曾記粿品

今日一行三人去食午餐， 同事想去一間出名好味的潮州大排檔食。 於是就坐叮叮過去皇后街熟食中心。

目標明確， 叫左蠔餅，蠔仔粥，韮菜棵， 麵線， 紫菜肉丸湯。

蠔餅煎得好脆好香口， 蠔仔又肥又大隻， 超好味。

蠔仔粥亦係蠔仔大隻香甜。

韮菜棵熱辣辣， 中間煎的香口，爽脆， 但中間就煙煙韌韌， 好似食緊煎堆咁， 好食。

最最重要樣樣又平又好食又份量多。 超抵食。不過掛住食， 唔記得影相。