黃金冰室

今日天后又揾到一间未食过嘅餐厅嚟试下。入到去环境好新净好靓，餐牌都设计得好有特色。我叫咗午餐A- 板烧鸡扒伴咖喱角。呢间餐厅出餐出得劲快，又落单到上菜，只系用咗3分钟😂食物卖相都唔错。不过块鸡扒细咗少少，同大家乐早餐差唔多，而且啲薯条同咖喱角唔热嘅。味道就正正常常，一般茶餐厅质素，但系感觉性价比就冇其他茶餐厅咁高，因为平时茶餐厅通常都大份夹抵食，大大块扒咁同呢度个对比好大。呢个同类型餐厅都有好多，下次又可以继续揾吓有冇啲性价比更高嘅餐厅试吓。…Read More

我最钟意食下午茶尤其是系港式茶餐厅我钟意香港茶餐厅够大份又够平又够快啱晒我呢啲追求速度嘅香港人黄金茶餐厅都几好其实佢都好多款可以拣但系我最爱都系西多士热辣辣炸脆的厚多士夹上花生酱再加上糖浆同牛油虽然系邪恶嘅化身但系真系好好味再加一杯超大型嘅红豆冰通常我都会走冰有好浓嘅奶同埋好多大粒红豆讲真啲红豆真系好多食唔晒…Read More

经过电器道，肚仔饿求其揾间茶记医肚，经过几间，最后拣咗佢～黄金冰室。好耐无食过港式咖哩叫左个午餐～吉列咖哩猪扒饭，一放低，猪扒嘅份量胜预期，大大块仲要起孖。吉列猪扒表面脆口，肉质爽嫩～ok wow, 再捞啲咖喱汁落饭到一齐食，佢个咖喱都唔错，有咖喱辛味，无苦涩感觉，清「辛」嘅感觉，适合我哋呢啲想食咖哩又唔食得好辣嘅人。回头度：6/10 其实唔系差，但我真系经过，食完行出去，其实附近都仲有好多选择！好似我另一「篇」，就系食完呢度行过，明明刚食饱都要入去啪一碗～蛇羹！😂…Read More

$168孖宝餐, 价钱正常。油麦菜鲜鱿, 鲜鱿一d 味都冇。跟手第二个𩠌沙爹金菇鸡就上菜。我心谂, 嗯, 一个𩠌浓味, 一个𩠌冇味, 中和返就啱。点知个沙爹鸡系好浓味" , 但绝对唔系沙爹味。最正系餐厅既职员不停大声闹交, 我地坐正出菜位隔离, 非常嘈。食食下时职员仲拎漂水拖地。不回头。…Read More

今日晏昼去帮衬呢间冰室，睇完嘢食谂住落单。第一次挥手叫人冇人埋，我见佢哋忙紧，情有可原🤗。第二次叫侧边执紧嘢嘅阿姐，就话等阵叫人帮你，之后转个头执完嘢去帮其他人落单😓，而继续冇人过嚟。之后我就亲眼睇住第二个侍应帮我后面同侧边落单都唔过嚟😅。最后大声叫佢先慢吞吞过嚟😡🤬…Read More