有飯局 (已結業)

隨住地鐵工程展開,好多舖頭都已經係咁轉手恐怕加租加得厲害,小本經營o既舖頭不論幾多年歷史都走唔甩今日路過見到貼出"租約期滿 光榮結業",冇問老闆實際係做到幾時,相信日子不遠二人餐$188,有湯有飯連兩個餸,要加埋飲品都係多兩三蚊今晚o既係薯仔蘿蔔煲瘦肉,足料而且清甜雖然係好家常o既湯款,但又有幾多人可以煲我 出呢種味道呢?唔好睇呢個煲咁細,兩個人絕對夠有突原本想食蒸紅鮋,點知賣哂,揀左呢個蝦球炸漿一d都唔厚,真係食緊舊蝦配上青紅椒同新鮮菠蘿,至於個咕嚕汁都係少見,以柚子蜜製成食落少左油膩感由於我堅持要食菜,咁o岩又見到有豆苗,冇可能唔叫呢味餸蟹肉唔算多,偏咸,所以連埋菜一齊食就剛剛好再俾多d菜我可能食多一碗飯添呀

特餐, 火腿奄列, 牛油多士, 沙嗲牛肉麵, $32, 午餐時段的收費, 不算貴, 但質素認真麻麻. 火腿奄列, 煎得很乾, 义開表面薄薄的蛋皮, 包住了的火腿絲也不算少, 只有十分微微的濕滑, 就如炒蛋和火腿分開, 多士外表烘得微燶, 但翻開裡面, 接近全白, 未烘過一樣, 塗了牛油也難食.沙嗲牛肉還好, 未至於醃得過份, 還有些少牛肉質感, 麵身一般, 偏硬, 未煮夠時間, 但點都好過煮得過淋.甚少見到有茶餐飲係午餐和下午茶時段, 有供應啤酒作為餐飲, 認真夠新穎.

04/04/2010 驟雨收工後我和嘉豪去了黃埔睇電影<美麗密令> ,我覺得最好笑是詹瑞文扮陳志雲, 都好攪笑, 睇完之後大約是八時幾, 之後我們去了黃埔shopping, 走了幾個圈後去了<有飯局>食飯, 想食下些家庭小菜, 有位女職員不停向我們sell 店內的食物是冇味精, 聲稱食物好美味!那麼我們入了去食個飯了店內的餐牌大多以小菜為主, 有些多款小菜套餐, 而且包括一煲住家湯和白飯, 就算一人都有小菜套餐, 不過飲品不論凍熱都是另加$8, 餐牌更寫上"謝絕味精","天天不同"的自選餐, 看來都滿是誠意, 都不妨一試, 同嘉豪討論一番, 我們點了一個金牌小菜套餐, 兩款小菜是$158,三款$228,四款$298, 於是我們各自點了一款小菜, 叫了個兩款小菜的套餐, 奉送兩碗白飯及一煲二人用的住家湯, 是日湯係粉葛赤小豆西施骨家常小菜雖然是創意特色, 但是好多都不是好match和明白,令人疑惑, 例如"青蘋果脆牛腩",看來怪怪的小菜,牛腩是脆? 餐牌內更有"雙蝦肉崧A菜煲",什麼是A菜?令人看不明白, "焦糖咖啡雞中翼" .雖是創意但不吸引, 已經是差

由於我地9個人怕冇咁大張枱, 中午時份訂埋枱, 個老細好好招款話你地想食啲乜即管講, 我地可以幫你準備, 如果想食海鮮可以幫我地買, 但我地冇唸過咁叫嘛, 只係想試下佢啲小菜, 咁就答番佢話唔駛啦, 到時先算! 夜晚7點我地準時到達, 門口中間位佢地開左張大枱比我地9位, 我地只係散叫左啲餸, 老細理都唔理我地, 明知啲伙記做緊野, 都唔走過黎幫我地落單, 埋單時個樣又衰衰咁, 好似一定要幫襯佢食啲餐, 又或者覺得我地食得平掛, 埋單四百幾蚊, 但佢啲小菜都係一般, 價錢都唔算平家, 外賣炒粉麵飯唔會送湯或熱飲, 如果要湯就要加$8, 熱飲同凍飲都係要加錢家!

呢間食肆開咗超過一年，周時經過但始終都無試過，當晚行過附近時已經9點幾，本來想去打邊爐但新星同寶哥都竟然仲排長龍，邊個話經濟唔好。入到嚟都幾冷清只得三幾檯客，睇吓牆上貼滿菜單，有D名幾有創意但係第一次嚟都係穩陣D好，叫咗個套餐有湯、飯同兩味餸（$113），例湯成煲上，南瓜雪耳煲雞同豬骨，D湯煲得好夠火喉，湯渣都有半煲夠晒真材實料，時菜牛肉同醬爆野菌雞柳兩碟餸都好大碟，味道亦唔錯。此店走經濟實惠路線，但同區已有不少相類似嘅食肆，要殺出一條血路實在不易，不過佢地有D比較新款嘅菜式應該可以吸引到年輕一族嘅「無飯夫妻」。

可能因為看了很多很好的評語，所以自自然然對他有了期望，可惜．．入到去才發現全餐廳只有我們一台，可能因為這樣，所以老闆和員工對我們特別"關心"，一直站在旁邊，給我的感覺就好像迫你落單，好有壓迫感。撇開這點，小菜還蠻不錯的，選擇多，幾大碟，酒樓價錢。值得推介的是老火靚湯。綜合來說，不過不失啦。

最近光顧有飯局，不知是否因看了本人的評語，沒有出糖水了；看來是好事-所謂不熟不做嗎！反而新出的清遠雞有驚喜，微辣，醬汁調得好好味，配肉碎炒Ａ菜及蒸魚加個老火湯，足夠四人食，埋單都祗是２００多圓，是不錯的家常飯。

朋友推介的食店,於是特來搵食!除了家常小菜還有創意特色菜色.廚藝有大將之風,果味鴛鴦魚.醉鴿.蒸沙鯭.鮮茄芝士燴中蝦...有驚喜!若果嗜辣,必試水煮牛肉和V醬豬頸肉!!整體雖然地方裝潢一般,但味道上佳,而且價錢大眾化!!

由於家住紅磡，因此很多時在附近的店舖進膳。本人喜愛烹飪，因此對食物質素亦有一定要求。附近酒樓不多而質素也很普通，故較喜歡光顧小舖，除價錢較便宜外，基於競爭大，質數亦較高。光顧「有飯局」己有幾個月，個人覺得店內兩位老板很有幹勁，亦很有有心鑽研新食譜。整體而言，店舖算是乾淨企理，食品水準不錯。個人較喜歡該處的蒸魚，特別是石蚌，因為比較有魚味；焦糖咖啡雞翼亦不錯；反而該店的糖水較差，個人認為不及格。至於該店的老火湯則一般，老人家可能覺得淡，但郤較健康，因為油份很少。

好中意有飯局的老火湯, 小菜有水準而且時時有新菜色,心水推介醬汁骨,蒸斑頭腩,醉鴿,鮮茄燴中蝦...廚師手藝不俗,好食又抵食!!

去黃埔買完嘢搵地方開飯，隔離椰林閣五十幾蚊個餐，諗住去呢間會平啲，一坐低至發現最平一碟飯都廿九蚊。入到去冇乜冷氣。叫咗個生炒雞絲飯，好淡。另外一個時菜雞球飯個汁好似啫喱咁。呢頭咁多食肆，應該唔會再嚟呢度。