木糠甜品屋

营业中

休息中

這裡的木糠蛋糕出名。果然名不虛傳，木糠和忌廉舖得非常均勻，忌廉帶有甜甜味。芒果班戥都好味不會太甜，而且忌廉滑溜、厚厚的、香甜的、大件的芒果非常抵吃，每啖都能吃到果肉。相片左邊是特濃朱古力木糠布甸：真係好香朱古力味，而且不太甜。右邊是藍莓木糠布甸：可以吃到有藍莓心蓉，藍莓味道香甜、果香十足。另一款是榴槤木糠布甸，這個布甸榴槤味道不太濃，只帶有少少榴槤味，並沒有榴槤肉。

之前一路mark左呢間甜品小店想試，但未有時間，今日喺銅鑼灣朋友未到就黎試吓!! 3pm-6pm有下午茶餐，A餐好似有好多嘢食但都只係$37，真心抵食，今日一心想試佢嘅木糠布甸，所以叫咗K餐原味木糠布甸加椰汁西米露糖水!! 木糠布甸好似一個蛋糕嘅形狀，cut開咗6份，睇相好似好大份驚一個人食唔晒，但其實都可以嘅食得晒，現實嘅Size可能係一個拳頭大少少，佢係布甸嘅比例多過木糠，我自己就幾鍾意，甜度亦都啱啱好，唔錯唔錯!! 椰汁西米露就發揮正正常常，唔太特別!!

最近在附近上堂行去横街窄巷搵食希雲街係遠離城市煩囂的地方呢度有好多小店，唔同地方既菜都有得食見唔係禁餓 去左間甜品店既然叫得木槺甜品屋當然要試下原味木糠布甸啦非常細心，切好一角角 ，方便食入口好滑又唔太甜，剛剛好！我見餐牌上仲有其他味道既木糠布甸例如朱古力，芝麻下次黎會試埋其他味再食左個海鹽雪糕加蛋白燉奶叫呢個係比它篇充滿畫面既文章吸引到分開食冇乜特色夾埋食，一更雪糕一更燉奶，卻出奇禁夾非常欣賞小店既甜品不是一般既甜品店下次還會來

今日同朋友食完飯之後唔係好飽，所以就去搵甜品食，經過見到尼間甜品冇人排隊時就入去坐，因為條街真係好凍。我送朋友就叫咗一個二人套餐，包括有糯米糍全盒、南瓜粟米露同埋朱古力木糠布甸。糯米糍有三粒——香蕉糯米糍、朱古力士多啤梨糯米糍同埋芒果糯米糍。佢比較特別嘅係朱古力士多啤梨糯米糍，表層係朱古力而入面係士多啤梨，其實都幾好食，三粒糯米糍個皮都係薄嘅，亦都有口感。個朱古力木糠布甸係真係好食，其實係一層用Oreo 做嘅餅碎一層忌廉，食落仲有一種家嘅味道，係真係唔錯。相比之下，個南瓜粟米露就真係麻麻地，因為冇乜南瓜味。

有什麼可以令男朋友乖乖買糖水回家??絕對不是小妹的撒嬌技倆，而是真的好吃的甜點!!!是晚暖男買了木糠布甸和紫米露。原來是他路過甜品屋時嗅到紫米露新鮮大鍋出爐而被吸引著了(鼻子好靈敏~哈哈) 。有些別的店只會翻熱冷凍過的糖水，但木糠甜品屋的紫米露非常香，濃稠適中，加入一點點椰奶點綴調味，還有幾小顆鮮芋頭。好久沒吃過這麼好吃的。店家超好人，紫米露超大碗的!!可以兩人分~我以前對木糠布甸是say no 的~ 因為通常一pat pat咁，同埋好甜。但木糠甜品屋的真的出色～～淡忌廉很滑細膩跟富有質感的餅乾屑像蛋糕，木糠是很輕盈的，鬆鬆的餅乾屑，磨得像粉般細緻，小心不要吸氣太用力。纏綿的跟忌廉融化在口裡很幸福呢。重點是一點也不油膩，食出感動！最後唔捨得食晒，留番一啖放雪櫃～～

最喜愛這裡的朱古力木糠布甸只此一家，而且百吃不厭。光顧了這店子差不多有十年，在外邊根本找不到比這裡更好吃的木糠布甸。從冰櫃取出，吃下口又像雪糕又像蛋糕，一開始就停不了口。只有這家小店才能做出的味道，實在回味。一問之下，原來在於老闆親自調的忌廉，份量和材料跟外面調的不同，至於秘訣老闆就不便公開咯，總之就是心機之作還有許多不同味道，原味/咖啡/榴槤等等，總有其中一個味道適合你。還有推介老闆自創新甜品：芒果多情芒果啫喱配益力多布甸，新奇又好味，還有兩味爆珠及雪糕球，夏日最佳消暑良品，喜歡芒果及益力多的朋友絕對不能錯過！老闆很好人，我跟朋友們吃完了甜品，在吹水閒聊都不會趕走我們或施壓要我們離座，坐到店打烊也可以，的確是個吃完晚餐聚腳的好地方。雖然這小店裝潢很普通，在整條小街上並不起眼，但我就是喜歡這樣實而不華的小店。比起旁邊燈火通明、滿是排隊人龍的幾家甜品店，更有魅力。

price range 係 market price ，不貴不便宜。味道，各種dessert 整體中上，紅豆沙用料亦足，布甸亦all right. 街坊店格局，service ok, 整體0K。

一個月大約會幫襯四至五次有肉有菜 加紅米飯 營養均衡的選擇份量充足 男生亦夠飽 價錢亦不貴 Whatapps icon系當日菜單十分貼心今天我忘了帶銀包 老闆主動提出我下次先比

幫襯多年第一次寫食評，其實甜品店除咗甜品，佢仲有午餐晚餐提供。兩款餸加埋菜送埋糖水都只係＄55，銅鑼灣區來講好抵重點係味道唔錯，似媽咪煮嘅餸，亦食唔到有味精，不過堂食坐得冇咁舒服，通常都外賣，而外賣份量絕對夠一個女仔食淨添

來到木糠甜品屋當然要試一下招牌木糠布丁啦！這個木糠布丁可以見到幾層分明的雪糕奶油及餅乾碎，雪糕奶油那層有濃濃的雲尼拿雪糕味道，而且口感也挺像雪糕的，不會太甜。配上壓至非常細緻的粉末的餅乾碎口感特別，而且不會太膩，自己都能吃下一整個～我看到menu上還有其他不同的木糠布丁口味，好像有特濃木糠布丁，樣子非常吸引！下次一定要試一下～

2個女仔食完飯未想番屋企住，仲想傾下計搵個地方坐下，就去番上次食過個間甜品店；個朋友話想食棉花冰追趕夏天的尾巴😂😂就叫左2個棉花冰，可以簡2款口味再加2款配料我簡左綠茶味+朱古力味，配料簡左椰果$48；綠茶味好濃茶香味棉花冰溶係口，茶味更突出！朱古力味更誘人，濃到好似真係食緊粒朱古力咁🤤🤤朋友簡左芒果味+益力多味，配料佢叫左2份椰果$48；試左2啖芒果味比益力多味搶左，除左椰果佢諗唔到食咩就叫左2份😂😂

希雲街好幾間新派甜品店都多人到排到門口都勁多人，唯獨一間專做熟客生意都多人去，但好快就會有抬唔會要等好耐。依間甜品店係一對男女開，新派舊派中式西式都有，雖然只得2個人做但選擇亦都好多。秋風起痰上頸想滋潤下喉嚨，叫左個熱既銀杏腐竹雞蛋糖水$20腐竹係煲都爛哂，但我就係鐘意依種腐竹糖水，唔會太甜，食依款糖水雞蛋就係靈魂大大粒缺少左就唔完美，除左白果佢仲加左薏米，真係好足料！望落2位店主好後生，依個時代可以堅持做落去真不簡單，加油！

喺附近食完飯 已經好飽 但係見到木糠甜品屋入邊冇乜人 唔使排隊 就打算入去再試吓佢啲新嘢 但係叫咗一啲份量冇咁多嘅 先來個凍豆腐花 食落超驚喜！佢同一般出邊食嘅豆腐花完全唔同 出邊食嗰啲係冇甜味嘅 要自己加黃糖先有甜味 但係佢哋嘅豆腐花本身已經有甜味已經有甜味 我估應該係用豆漿嚟撞嘅 真係好特別好好食！係減肥必選呀！可以避免左黃糖嘅熱量 驚唔夠甜嘅朋友 可以叫老闆黃糖另上 咁就可以試到原汁原味嘅豆漿豆腐花最後一樣叫咗一個薑湯湯圓作完結 大家都知呢個糖水嘅精髓唔係係個主角湯圓嗰度 而係係個薑湯嗰度 呢個薑湯真係唔係人人受得到！好重薑味好辣！係小朋友一定受唔到嘅辣 但係呢個糖水出名嘅地方就係喺呢度 飲完落去超爽 個薑湯唔會辣到苦 反而帶出咗黑糖嘅甜味 味道拿捏得好好 有親戚來探親嘅女士們 飲完呢個一定好舒服 冬天嚟飲嘅話 即刻暖晒 見到有好多人嚟外賣都必定會叫呢個 每個都會問老闆娘: 今日啲薑湯夠唔夠辣？😂 老闆娘都講左10幾次: 好辣好辣 鍾意薑味嘅朋友不妨挑戰下！整體來講 我嚟呢度食咗咁多次 所有甜品嘅質素都好好 價錢平民 性價比都幾高 好抵食 要支持下香港嘅良心平民小店

佢嘅招牌菜式係西式野 唔知中式嘅糖水做得如何呢？中式甜品又點少得糖水 叫咗個凍腐竹糖水 佢哋呢個腐竹糖水做得幾好食 甜度啱啱好 不過特別之處係佢哋個白果味較重 係一般人鍾意嘅味道 最抵讚嘅係呢碗糖水唔會有渣 同牛奶一樣咁滑食完咁多凍野係時候要來啲熱糖水啦 叫咗兩碗紅豆沙同綠豆沙 足料得離哂譜！！每一啖都食到好多料 出邊嘅糖水舖都係一碗「紅豆水」或者「綠豆水」再加好少嘅料係底 係得呢加先會比咁多料 好似唔駛錢咁完全嘅蝕 唯一美中不足嘅地方就係兩碗都唔係好夠甜 但係夠足料已經補返晒！好抵食真係好抵食

上次來呢度就識左佢哋嘅招牌菜式 質素唔錯 所以今次就來呢度食下佢哋嘅新野！三色糯米糍分別係啡色黑色同黃色 其實就係朱古力芝麻同埋芒果 朱古力糯米糍入面係有半粒士多啤梨做餡 士多啤梨好甜 但係朱古力味唔濃 個皮薄返少少就更加好啦 芝麻糯米糍係香蕉餡 呢個配搭好surprise 完全估佢唔到 有驚喜 芒果糯米糍質素同以往一樣都係咁好 永遠都唔會食到酸嘅餡見到餐單上面出左新野 蛋白燉奶 即刻叫返過嚟試吓 呢個真係好驚喜 個味道拿捏得啱啱好唔會過甜 好有奶香 超級滑 結果最後叫咗一個大之後再encore一個細嘅嚟食！好上癮！再嚟一個新嘢 心太軟 佢個心太軟一出嚟就聞到好濃嘅朱古力味 想點嘅時候都仲係好熱 好吸引 趁熱切開 啲朱古力醬即刻流晒出嚟 好似熔岩咁樣 佢入邊嗰醬唔會係好水嗰啲 有少少竭身 食落去係超級濃郁嘅朱古力味 但係偏甜 就咁食個醬會食到喉嚨痛 加埋個蛋糕一齊食就好好多啦雖然都係覺得佢哋嘅招牌菜式水準好啲 但係今次都有驚喜！以咁嘅平民價食到咁嘅質素認真幾抵食！