有益甜品 (已結業)

前天晚餐後, 甜品興趣又起, 但自從經過幾天前Sugar Mama的失望經歷, 已經不知可以到那裏吃, 突然記得在教育路還有一間叫有益甜品的店子未試過, 所以決定去試. 唉! 結果竟然跟Sugar Mama一樣, 都是難食告終!我和老婆兩人, 點了腰果糊+湯丸和普通熱豆腐花各一碗.腰果糊+湯丸(3粒)絕對是偷工減料之作! 糊本身稀得交關, 完全不似糊狀. 正因溝水太多, 所以香味完全欠奉, 味道淡得可憐! 糊面更竟然浮有一層好像是油的東西! 湯丸亦差, 連最基本的湯丸外形都造不好, 竟然是起角的! 我第一次食到不是圓形的湯丸! 湯丸不煙韌, 外皮死實實的, 內裏的黑芝麻餡料沒有香味, 只有甜到漏的感覺. 整體而言, 只有一個"差"字來形容! 熱豆腐花心想叫豆腐花應該不會差到那裏, 點之.....跟腰果糊一樣, 完全是不知所謂! 毫無豆腐味, 可能因為這個原因, 所以下了超多的糖水, 令到整碗豆花甜到不得了. 除了最初碗頂部份的豆花外, 其餘均是散碎碎的. 總之是難食! 食到一半老婆都不吃了!連一碗這麼普通的豆腐花都做到這樣垃圾, 當然只有一個結論, 就是跟這店說bye bye!

呢間店真係好少人.成日都無人.原來同近元朗廣場個間係分店.新款的糖水就無.紅豆涼粉.有種椰汁味......涼粉大大粒....紅豆都多都唔錯.....服務..個店員都有介紹食物都有招呼人.......環境就好安靜

食完飯又食糖水既時候lu...飯可以5食..糖水唔得!!成間鋪得4個人......雖然閒日"姐..佢地好似得兩個人?? 侍應..豆腐花真係大碗同埋幾好味呀!!不過d料就5算多啦...客人實在太少...鐘意安靜既人岩曬...因為電視機都冇一部...音樂又冇...

同移民左去外國既中學同學聚會..~十年冇見~難得返黎~食完酒泉後~未想分開住~因而有人提議食甜品~哈哈~正合我意.......一早已上OR睇過附近就只有呢間糖水舖..(因為唔鍾意b仔)所以就一行四人..入到門面整潔光鮮既甜品店內........眾多甜品中~我既選擇困難症又發作~芝麻糊,合桃糊, 腰果糊...唔知食咩好呢...朋友仔唔等我,分別叫左個芝麻糊, 白果蓮子腐竹糖水+湯圓, 西瓜西米露~我試左啖芝麻糊之後都覺得唔錯~好...我叫熱芝麻糊+紅豆沙..另要左個砵仔蘿蔔糕一齊食~芝麻糊既唔濃杰程度剛好~唔太甜~不過就覺得唔夠熱...見到友人既白果蓮子腐竹糖水奶白色,稀稀的~白果蓮子唔太多. 但友人話湯圓好軟熟~芝麻餡唔會成啖糖....至於西瓜西米露就極普通...因為只要西瓜入貨靚~d西米露冇咩技巧可言...我既紅黑: 紅豆沙份量較多~芝麻糊被紅豆沙溝稀左~但亦因為咁~呢個糖水就較有口感...紅豆沙多蓮子~但可惜冇果皮香....同埋溝左紅豆沙好似甜左d喎.......不過~芝麻糊係唔錯既...其實大家都唔係肚餓, 但見到砵仔蘿蔔糕咁特別~就要一客share食啦~切開蘿蔔糕都見到有一絲絲

許願樹走出來後斜對面便是有益甜品, 難得過來元朗這頭, 便外賣一碗凍木瓜豆腐花返屋企慢慢品嚐$15一碗都好足料,有幾多木瓜而且木瓜本身好甜, 但係我覺得豆腐花唔夠滑, 影響整碗糖水嘅分數, 我唔會encore都係杞子紅豆糕和腰果糊比較有特色, 值得一試!

我不是愛吃甜品愛到要經常吃的人,但這間卻令我短期內再次去光顧。同樣是兩個人, 點了紅豆糕, 想吃它是我一直想快點再光顧的原因!!還有熱芋頭西米露加湯圓。紅豆糕: 一樣水準, 好好吃Y^Y~~~~~~~:熱芋頭西米露加湯圓: 來的時候正在吃紅豆糕, 一大陣芋香令我十分想轉移目標!!! 芋頭夠粉, 湯圓不是機製令到有粉團硬了堆積的那種!!!很久沒吃過這種湯圓了.....這間糖水店, 真的會令我吃上引,但替人補習過了今個星期後便完結, 會少了很多機會來元朗....可惜呢..

之前去酒泉的那次時, 已經有留意這甜品店,但因為太飽, 所以無緣光顧。星期日(20/7)下午會到元朗, 和友人到這先吃點甜品,叫了花生麥米粥, 朋友要了白果薏米腐竹, 另外再叫了個紅豆糕。白果薏米腐竹: 一來時是白色一碗的液體, 用匙一拌, 原來材料並不少, 朋友希望可以再「水」一點, 但有咬牙也不錯啊,我才不要喝一大碗甜「湯」呢..花生麥米粥: 材料是多多多, 微甜, 咬下去脆卜卜的, 好吃!!紅豆糕: 本想是奶白色, 然後隱約會看到幾顆紅豆那款,不過上桌時卻令我很有驚喜, 透明的, 超多紅豆密密麻麻的滿佈糕內,而且還有杞子, 杞子的味道和紅豆很相配, 清甜, 很消暑的感覺。每次經過, 店內都沒有人, 今次也只有我和朋友, 但這樣好吃的甜品,應該有很多捧場客才對啊.... 一定會再來的!

補腦合桃糊 $12好香好滑, 可惜甜左啲, 頭半碗還好, 後期己係因為過甜而覺得好難入口 花生麥米粥 $11好味唔過甜~ 香滑豆腐花 $7都唔係咁滑啫, 好一般!

有益甜品都開咗一段時間喇!!我最初都只係掂行掂過,直至姑姐介紹,我就try咗第一次...綠豆馬蹄爽係呢間舖頭ge招牌糖水,我次次嚟都係食呢個...裡面d綠豆一粒粒,腍腍地,配上馬蹄ge清爽,同埋椰汁ge襯托底下,呢碗糖水就從此成為咗我ge最愛喇!!仲有,呢度d糊都幾好味,值得一試...

成日都講，揀元朗的最愛糖水店，首選平實不花巧卻好味抵食的有益。　其實我成日來有益食糖水+湯圓，今次就特地試真淨芝麻湯圓，以作比較：薑汁甜度與濃淡得宜，湯圓厚薄度剛好，彈性與韌度亦不錯，湯圓餡有芝麻香+少量油心，是碗平均不突出的湯圓。但有益新店環境舒服，不用等位，而且價錢只是$12，絕對會再來幫襯!　同場屋企人叫了綠豆沙與木瓜燉雪耳，兩者都有令人滿意水準，是十分愉快的一頓糖水餐!又，至此元朗的湯圓已試食完畢，之後繼續向其他區出發!

岩岩開果陣...真係冇乜人..入到去得我果一台不過我覺得d野都好好味..好足料d呀姐仲同我地傾計, 問我地有咩可以改善而家..人流多左, 但係d食物就退步左個豉油皇炒麵真係唔係咁好味同埋有時會落錯單..不過之後佢都同我地換返

記得今年年頭來,很遺憾食唔到南瓜西米露。最近聞說友人話掂,於是今天順路,來叫了1碗只有凍食,無所謂因今天勞動了1/2天,都唔想食熱嘢。入口好稀,有南瓜嘅顏色但唔多覺有南瓜味。中間好似有小小假假地的香料味唔講得上難食,但就好普通,好普通。真喺要問吓友人對上1次幾時來幫襯過先得

近期既食物, 因為成本上漲而不斷加價, 是可以理解的但如果加左價, 都仲偷工減料的話, 就唔值得幫襯啦好似呢間甘樣, 我都係舊舖都幫襯左五六年有多但係教育路新開分店, 水準不升反降最著通既紅, 綠豆, 木瓜雪耳, 味道淡左所謂既招牌楊枝金露, 芒果既份量亦少左點叫我繼續支持你呢

9號晚去完奶奶屋企食飯, 完全唔飽, 因為D餸比我地帶埋做飯盒之後都無咩剩, 我都唔敢帶兩個飯盒. 返到元朗我地去佐食糖水, 今次唔去表姐, 試下有益甜品, 我叫佐個腸粉雜會有燒賣, 魚蛋, 蘿蔔同雞翼尖, 味道就麻麻, 不過十幾蚊有齊咁多款野食, OK啦. 另外我叫佐個椰汁黑糯米, 食到好飽, 都食唔晒碗糖水, 好滿足~~

食完飯, 又係甜品時間...9點多, 此店只有兩人?! 未試過就試一試吧~bf叫了生磨芝麻糊($12), 我叫了腰果糊($16), 同埋佢話自製既"缽仔蘿蔔糕" $10.眼見亞姐好快放了兩碗糖水入微波爐叮,唉...感覺好差..芝麻糊bf話有d"油"既感覺,麻麻...腰果糊無咩腰果味, 平平無其.缽仔蘿蔔糕味道反而幾好, 而且見到一絲絲蘿蔔, 唯口感太"糊" 不夠挺身.價錢又唔係平,都係食翻大間既甜品店有保証d.