會景餐廳 (已結業)

我想請問如果只係問問題，唔係評語，呢個網會唔會post出黎架?因為我之前試過問幾次問題，但都無post過出黎。我想問會景0既晚餐buffet 有咩食架?點先會有折0既呢?同埋我想問佢d海鮮同刺身係咪自己拎架?

公司攪慶功，本來好好開，因為好耐冇來過這兒吃buffet，那晚十分期待。會景o既buffet一向以多選擇取勝，行了一圈後，發現食品種類真的是琳琅滿目，印度咖哩、日式串燒、鐵板燒、各款沙律、冷盤、刺身、冰鎮海鮮、日式冷麵、中式燒味、熱葷、天婦羅、燉湯、燒牛肉、當然還有中西日式甜品及水果…太多了，每樣試少少都要捧住個肚走。所以今次我同其他同事每人試，看看那樣最好吃，才全力出擊。綜合了一十個人的試味報告…先說中菜︰燒味--不吃也罷，相信燒臘店一定好味；其餘那些酒樓式小菜也可不吃，因為太多油及味道偏淡，可以一試的只有椒鹽鮮魷；燉湯都好，很有家庭feel。再來是西式︰野菌忌廉湯，夠creamy，但奶味過重；煙三文魚、生牛肉及凍肉，都不俗；生蠔、蟹腳、凍蝦、青口等冰鎮海鮮，除了生蠔不夠肥美外，其他都很鮮甜，特別是蟹腳；熱葷則有燒牛肉、芝士牛仔肉、炸薯角、露絲瑪莉雞…味道只能說不過不失，跟坊間的西餐廳差不多，沒啥特別。再來是印度咖喱︰個人而已，no comment，因為似港式茶餐廳的咖喱牛腩。日本菜︰全晚我覺得最好食o既菜式。刺身雖然切得很厚，但很新鮮、肥美，推介赤貝、甜蝦同吞拿魚；冷麵即叫即整，強

今日公司在會展有野搞，成日都要在那邊坐鎮。下午食飯時老細出循，呢頭無咩邊度近便又似樣，就同佢來了舊會展呢邊食。呢度地方好大，亦有大海景，環境唔錯。一點幾都幾多人，我們亦可坐到窗邊。午飯時間，有a la carte 同半自助餐，佢話事吃半自助。半先助即自助的沙律吧，加主菜六選一，同咖啡或茶。沙律吧範圍就大，但行左一轉發覺唔算多野食。湯是獨沽一味野菌忌廉湯，味道一般；有好多款沙律菜同沙律汁，但其他沙律食品只有燒茄子、香草薯仔同蕃茄等，味道還可以；之後就係涷涷地的麵包，整體而言不算好。主菜要了香草薯仔西冷扒同印式串燒黃薑飯，西冷扒只普通貨色，老細食左一半就不吃了；我的串燒及黃薑飯賣相及味道都好一點，不過黃薑飯就濕左少少。連普普通通的兩杯熱咖啡，埋單盛惠二百八十蚊，雖然唔使的比錢，但以食物質數計係唔係好抵，淨係個全海景最正。可能晚上食自助餐會好一點。

請問點樣先有88折？同埋而家sell日式，其它dishes會唔會少左？thx！

噚晚和一眾親朋去食,d都幾好,個場好大,侍應態度又好又招呼周到,食物方面普遍都唔錯,相比之下熱盆較冷盆多,我覺得呢度又好過TODAI喎,不論環境和價錢(昨晚我們去食有88折), 值得一試!!!!!

一般啦, 環境不是太正, 呢期佢推介係日本菜多, 但我覺得無咩特別. d印度嘢好難食, d甜品同中菜都ok, 但唔多選擇, 抵就一定唔抵, 但試下都唔怕!!

有一次同男朋友去呢度食dinner buffet, 好好味呀~~~ 我平時唔食生蠔, 但上次去都食左成4隻, 因為真係好新鮮, 一d都唔腥, 正!!! 佢有兩款生蠔, 一款係新西蘭, 一款係美國, 兩隻個味道都差好遠... 好神秘... 另外佢d刺身又好好味喎..跟住d熱盤又好正啦, 佢o個d要填飽你既"薯仔"整得好好喎, 攪到我都中左佢招係咁食... 佢d扒都好好味啦, 我都忍唔住食左兩塊... 同埋佢有d燒冬菇呀, 串燒呀咁, 選擇都幾多..佢d食物換得好快, 另外甜品選擇亦好多, cheese cake好滑, 淨係食甜品都飽死呀..不過最後就有一件唔太開心既事啦, 我地埋左單走時, 未出到門口就俾一個waiter截住問我地埋左單未, 攪到我男朋友有d嬲咁反問"駛唔駛show張單你睇?" 一間餐廳既waiters係唔係應該對埋單呢樣野有d溝通, 咁唔駛令到d客覺得唔太開心呢?

上次平安夜去食自助食，本來以為咁貴會好食架喇，點不知去完都唔知食左d乜，只係環境好

平時都有去食下夜晚buffut , 覺得都很好味, 又多選擇, 昨天母親節都去食下lunch buffut , 覺得都可以喇... 但都係覺得cafe too 好味d, 和選擇多d...母親節價錢唔知幾錢, 因唔駛我比.... 無問, 但d 位就坐得很舒服, 舒服過上次夜晚坐長餐台, 今次又系18人, 但就分做2張大圓台, 但望落都有1-2成台無人book , 總括來講, 呢次buffut 無驚喜囉.... 母親節每個母親有康乃馨送, 又有得免費拍照囉....食到3:00.... 可能無tea buffut , 所以都無趕我地走, 我地傾到3:30 .....先離開...

這間餐廳我已吃了好多次了東西款式也算多不過每樣東西都好好食我最鐘意食雞軟骨大蝦燕窩燉蛋芒果布丁佢哋既刺身仲好新鮮好好味雖然價格貴了點但間中食下都唔錯最唔好既係佢哋始終都冇coupon

朋友介紹下去了會展內這間餐廳食buffet環境幽雅收碟都好快而且食品選擇款式實在太多了中,日,印及東南亞美食多不勝數不過d生蚝就好細好似營養不良咁超過6個人食有折扣我地埋單每人都係$280左右可能你可以找到更便宜的buffet但以這個價錢食到這樣高質的buffet個人覺得超值

你地寫:成人$295, 小童$148 (星期一至四6:30pm-10:00pm) 成人$310, 小童$155 (星期五至日及公眾假期6:30pm-10:00pm)而家已經係:成人$308, 小童$154 (星期一至四6:30pm-10:00pm) 成人$328, 小童$164 (星期五至日及公眾假期及前夕6:30pm-10:00pm)

The environment is good and relaxing. Waiters are cheerful and polite. However, I think the variety of food is below my expectation, and the choices of "hot-pans" are limited (My mum doesn't eat raw).Price: $320/person (after discounted), a little bit expensive when compared to the overall quality.For those who are interested, remeber to have an early booking in order to have a nice sea-view.

同媽咪慶祝生日而大破慳"狼", 生蠔, 壽司係必有的, 刺身竟然有赤貝揀, 都幾好, 另外小妹較為有深刻印象o既係鐵板珍寶老虎蝦, 香味十足, 香煎銀鱈魚, 魚很滑又香, 另外還有多樣中, 日, 印式食品, 不過小妹只係覺得普通, 最後令小妹最期待的甜品環節, 可說係令小妹失望, 芝士餅的選擇太多, 食了一件後已經覺得吃不消, 其他甜品的質素都係麻麻地, 環境闊落好舒服, 係大玻璃窗望出去, 夜景好靚, 而服務方面還算可以, 因為侍應都好有禮貌, 收碟都幾快, 總括o黎講, 呢次我媽咪都算幾滿足

無論熱食冷盤甜品都好多款式揀,味道質素都屬中上,個會景炒麵好好食,即煮粉麵個湯底夠濃味,而且有皮蛋"嚴"茜湯底揀,夠特別,甜品就好多細細件,夠精緻美中不足係成日來來去去都係果d款,好少轉,我3月、7月同10 月去過總共三次,三次款式都係一樣冇變過咁滯價錢略貴,兩個人連埋unlimited refill 既橙汁要700幾埋單