月詠

营业中

休息中

見咁多人話好食咁就搵埋另一半試下二人餐～其實menu拉麵選擇唔多，我就叫左好多人介紹既雞白湯拉麵，另一半就揀雞腿拌麵。小食揀左秋葵、炸雞同埋魚餅，包甜品紅豆蕨餅每人兩粒。另外二人餐可以揀飲桃味汽水，menu散叫反而搵唔到有得揀。首先講下雞白湯拉麵，我覺得成程既感覺就係鹹，餸就有一隻溏心蛋同兩塊白烚雞肉。白烚雞肉我真係麻麻，好彩得兩塊，因為感覺好制。但其實拉麵份量唔多～值得讚既係魚餅，堅好食，有啲芝士係入面，似芝士魚旦咁👍🏻👍🏻另一半都話好食。燒秋葵都唔錯，好惹味！欣賞佢小食包蔬菜類。炸雞都麻麻地，食到冰鮮味，有啲「鞋」口。總結：唔使等位，坐都ok舒服，服務都唔錯staff好熱心反應又快，不過如果有下次我未必叫雞白湯拉麵🤔

MOST SATISFYING SOBA IN HONG KONG!!Tsukiyomi Tori Soba is a fusion Japanese soba restaurant that left me thoroughly impressed with their “Tantan” Tori Soba. This delectable specialty dish is a harmonious blend of Japanese Soba and Shanghainese Dan Dan noodles, delivering a spicy and utterly delicious experience.The moment I took my first bite, I was engulfed in a medley of flavors that danced on my palate. The noodles were cooked to perfection, striking a delicate balance between chewiness and t

奥海城大排長龍人氣拉麵店月詠🍜日本創業3️⃣年首間海外分店🇭🇰除咗招牌拉麵🍜仲有香港限定‼️餐廳灰黑色調，使用原木材質，完全係鹿兒島本店風格👍🏻我哋試左招牌拉麵😆仲有小食🇯🇵🍜原味雞白湯拉麵上枱已經忍唔住要飲啖湯先🥹完全忽略相機食先😂100%最純粹嘅日本國產雞肉白湯底🍲又濃又香最正係冇雞油☺️每啖入口都好健康雞叉燒滑又嫩，完全唔會鞋✅加上京都九葱，溫泉蛋，完美👌🏻🇯🇵🍜檸檬牛油雞白湯拉麵第一次食拉麵入邊有檸檬，絕對有驚喜😙湯頭同原味一樣，但多左份檸檬嘅清新同牛油嘅濃香👍🏻全麥麵彈牙，軟硬質中☺️店員介紹食到一半可以試下加佢哋白松露油同胡椒粒，好貼心🫶🏻我哋都試咗，口感即時豐富左，松露愛好者一定要試試💞🇭🇰🍜胡麻醬燒雞腿拌麵 香港限定一見到係香港限定🇭🇰即刻要試喇🤪招牌雞白湯同日本胡麻汁調製成獨特嘅拌麵汁，慢煮雞腿肉皮脆肉嫩，份量頗多，配上日本溫泉蛋，爸爸表示想食多碗🤭🔺鹿兒島月揚庵魚餅黄金酥脆嘅魚餅，食落好香魚味，每啖都食到芝士，yummy 🔺酥脆雞皮餃子雞皮脆卜卜，咬開爆餡，唔會油膩🔺日式香酥雞胗香口嘅雞胗，完全冇騷味👍🏻🔺黃豆蕨餅配紅豆紅豆原粒飽滿，綿密，黃豆蕨餅好煙靭😍

奧海城農曆年期間開咗一間從日本鹿兒島來嘅人氣雞白湯🍗湯拉麵專門店，叫"月詠" ，它標榜嚴選冇激素， 冇添加，冇人工調味嘅日本國產雞肉熬煮雞白湯底， 同埋日本製作嘅雞叉燒。 "月詠"更專為香港研發香港限定版的'鹿兒島魚餅雞汁冷麵'，更同香港主廚合作創作 '胡麻醬燒雞腿拌麵'。餐廳設計以啡色為主調配上不同原木材，形象平實清新，入門有一大排白兔公仔，代表創辦人對女兒嘅愛。 店內座位不算多，但空間還算舒適。我今次試試牛刀，只選了招牌雞白湯拉麵， 好快熱辣辣起晒泡嘅雞湯拉麵上枱， 賣相不錯。 湯底採用咗鹿兒島嘅土雞熬製而成，味道濃郁香滑， 帶有一點點忌廉湯味道。 配上自家製嘅中細麵條，口感彈牙而又嚼口，而且能把濃郁嘅湯汁完美掛在麵條之上，和蔥絲一齊食更可口😌 雞叉燒食得出係慢煮雞胸肉，都幾嫩滑。不過，麵條和雞叉燒份量不太多，正常一個男士一定不夠。 整體來說，如果喜歡雞白湯可試試。

檸檬牛油雞白湯拉麵係最有驚喜最有特色的食物，估唔到檸檬同呢個雞白湯拉麵會咁夾，好似飲檸檬茶咁樣篤檸檬，酸酸地反而仲吊出雞湯的鮮味。香港限定的胡麻醬燒雞腿拌麵味道也不錯，麻醬很香，麵質也很好，不過與檸檬牛油雞白湯拉麵一比較之下就明顯失色。廣島黑酢拌炸雞很好吃，炸雞不油非常難得，炸得外脆內嫩，外面的醬也不會很咸。芝麻醬拌青瓜雞叉燒其實就好似手撕雞，不過佢D雞肉真係好嫩滑，唯一就是青瓜太少了。溫泉蛋也不錯。

孤陋寡聞, 真係唔知道鹿兒島都有出名嘅雞白湯拉麵。月詠嘅雞白湯唔係傑撻撻嗰隻雞白湯, 有啲似豆漿嘅感覺, 飲落口有些小鹹, 但整體都係滑漏！我叫咗碗檸檬牛油雞白湯拉麵, 檸檬中和咗牛油嘅油膩, 牛油令到個湯底更加滑漏。佢哋用嘅係蕎麥麵, 畀傳統拉麵爽口, 加埋檸檬味令到成碗麵有清新嘅感覺。溏心蛋正常發揮, 雞胸肉嫩滑冇黐牙。廣島黑酢拌炸雞肉汁豐富, 炸粉都幾厚, 略嫌味道單薄左少少！反而個豆腐野菜煎餅略有驚喜, 質地好滑, 配埋青瓜絲一齊食, 口感好特別！用qr code落單, 其實都冇乜服務可言, 但裝修非常日式, 座位亦都坐得舒服, 咁嘅價錢, 其實都真係唔錯, 不過嗰啲鍾意濃厚雞白湯嘅人就未必鍾意啦！

今日試咗一間算係新開嘅拉麵店，賣點係日本近期好興嘅雞白湯，叫咗一碗黎試，另外再加一個小食，都幾好味。個雞白湯嘅雞味都算幾濃，我覺得最神奇嘅地方係冇雞油，真係好難得。入面嘅餸除咗相入面見到嘅蔥同埋溫泉蛋之外，其實仲有一啲雞肉，雞肉似係雞胸位不過又煮得好嫩，又唔會韌。佢個面都做得幾好，好有彈性加小小煙韌，又唔會俾啲湯浸到林pat pat。小食就叫咗炸雞，炸得幾香脆，而且又係無乜肥肉，塊皮好香口，忍唔住食咗少少。

當天本身想去大食代，但原來已經結業。碰巧看到一間新的拉麵店在附近便去嘗試。🍜😯😯看其他食評同網上的資料才知道，這是首間海外分店。貴為雞白湯麵專門店，「月詠」嚴選日本國產雞肉熬煮奶白色雞白湯底，加埋日本製作「雞叉燒」。🐔🍜創辦人上薗光洋先生仲專為香港研發香港限定版「鹿兒島魚餅雞汁冷麵」，更同香港主廚合作創作「胡麻醬燒雞腿拌麵」。🇭🇰是次叫了感覺特別些的：牛油檸檬雞白湯拉麵（$98）🍲🍋先說湯頭，牛油味太出，反令雞味不突出。有點後悔沒叫原味那款。🥲但口感是厚身。👍🏻檸檬味可因應想要的酸度要去篤，建議多篤會比較有清新感。🍋溫泉蛋正常發揮。🥚見到有少見的白松露油，當然要試一下，要很重的菌味。如喜歡實屬可多加。但也是雙刃刀。因為味道太有個性了。🍄🐔雞胸不粗糙，也不特別滑。😂最後還有些湯，便加了白松露油和黑椒，喝下去。變了西式的味道，但不錯。🍲🍄店員態度好。👍會想再給多次機會，試原味那款。感覺是這款不適合自己。🍜😊

明過於實,見到過江龍先嚟試一試點知中伏.雞得過兩舊,啲麵份量極少.完全唔值98元.去大角咀食其他拉麵好過啲湯唔夠熱,流心蛋中下,個心仲係凍叫咗擔擔麵湯底,唔知點樣擔擔麵,冇乜花生味.服務員叫我定兩滴白松露,係好味咗啲啲但係似食意粉多啲

我見呢間嘢喺奧海城啱啱開咗，就諗住過去試吓睇吓有咩特別啦，因為聽講係雞白湯拉麵都幾出名，咁就係一個平日lunch過去試咗，叫咗個招牌雞白湯拉麵。 但係好老實講，食完之後係有少少失望，先講佢個湯底，佢個雞白湯真係好普通，純粹覺得好重口味同埋得個鹹字。個蛋同埋拉麵就正正常常啦，但係好老實咁大碗拉麵剩係得兩塊好細舊嘅雞片，完全係冇肉食。所以overall嚟講冇咩必要專登過嚟試，我諗我自己亦都唔會再去第二次。

本來很高分卻因為吃完口喝被扣掉分數今晚去咗奧海城新店月詠食拉麵，店址原是展覽商場發展商的示範單位，不知是否樓市低迷而被拆做餐廳，商店和戲院。我們點了一個牛油檸檬雞白湯拉麵，一個擔擔拉麵，和一個溫泉蛋飯。拉麵和飯都相當好吃，白湯清新，擔擔湯底初時不錯，但麵食到一半會覺得湯越來越偏鹹。而雞肉很滑，湯麵嘅蛋，葱花都很不錯。意想不到的是溫泉蛋飯很好吃，蛋和飯混和配料很配合，總之就好吃。然而因為兩款拉麵吃完都很口喝，相信店家要非常注意這一點，不然難以點擊回頭率。

平時唔太喜歡食拉麵, 因為覺得一般的豬骨湯拉麵個湯底好肥好油, 早排經過奧海城見到呢間新開的日本過江龍鹿兒島拉麵店係用雞湯做湯底, 個樣都幾吸引, 就入去試下啦. 我點咗一碗檸檬牛油雞白湯拉麵 ($98), 再加幾個小食同老公 share.我都係第一次食拉麵加檸檬, 估唔到又幾夾喎, 酸酸地有陣陣清香的味道, 個雞湯底打到起泡, 好濃郁, 又滑溜, 兩片慢煮日本雞肉軟腍入味, 仲有成隻溏心蛋, 麵質彈牙, 好食!另外幾個小食都有驚喜, 尤其是個雞皮餃子 ($48), 酥脆香口, 好特別. 日式香酥雞珍 ($58) 份量都幾多, 好爽口, 調味恰到好處, 一口接一口追住食. 月揚庵魚餅 ($48) 係鹿兒島名物, 我之前去鹿兒島旅行都有買返黎做手信, 一路食D回憶返晒黎, 攪到我好想即刻飛返轉添.

今日下午茶去咗呢度食拉麵 ，食完之後得一個結論唔會再嚟 第一樣講個湯 個湯有啲似忌廉蘑菇湯底同罐頭嗰啲差唔多 仲要係非常之咸， 拉麵最緊要係個湯底呢樣已經扣曬分 第二樣 講兩舊雞嗰兩舊雞就正正常常冇乜特別……但得勁細片……不過起碼唔係鞋嘅 第三樣講隻溫泉蛋都係正正常水準ok 最後講埋個麵麵係合格嘅 面質唔會話太淋亦都唔會話太硬，有啲彈牙 店完同我哋講枱面有兩支松露油可以加落去會好味啲，我加咗落去之後確實係好味咗少少嘅……因為同你出去食蘑菇松露意粉一樣味道 好啦總之呢我食咗兩舊水但係就好似食緊蘑菇忌廉意粉一樣 如果大家對拉麵又有一定要求嘅就唔好理黎如果你想獵奇試下蘑菇松露拉麵嘅話就試下啦另外畀多個提議大家如果大家真係想食拉麵好味嘅話就去大角咀嗰邊有一間都唔錯，不過要排好耐咁解……

最近佢喺奧海城新開，所以就試吓，睇吓佢係咪真係咁受歡迎。入到店舖後，我就嗌佢嘅招牌名菜白雞湯拉麵，本身個面會有一個糖心蛋。碗拉麵係好熱嘅，有兩片雞叉燒，唔知佢呢度啲拉麵係咪特別矜貴，份量係平時舖頭出面嘅一半，所以男士係一定唔夠飽。首先我想講吓個湯，奶白色帶點泡泡，飲落去冇乜雞味，個湯真係普普通通，我自己覺得隻味怪怪地，飲唔慣，要點佢個白松露油先好少少。糖心蛋係幾好食，真係做到流心效果。 雞叉燒食得出似係慢煮雞胸肉。 點解我講係一個奇妙嘅拉麵呢，因為食完之後半個鐘，就感覺個腸胃好像好脹，有好多胃氣，唔同食錯嘢嗰種唔乾淨嘅肚痛。係本人食咁多間拉麵之後，第一次會有呢個感覺，仲要係我只係食咗一碗麵，小食都冇食。 餐廳環境比一般拉麵鋪闊，坐得舒服嘅，同埋呢間餐廳係會收加一。

日本鹿兒島的人氣白雞湯拉麵專門店「月 詠(TSUKIYOMI TORI-SOBA)」標榜絕無添加、無味精、無人工調味、無激素的拉麵店,並以優 質、健康的食材。環境:餐廳室內裝潢設計富有日本拉麵店特色，灰黑 色主調配搭不同原木材質,形象低調沉實,入門有一大排白兔🐰公仔，代表創辦人對女兒的愛。晚市人流極多,職員態度友善有禮👍🏻食物:🌟檸檬牛油雞白湯拉麵 奶白色的湯底以嚴選日本國產雞肉熬煮, 帶骨膠原和忌廉香,口感綿密;加入牛油和檸檬🍋後, 更能豐富層次感，湯底濃郁帶有少少酸味，加上慢煮鹿兒島走地雞雞肉，雞肉唔會太柴，糖心蛋，拉麵彈牙煙韌🌟原味雞白湯拉麵雞白湯底的表面有泡沫感,味道有點像忌廉濃湯，湯底非常出色！麵條口感彈牙,帶點點嚼勁。可以嘗試加入松露油及黑胡椒同吃,味道更鮮明惹味