影片
今日大厨话好懒唔想煮，咁就唯有买外卖啦！旧铺嘅朗猪爸以前成日食，但转左铺就只食左几次，今日见到佢地嘅餐牌多左好多选择，今晚再试试。今日我地叫左西柠鸡、葱油猪扒、三杯鸡同辣酒煮蚬。（佢地会饭同𩠌分盒上）西柠鸡，柠🍋汁就偏甜，鸡扒都几多。葱油猪扒，好香嘅葱油，加落猪扒上，夹三杯鸡，好野味，汁用黎捞饭，一流辣酒煮蚬，香香嘅酒味，食到差唔多连汁都饮晒。以$30几蚊黎讲，份量一啲都唔少。虽然朗猪爸宜家无做堂食，只做外卖，但水准仍然保持到。每款𩠌都只系三、四十蚊，份量都满满，真心平、靓、后话：老板娘嘅态度真心好，老板嘅厨艺又快，又正饭市想食，真系要比多少少耐性
继续阅读
今晚又同男朋友入屯门山长水远嚟上堂 我地一个住西贡 一个住将军澳好日都唔会想去屯门 今晚突然好想食饭同学介绍既铁板烧串烧餐厅每次想食都会早山门或者休息😢今日超好彩仲见到着灯 😌 冲住过去想点串烧点知老板娘话已经冇做串烧几个月老板就话夏天太热😂我就同佢哋讲话 我地每次入嚟都会食串烧 我地好远水路入嚟😂 佢哋两个满心欢喜 🥰🥰🥰最后叫左 蒜香煎鸡扒炒乌冬 $38XO酱干炒牛河 $37冇左串烧 外卖依然咁大份 超级镬气 好好味 食到流口水🤤俾我食到人情味 下次会再食！
继续阅读
朝早想食外卖，叫左个扒面早餐拎走，番到屋企先发现牛油方包无俾，冻柠水又变左冻柠茶。夏天热辣辣买完番到屋企都身水身汗，真系唔想落番去。等紧外卖果时间店都唔系好忙，但做野真系好唔小心，都唔系第一次，真系好失望
继续阅读
朗猪爸爸呢间街坊茶餐厅，真系好抵食，无论早餐、午餐、下午茶都好钟意帮衬。今日食下午茶，同之前嘅下午茶餐牌唔同咗，而家系32蚊，有扒餐，再拣多一款小食，同埋饮品。拣咗吉列猪扒，配半份西多，老板娘讲明冇糖浆，用炼奶代替，o唔ok? 梗系ok啦，练奶好食过糖浆，又香甜， 吉列猪扒炸得好靓，又脆，猪扒新鲜爽口。西多里面仲有花生酱，最钟意呢种香口嘅口感，咸咸哋，再点奶炼，甜甜地，真系港式茶餐厅嘅经典！饮埋杯咖啡，咁就系完美嘅下午茶餐。呢度嘅咖啡，味道够浓，攞嚟提神好啱。
继续阅读
放假钟意食个醒神早餐，今日去朗猪爸爸小厨，最钟意食佢嘅雪菜米，配汉堡扒、煎蛋、方包，饮番杯热咖啡，咁就最完美，26蚊呢个餐真系好抵食！除咗食粉面餐，都可以选择扒餐，都系29蚊，好肚饿嘅时候，叫29蚊呢一个扒餐，兼有粉面食，系最饱嘅。热咖啡，佢呢度整得好够浓，我最钟意饮，但系其他饮品，相对系淡味啲嘅。成个餐系咁大分㗎！雪菜米仲会附送粟米粒粒，真系健康均衡饮食。 牛油方包嘅食法，我通常都系用煎蛋同埋汉堡扒，夹埋一齐，当成一个三文治食，因为其实呢啲早餐都系煎熟而以，最紧要唔好太油腻，三文治食法有口感，好味啲。我最钟意食雪菜米，呢度嘅米粉唔会浸到淋，而且分量好大，食落又爽口。雪菜咸咸哋，浸落汤度愈食愈开胃。粟米粒粒好甜，一朝早食咁大分量嘅早餐好满足！再叹埋杯咖啡，一绝！有时间真系会多啲嚟食早餐呀！
继续阅读