有囍 (已結業)

中意覓食的朋友經常受到「健康D嘢唔好食，好食D嘢唔健康」的魔咒困惑。不過，今晚同朋友聚餐的哩間餐廳，竟然可以打破此魔咒，一定要重點推介一下。先講地點，非常就腳。火車旺角東站或地鐵太子站都係左近。揸車的朋友仲正，對面及隔離都有錶位。泊門口亦得，隔住餐廳大玻璃睇住。今晚點咗一味麥皮大頭蝦，麥皮相當健康，烘焗過，所以十分香。大頭蝦炸得外壳香脆，可以連壳食，但内裡蝦肉依然爽甜唔會太乾。火候恰到好處！沙鍋雲吞雞半隻已經一大鍋，唔知全隻會幾巨。一鍋有6隻雲吞。每隻雲吞都大大粒，因内有两大隻蝦，而且D蝦好爽！雞肉幾滑，仲有冬菰娃娃菜，滿滿的一鍋都不過$138,抵食。豉椒炒花蛤，好惹味。花蛤好鮮甜多汁，豆豉和辣椒再將鮮甜味提升一級。蠔餅煎得很酥脆，不太油膩。食落口感不錯。馬來喇沙亦係哩度的主打。一碗看似細細碗，但亦有不少料。