有囍 (已結業)

呢間在太子的有囍fusion餐廳，未正式開張前已來試過，之前食過火鍋，食品新鮮，湯底夠濃，肉骨茶湯就加番肉骨茶，食到最後都好好味。今次正式開業後再去試試，選擇多咗，有星馬泰菜色同火鍋， 但今次我們去食冬至飯，所以叫了他們的做節菜式。菜色有好意頭的"撈起"，有出名的堂弄火焰胡椒蟹，椰皇翅，海南雞，麥皮虎蝦……等等。好味見到有其它枱一邊打邊爐，一邊食泰菜，感覺應該不錯，夠特別。 下次一定會再試。這裡店內環境不錯，座得還舒服。

今日太子收工, 同朋友喺附近搵食，本身大家有一刻諗過打邊爐, 之後就上網搵下, 有間叫「有囍」既餐廳，入到去之後, 先知道依度除左有邊爐, 仲有小菜, 朋友見到係d新派既新加坡菜式, 想試試佢, 所以我地又好即興咁轉叫小菜！首先叫左個焗魔鬼魚, 需知道香港地要食到魔鬼魚既機會少之有少, 所以難得依度有, 價錢又唔貴, 都想試下! 魔鬼魚既肉質好彈口, 有ddddd似多寶魚咁, 加上佢d獨特既醬料, 辣辣地, 好好食!之後叫左個燒鱔, 由於我同朋友都係鱔迷, 所以二話不說就揀左依個! 燒鱔既口感比魔鬼魚仲更加彈牙, 而且有好多油脂, 擺入口有即溶感覺, 一個字, 好食!之後仲叫左個金邊粉, 不過不失, 不過略嫌酸左少少, 但好在d蝦夠多!最後仲叫左個巴東牛肋肉。一黎到, 見到成碟都係牛, 真係估佢唔到咁多份量! d巴東醬料好惹味, 加上勁多牛肋肉, 岩晒我地依d食肉獸!因為樣樣都係肉, 所以同朋友叫多個果茶飲, 味道都唔錯, 不過甜左dd。仲叫左水果菜試下，好足料！總括黎講依度d小菜都唔錯, 下次要試下依度既邊爐先!

上次來這條街吃火鍋時，見到有間試業中的食肆，既然新開，當然要試一試。店內地方都好大，有圓枱、方枱、卡位，空間感十足。本來諗住試試火鍋，點知經理話火鍋暫停，唯有試小菜。我們要了半只星加坡海南雞($138)，胡椒蝦($168)，肉骨茶($62)，馬拉盞椰菜苗($78)，青檸梳打($26)。海南雞雞肉好嫩滑，剛剛好熟，又唔會太肥，另有三種醬汁可選，我覺得黑豉油最好味。胡椒蝦炒得好香，蝦肉新鮮彈牙，並且鮮甜，胡椒味稍為淡少少。肉骨茶藥材味濃，而味道亦正宗，排骨好鮮甜。馬拉盞椰菜苗，好香馬拉盞味，椰菜苗有少靭。青檸梳打，附上糖水，可以自己決定潻加。最後侍應送上飯後甜品(千層糕)，煙煙靱靭，好味道。坐得舒服，服務到位，期待下次來試試火鍋。

行過花墟準備聖誕，一直知道運動場附近多餐廳。打算直接吃完晚餐再回家，沿路都有很多小餐廳，但一心想找一家坐得舒服和樣子乾淨的。平時看到貼著紅紙試業的餐廳通常都不會進去，但見又有火鍋又有小菜選擇，新裝潢又寬敞 即管試試。雖說是火鍋，但是一家新式的火鍋店，茶餐廳及小菜都有。比較一番後還是想試火鍋，點了二人火鍋龍蝦餐，包括了龍蝦一隻、是日海鮮4款、手切本地牛肉和雜菜籃。另外點了推介的松露墨魚丸(9粒)，還有攪攪震(4款不同的餃)。不得不提一個肉骨茶湯底，另加$30可轉配。味道非常香濃，湯底材料也很足 未食先喝兩碗湯感覺非常補身雜菜籃有驚喜，有皇帝菜，可惜沒有散叫的選擇。再來牛肉 份量還好，不過喜歡吃肉可以再點小碟的肉。本地牛肉是新鮮及嫩滑的，燙過肉骨茶湯底 不用沾醬已很入味。海鮮盤一次過上，有龍蝦、海蝦、蜆、青口和貴花蚌。每款2件，蜆和青口共10件左右。餃子不知是否手作，但內藏大蝦，是足料的餃子一共16件，二人食的話其實有點多。松露墨魚丸有很香松露味，將松露醬打入墨魚丸 還是很有嚼勁，9粒剛剛好，如果有拼盤就更好了。非常推薦肉骨茶湯底，好像還有外賣湯料發售。相冬天十分適合，可以再試。

有留意我哋A姐M佬都知，我哋最鍾意就係打邊爐，一個星期打足7日就唔得，但打足6日都真係無咩問題，因為有個黑洞胃M佬同牛肉系A姐，但係新加坡式嘅打邊爐真係未試過，今日就去到太子嘅有囍試試啦！呢間餐廳光猛企理，又坐得舒服，最重要係一入嚟已經聞到藥材味重嘅肉骨茶啦。肉骨茶湯底講明新加坡式嘅打邊爐，所以湯底都要有啲獅城感覺啦，除咗有喇沙湯底，仲有楜椒味版肉骨茶，而我哋就重口味啲，揀咗藥材味版肉骨茶！上枱一刻已經聞到個肉骨茶藥味好濃，我哋都未開始打邊爐，個湯已經俾我哋飲咗一半，好彩加湯係用番肉骨茶，唔係普通清湯，我哋又可以再飲過喇。招牌手切本地肥牛呢個肥牛嘅脂肪比例較多，但食落又唔算好肥，仲幾有咬口添。脆鯇魚腩呢個係M佬必食推介，啲鯇魚腩真係好脆，肉質好彈牙，唔腥又新鮮！不過，打鱗打得唔乾淨，食嘅時候要留意。自家手包雲吞我A姐就大愛呢個雲吞，粒粒都有半個拳頭咁大隻，入面嘅餡一啲都唔少，有2大隻蝦，好彈牙呀！除此之外，我哋仲食咗脆炸響鈴卷、鮮肉青同油麥菜，樣樣都夠晒新鮮！唯一嘅小提議係店員較生手，隔離枱同我哋都不時要追單。

依間新開嘅火鍋店湯底好特別！有7款湯底，包括有沙嗲，蕃茄，芫茜，地獄湯底，仲有少有嘅喇沙同肉骨茶(藥材/胡椒)，另外仲有5款特色鍋煲，包括有滋補花雕雞煲，參巴辣雞煲，黑椒雞煲，豬肚雞煲同花膠雞鍋。淨係湯底已經好多選擇！我地揀左最滋補嘅花膠雞鍋，特別適合冬天。湯底遞上來既時候，花膠同雞係另外上的，見倒花膠勁大塊，而雞係成隻上，份量十足！上左台先自己將花膠同雞加入湯度煮。原本以為唔會太濃味，但估唔倒湯底味道極鮮甜，當中少許的藥材味更令湯底的層次更豐富，除左用黎打邊爐，亦忍唔住一飲再飲湯底！ 因為本身鍋煲已可享用一隻雞同花膠，食完隻雞已經有4,5成飽，所以其他配料我地只係點左幾款。海鮮方面叫左海蝦，象拔仔，海鮮質素算高，食落都好新鮮！另外仲叫左松露墨魚丸，依個墨魚丸要讚一讚，有好香濃嘅黑松露味，口感仲好彈牙！蜂巢凍豆腐幾特別，味道不錯而且大大件！仲有響鈴同外面餐廳唔同，依度嘅響鈴係餐廳自已炸嘅！肉類就只叫左安格斯牛，牛肉口感嫩滑牛味好濃！由於湯底用左新雞同花膠煮，味道好鮮甜，配上任何肉類和菜都即時升級不少，最後叫左娃娃菜同金菇，吸左湯底嘅鮮甜味特別好食！總括而言，呢餐係令人驚喜的，我地今次

朋友本身約食附近嘅海鮮蒸氣鍋，但大排長龍都唔知幾時有位。商量過後覺得唔划算就轉場了，見隔離街呢邊都係新開火鍋店就近近地食返餐。餐廳以新加玻菜及火鍋做主打，因為我地一心想食海鮮就點左個火鍋龍蝦餐，龍蝦套餐本身都包左唔少食物，所以我地都只係再加左幾款火鍋料，已經好夠食了。火鍋湯底最先送上，奶白湯底好濃郁應該係以豬骨長時間熬煮所做出黎嘅效果。雖然係火鍋海鮮但呢度都唔馬虎，龍蝦拼盤除左龍蝦仲有青口／鮮蝦／白蜆／珊瑚蚌等等，分量十足。而且新鮮，貝殼類清理得乾淨無沙，蝦肉都彈牙爽口。同個濃郁湯底味道好夾。龍蝦切記唔好滾得太耐，分零鐘啱啱好。肉質爽脆鮮甜，蝦膏仲好香濃完全唔使點醬油，單靠湯底個味道已經好足。店員見我地食到成枱殼都即時幫我地換碟，抵讚。手切本地肥牛，薄切牛肉輕灼十數秒就食得，肉質比較腍同埋無筋，脂肪比例唔算多所以食落牛味比較突出。自家製鮮蝦雲吞好足料，每粒入面都有三大隻蝦仁，爽口程度不遜於鮮蝦加上肉餡調味得宜，好好食。食火鍋當然唔少得飲返杯冰涼飲品，青檸梳打就啱晒口味了，唔太甜又酸酸的解渴又消滯。因為湯底夠濃郁又加上各款海鮮嘅熬煮，令到蔬菜如唐蒿／皇帝菜等入味非常。鮮蝦滑用原隻蝦肉打成

食物新鮮魚腩夠咬口及彈牙響鈴夠脆芫茜湯底夠足料。芫茜夠香。環境枱與枱夠闊落，夠靜，夠光猛。星期六，walkin 都快有位。員工有善。暫未有酒牌。但好處可自帶啱口味酒水。

到好朋友家探望BB，之後就在他家附近食飯。路過一間招牌依然貼住紅紙的食肆，估計是試業中，但店內人客已經坐得滿滿，惹人好感，朋友也有同感下就有囍吧！雖然客多，但店內卡位多，坐得舒服！補花雕雞鍋 $138半隻先上一鍋雞湯，再放入雞件，煮到湯滾起先可以吃了。店員建議我們先喝點雞湯，的確雞湯濃而不膩，充滿滋補氣息。再吃吃雞件，雞肉嫩而入味，肉香與酒香撲鼻。松露墨魚丸 $118手打墨魚丸混入松露醬，口感軟彈，松露完全溶入墨魚丸，充滿松露香 。安格斯牛肉 $128小打邊爐不能缺少肥牛，選了安格斯牛，肉味夠濃，肉質有嚼勁但不韌，吸收了湯底精華，可不用沾醬汁也很美味了！ 油麥菜 $28蔬菜類的火爐配料中，幾喜歡吃油麥菜。喜歡它總是鮮嫩爽甜，入味而不掩蓋菜味，爽口且不易煮到過腍。 自家手包雲吞 $48雲吞大粒而包得穩實，咬開後蝦肉豬肉等饀料不會散開。雲吞皮厚度恰好，不易煮爛，但皮不過厚。

走一趟沙巴就被喇沙及肉骨茶的香濃湯底深深吸引著，這幾年都一直在香港尋找他鄉的味道。最近又得知太子有間「有囍」專門食新加坡、馬來西亞菜，火鍋更有喇沙湯底，這個不得了，即刻約齊戰友大拆一番！在看餐紙，原來還有肉骨茶湯底...怎樣選！一問之下店員表示可以鴛鴦鍋，就這樣解決了問題看著兩邊香噴噴的湯底，真忍不住飲一啖湯。喇沙蝦味濃郁 ; 肉骨茶藥材味特濃，所有肉都連軟骨位、骨香肉甜。兩者之中我認為肉骨茶更優勝除了特別湯底，配料都很吸引，最欣賞牛魔王，有五款牛，滿足了每樣食少少嘅我們，其實食起來份量一點也不少呢！牛肉是紅肉就誰都知，但牛肉居然有白肉就真是第一次接觸，戰戰兢兢的把全白肉片焯熟，還以為是脂肪，放入湯一陣子就收縮，原來是爽片，好特別啊另外黑松露丸亦有驚喜，經過肉骨茶的洗禮都依然滲出陣陣濃郁黑松露味除火鍋外，店家買有不少特色小菜。奶油蝦是不可以錯過，有點像我們的黃金蝦，但多了份奶油香。店員未呈上枱，我已聞到香味，好鬆脆又重香蛋黃味奶油味，真是連蝦頭都食埋

屋企附近開左間新店帶囡囡一齊去試嚇早餐種類差不多，無什麼特別，所以選擇最普通早餐蕃茄蜆殼粉跟火腿炒蛋和五香肉丁面跟餐蛋奶油包面和蜆殼粉好快到，其餘要催谷2次才到可笑是第一份餐蛋奶油包送左餐蛋及普通多士方包要換，第二份再催2次才到點知黎腸蛋及方包，都算呀，囡囡食蛋時食到蛋殼及有不知什麽在蛋內講真我要求唔高但都冇可能有咁嘅服務給咁嘅質量

朋友生日，他說在新假期看到有間新餐廳，「有囍」地方很大，裝修整潔舒服餐廳內有很多人吃晚飯，好彩朋友一早已訂位，星加坡炒黑蘿蔔糕，蘿蔔糕炒得非常野味，因是第一碟餸，太肚餓沒有影相已吃完😅，星加坡黑胡椒蟹：香辣鮮甜，蔥也非常入味星加坡海南雞：雞肉非常滑，皮爽滑肉嫩，再點買黑豉油，和海南雞醬，味道當堂昇華不少太好味，結果吃了兩隻黑蒜青檸燒豬肋排：好香蕉香味，豬鮮甜鷄煲翅：湯濃料多泰式青咖喱雞：OK不過不失大家還飲了很多啤酒，超開心

之前有雜誌介紹過這家店有星洲火鍋，特意前來一試，誰料還在新張期已經改menu，取消了火鍋，連其他食評曾推介的小食都沒有了。但仍然坐下來幫襯吓，怎料盛惠五佰多元的胡椒炒蟹，味道是好的，但肉蟹冇肉，肉質是＂削＂的，連招牌菜食材都沒有揀選好，令人好失望。另一中伏之作，星洲炒蘿蔔糕，質感奇怪，真係沒有最難食，只有更難食！唯有$168的燒鱔，真心給一個讚，可惜份量真心的小。奉勸新店取價要靠譜些，老是想盡快回本，結果只會食客一去冇回頭。溫馨提示，新張期內只收現金。

新開星馬餐廳，大大張poster特價龍蝦喇唦，非常吸引，我成三點先入去食嘢，當然售罄啦。肚仔餓 ，都坐低叫其他嘢食。叫左個鷄絲喇唦，試下佢既喇唦湯底，湯既顏色夠色水，基本材料都足，味道略厭唔夠椰香，味道都ok啦，佢哋用既麵同我食開有啲唔同，似拉麵多啲。另外叫多個海南鷄飯試下，驚喜係佢哋用番新加坡既醬油，雖然隻海南鷄同油飯一般，就係呢個醬油，生色不少。呢度既服務員每一個都笑容可掬，亦都好留意客人，讚！

天氣開始凍，就開始好想打邊爐，但係有冇book枱，行過見到太子呢一間打邊爐好似有位，就走左入去試吓啦。芫茜湯底＄68因為有啲熱氣，所以就叫咗芫茜可以下火，本來以為係清湯底，點知上枱嘅時候係奶白色，味道到仲幾濃添。鬼馬油炸鬼＄108呢個係喺油炸鬼裏面養咗啲蝦膠，所以都要睇住時間，唔可以浸一浸就食，裏面啲黑膠都好彈牙，出面嘅油炸鬼就煙煙銀銀，有少少脆嘅，幾得意。野生竹笙＄38竹笙嘅份量都唔少，夠爽口，吸晒個湯底嘅味道。響鈴卷＄38呢度嘅響鈴卷浸耐小小都唔會諗，所以就唔驚話要1秒拎上黎，都仲食到趣嘅響鈴，又有黃豆味。芝士丸＄38裏面啲芝士好悶，仲有啲油香滲出嚟，個味道一啲都唔淡，唔用醬都好夠味道。津白＄38津白夠嫩口，冇乜渣，食落幾甜。手切本地肥牛（細） ＄168肥牛就真係主角，等到最後先出現，真係即叫即切，雖然係細返，但份量都唔少，雪花分布幾好，唔會食到一半肥一半瘦，幾有牛味。兩個人食＄600有找，又唔使等位，佢仲有其他星加坡小菜食添。