朗豬爸爸小廚 (已搬遷) 新店位置

今日大廚話好懶唔想煮，咁就唯有買外賣啦！舊鋪嘅朗豬爸以前成日食，但轉左鋪就只食左幾次，今日見到佢地嘅餐牌多左好多選擇，今晚再試試。今日我地叫左西檸雞、蔥油豬扒、三杯雞同辣酒煮蜆。（佢地會飯同餸分盒上）西檸雞，檸🍋汁就偏甜，雞扒都幾多。蔥油豬扒，好香嘅蔥油，加落豬扒上，夾三杯雞，好野味，汁用黎撈飯，一流辣酒煮蜆，香香嘅酒味，食到差唔多連汁都飲晒。以$30幾蚊黎講，份量一啲都唔少。雖然朗豬爸宜家無做堂食，只做外賣，但水準仍然保持到。每款餸都只係三、四十蚊，份量都滿滿，真心平、靚、後話：老闆娘嘅態度真心好，老闆嘅廚藝又快，又正飯市想食，真係要比多少少耐性

今晚又同男朋友入屯門山長水遠嚟上堂 我地一個住西貢 一個住將軍澳好日都唔會想去屯門 今晚突然好想食飯同學介紹既鐵板燒串燒餐廳每次想食都會早山門或者休息😢今日超好彩仲見到着燈 😌 衝住過去想點串燒點知老闆娘話已經冇做串燒幾個月老闆就話夏天太熱😂我就同佢哋講話 我地每次入嚟都會食串燒 我地好遠水路入嚟😂 佢哋兩個滿心歡喜 🥰🥰🥰最後叫左 蒜香煎雞扒炒烏冬 $38XO醬乾炒牛河 $37冇左串燒 外賣依然咁大份 超級鑊氣 好好味 食到流口水🤤俾我食到人情味 下次會再食！

朝早想食外賣，叫左個扒麵早餐拎走，番到屋企先發現牛油方包無俾，凍檸水又變左凍檸茶。夏天熱辣辣買完番到屋企都身水身汗，真係唔想落番去。等緊外賣果時間店都唔係好忙，但做野真係好唔小心，都唔係第一次，真係好失望

朗豬爸爸呢間街坊茶餐廳，真係好抵食，無論早餐、午餐、下午茶都好鍾意幫襯。今日食下午茶，同之前嘅下午茶餐牌唔同咗，而家係32蚊，有扒餐，再揀多一款小食，同埋飲品。揀咗吉列豬扒，配半份西多，老闆娘講明冇糖漿，用煉奶代替，o唔ok? 梗係ok啦，練奶好食過糖漿，又香甜， 吉列豬扒炸得好靚，又脆，豬扒新鮮爽口。西多裏面仲有花生醬，最鍾意呢種香口嘅口感，鹹鹹哋，再點奶煉，甜甜地，真係港式茶餐廳嘅經典！飲埋杯咖啡，咁就係完美嘅下午茶餐。呢度嘅咖啡，味道夠濃，攞嚟提神好啱。

朗豬爸爸做開街坊生意， 佢哋嘅早餐價錢，相信係全區最平，亦都係最大份。 點咗個粉麵早餐，連嘢飲，都係28蚊。呢個餐以前係26蚊超平，新年後加咗兩蚊，但都係覺得抵食大份。熱咖啡，裝到滿瀉咁犀利！平時係唔會咁嘅，今次係吧檯唔小心倒多咗咖啡，好夠香濃，飲完好醒神！榨菜肉絲米，超大碗的米粉，平時食開的早餐，雖然可以有同樣28蚊嘅價錢，但係粉麵一定唔夠呢度咁大碗，咁多炸菜肉絲，一d 都唔慳皮的！份量非常多，榨菜鹹鹹哋，爽爽哋，同米粉一齊食真係一流！仲有牛油方包，加自選兩款小食，我揀脆皮腸同埋漢堡扒，夠晒飽。唔好唔記得，茶餐廳係唔使加一㗎，所以實收28蚊，食個早餐真係超抵，會繼續幫襯。

放假鍾意食個醒神早餐，今日去朗豬爸爸小廚，最鍾意食佢嘅雪菜米，配漢堡扒、煎蛋、方包，飲番杯熱咖啡，咁就最完美，26蚊呢個餐真係好抵食！除咗食粉麵餐，都可以選擇扒餐，都係29蚊，好肚餓嘅時候，叫29蚊呢一個扒餐，兼有粉麵食，係最飽嘅。熱咖啡，佢呢度整得好夠濃，我最鍾意飲，但係其他飲品，相對係淡味啲嘅。成個餐係咁大分㗎！雪菜米仲會附送粟米粒粒，真係健康均衡飲食。 牛油方包嘅食法，我通常都係用煎蛋同埋漢堡扒，夾埋一齊，當成一個三文治食，因為其實呢啲早餐都係煎熟而以，最緊要唔好太油膩，三文治食法有口感，好味啲。我最鍾意食雪菜米，呢度嘅米粉唔會浸到淋，而且分量好大，食落又爽口。雪菜鹹鹹哋，浸落湯度愈食愈開胃。粟米粒粒好甜，一朝早食咁大分量嘅早餐好滿足！再嘆埋杯咖啡，一絕！有時間真係會多啲嚟食早餐呀！

因在附近工作，早餐也在附近解決，呢個小小的茶餐廳，也是我一個常吃的地方，早餐選擇不少，最重要抵食夾大件，豬扒大大塊，咖啡奶茶也不錯，所以早餐時間經常滿座，證明它在附近街坊心目中地位

放假鍾意自己去茶餐廳食個早餐，朗豬爸爸小廚 係唔錯嘅選擇。因為又平又大份，同埋一個人坐茶餐廳，都唔會覺得異相，好多街坊都係自己一個嚟食。睇佢餐牌，早餐都好多配搭可以揀。熱咖啡係我至愛，靠佢醒神。呢度嘅咖啡都幾濃，其他飲品之前試過，相對淡啲，所以每次都飲咖啡。雪菜肉絲米粉，呢度每一碗粉麵，都會加粟米粒，覺得好健康，粟米粒又新鮮又甜甜地，有蔬菜，有澱粉質，食茶餐廳都算幾健康。 米粉又爽口又大碗，雪菜肉絲米鹹鹹地，又有啲麻油味，幾香。仲有牛油方包，我選半熟蛋同埋漢堡扒， 熟蛋要嚟夾方包食，漢堡扒做餸，同米粉一齊食，成個早餐呢set嘢，都係 26蚊，好抵食！我咁大胃嘅人，都覺得夠飽，街坊都識得嚟呢間食。行過路過，可以試下朗豬爸爸小廚嘅嘢食，真係抵食夾大份。

放假梗係要出街食嘢啦，早餐係每一日嘅精神所需，識我嘅都知我大食，所以我係要食好豐富嘅早餐，朗豬爸爸嘅港式西早，就是我呢一種香港人最鍾意食的。因為等陣去行山，所以要食飽啲，揀咗扒餐加粉麵。吉列豬扒，熟蛋，方包，配米粉，飲熱華田， 相信呢啲點餐方式，係港式茶餐廳大家都耳熟能詳。但有冇發覺呢度嘅特別之處，就係塊扒是超巨大的，吉列豬扒炸得非常爽脆，裏面的肉很新鮮，因為餐廳人流多，食物通常都不留過夜，茶餐廳也有新鮮好餸食。米粉最特別的就是會加粟米粒，讓你有個均衡飲食，熱華田味道稍淡，華田粉分量不足，不夠香。另一個餐，雞扒，漢堡扒，方包，配米粉，飲熱咖啡。看到嗎?雞扒也是超巨大，要吃得夠飽，嚟朗豬爸爸一定讓你滿足，雞扒沒有吉列豬扒爽脆，但就啖啖肉，皮也煎得香，漢堡扒是迷你size ,我用嚟夾著方包吃，米粉一樣有粟米粒，吃著更香甜。咖啡要特別介紹，因為比起其他飲品，咖啡要香濃得多，跟餐熱飲不用加錢，抵食。呢兩個餐都只係29蚊一個，係咪真係街坊必食先？ 如果下午茶有時間，食下午茶仲平，行過路過，去食過保證你話抵!

六點前「朗豬爸爸精選」36$六點後 39$我17:58落單 但係好可惜佢係跟鋪頭嘅鍾個鍾當時已經18:04 快成6分鐘就係咁..我比人呃左＄3🤷🏻‍♂️有點失望 食物方面其實一般茶餐廳水準

朗豬爸爸真係日日都咁多人食，就算要排隊都係要食呢間，點解呢？因為平靚正！叫左兩個早餐，都係雞扒米粉，一個餐要煎蛋，一個餐要漢堡扒，個餐有熱飲，$29。米粉會送你粟米粒，是這裡的特別之處，取代油菜，雞扒大大塊，不過今次可能人多，放得久了，令本來脆口的感覺變成腍了。而飲熱阿華田，味道就比較淡，喜歡飲濃味的人要叫佢沖得濃D。另一個餐是跟漢堡扒，飲熱咖啡，其他一樣。我純綷喜歡吃肉吃飽D,所以點雞扒又漢堡扒，雞扒估都係煎好放得耐左，腍左，希下次好d啦！漢堡扒真係少有早餐有得食，夾麵包吃不錯！米粉是爽口的，不會浸得耐變得糊了，份量足，清湯是淡的，吃完口不會乾。兩個餐埋單$58,每人唔洗$30,抵食！

習慣要食豐富早餐先返工，朗豬爸爸小廚平時咁多人排隊等食早餐，今日我超早起身食野，無人等位就試下啦。$29 雞扒蛋方包通粉，飲熱華田，睇到雞扒超大份，炸到皮好脆，啖啖肉，唔食生蛋的我要熟蛋，夾方包食是我至愛。佢d通粉仲加左粟米粒，有肉之餘仲有纖維，真係均衡飲食！未試過食早餐的湯通粉會加粟米粒的，清湯味道係淡d, 但呢個餐真係豐富抵食，我俾一百分！同事食雪菜米餐，配熟蛋，漢堡扒，方包，飲熱咖啡，$26仲抵食！漢堡扒好少茶餐廳用來做早餐選擇，呢個又加分！漢堡扒咸咸地，同事話餸米粉食好夾，連雪菜米都加粟米粒，真係平淡中有驚喜！不過我地兩杯飲品都略嫌味道淡，可以加濃d味就好啦!但呢個早餐令我地好醒神！就算飲品淡d, 都仲係覺得好值得再幫襯！

諗住買外賣返屋企食，經過呢間餐廳，見到menu 有多款菜式，而且都啱自己口味，最後揀左薑葱霸王雞飯。俾錢嗰刻，個啊姐同我講原來送埋湯，total 個飯+湯+熱飲都只係36蚊。一返到屋企打開碗湯覺得好驚喜，一大碗，而且落足料。D雞好滑，另外豉油汁好鮮味，拎黎撈飯一流😋

平時好少見朗豬爸爸做下午茶，今日好彩就到時間，要試下佢先。點左一個炸雞脾雪菜米餐，飲熱奶茶，老公點炸雞脾沙嗲牛肉通粉，飲熱華田，每個餐都係$26,好抵食，睇下好唔好味先。雪菜米，正！初頭諗住下午茶細細碗，點知都ok多喎！味道微微咸的清湯，因為雪菜都有d咸味，夏天食好開胃！米粉唔會索水浸淋，是爽口的，超鍾意！沙嗲牛肉湯通粉，牛肉的汁煮得濃味d, 撈落湯食剛好，牛肉質地用生粉乸得比較淋身，我覺得可以用少d生粉令質感好d 。通粉都不過不失，煮得夠淋但略嫌唔夠彈牙。主角炸雞脾，炸到脆卜卜，大大隻，好開心！食落香口，不過比較乾身，肉汁少d, 但味道咸淡適中，抵食！飲埋杯熱奶茶幫個下午茶畫上句號，好香茶味，喜歡較濃味的奶茶要來試！這裡用料足，味道也不過不失，值得街坊支持！

飯有時淋左D，多水了？午餐多點選擇更好，人手不足吧，出餐速度時快時慢，生意太好成日休息，有時行過冇得食！但食物質素比大型連鎖店好，價錢平及合理，附近很多甜品店，飯後可選擇