影片
以上资料只供参考，请与餐厅确认详情
晚上7点几就到8点。佢哋就收铺，次次行过想试，今次终于试咗油鸡烧鸭双拼饭。饭唔硬，鸡够嫩口，算滑。鸭唔柴。抵食又大件。师傅态度又唔错。太饿～无拍照😂会再回头食
继续阅读
位于北角电气道市政大厦地下有间抵食烧味店个名「有运烧味卤味店」$20蚊便有双拼烧味饭(话平过两𩠌饭$28)，今时今日好多食店都加价，只有此店为街坊仍提供优惠价，十分感激🙏，我拣咗叉烧切鸡饭(病后初愈，所以姜葱蓉豉油全走)叉烧切鸡饭 - $20元店员好好人比了好似梅头肉嘅叉烧，叉烧和白切鸡肉质冧冧地好正，叉烧和白切鸡少少咸，配上热热地的白饭一齐食，，谢谢您，令我今天好满足(ps.若加上姜葱蓉会更好吃)
继续阅读
如果数香港最有代表性的食物，我谂烧味饭一定系数一数二。 由五星级酒店去到草根的街市都有烧味饭卖，雅俗共赏。今次介绍的餐厅系位于北角某一街市的烧味店。烧味饭大碟不在话下，仲要只系卖$20蚊。暖暖的饭，香喷喷的葱油，肥美的叉烧，十分满足。呢间虽然系有堂食的，但只系一张细台，所以大多数我都系买外卖就算啦。另外，如果要甜酸酱系要加$1定$2, 饭唔一定跟葱油，所以要葱油拌饭的，一定要事先同师傅讲。总括来讲，呢间的烧味饭真系穷人恩物。
继续阅读
男朋友系依头番工 曾经同我提及过系街市入面有间超抵既烧味店。 今次终于有机会一试。位置上系街市门口 如果唔想特登为左入一入去嘟 听闻可以系门口大叫 职员都会好好咁照斩照行几步俾你🤣🤣睇一睇个价钱 真系忍唔住「哗」左声 真心咁既价钱系依家应该超难求。 仲平过两𩠌饭 双拼饭同单拼饭都系$20 系$20咋。 出面闲闲地都要$30左右。 真心绝对系穷人恩物。即叫即斩 ， 唔好以为$20就细盒唔好食。 非也。 份量绝对系正常 。 叫左油鸡叉烧饭，唔好以为个油鸡同叉烧系一岩一忽唔令仔，非也 绝对令令仔仔 新鲜热辣 $30买既未必有既质素。 下次经开依度绝对不妨一试依间平民街坊价烧味店
继续阅读
$20一个饭盒,够平未?,好多朋友叫我揾下d平价外卖,最近消费券用完又变返穷L,上次经过北角见到间烧味铺20蚊饭盒,今次终于有机会买到平野唔好高要求去睇,份量同味道都唔差,纯粹食饱系OK既烧肉偏咸味,饭又够多,叉烧偏瘦肉,但味道有淡淡甜味,几好既唔知你满唔满意今次平价美食介绍?另有油鸡,烧鸭选择!非常抵食!仲可以比支付宝!有运烧味卤味店 北角电气道229号电气道市政大厦地铺
继续阅读
您可能会有兴趣的...