木兆小品 (天晉匯2)

营业中

休息中

某日收工阿媽話唔想煮飯，於是嚟咗呢間餐廳試吓🤓可能已經八點幾加上係平日餐廳唔算人多，一入到去即刻有位坐😚我地叫左三個套餐，每個餐都有跟飯同嘢飲，聽講餐廳嘅例湯好飲，諗住加錢叫一碗可惜賣晒。點左一份果香菠蘿蜜桃咕嚕肉，酸酸甜甜好好味。😋豉汁拍蒜蒸鯇魚味道比較淡，如果豉汁味再重啲就好啦，黃沙豬膶雞煲就夠晒味，用嚟送飯一流啊。三個人食份量啱啱好，而且食物味道唔錯，價錢都抵食，三個套餐買單$206，性價比算係高。

每次來這裏lunch都會叫呢個葱油豬扒飯，大大塊的豬扒伴上香葱和醬油，聞到都已經好香，豬扒夠厚身，食落好有咬口，佢d香葱都幾多，鍾意食葱的我真係大愛。另外佢d晚餐小菜好低的，一個小菜連飯及飲品只係$60，小菜仲要係份量唔細，夠哂食，最鐘意佢個蝦醬通菜牛肉，牛肉炒得都幾滑，蝦醬又夠香，好低食的茶餐廳。

見過最差服務態度的公司，先不論食物質素，服務態度差已經講吓，唔會再有下一次，建議貴公司正視這間店舖的員工工作態度，食客進入貴公司食咗就要受罪嗎？有得罪她嗎？態度如此惡劣真係第一次見。員工亦沒有使用外賣程式正確的基本知識，浪費消費者時間，態度惡劣，囂張，俾咗錢就難以追究，這樣做生意實在令人痛心。希望你們總公司正視這間店舖的員工問題，如果態度正常，沒有人會發那麼多時間寫你們負評。我相信我不是第一個，我應該是千萬過的其中一個，希望你們正視這間公司的員工工作態度。我相信如果在沒有改善，你們的食客人數應該越來越少。我相信你們也會看見為什麼又開張是爆滿，現在早/午市基本上比以往少了那麼多食客。

好鍾意黎呢間野食，又平又岩食，最愛它的雙丸麻酸辣米線，茶餐廳來講味道好好，夠麻酸辣，牛丸夠爽口，貢丸比較普通，下午茶連凍飲只係$38，去邊度搵另外叫左星洲炒米，炒得有點油（上次見人食炒得好乾身），但都好味仲有西多士同雞肶薯條（因為遲來忘了影相），西多士炸得金黃，外脆內軟，中間有花生醬，好味雞肶是生炸的，夠熱夠脆，又有雞味，薯條是粗薯條，也是鮮炸的，美味非常。賣單只係$16x，三個人食真係超級低食。順帶一提佢午市的葱油豬扒飯又係好食，葱油夠哂多同香，豬扒夠juicy，加埋真係一絕，太多野岩食才成為我的最愛飯堂

去完朋友度搵下午茶食.見門外下午茶幾吸引入了來.地方寬敞下午茶時間人不多.見餐牌居然有$28元下午茶.剛剛有阿姐問是否真的咁平.阿姐仲回答我哋好多嘢經濟實惠㗎咁叫咗個餐牌經典碗仔翅及豉油皇炒麵同奶茶.奶茶先上,夠香濃同滑.豉油皇炒麵有少少鑊氣.豉油微甜.反而醬味倒非很濃.但香味不足,麵條分明又不過於乾身有嚼勁,算合意.經典碗仔翅其實就是麵粉水加入大量的粉絲.人類如果大家也可以吃粉絲當魚翅.大自然真的得益不少.這裡加入了不少的冬菇及肉絲,味道不過不失。連一杯熱奶茶,就只是28元.便宜，就是真的....

趁住星期日放假，訓到下晏，就去屋企附近食過下午茶今次揀左木兆小品！首先，揀左我平時最鐘意既西多士，西多士上枱熱辣辣，配埋牛油同honey，簡直係絕配！尼個下午茶仲包一杯飲品，我就揀左凍檸茶，尼個凍檸茶比較特別，就係唔需要吉檸檬，餐廳已經加左新鮮檸檬汁入去，岩哂我尼d懶人另外，男朋友就叫左個酸辣米線，有大大舊雞扒係上面，外皮脆脆的，個湯底又唔會太辣，容易入口今餐真係好味又抵食，such a wonderful weekend

星期六都要返工，係要搵一間滿足嘅早餐先可以平衡到壓力，支持一日嘅能量，令自己開心一點！今日去木兆小品食咗一個皮蛋瘦肉粥，豉油王炒麵，再特別加配左一杯原隻檸檬鮮榨凍檸茶！皮蛋瘦肉粥味道夠，清淡又易消化，最啱早餐食！因為要忙到下午三點的關係，所以特意配上豉油王炒麵。味道可以但勝在飽肚！特別推介一定是這杯凍檸茶，它跟出面的凍檸茶很不同，因為是用原隻檸檬榨汁，檸檬味道十足，茶味夠，但不會太濃，最啱我喜歡酸楚清新飲品的食客。

晚市嚟到呢一間餐廳都算墟冚 見多人所以就入去試試佢！美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)✨ 巨人雞扒勁香蔥油飯 $57絕對算係大份夾抵食 佢嘅雞扒啱啱先出嚟雖然係有咗啲不過都好大塊同埋好多肉汁👍🏻 而且飯嘅份量亦都啱啱好 配搭上豉油絕對有港式茶記嘅風味💁🏻‍♂️🔷 果香菠蘿蜜桃咕嚕肉 $68以呢個價錢嚟講其實佢想炒得唔錯🤔 不過亦都有嘢可以挑剔嘅就係佢嘅菠蘿同蜜桃少得有啲誇張😅 而且咕嚕肉肥膏比較多 真係肉嘅位置唔多 不過佢嘅醬汁的確係幾唔錯 識落亦都感覺到幾救獲戲👍🏻

工作忙到九彩，晚晚都差不多八點才收工。都市人就系咁忙，工作做極做唔完，唔理咁多醫下五藏六府。走入開業無耐的餐廳食，覺得同另一間餐廳的食物格局差吾多，一問之下原来又同一集團，只系中，西餐之分，每間餐廳的裝修都好有特色。呢間就系以中餐為主的茶記。叫左二人餐有魚，有菜，有肉，有湯，有飯，有野飲。好似好均衡。 乾扁肉鬆四季豆，睇見好油，送飯可接受，豆角軟身，無臭青味，無根，算系嫩。肉鬆分量極少，完全食吾到有肉鬆，只是細細粒肥膏點一點肉，名副其實將貨就價。豉汁蒸鱸魚，睇見好精美，上碟好有誠意之作。當然喺茶記食魚吾好唸住係新鮮㗎，但係呢條魚的肉質都吾霉，魚肉可一塊一塊咁食，條魚又吾细條，算好抵，但係油放多咗。茶樹菇燉湯，好飲，因為好夠熱，沒有味精，好足料。無時間自己煲湯水，唯有喺度飲，好過無。配埋杯懶人檸檬茶，珍珠米煮成嘅白飯。

晚上8時半光顧，座無虛席。座位超級擠迫，與鄰座客人手踭碰手踭。入座時，店員給了我們一個炒粉麵的menu，而沒有小菜menu。經過一翻查詢，店員才從鄰座借了一份menu給我們。人手極度不足，舉手了好一陣子才有店員和我們落單。點菜時，想點豬膶啫啫雞煲，但是店員說沒有豬潤。想點豉汁蒸鯇魚，又沒有鯇魚。想點二人晚餐， 又沒有餐廳極力推薦的足料老火湯。我們向收銀主管反映得到的答案是，八點半沒有食材很正常。真正的浪費時間。

木兆小品將軍澳唐賢街19號天晉匯2期地下G17號舖知道popwalk呢邊開左間新餐廳，所以今朝專登同同事過黎試下，都幾多人幫襯架，我地都等左一陣先有位，一入到黎感覺呢到裝修都幾舒服，夠晒光猛，而且座位之間唔會太迫夾，坐得都算幾舒服餐牌上面既選擇都幾多架，除左有麵餐之外，仲有西式既扒餐同中式既粥炒麵都有我地兩個都叫左麵餐，質素唔錯好少茶餐廳會有流心蛋，最欣賞既就係佢個雞湯湯底，感覺上健康d, 唔會好多味精，有機會都會再黎幫襯

純粹路過見到有間新茶仔去試吓，本身都冇咩期望反而有啲驚喜男朋友叫左個豬骨粥搭炒麵，我就叫左個公司三文治可能新開冇耐有少少混亂，下午茶6點完530坐低就轉哂晚飯menu，有幾台客都係問menu下次要留意返下午茶泥講份量都唔細，豬骨粥同炒麵好入味唔乾身，公司治好新鮮，入面仲係滑蛋配餐肉唔係出面啲乾瘦叉燒，加上千島醬，好味環境大，台與台之間距離算遠，牆上啲懷舊燈牌裝飾幾特別，我就中意佢個電車喇下次試吓佢啲晚市小菜先

20200913木兆小品新開業的店。店名有Momo 這字，所以問職員是否和Itamomo同一集團。結果，我猜對了。比較特別的早餐是粥品。因為不想吃太飽，點了雞扒餐。蒜蓉多士幾好味。座位都有適當距離分隔。P.S.我覺得店內音樂的其中一段旋律頗像香港小姐的音樂。

今日到新開張的店外賣咖喱牛腩飯，回家准備開餐先發覺除了4件薯仔外，剩返三小件牛腩，少得可憐。返回店舖投訴，先重新做一份比較正常但仍與店家的menu圖片有差距。希望店家注意廚房的食物質素。