有囍 (已結業)

雙冬羊腩煲終於嚟喇羊肉好正好有肉鮮味，配料仲有冬菇馬蹄同枝竹。所以一坐下來，二話不說便點了一客，羊腩煲大概是二至三人份量，我和朋友兩位女生都可以吃得下。另外，隨煲附送一客生菜。上菜後店員會為客人點起爐火，繼續把羊腩煲煮滾。而羊腩的份量頗多，煲內有支竹、冬筍、冬菇及馬蹄。羊肉炆得非常冧及入味，好吃。海南雞賣相好吸引，皮光肉滑，睇見都流口水。金黃色既雞皮唔會太厚，白嫩既雞肉好多汁，點埋海南雞醬，酸中帶辣。燒汁野箘ー口牛，都幾大碟，牛柳粒好有咬口，加埋野箘一齊炒又幾特別，呢味餸加埋個麵一齊食感覺又唔錯，係清淡同濃味嘅結合。整體呢餐都唔錯

香港地，日日返工為兩餐，一個午餐，另一個就係晚餐，放工又係時候 Call Friend。太子呢間野，俾到我地大排檔風味，但靚靚既特色裝修，唔覺唔覺呢度我地已經來 Encore 過幾次，水準依然，價錢亦係好街坊。天氣凍真係俾到我地唔同藉口去食 D罪惡野，今晚我地又係一晚爆肥餐! 阿 A 想食糯米蒸飯，阿 B 又想食 芝士蝦伊麵，阿 C 又想番溫咸蛋黃炸魚皮，我就話: [ WHY NOT BOTH ? ] 大家話叫就叫，反正叫開，唔爭在叫埋薯仔牛柳粒，椒鹽鮮魷，咕嚕蝦球，跟住有人話冇菜唔健康，唔重口唔叫，又叫左個啫啫芥蘭煲，點算? 咁鬼好味，爆血管都笑住咁爆啦 ! 因為佢味道係正，仲免加一 ! 我地咁喪叫法都係幾百蚊埋單。特別推介個蝦蒸糯米飯同埋個海蝦伊麵，蝦汁索落去 D 飯度，加醬油好鮮甜! 個伊麵都係一樣索晒芝士汁同蝦汁又係冇得輸! 呢兩個真係Yummy Yummy。我地幾個肚又係捧住咁走，暖立立咁返屋企 ! 

農曆新年將至，今晚同老公去太子花墟睇下D水仙頭，想學下浸發水仙，之後行去附近找地方食飯，望到有間叫有囍的食店，記得之前到來過，食物都吾錯，想再回味一下，那麼我們便入座食晚餐了！籠仔蒜蓉開邊蝦蒸糯米飯，見到隔離枱食到津津有味，立即叫返籠食，開邊蝦好新鮮，加上蒜蓉放在糯米飯面蒸，蝦鮮甜彈牙，糯米飯吸收了蝦和蒜香的精華，口感軟糯又鮮味。鍋燒斑腩煲，用鐵鍋盛載上枱，熱騰騰的斑腩炸過後，再用薑蔥蒜爆香炆煮，斑腩鮮嫩又入味。紅燒妙齡鴿，鴿大小適中，炸至金黃色的皮香口，鴿肉嫩嫩的好入味！粟米魚肚羹，魚肚份量不少又冇腥味，粟米和湯清甜，加入蛋花更添美味！Tiger啤酒，美食當前，少不了啤一啤。

近期出街食飯都是以西餐為主，按照家人的說法，就是在家不擅長烹煮西餐，所以出街食飯理所當然以西餐為首選。今天就破例，因為家有喜事，講到慶祝，還是認為選擇能烹調出各國餐飲的最為適合不過，迎合老中青少的口味。餐廳位於太子花園街，臨近太子地鐵站，坐公共交通前往非常方便。若然是自駕前往，門口大量錶位提供，當日好幸運，等了不久就有車位。否則，附近兜下，臨近幾條街道都是街邊錶位，絕對不用愁泊車的問題。泊足兩小時才$16元。室內燈光輝煌，老闆把各種拿手好菜經彩色打印後張貼在牆上，仔細觀察，不難發現種類繁多，有盛名的廣東菜式，時令羊腩煲，雞煲，海鮮，火鍋，泰國菜、新加坡菜等等各國菜式都有，食材相當豐富，讓人眼花撩亂。再仔細打量一下四圍，發現室內空間寬敞，以二人方枱為主，方便拼湊出四至六人枱，若人數多於六位就可以選擇傳統式大圓枱，一家人或一班同事或一班朋友圍住大圓枱，樂也融融。事不宜遲，我們一邊飲着餐廳提供的熱茶，一邊開始點菜。這個海蜇青瓜作為前菜是非常適合不過了，清爽又開胃，帶有少少酸辣，即時開啓味蕾。後來發現，作為餐中小食又是另一番風味，起到清洗味蕾的作用呢。這個菜式在坊間非常普遍，可能随便一間茶餐廳

這天與朋友在花墟買完花, 見時候不早就決定在花墟附近醫醫肚。 在花園街一帶的餐廳林立， 但這晚是有囍吸引了我， 因為餐廳樓面面積大， 客人不會坐得迫迫夾夾， 而且菜色也多元化， 有港式菜色有星加坡菜有泰國菜也有馬來西亞菜， 於是就和朋友在這裡解決了我們的晚餐。我們叫了幾款菜式：鍋燒班腩168斑腩以鍋奉上，上枱時滋滋作響， 而且一看就知不是普通廉價的鯰魚腩， 以係肉嫩肥美，膠質甚重的龍躉骨腩。皮身充滿彈性，擇肥而劏，鮮就是美，而且鍋底有大把的薑葱，將魚的鮮味升華至極緻，盡得鮮甜濃香的精華。籠仔蒜蓉開邊蝦蒸糯米飯 188當店員將籠仔放上枱打開蓋的時候，一打開蓋即蒜香撲鼻, 籠仔荷葉飯以荷葉放底，糯米就因此吸盡了開邊鮮蝦、荷葉和蒜蓉的味道。再者，蝦肉色澤呈鮮白色，味道鮮美清甜。有囍海鮮湯 98有氣海鮮湯材料豐富味道清甜。 以鮮蝦、 班腩、花甲 煮成的海鮮湯， 配以豆腐和白菜仔 ， 是一道海鮮湯之餘也是一道雜菜海鮮煲 ，湯底鮮甜色澤呈白色， 而且份量也很多， 足夠四人以上食用， 暖胃有飽肚呢。

東主張呢間鋪頭改成"有囍"應該係想個個食完都開開心心店員熱情推介喇沙湯底海鮮鍋畀我哋我同我朋友都係大食怪一個邊爐絕對唔夠我哋食好啦!再叫幾個小菜先我好鍾意好鍾意飲胡椒豬肚湯通常酒樓先有得飲🥢🥟估唔到呢度都有但係份量超級大如果可以靈活啲一碗仔一碗仔咁叫就好啦不過我哋兩個人都飲曬成兜我們有兩個人塊面咁闊成隻手掌咁高✋同普通胡椒豬肚湯唔同湯頭係奶白色但係冇過份辛辣攻鼻嘅胡椒味酸菜同埋豬肚分量都好多飲到底都無原粒勁大粒嘅胡椒放心大啖大啖飲啦!!!唔會哽親再叫個野菌燒豆腐🍽個豆腐我畀一百分芡汁深色但係丁點兒油膩感覺都無咬開入面嘅嫩滑程度比豆腐花更高🔝🔝🔝用嚟送飯一流🍚咪以為主角只係有豆腐野菌都不容忽視吸曬芡汁嘅味道好鮮甜爽口唔該叫多一碗白飯飲品同樣冇令人失望基本上都份量十足唔會好似某啲舖頭落勁少柚子蜜再溝好多水令到杯嘢淡而無味加咗什果嘅七喜唔會太甜有潛質再進一步發展為"雜果賓治"千祈唔好以為蔬菜籃馬馬虎虎絕對唔係一個細細嘅藤籃放幾條菜就算數🥦🥦🥦個底有小白菜唐生菜上面仲有唔同嘅菇類+蕃茄🍅48蚊抵叫啦☺職員唔記得咗攞碟海鮮攞出嚟畀我哋😂😂🦑🦑🦑🦑🐙🐙🐙🐙雖然頭先飲湯已經飽咗一半但係見到呢個喇沙湯

有囍位於太子花園街， 由太子地鐵站行過去，其實只要三分鐘非常方便。 餐廳 面積很大能容納很多人， 而且餐廳樓底高，裝修也非常別緻，坐得舒服， 可以優哉游哉地吃一餐呢。餐廳主打星馬泰的菜色， 但也有不少港式的小菜可以選擇。 這天與朋友一起來用膳， 叫了不少不同國家的菜色呢。有喜小炒王98小炒王材料豐富，有炒香過或炸過的腰果、蝦乾、魷魚、韮菜花、白飯魚乾等等，極為香脆之餘， 也炒得鑊氣十足 ， 讓人不禁一口接一口 。鮮鮑魚雞煲168鮑魚雞煲以薑片起鑊，雞件也煎至微微金黃色， 雞肉嫩滑，鮑魚新鮮非常，煲仔上檯時熱得吱吱作響， 證明爆得金香， 雞煲的香味直噴埋身邊。蜜椒金薯牛仔粒108薯仔與牛肉從來都是好朋友， 西式有漢堡包和薯條作為代表， 而中式就會以牛柳粒和薯仔粒一起爆香。這裡的薯仔切粒後炒得甜脆，黑椒牛柳粒帶有微辣，牛肉粒肉味香濃， 配上脆脆的薯仔非常惹味。京都菠蘿骨78最後我們叫了一道港式小菜， 京都菠蘿骨， 酸中帶甜而不過膩， 肉骨醃得入味，滿碟肉香，啖啖肉好下飯。最後一提，這裡的服務也很不錯呢。

上星期放工，同家人去左太子有囍食飯；聽家人講依間餐廳食物質素刀吾差，令我好期待啊！粟米魚肚羹：好開心依度有得order，而份量剛好足夠三人食用；當中既粟米和魚肚亦吾少，魚肚帶點爽口，粟米亦好甜；羹既味道好重香胡椒味。椒鹽鮮魷魚：鹽度適中，鮮魷魚外層為林身，魷魚口感不硬身；容易咀嚼。紅燒妙齡鴿：見到佢既size完全吾覺得似妙齡，因為吾算細隻；外皮帶香脆，非常惹味啊！至於肉質啖啖嫩肉，還有不少肉汁滲出，大家可以一試。芝士海蝦伊麵：依麵底份量剛好，口感比較濕潤；芝士味香口但不漏。蝦隻數好多，雖然不是大蝦，但蝦是實肉的，絕不是死蝦啊！整體來說，依個麵不錯。紅豆冰：紅豆味道較為甜，口感軟身，方便咀嚼；椰汁香滑！

月頭特別忙又夜收工，一班同事一齊O.T., O.T.完緊要慰勞吓自己，找啲好嘢食醫肚。之前聖誕節買聖誕花裝飾，經過呢條街，發現好多食店，其中呢間「有囍」門面幾吸引，門口用上粉藍色，十分吸睛，店内椅子七彩繽紛，心諗呢間餐廳落足心機裝修，嘢食應該都唔會差，下次要嚟試下 。今晚正好有機會，一班同事放工後嚟食飯。 一入店內發現餐廳空間感十分充足，沒有逼夾感覺。 我們叫了五個餸。星加坡麥皮蝦 $188: 麥皮好金香，應該係胚芽加鹽喺焗爐焗過，鹹鹹香香好好食，蝦殼好香脆， 我們連殼食，肉質亦易好好。豉椒炒花甲$128: 花甲好鮮甜，醬汁調得很惹味，配料亦很新鮮。砂鍋雲吞半隻$138: 分量十分之多，一粒雲吞裡面有兩隻蝦， 雞很滑唔似雪藏雞。有囍海鮮喇沙米粉$108: 又係份量十分之多，看似一碗細細碗嘅米粉，但食極都仲有，喇沙湯底辣度適中，唔食辣嘅同事都有食，有很多海鮮， 有蝦、青口、蟹柳及魷魚。香煎蠔仔餅$98: 非一般嘅蠔仔餅，與外面嘅蠔仔餅不一樣煎得非常鬆脆，再配上辣椒醬十分美味。

今晚行完花園街睇完花，又到晚飯時間在附近睇吓有乜好食先，經過見到有間店門口介紹羊腩煲，噤啱今日天氣凍凍地就去叫返煲試吓先入到去地方幾大，坐得幾舒服即刻睇吓有乜食，有好多唔同既小菜，蒸、炒、煮、炸，樣樣有，唔喜歡小菜，可以叫火鍋，唔啱還有粥、粉、麵、飯，真係好多選擇，臨近新春還推出新春全包宴和六人套餐今次見得兩個人，我哋主力食羊腩煲，本來想叫個煲再散叫其他小菜，噤啱有個兩人套餐係羊腩煲，裏面既嘢又幾啱食，唔想太多就叫左呢個餐古法黑草羊腩煲，份量幾多幾大煲配料俾其他地方多，有羊腩、冬菇、薑片、蒽、馬蹄、支竹和竹筍，滾起幾香，羊腩啖啖肉好腍好肥美甘香支竹和冬菇索晒汁好好味，馬蹄好大粒好爽，竹筍入口嫩滑美味，羊腩煲好入味，唔使點腐乳醬已好好味，點左更惹味蒜蓉開邊蒸海蝦，好香蒜蓉味，海蝦大細適中，爽囗彈牙，味道鮮甜臘味生炒糯米飯，糯米飯煙煙靱靱，入囗好香臘味和蝦米味最後甜品，原來係紫心蕃薯糖水，需然賣相普通，但蕃薯入囗好粉，糖水幾甜，剛好解返食完羊腩煲既咸味，另到囗腔好舒服唔囗乾呢個兩人套餐真係好底食，食到好飽都係$450，下次去開旺角可再試其他嘢。

中意覓食的朋友經常受到「健康D嘢唔好食，好食D嘢唔健康」的魔咒困惑。不過，今晚同朋友聚餐的哩間餐廳，竟然可以打破此魔咒，一定要重點推介一下。先講地點，非常就腳。火車旺角東站或地鐵太子站都係左近。揸車的朋友仲正，對面及隔離都有錶位。泊門口亦得，隔住餐廳大玻璃睇住。今晚點咗一味麥皮大頭蝦，麥皮相當健康，烘焗過，所以十分香。大頭蝦炸得外壳香脆，可以連壳食，但内裡蝦肉依然爽甜唔會太乾。火候恰到好處！沙鍋雲吞雞半隻已經一大鍋，唔知全隻會幾巨。一鍋有6隻雲吞。每隻雲吞都大大粒，因内有两大隻蝦，而且D蝦好爽！雞肉幾滑，仲有冬菰娃娃菜，滿滿的一鍋都不過$138,抵食。豉椒炒花蛤，好惹味。花蛤好鮮甜多汁，豆豉和辣椒再將鮮甜味提升一級。蠔餅煎得很酥脆，不太油膩。食落口感不錯。馬來喇沙亦係哩度的主打。一碗看似細細碗，但亦有不少料。

剛剛從一些好凍嘅地方返香港，就急不及待想食一啲熱辣辣嘅嘢。朋友就提議我哋去食羊腩煲， 我即刻話好。咁今晚就去咗太子花園街一間叫做有囍嘅中式餐館食飯 。嗌咗個二人餐，四百幾蚊 ，包咗一個羊腩煲， 蒜蓉切邊蒸蝦 ，一份時菜，一個生炒糯米飯，仲包埋甜品 ，性價比都好高。雖則為二人套餐，但係個羊腩煲都好大份 ，南乳湯底唔會太鹹，有好香嘅南乳味。 而且有大量嘅羊腩 ，食落唔算好騷， 羊肉煮得好林，點埋腐乳，食完個人暖笠笠。仲有大量嘅枝竹 ，筍， 十分補身 。蒜蓉蒸蝦有大量蒜蓉鋪喺面，十分惹味。生炒糯米飯相對地飯粒煮得比較黏身， 但係味道都唔錯 。另外我哋仲買咗一啲配料 ，包括午餐肉$36， 數一數有成十六塊咁多，真係食唔曬。仲有響玲$36，浸幾浸，索曬啲南乳湯底，yummy另外手切雪花肥牛$188(小)，賣相已經十分奪目，脂肪比例好均勻 ，擺落鍋度十秒15秒就已經食得 ，肉質鮮嫩， 入口即溶，牛味豐富 ，值得推介 。最後仲送埋紫薯糖水， 糖水深紫色顏色十分漂亮，食埋就真係十分滿足了。餐廳每位收茶介六蚊雞。今日就講到咁多，下回再同大家分享美食。

喺旺角鬧市中，最多嘅都係茶餐廳，俾我哋發現咗呢間四四正正既星馬泰菜。好，睇吓有咩食先。如果諗唔到食咩，可以睇吓牆身，攞下靈感。落左單，飲杯香片嘆下先。密椒金薯牛柳粒，爆炒得好好，牛柳入味唔韌，薯仔炸香先炒，好味！鮑魚雞煲，真係有鮑魚㗎，個雞煲好香，雞肉多汁夠滑，叫碗白飯送下先。上湯粉絲雜菜煲，除咗肉之外，梗係要叫返個菜啦，又有粉絲，有菇又有菜，呢個煲清淡得來都好有滿足感。今餐太好餸，成碗白飯食晒，食到好飽飽！

天氣轉冷，又是吃羊腩煲的時候。紅燒妙鹷鴿：燒得皮脆肉香，肉嫩滑帶油香，不用點調味已經入味夠味👍🏼牛乳魚肚雜菌娃娃菜：本身不太喜歡吃娃娃菜的我，也吃了不少。娃娃菜十分軟腍入味，入口綿綿的，沒有渣。魚肚亦軟腍爽彈，配合順滑濃郁奶香的牛乳湯，感覺舒服。鍋燒辣酒東風螺：十分入味，辣酒香濃惹味，螺肉軟彈沒有沙古法雙冬黑草羊腩煲：滿滿的羊腩煲，十分足料，一直滾著一直傳來陣陣羊肉羶香。羊腩很多，絕不只是鋪在面而已，底下還有大量羊腩。羊腩入味，肉不乾不鞋，皮軟彈粘口，而支竹冬菇馬蹄亦很多及十分入味。最好吃個充滿臘味香，軟綿煙韌的糯米飯，包䁔滿足！

本身同同事落太子係想食有囍旁既另一間餐廳，點知要等位...最後唯有轉場。點左個$48既常餐，揀左黑松露炒滑蛋、牛油多士、炸雞翼公仔麵。公仔麵唔係出前一丁，想要一丁要另外加錢。湯有點淡，無味既。炸雞翼個樣就睇落十分靚仔啦！三隻size適中無發育不良。食落熱辣辣，外皮夠脆，炸得好香口👍🏼幾得下黑松露滑蛋都整得好食，真心滑溜，有蛋香亦有黑松露味作點綴。多士都烘得脆身，唔錯(好驚個d烘完有濕氣/放耐左搞到又乾又難咬既...)我點既常餐算唔錯，但同行友人既咖哩雞飯，d咖哩汁係完全水狀黎。佢叫左杯凍檸茶少冰，d冰又有成半杯，筆完出黎，檸茶都得返半杯都唔知有無，侍應仲要話已經少左冰咁話...所以有伏有唔伏，俾個ok你啦。