影片
开饭介绍
位于ICC 101楼，饱览维港壮丽景致，店内红色城门与牌匾设计充满中国风，别具特色！品牌源自1935年，是中国十大火锅品牌之一，主打重庆地道老火锅，其麻辣红锅汤底香辣过瘾，极富层次感。
继续阅读
营业时间
今日营业
11:00 - 03:00
星期一至日
11:00 - 03:00
公众假期
11:00 - 03:00
公众假期前夕
11:00 - 03:00
以上资料只供参考，请与餐厅确认详情
有关奖赏计划
影片
相片
+177
招牌菜
今日带左妈妈去九龙站ICC 101/F 打边炉。这是朝天门继中环后，在香港的第二间分店，主打四川麻辣火锅。可以一边打边炉，一边享受香港由101/F 看下的无敌海景，大地在我脚下的感觉好得意。火锅店除咗有大堂位外，仲有私人厢房, 可以家庭聚会、公司搞活动使用，房内仲有唱K设施。来得四川火锅店，必点麻辣口味过下瘾。但又怕太辣，记叫了鸳鸯锅，一个叫菌汤口味，另一个叫蕃茄口味。极品鲜毛肚 x 烽火戏猪喉将毛肚及猪喉加入麻辣锅煮30秒上水，非常爽口👍好新鲜。海鲜拼盘超级新鲜蚝非常大只，鲍鱼亦好大只，煮完后非常之爽口。冷锅鸭血食得四川麻辣锅，当然要叫当地必叫嘅鸭血鸭血吸收晒麻辣汤底嘅香味非常好食。黑虎虾滑牛肉丸超级精致，用5个玻璃盒，装住5粒猪肉丸，打卡必影。肉多多午餐肉非常厚切，煮完嘅午餐肉非常有肉味田园山珍拼盘排到超精致，如同盘景一样非常美。多种疏菜在内，非常新鲜呈青绿色，煮后亦非常爽口。红糖餈粑外皮炸到钱黄色，咬落好脆，入面是糯米，食落烟烟韧韧。安格斯雪花牛肉拼F4纯血和牛板腱非常吸晴、打卡必点。牛肉脂肪比例均匀。加入麻辣汤底煮熟令牛味更提鲜。亦唔会过嚟非常过瘾。松露和牛炒饭细细碗，有松露片在炒饭上。食返碗饭有饱肚感，同无咁辣。帮助吸返d辣油，对胃无咁伤。
继续阅读
今晚约好朋友去食麻辣火锅, 订了来自重庆的 [朝天门] (第二间香港分店), 位于尖沙咀环球贸易广场 .门外用了红色城门好有气势, 金碧辉煌, 同中环店极相似. 这间分店设置于 101楼. 高高在上, 欣赏维港景色最理想. 设有三间大小不同的厢房. 私隐度甚高. VIP 房间内有客厅, 可以聚会唱 K, 适合尊贵客人.今晚 我们只得两个入, 安排了窗边卡座, 有独立个人火锅. 窗外看见海景, 大家感觉飘然. 座位舒服, 服务员招呼亲切, 落单后, 送上热茶, 小食, 隔油方包, 再送上火锅调味料, 酱油, 麻油, 葱, 蒜, 辣椒......餐前小食有三款: 脆麻花/ 云片糕/麻辣蚕豆. 传统中国小食, 香脆小甜, 比吃西方薯片更可口. 大家都喜欢 麻辣红锅汤底, 因为采用重庆当地新鲜采摘香料熬制, 香味浓郁. 辣而不燥. 我的 鸳鸯锅 (麻辣红锅汤底 + 板栗鸡汤锅) 用了电磁炉可以自己调教温度. 板栗鸡汤锅鸡味浓.朋友选 鸳鸯锅 (麻辣红锅汤底 + 山珍杂菌汤锅) 山珍杂菌锅汤底有香菇菌味. 火锅食品未到前, 我们吃口 重庆炸酥肉, 椒香酥肉, 松脆可口, 加些 辣粉一 起食, 正 !!红糖爆浆糍粑, 炸得非常软糯, 内里包裹著流心红糖, 食得滋味. 服务员接著送上了我们落单的各款食品. 食材好丰富, 色泽明亮整齐, 摆盘有心思. 最吸引大家眼球, 安格斯雪花牛肉拚 f4纯血和牛板腱, 服务员用餐车送上大大个瓷器盆, 盛满冰雪藏著雪花牛肉, 有仙女伴盘, 非常隆重, 活像嫦娥般俏. 精选雪花肥牛, 布满大理石油花纹路, 嫩红色. 肥牛肉味够香, 肉质柔软, 油香而不腻. 餐厅给客人备用面包吸油, 好窝心, 海鲜拼盘: 鲍鱼, 生蚝. 每入一只. 鲍鱼弹牙, 生蚝蚝味浓.接著 锋火戏猪喉, 好有仪式感. 招牌菜, 粉红色的猪喉切成花状, 摆设非常漂亮, 放在 之上, 即滚即食, 口感脆爽. 冷锅鸭血, 服务员好细心, 替我们把冷锅鸭血加进火锅内, 用咭盖遮挡, 汤不会溅起. 鸭血滑溜软嫩 , 可同滑蛋比美, 配麻辣或鸡汤底也非常好食.极品鲜毛肚, 用冰塾著保冷, 大块薄身, 嫩脆好食, 十分爽脆, 必吃之选.肉多多午餐肉, 脂肪含量低, 啖啖肉, 打边炉最好. 黑虎鲜虾滑, 牛肉丸拼. 用水晶盅送上, 独立装载, 高贵又高质, 口感鲜, 烟韧弹牙. 田园山珍拼盘: 蔬菜新鲜翠绿, 有娃娃菜, 生菜, 茼莴菜, 粟米, 红萝卜, 及菇菌, 好健康 , 滚滚便可入口, 质地爽. 金玉满堂蛋炒饭, 炒饭粒粒分明, 有蛋香. 炒得香而不油腻. 非常好食.正宗重庆火锅, 红卜卜, 有麻香同辣味, 吃得醒神. 配合食材新鲜, 摆设有浓厚仪式感. [ 朝天门] 给大家留下好印象.
继续阅读
知道朝天门喺ICC开左分店，望住海景，好吸引，所以约左朋友去食。喺圆方入边就可以上到ICC，101楼有独立专lift。 餐厅装修好有私隐度，2个人都有独立空间，呢度食一人一锅，仲可以拣鸳鸯锅。 麻辣汤底够哂香辣，很惹味，小辣啱啱好，菌汤很鲜，菌味劲香，番茄汤底酸甜度啱啱好，里边亦有很多番茄，真材实料。 呢度同平时打边炉嘅酱汁有啲唔同，照样落芫荽葱蒜蓉等等，不过就唔系落豉油，而系落香油，系重庆食法。 F4纯血和牛呢个设计好靓，好架势，和牛肉质柔软，油花分布均匀。 海鲜拼盘鲍鱼很新鲜爽口，介左格纹好快熟，蚝亦都非常新鲜，蚝味很香。 河豚竹荪滑呢款即系竹苼，酿左料入去增加口感。 极品鲜毛肚职员话呢款配辣汤底，8秒食得，毛肚新鲜，爽口弹牙。 冰川鹅肠职员话呢款都系推介辣汤底，一样系8秒就食得，鹅肠新鲜，很爽口，口感滑溜。 肉多多午餐肉本身有轻微煎香，午餐肉味道很香，咸度刚好。 椒香酥肉呢款趁热食，很香脆，点埋辣粉很惹味，不会太辣，啱香港人口味。 重庆担担面呢款都系趁热食，先捞好担担面酱汁，酱汁很味，面有弹性。 田园山珍拼盘呢度嘅蔬菜拼盘用料很不同，有花生芽同铅笔菇，蔬菜都很新鲜。 呢度环境好好，食物用料高质，而且仲有3间厢房，可以唱K，职员话3间房都有客人用紧，非常受欢迎。
继续阅读
最近发掘咗一间好正嘅高空重庆火锅🍲❤️🔥 就系喺环球贸易广场101楼Skydining嘅朝天门🚪 呢度环境靓，有无敌海景，私隐度又够高，仲可以包房唱K添💓今次我哋就叫咗个👭🏻午市双人A套餐，每人拣咗一个火锅底，我拣嘅系鸳鸯锅，麻辣口味🌶️番茄口味🍅，一边有正宗重庆风味，越煲越麻辣，超入味🤤 另一面清甜解腻，好match☺️🐮 F4纯血和牛呢盘和牛超级正😍 牛肉雪花好靓，肥瘦得宜，牛味香浓，我最钟意加落麻辣汤，味道更突出🥳 🦪 海鲜拼盘海鲜拼盘有鲍鱼同蚝，两样都大大只好肥美🥰🍢河豚竹荪滑第一次食呢个菜式，佢用竹荪包住虾滑，口感更丰富😋🤰极品鲜毛肚🦆冰川鹅肠🩸冷锅鸭血好少食内脏嘅我，嚟到「重庆」都入乡随俗试咗几款，估唔到配两个汤都好夹，又香又新鲜～🐷 肉多多午餐肉之后仲有几时都咁夹嘅大大块午餐肉！🥬 田园山珍拼盘当然唔少得蔬菜同菇喇～🍤 椒香酥肉🍜 重庆担担面熟食方面就椒有香酥肉同担担面，好满足呀🥳
继续阅读
位于ICC 101楼嘅新开麻辣火锅店！一行入去就感受到好豪华嘅装修😹应该主打商务客～整体食物质素符合预期，但主要都系去食个景，可以对住270度维港海景打边炉，真系超靓！🥰。手切牛肉吊龙用圣旨盘上碟，好有气派，好有打卡feel🤣啲肉都好嫩～渌大嘅8-10秒就食得，但就算煮耐咗都完全唔使担心会韧！（因为我一开始揾唔返嚿肉所以渌咗好耐😂，但都仍然好好食，所以实证左唔会韧）。海鲜拼盘有象拔蚌、带子、鲍鱼、蛏子皇、生蚝，全部都大大件，而且感觉都好新鲜，唔会腥。东星斑 又系一个好浮夸嘅摆盘！用鱼片砌到成个摩天轮咁🎡肉质偏结实，鱼肉片有细骨，小朋友同长者可能都要注意一下～。烽火戏猪喉 / 冰川鹅肠 呢两样都系平时香港打边炉比较少见嘅食物，两个嘅口感都有啲相似，都系好脆好爽口😆，本身担心呢类型嘅食物会有一浸内脏味，但食落都唔太觉～。特色红糖冰粉口感清凉爽滑，而且佢本身系唔甜，主要甜味来自面头嘅少量果干～同埋有少少花生碎增加口感，是好适合嘅清爽解腻之选！概括一下，其实呢类型火锅主要都系超浓味汤底同埋调味料😂，所以食材嘅味道唔系太明显、但都食得出口感系唔错嘅！有得唱K又有靓景，都可以一试！
继续阅读