木玥巷 (已結業)

聽朋友介紹呢間食台灣菜嘅餐廳，聞名不如見面，平日午市時間嚟食，門口大排長龍～餐廳係朗屏站附近，幾方便易搵！▪️紅燒牛肉麵🍜 $68賣相好吸引，湯底十分濃郁，牛肉有五大件，每一件都好厚切，勁足料，炆得又夠腍，白蘿蔔紅蘿蔔吸收晒湯嘅精華，大件得嚟又無渣！麵條份量都好足，爽滑又掛湯，非常好味！▪️鹽酥雞🐔 $46份量都多，又大件，雞件炸完好酥脆，炸粉唔厚，咬落十分香口juicy，啖啖肉超正！配上甜甜地嘅柚子汁，點埋食又幾好味！+$28 升級特飲▪️木玥柳橙汁水果茶🍹感覺好fresh，飲到好濃郁嘅橙汁同百香果味，仲有好多果肉係面頭，好飲解渴，重點又大杯，非常抵飲～

🍜木玥巷📍元朗媽橫路9號富來花園地下17-18鋪成日經開呢頭都見到好多人排隊一直都想試下呢間餐廳 今日襯啲學生未放lunch 就過嚟試下先叫咗一個鹽酥雞小食⭐有成六至七大舊 見每一台都有叫咁濟 又真係好食有台灣風味 個皮炸得好熱好脆 又唔會太鹹 舊雞都好嫩滑🥰😋之後叫咗一個紅燒牛肉湯麵⭐食台灣嘢點可以唔叫紅燒牛肉 四大塊牛 好厚 但係一啲都唔韌 好重口味 個面就係比較爽口嘅類型 份量都ok😁另外就叫咗一個 蟹肉金絲炒新竹米粉⭐ 蟹肉同米粉撈咗喺一齊 每一啖都會食到啲蟹肉絲 呢一款好有特色平時好少喺其他台灣食店見到 都可以試下😃天氣好凍叫咗兩杯熱飲一杯係雪梨蘋果茶 有淡淡嘅蘋果香 另一杯係玫瑰蜜桃果茶 有真玫瑰乾 🌹總括嚟講 呢個價錢都好抵食 而且有好近朗屏西鐵站好方便🌻

元朗屯門區的朋友 可能都相當熟悉呢間台灣菜😆 今日見唔使排隊 都即刻入去食個快lunch👍🏻紅燒牛肉麵 $68厚切牛展 仲要4大塊 係嫩滑🙈 加2塊大大舊的蘿蔔 好豐盛！ 湯底好好味 一d 都唔鹹 食得出廚師嘅功架👍🏻👍🏻 睇OP先知係酒店級師傅處理！木玥鹽酥雞飯 $626大件炸雞 唔油膩同唔會過鹹 配埋一款甜甜的醬汁 好滋味😌坊間好多台灣菜味精比較重 呢間確係唔錯😊 同埋較少食到菜比飯/麵多 👍🏻👍🏻 之前經過可能覺得菜單稍貴 但試過就明佢的價值而且午餐會相對抵食呢！會回頭試其他菜式🙆🏻‍♀️ 支持小店

工作辛苦，有時真係要用lunch時間食得豐富少少，獎勵吓自己己己己己......(子華tone)餐廳好近朗屏西鐵站，位置算方便。Lunch set 由$58至$92不等，包一杯飲品，價錢合理。 酥炸排骨飯 (轉安格斯滷肉飯)排骨份量都幾多，堅酥脆，唔會炸得好乾好柴，而且唔油。排骨預先一條條切到骨的位置，未完全分開哂，不過比餐具時好細心咁比埋刀叉，可以自己再切細塊D都得。另外排骨配咗兩種醬汁，其中一種係鳳梨醬，有D似鳳梨酥入要個種醬，少酸多甜，呢種配搭比較少見，個人很喜歡，唔怕食炸野太乾餸唔到飯。 見滷肉係用牛肉整覺得好新鮮。滷肉唔算好多，好重牛味，值得加錢轉。還附有小碟的秀珍菇，有少少蒜味，都唔錯。木玥柳橙汁水果茶超大杯! 個底除咗橙茶，仲加埋八香果。杯面鋪上切粒西柚、梨、橙等水果，清爽解渴，仲可以補充水果纖維P.S. 平日下午12:30左右，已經開始要等位，好彩公司早放Lunch

打着半島酒店廚師嘅旗號，對佢嘅牛肉麵有較高嘅期望。下晝一點幾嚟到，啱啱遇着好多客人離座，唔洗等位。價錢相宜，只有米粉價錢高d。牛肉麵配埋酸菜同前菜。秀珍菇好好味，用蒜蓉撈過，唔錯。份量唔多，適合女仔食。湯底用上蔬果熬煮，非常甜，一滴油都無，雖然甜，但無咩其他特別嘅味，唔濃唔香，有d平淡。麵好淋，好易斷。牛就入味香濃嘅，份量都多。**蟹肉金絲炒新竹米粉**呢個貴得有道理，啖啖蟹肉，米粉每一條都炒到金黃色，乾身入味，完全冇油膩嘅感覺。**木玥鹽酥雞飯**出色！好酥脆，唔油膩，而且好惹味。完全有台灣嘅感覺〰️

木玥巷開到去元朗啦😆 上次食完屯門果間 回味無窮，佢哋嘅安格斯滷肉飯真係好正👍🏻 所以再食多次，睇吓其他菜式如何。元朗木玥巷店舖比屯門嘅寬敞，座位都比較多，晚餐時間唔洗等好耐就有位。🍽桂花梨黑醋骨梨子用桂花去燉煮，咬落多汁充滿桂花香。排骨酸酸甜甜非常開胃，黑醋唔會太酸，而且非常之濃稠，均勻咁分布喺排骨上面。🍽塔香香辣牛肉炒飯望落平平無奇，但非常之惹味，炒飯炒到粒粒分明，牛肉粒同米飯差唔多大細，每一啖都包含左飯同肉👍🏻再加上香草嘅味道，惹味中帶點清新。🍽台灣雙色腸台灣腸+墨汁墨魚腸，墨魚腸比一般台灣腸軟，容易咬，再加上生蒜蒜茸，辣辣地，意外地夾👍🏻🍹金沙抹茶奶泡、玫瑰可可鮮奶🌹抹茶奶泡抹茶味好香濃，再用金莎點綴，好睇又好味😋可可鮮奶有淡淡嘅玫瑰香味，唔會太甜👍🏻

今日放假又同朋友出去撐黃店啦 呢間木玥巷係屯門食過佢嘅分店 今日就嚟食下元朗呢間啦 假期十分多人 需要等位一陣就入得你食台灣嘢梗係要叫返個鹽酥雞啦 分量大大份有成十粒咁多 全部都非常巨型 外面炸得脆卜卜入面仲非常多汁嫩滑 唔錯黯然銷魂安格斯魯肉飯 滷肉用咗安格斯牛肉去煮 非常入味 肥瘦適中 加埋超靚嘅窿邊太陽蛋撈飯食真係勁邪惡 午餐仲包咗個前菜 係涼拌秀珍菇 營養均衡木玥招牌水果茶西柚百香果 超級巨型水果味道清新 入面仲有西柚肉 百香果肉等等 唔太甜夏天飲非常解渴

今日同媽媽食過假日午餐 嚟到呢間新開嘅台灣菜木玥巷 餐廳喺朗屏站下面行三分鐘就到十分方便 入到去枱櫈比較迫 不過都坐得幾舒服招牌鹽酥雞 非常掛住夜市嘅味道 呢度就係神還原啦 外皮超脆放一陣食都唔會冧曬 入面雞肉好多汁 加上椒鹽非常夾呀 仲有柚子蜜糖配埋一齊食 成件事冇咁漏鳳梨糖醋咕嚕肉飯 飯同餸係分開上鳳梨用咗新鮮嘅台灣鳳梨酸甜度適中 冇罐頭嘅糖水味 咕嚕肉外皮炸得香脆 再加上酸酸甜甜嘅醬汁送飯一流呀金莎抹茶奶泡 上面奶步非常誘惑飲得出係用鮮忌廉打成 怕肥嘅我都全部飲曬 抹茶味濃郁夠曬滑 可惜甜到冇得選擇

上次朋友話元朗店個新竹米粉好好食❤️加上我哋好想食牛肉麵😎（屯門分店我哋都有食過所以對呢間食店都已經好有信心😎😂）木玥招牌紅燒牛肉麵（$96）入邊包括有三款肉❤️除咗紅燒牛肉之外仲有牛筋同埋豬肉片～～牛肉同牛筋都炆得啱啱好😋仲有一夠好似響鈴嘅炸豆卜 服務員有溫馨提示我哋要浸左湯之後再食 浸完湯之後充滿湯汁 好食仲有白蘿蔔同埋紅蘿蔔 成碗面嘅份量都大丫 佢係傾向清湯冇咁油膩 如果你唔鍾意食重口味嘅就啱晒😎蟹肉金絲炒新竹米粉（$96）首先要讚一讚佢米粉都炒得好乾身一啲都唔油😌蟹肉食落仍然Juicy😋一啲都唔柴😌 見到隔離枱叫咗兩味餸好吸引😂我哋再叫埋鳳梨菠蘿咕嚕肉（$84）同雙色鹽酥雞（$56）配埋一齊食 將台灣菜同港式夾埋一齊食 好滿足😌特別想提一提佢嘅呢兩款有炸漿嘅餸菜做得好出色！又薄又脆 食得出係即叫即炸！咕嚕肉超出預期咁好食😳配菜菠蘿同埋三色椒都好新鮮搞到我好想叫多個白飯😂😂😂雙色鹽酥雞我又香又脆個鹹香亦啱啱好！呢個送啤酒一流😌必叫木玥招牌水果茶（西柚，百香果）（$38）水果茶賣相吸引又大杯，酸甜生果比例啱啱好，非常好飲😋金沙抹茶奶泡（$32）奶泡好滑抹茶味亦足夠😌 真係有一粒金莎喺埋

元朗真係好多好野食！今次黎到前半島廚師開既木玥巷食台灣菜，親民既價錢同高質既食物，真係好抵食！☺️😋紅燒牛肉麵 $96牛肉麵最緊要個湯底！呢碗牛骨湯底用左十幾個鐘熬成，清爽既口感再加埋大大舊牛肉，十分入味！面條就非常彈牙有咬口，食完一啲都唔膩，推薦！😍😋桂花梨黑醋骨 $86一碟黑醋骨份量都唔少，唔好睇佢外表黑黑實實，一入口桂花香好出！估唔到咁清新！少少酸既黑醋非常吸引，胃口大開！隔離仲有啲醃菜伴碟，開胃醒神！😇😇😋蜂蜜冰烤地瓜 $42蜂蜜既外層烤到好脆！咬落先脆後軟，口感好有層次！蜂蜜既清甜再加埋地瓜既甜，岩晒女士呀！而且非常健康有益，小朋友都岩食😜😋木玥招牌水果茶 $38大大杯既水果茶！上面有好多水果！西柚、八香果、熱情果、菠蘿、梨，好豐富！多水果得黎又唔會太甜！而且茶底好飲！唔錯！😍😋木玥柳橙汁水果茶 $38柳橙汁既味道好出！中意食橙既朋友必點！其他配料都唔少，八香果非常香，好飲！飲完食埋啲粒粒水果，正！😇

好耐無黎朗屏搵食西鐵b2 出口一落就係木玥巷有印象之前得屯門有，比較吊腳估唔到元朗都開左，就試下入面裝修都幾有氣氛，一半係四人枱，一半係二人bar 枱食物同野食款式都唔少特登叫左d 大路台灣野，解下旅行癮牛肉麵都幾大碗，有牛筋牛腩同肥牛湯底夠哂味，面頭個炸豆卜 店員有講點一下湯再食，好好食！！本身豆卜已經好有豆味，口感就似響鈴甘外脆內軟牛腩有口感得黎唔會韌仲有紅白蘿蔔好淋無渣仲吸哂味依碗牛肉麵真係高水準！！鹽酥雞有兩款，味道上分別唔大一樣都係外脆內軟只係某d 有少少硬，但整體都好食孜然味重d 就更加有台灣味最後水果茶黎到又係大大杯鳳梨同百香果個味好出，酸甜酸甜解番炸野d 油膩，夾得好好～～下次想飛台灣又可以黎解癮啦

經過見到呢間餐廳好多人食，試吓好唔好食先職員服務不錯👍🏽👍🏽餐廳播住台灣音樂，幾有feel吓😆我哋叫咗💖木玥招牌水果茶（西柚，百香果）$38💖木玥柳橙汁水果茶（柳橙汁，百香果）$38好大杯！好正呀！夠晒飲好清新解渴！推薦呀👍🏽💖塔香香辣牛肉炒飯（$88）有少少辣，好開胃，好香，推薦👍🏽雙色鹽酥雞（$56）整得好好食😋炸得好香，又唔會感覺好熱氣出面炸粉唔會太厚，厚度剛剛好好似去咗台灣咁三杯皮蛋雞（$82）比較濃味，如果淡返少少就好，但都幾好食

之前都試左唔少正評既台灣餐廳咁都仲有間開係大西北既黃店叫做木玥巷原本我以為只係得屯門紅橋一間都係睇左MM元朗一日三舊水點過先知原來元朗開左新店仲有介紹過原來廚房係幾個半島嘉麟樓中廚合作就即刻落左去試餐廳係朗屏黨鐵站B2出口天橋落去富來商場就係木玥巷十二點開門十一點幾都已經好多人排隊好彩叫做排得早遲d黎都要第二轉先食到門口落地玻璃望到晒入面餐檯都大張成個環境都幾舒服難怪係酒店廚開既唔似其他真台灣人開既咁那渣不過門口收銀位就好鬼窄基本上埋單比錢就一定會塞住晒條路餐牌幾精緻午市套餐有十款但望落就唔似台式野可能因為係粵菜廚師所以粵式食物反而仲多所以咕嚕肉同炒飯都應該幾吸引既另有幾款台式小食同埋水果茶特飲咁因為本身都預左係台式餐廳所以都係點番台式套餐先黎既係牛肉麵我覺得真係幾港式美國牛展心大大塊湯底話係用兩種牛骨再加秘製黑糖同醬油煮成但我就覺得好淡好淡無乜味麵條口感亦都一般般酥炸排骨飯塊排骨都幾大塊亦都係切好晒餐盤仲有跟刀叉係貼心既另外加十蚊可以轉安格斯滷肉飯口感就唔係平時台灣餐廳食開果隻比較大舊附帶兩種醬左面果隻點落幾清新鹽酥雞飯呢個反而淨係配一種醬點番排骨果隻醬我覺得都幾配幾好食唔明點解會無

🐔雙色鹽酥雞💵56🍀🍀🍀🍀🍀🍀🍀🍀🍀 頭大覺得唔係每樣大舊就等於好，鹽酥雞太大舊，無左一粒放入口既口感，有啲過鹹～🐷焢肉飯💵65🍀🍀🍀🍀🍀🍀🍀🍀🍀 個樣同等想像中有出入，個樣勁似梅菜扣肉😂，即刻無咩食慾，每片都好大塊，肉質似豬軟骨，一般般～🍍鳳梨糖醋咕嚕肉飯💵72🍀🍀🍀🍀🍀🍀🍀🍀🍀🍀頭大眼殘以為係鳳梨糖醋咕嚕肉燥飯😂，3色椒、菠蘿🍍同咕嚕肉，味道岩岩好，甜甜酸酸，外皮微脆，都好大舊～🌼🌼🌼🌼🌼🌼🌼🌼🌼🌼☀️整體而言，頭大黎左幾次因爲太多人排隊而食唔到，但試左後無想像中好食🤨，試過就算，同埋以lunch 黎講，價錢都偏貴，份量唔算多但就大舊～

去朗屏探朋友，順道附近食午餐，找到 #木玥巷，餐廳以木系裝潢，餐牌上食物好有特色及台式風味。#蟹肉金絲炒新竹米粉🍝 ($92) 新竹米粉加入配料炒到金黃色好有特色，鍾意米粉夠幼身，加入清甜蟹肉，仲有爽口的芽菜，一試難忘。#古早醬油蝦仁炒飯🦐🍛 ($90)蝦肉爽脆彈牙，好大粒蝦又夠鮮味，炒飯加入古早醬油炒香，飯粒粒分明又好入味。#澎湖花枝蝦排 ($38)用薄薄一層的炸粉包裹住花枝蝦肉，外脆內裡蝦肉爽口，點一下酸甜醬汁，真的好醒胃。#木玥柳橙汁水果茶 - 柳橙、百香果🍹 ($38)水果茶勁大杯，味道酸酸甜甜，充滿新鮮百香果嘅果肉，又有雪梨及蘋果肉，味道好fresh。#木玥黃金水果茶 - 菠蘿、百香果🍹 ($38)鍾意大杯的水果茶，放入一大片菠蘿，又有新鮮水果及百香果嘅果肉，慢慢啖先夠chill。🏠木玥巷 📍元朗媽橫路9號富來花園地下17-18號舖