曾記粿品

新年喇，又係要食啲乜糕物糕嘅時候。一時心血來潮，今年想食啲潮式糕點，就特登去上環呢間老字號買糕點過年。當我仲怕佢哋冇開門嘅時候，事實上佢哋喺忙到停唔到手，原來已經有好多人向佢哋訂咗糕點過年。我因為冇事先預訂，所以只能夠買佢哋當日未有被人預訂的糕點。因為時值午飯時間，睇到佢哋餐牌上有個炒潮式糕粿，我已經好耐冇食呢樣嘢啦，於是就嗌咗一碟當作午餐。記得阿叔仲望咗我一眼，話「好喇，我炒俾你啦！」，都唔知喺唔喺本來都唔準備開爐。我等咗一陣碟嘢至上枱。糕粿喺東南亞一帶，尤其是在星、馬係一個非常普遍的食材，係由米漿同沾米粉溝水蒸出嚟的東西，佢嘅口感有少少似蘿蔔糕。潮式炒法，通常就係同啲雞蛋、韭菜、甜豉油一齊炒，係個非常之經濟又飽肚的食物。呢度嘅糕粿偏腍，阿叔炒出嚟嘅糕粿係好味嘅，只不過油膩咗啲，如果冇落咁多油可能會更加好。下次嚟呢度買嘢嘅時候會試吓佢第啲潮式小食。…查看更多

蕉媽作為半個潮州人由細到大都食唔少潮州美食因為細個過農曆新年，舅父經常會搵食潮州美食嘅酒樓團拜今日嚟到上環皇后街街市我哋曾經住喺上環10年有多經常會到上環皇后街街市搵美食呢度每一間食店我哋都食過今次介紹一間潮州粿品專門店我哋都食過好多次呢度嘅粿品有好多款式，有甜有咸蕉媽就最鍾意食芋頭粿，另外蘿蔔粿同韭菜粿都好美味件件煎得啱啱好，外皮香脆，滿滿的肉餡流出鮮美的肉汁😍每件粿$8，最少要點3件由於想試其他嘢，所以就冇點甜嘅粿童年記憶中食過好好食嘅潮式食品水瓜烙唔係好多地方有得食所以今日都點咗一份（每碟$70）水瓜烙以用炸醬糊起水瓜、豬肉、鮮蝦放油鍋炸至金黃色，香脆可口，雖然有些油膩，但真係食到舔舔脷。食咗咁多煎炸嘢，點碗牛丸湯去去油膩感牛丸加咗蔥，咬落去就知道係手打喺，非常彈牙雖然湯有時少少鹹，不過牛丸係好食嘅美食唔係一定係大餐廳先食到如果想搵美食，可以嚟上環皇后街街市曾記粿品 (上環)上環皇后街1號皇后街熟食市場…查看更多

這家潮州食品店是正宗人氣店，堂食外賣的顧客絡繹不絕，老闆和員工都是老人家，所以大家光顧時真的要有點耐性，始終美食就是值得等待。最受歡迎的當時是潮州粿，有甜有鹹，$8一個，堂食最少3個便可以為你煎得香噴噴，不過今天到此一遊的原因不是粿而是他的綠豆爽甜品。我選了清心丸綠豆爽，至於友人側點了清心丸白果綠豆爽。清心丸白果綠豆爽比清心丸綠豆爽稍為大碗一點，綠豆爽用的綠豆真的很爽口，而清心丸質素也不錯，晶瑩剔透有彈性，不過白果似乎有點失手，有點硬，似乎是因為烹調時間不足所至。整體感覺良好，下次會再來。…查看更多

啱啱行完山，路經熟食街市，記得入邊有呢間傳統糕點舖頭。一心試吓諗住回味舊時，點知得來一個唔愉快嘅回憶叫咗件雞屎滕綠豆，身上只有$100，姨姨見到之後問有冇散紙，我都好唔好意思同佢講，真係冇。點知佢就同返我講：一係買兩個，一係下次先買。我都未反應得切，佢就已經同我講：「咁你下次先買啦」我都明白要唱散子係一件麻煩嘅事，但係態度上我諗應該都可以好啲掛😅到最後我都係冇緣食到，因為姨姨一秒後已經拎返走件糕點…查看更多

搵食搵到去熟食市場😳呢間完全唔係on the list純粹係食完abc 到喉唔到肺又見到呢間咁多人幫襯好奇心驅使下 叫左三個黎攝牙罅點知幾有驚喜喎🤩三個起可以代蒸代煎👍🏻👍🏻粿皮薄！！餡多！！唔係煎到脆卜卜 但都好香口！！⍥ 蘿蔔粿⍥ 韭菜粿⍥ 椰菜粿😆最愛椰菜粿 有少少蝦米鹹香得多椰菜仲keep到爽脆 的確驚艷到我 大愛也🫰🏻其次係韭菜粿 雖然平時唔係特別鍾情加上一切就有啲油咇出黎🤣嚇到我嘩一聲不過呢到既韭菜香味突出 齒頰留香😚🥲至於蘿蔔粿係有少少失望既我期望係食到一絲絲蘿蔔 即使爽爽地稔稔地我都接受但咬落去好似有個蘿蔔糕係裏面🥺硬硬實實咁 無咩味 不是我杯茶喎😕…查看更多

我喜歡的是紅豆果，豆沙香而不甜。老闆極推的芋泥果，真係至愛之選。芋泥軟糯，加上花生粒，調味適中，我兩款都會再買。我經常在其他地區買茶果食。此處性價比至高!蔡瀾經常推介此家的潮州果品和甜品。這天下午兩點多到場，場內有幾桌有客。一直有客外賣茶果。堂食不用等位，外賣輪候2-3位。是日所有湯水，都沒有白果，只好試下綠豆爽。入口不太甜，頗多綠豆，爽丸是4方型，有點大件，不過不失啦。 店主教路將茶果放在熱鑊，每邊煎2分鐘便可以。茶果放在雪櫃可存3天。九菜果似乎最出名。我個人口味覺得調味略咸, 九菜料充足。 蘿蔔果的饀料亦算多，個人喜好認為有點芹菜和蝦米好食D。…查看更多

回憶既味道由於婆婆係潮州人，佢好鐘意做各重各樣既潮州糕店，其中最回味既就係韮菜棵細細個同婆婆係廚房一齊整韮菜棵，都唔知道原來婆婆整既韮菜棵原來係極品，皮薄餡靚，可惜往事只能回味就係錦，為左回憶既味道，上網搵邊到有得食，就搵左上環既曾記棵品佢$8 / 隻，買左3隻生既，番屋企煎黎食佢係唔錯既，做到韮菜棵既精粹，但係唔好處就係佢既皮有啲厚，令到韮菜同個棵分開既感覺，有食過蝦餃既朋友應該知我講緊咩如果佢個皮改良到，就prefect…查看更多

講起月餅，相信大家都會諗到流心奶黃月餅，雙黃白蓮蓉，甚至唔多人鍾意嘅五仁月餅。但大家又有冇試過傳統嘅潮州月餅呢~潮州月餅嘅外型、味道、口感同傳統月餅都大有不同！曾記粿品嘅月餅平別有芋泥、綠豆蓉、紅豆蓉三隻口味，價錢為240一盒。每個月餅都係師傅人手一個個搓出黎！每日都新鮮出爐，賣曬就無。而我就最鍾意就係芋泥味，綿滑嘅芋泥加上酥脆嘅外皮，真係令我一試再試。食潮州月餅就好似食緊台灣嘅芋泥酥一樣。不過，我食過嘅潮州月餅唔多，難以同其他餅店作出比較。但如果大家經過西營盤，不妨買一個試試！…查看更多

就快到中秋啦。。周圍都有好多月餅🥮浮晒出黎😏😏今日就介紹下呢間潮州月餅啦。。我朋友超級鍾意食呢間。。佢平時唔係月餅節佢就賣茶果。。都有好多人買同限量發售‼️咁啱又去開上環個邊。。咁我唯有試試運氣睇下有無。。點知真係有。。仲要啱啱出爐😋佢大機每日都不停咁整。。但早啲去買就一定有。。唔知佢有無我訂。。但應該可以留。。因為我去之前打左電話上去問。。佢就叫我即日上去攞嘅。。而佢個月餅皮超鬆脆。。好似一攞上手好易整散咁。。再加上佢啱啱出爐。。超香‼️切開佢入面個心全部都係實的的嘅餡👍🏼佢本身有3個咪。。我就要左芋蓉同綠豆蓉。。2個味都好出色。。想食早啲去啦😋😋..🥮芋蓉月餅🥮綠豆蓉月餅..📍 曾記粿品 (上環)上環皇后街1號皇后街熟食市場8號檔..=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coffeeshopvibes#discoverhongkong#foodiesofinstagram#foodstagram#hkcafe#hkcoffee#hkdessert#hkfood#hkfoodie#hkfoodlover#hkfoodstagram#hkig#hkstyle#hongkong#hongkongcafe#hongkongfoodshare#sheungwan#sheungwanfood#sheungwancafe#mooncake#midautumnfestival #曾記粿品#上環美食#中秋節#月餅…查看更多

一共三種味不過買左兩個味試下先今次要左 香芋 同 烏豆沙由於 表面都基本一樣就不分開介紹潮式月餅如果 大家有食過蛇都會俾個脆片就同今次既表面差不多不過就相對薄係薄且酥脆🤩🤨入面就 不同揀蓉芋泥 有甜度👌🏻夠綿滑👍🏻不像最近輕台灣大芋無甜度，有粒粒烏豆沙相對一般豆沙月餅感覺更軟身都係有甜度結: 我個人覺得 正😍😋可以叫做 脆月餅🤨酥脆既表入面有綿滑甜甜地既蓉一般後生都不太喜歡傳統月餅呢種岩曬👍🏻🤝#潮式月餅#曾記粿品 …查看更多

呢間唔起眼, 喺熟食市場內, 但好出名既粿品真係長期人氣高企, 好多人冒名嚟試, 中秋, 新年呢啲節日就更加大排長龍!😱店內粿品一定係最出名, 有甜有咸, 可以堂食, 都可以外賣! 好多人都一打一打咁買走!🤭 除左粿品, 其實仲有糖水, 面麵線, 蠔餅潮式小食等...我最鐘意食甜既豆沙餡, 餡多唔太甜, 外皮又煙韌! 超正! 甜既仲有芋泥, 黑桃, 綠豆添🤭😍咸既就最鐘意韮菜餡, 濃烈既韮菜味, 加煎到香脆既外皮, 又另一番風味! 而咸既仲有芋頭, 蘿蔔, 花生, 椰菜, 糯米, 綠豆選擇!!…查看更多

去到中上環就最鍾意搵啲傳統嘢食今日就試吓曾記粿品搞唔掂喎我就唔會再嚟店舖喺皇后街熟食街市入面好易搵但就真係環境比較污糟周圍都油林林D糕粿擺哂出嚟好靚既事前我都知道呢度服務態度一般點知真係差有位男店員見到都扮見唔到應又粗聲粗氣但對住熟客就好有禮貌如果咁樣對啲生客又點會變熟客呢？呢度茶杯筷子碗都係自己攞（都係油林林）完全冇服務態度可言隔離abc態度好好多……….選擇唔算多價錢喺熟食市場嚟講我覺得都唔算平第一碟嚟嘅係潮式炒糕粿（ $40）評分：8/10炒得好靚嚟到熱辣辣可惜就油咗少少佢係用甜豉油嚟炒所以望落好似好黑啦但係其實係甜甜地都唔錯～糕粿食落去煙煙韌韌但你問我係咪好好食呢我又覺得唔算因為佢真係唔係唔夠味…….我哋嗌咗四件糕粿（ $8/一件）分別係：花生粿，芋泥粿，蘿蔔粿，同埋韭菜粿評分：7/10老實講我就覺得佢哋既糕粿好一段花生粿有一粒粒花生喺入面但件糕好硬…..我諗應該係煎得太耐好似食緊一舊粉咁呢件係最差嘅芋泥粿好少少但係芋頭味無乜好就好在佢唔會話加好多糖但係你就真係唔係好食囉韭菜粿就還可以韭菜味好濃，但係就都係個皮好硬唯一好食嘅就係蘿蔔粿一條條蘿蔔絲鹹鹹香香咁呢個就真係覺得OK嘅整體來講環境差，油林林咁d野……唔係話熟食市場就污糟係佢啲餐具都係好油服務差好似唔憂做咁叫落單好似愛理不理咁食物質素差佢都算係我食過啲中比較難食嘅糕粿同大澳茶粿財真係一個天一個地人哋雖然出名，但態度又好又好食呢度真心唔得唯一可取係價錢唔算貴兩位都係$80但唔好食幾平都冇用我一定唔會再嚟唔推薦…查看更多

身為潮州人的我，品嚐潮州月餅無數，係香港可以買到，最新鮮、最好食、最正宗的潮州月餅，必定是曾記。我地屋企，每年中秋都必定要買返幾盒曾記潮州月餅過節。曾記月餅有三種味道：黑豆沙、芋泥、綠豆蓉。我最鍾意芋泥，好有芋頭香。黑豆沙就好少見，夠特別。綠豆蓉好清甜，同個酥皮好夾。曾記個酥皮做得好好，好新鮮鬆脆，一d 都唔覺油膩。呢盒月餅4 個盛惠$220，4 個都可以任選口味，我覺得超值。我仲買左幾盒送俾親朋戚友，個個都話曾記d潮州月餅冇得彈！…查看更多

繼續上環探名物,經由同事介紹下, 來到曾記, 一查之下, 才知道原來已經60多年歷史,連蔡瀾先生的頻道也曾介紹的私心名單,是間大名鼎鼎的老牌潮州店.與同事來訪為午飯時間, 我們來得較早, 能找到位置,晚點點的上班族則開始要等,身形略有肥胖的姐姐邊指揮著人流邊幫手大聲叫喊落單菜式,同事為潮州人, 憶說起學生時期也時不時到這裹食飯, 如果家中有不想煮飯的時候,也會與家人一同到來吃飯,因為香港只有數間潮州飯館,能夠保持呈現最正宗的潮州口味和菜色,曾記便是其中一家.未幾, 下單的菜便一一端上,大鄉里出城的我,初嚐潮州家鄉菜-蝦仁水瓜烙,配料毫不吝嗇, 非常大份蝦仁,水瓜平均分佈煎餅的角落水瓜烙外層煎得香脆,咬下口感會有微微的黏性,伴隨著絲絲水瓜及粒粒蝦仁,口感非常有趣, 與蠔餅的硬脆完全相反,反而與台灣的蠔餅有幾份相似.肉碎蠔仔粥是一道看似平凡,卻考功力的潮州家常菜色.潮州粥特色是水份比例較米多,不像是廣東粥, 要煮至綿滑.湯清,蠔味鮮甜.無沙, 蠔仔份量豐富👍🏻食到尾還有蠔粒伴食.米粒分明🤤🤤🤤我個人認為是平凡中顯出不平凡.煎蠔餅一碟有4件,蠔仔份量也是多到每咬一口都食到,粉薄蛋香, 薄脆可口👍🏻是一曾記名物,與廣東綠豆沙完全不同,糖水底為半糊狀的木薯粉,黃色一粒粒的是去衣綠豆,半透明方形的是清心丸,煙煙韌韌,清清甜甜, 正可下氣.芋泥白果 口感綿密, 芋香果脆,但非常的甜!!! 自己一人定必未能完食, 分了幾口都覺得油膩感上咽就算是傳統味道都只能避而遠之...現場還售各式祼品,鹹的外皮軟香,甜的則黏糯, 口感一流.下午茶時來一個真的會是上班小確幸~完食後非常滿足~不但食物用心整作, 味道好之外,每樣菜色都令人感受到潮州味的特色, 就算未到過潮州的我, 也大致能想像到當地的味道.加上姐姐獨有的接客態度,我想這才是屬於老店的風味吧, 果然如果要把原始的風味留下來, 還是需要有人堅持~非常推薦各位餓底來細嚐正宗潮式風味喔…查看更多

今日一行三人去食午餐， 同事想去一間出名好味的潮州大排檔食。 於是就坐叮叮過去皇后街熟食中心。目標明確， 叫左蠔餅，蠔仔粥，韮菜棵， 麵線， 紫菜肉丸湯。蠔餅煎得好脆好香口， 蠔仔又肥又大隻， 超好味。蠔仔粥亦係蠔仔大隻香甜。韮菜棵熱辣辣， 中間煎的香口，爽脆， 但中間就煙煙韌韌， 好似食緊煎堆咁， 好食。最最重要樣樣又平又好食又份量多。 超抵食。不過掛住食， 唔記得影相。…查看更多