炸魚餅。忘記了價錢，但分兩種。一種是較硬身，有咬口，有少量蔥。另一種是比較像魚腐，軟身較好味。最後當然是

木糠甜品屋@#foodki銅鑼灣木糠布甸(7.5/10)($26-$32)foodki發現無講過銅鑼灣小店木糠甜品屋既木糠布甸。佢地既木糠布甸有好多款味，包括原味，朱古力，特濃朱古力，芒果，芝麻，咖啡，士多啤梨，薑汁，菠蘿，藍莓，榴槤。真係好多隻味。 foodki無食曬咁多味，最愛既口味絕對係原味。呢到既木糠布甸雪到好凍，唔會好似一pat pat咁，口感好似硬既雪糕咁，都算係佢地既特色（如果覺得太硬，可以放一陣先食）。木糠布甸唔會太甜，好清楚見到有七層，層與層之間有忌廉同木槺，口感好正。佢地既木糠餅碎好幼細，夠乾身。大家記得多多支持銅鑼灣小店啦。木糠甜品屋@#foodki銅鑼灣芒果班戟(8/10)($30)木糠甜品屋係銅鑼灣小店，位於Via tokyo內街入面。佢地除左木糠布甸出名外，佢地既芒果班戟都好正。佢地既班戟皮夠薄，每舊都有三大塊芒果肉，超甜又多汁，cream比較少，對於foodki呢個芒果狂熱者黎講，佢地既班戟實在太好食

呢一晚食消夜,好懷念木糠布甸, 於是特登來左呢到食,因為呢到既木糠布甸系招牌,我已經食左好多次啦 超過10幾次!哈哈次次來到,我一定要叫呢個原味木糠布甸甜而不膩 入口即溶 正到爆 ! 一定要試!如果第一次來試,就建議食左原味既木糠布甸先,雖然其他味都好好,EG,朱古力味,不過試左原味先最原始我自已都有整甜品既習慣,我既拿手都系木糠布甸,只不過,真心,呢個好味過我果個100倍我今次叫左個2人套餐,因為平D,哈哈結果就叫左呢幾樣:呢個楊枝廿露幾入味,好香滑我個朋友話呢個好正,哈哈而我就覺得呢個仲正,呢個榴連抵食阿!有4塊,哈哈,多過聰嫂仲有,佢既榴連好香口,咬落口,回味無窮仲有阿......呢間好有人情味!!!!!!!!

原本係想試Waffills同Via Tokyo的，但熱潮仍未減退，見到條人龍想掉頭走之際，又見到條街既另一邊有間甜品店，望下入面無乜人，所以入去試試。心太軟配雪糕($45) - 原本餐牌上係寫心太軟配豆腐雪糕的，但老板話今日無豆腐雪糕，唯有轉綠茶雪糕啦，心太軟味道ok，但不算好特別。窩夫配雪糕($45) - 先講窩夫，好奇怪，佢D窩夫好似出面買一包包既餅乾，不是平時食開格仔餅那種窩夫。雪糕方面，揀左Mint Chocolate同藍莓，兩隻味都唔錯。

本人一向很愛咖啡味，所以一直努力有openrice搜尋有關咖啡味的食品，然後突然發現這間竟然有咖啡的味的甜品，也見是客推薦的，所以不得不來吃一個試試看。看！相片好像很個，但原來是是一般的大小，不過如果再大就怕吃不下了。我們只點了一個share，一個要$28，也不是很貴。味道方面也不錯，有香濃咖啡味，口感也可以接受，因為不會太硬，像雪糕一樣，上面有少少像朱古力粉的東西。一可能我太愛咖啡的關係，所以味道方面我覺得可以再濃烈一點。