有囍 (已結業)

本身同同事落太子係想食有囍旁既另一間餐廳，點知要等位...最後唯有轉場。點左個$48既常餐，揀左黑松露炒滑蛋、牛油多士、炸雞翼公仔麵。公仔麵唔係出前一丁，想要一丁要另外加錢。湯有點淡，無味既。炸雞翼個樣就睇落十分靚仔啦！三隻size適中無發育不良。食落熱辣辣，外皮夠脆，炸得好香口👍🏼幾得下黑松露滑蛋都整得好食，真心滑溜，有蛋香亦有黑松露味作點綴。多士都烘得脆身，唔錯(好驚個d烘完有濕氣/放耐左搞到又乾又難咬既...)我點既常餐算唔錯，但同行友人既咖哩雞飯，d咖哩汁係完全水狀黎。佢叫左杯凍檸茶少冰，d冰又有成半杯，筆完出黎，檸茶都得返半杯都唔知有無，侍應仲要話已經少左冰咁話...所以有伏有唔伏，俾個ok你啦。