由細到大都食唔少潮州美食
因為細個過農曆新年，
舅父經常會搵食潮州美食嘅酒樓團拜
今日嚟到上環皇后街街市
我哋曾經住喺上環10年有多
經常會到上環皇后街街市搵美食
呢度每一間食店我哋都食過
今次介紹一間潮州粿品專門店
我哋都食過好多次
呢度嘅粿品有好多款式，有甜有咸
蕉媽就最鍾意食芋頭粿，
另外蘿蔔粿同韭菜粿都好美味
件件煎得啱啱好，外皮香脆，
滿滿的肉餡流出鮮美的肉汁😍
每件粿$8，最少要點3件
由於想試其他嘢，所以就冇點甜嘅粿
童年記憶中食過好好食嘅潮式食品水瓜烙
唔係好多地方有得食
所以今日都點咗一份（每碟$70）
水瓜烙以用炸醬糊起水瓜、豬肉、鮮蝦放油鍋炸至金黃色，香脆可口，雖然有些油膩，但真係食到舔舔脷。
2
食咗咁多煎炸嘢，點碗牛丸湯去去油膩感
牛丸加咗蔥，
咬落去就知道係手打喺，非常彈牙
雖然湯有時少少鹹，不過牛丸係好食嘅
美食唔係一定係大餐廳先食到
如果想搵美食，可以嚟上環皇后街街市
曾記粿品 (上環)
上環皇后街1號皇后街熟食市場
3
2
