晴苑泰國菜 (已搬遷) 新店位置

雖然經常都在這泰菜館附近經過，但一直未有幫襯過，這日又路經此處，一於來試下。這裡的午市套餐款式不少，全部都是$35，如果餐飲改叫特飲的話就另加$3-$5不等，不收加一，都算抵食。叫了兩個午餐和老婆仔一起share來食。1）「青咖喱豬頸肉飯」：豬頸肉不太多，味道也被咖喱味完全蓋過，作為伴菜的茄子索滿青咖喱汁後頗為好味，青咖喱的辣味不像紅咖喱或黃咖喱般濃烈，入口只有比較稀和淡的辣味，未必人人喜歡，不過個人來說就覺得問題不大，始終不同的咖喱總會有不同的風味。2）「泰式濕炒雞肉河」：這炒河的材料十足，份量極多，味道偏濃，都幾好味，就是獻汁多了點，如果能夠稍減獻汁的份量會比較好。至於飲品方面，兩杯特飲（「鹹檸七」與「青檸梳打」）的味道正常，只加$3價錢合理。總括來說，這裡的食物質素過得去，價錢不算貴，招呼都不錯，都算是這區中的街坊泰菜好選擇呢！

冬蔭功夠鮮甜夠香辣, 飲落有層次, 紅咖哩牛腩味濃汁好撈飯, 肉已經煮爛, 入口溶化, 炒菜入味ok 又爽脆, 燒雞可能因為係翻熱, 多了油, 雞皮脂肪多左, 肉質同份量還可以, 如果剛燒完的該唔錯 飲埋泰啤酒 300多, 服務同裝修很ok , 店細坐位很有限要早拿位

以前在大角咀上班，雖然要行十五分鐘先到晴苑，但每星期總會有一兩次來吃午餐。每當午飯時間，總是人頭湧湧。午餐平均$35，有飲品，想要泰式飲品只需加$3，還有免費wifi，算是經濟實惠！同事們及我最喜愛的午餐都是菠蘿炒飯、蝦醬炒飯、海南雞飯、咖喱飯及濕炒河。今次再到大角咀吃午飯，當然要再來回味一番，吃了海南雞飯。去骨雞肉依舊滑，油飯不油，但再乾身少許更好！最愛跟雞飯的醬汁，少少辣，少少酸，撈飯點雞最好不過

今日去左呢間食LUNCH咁o岩好多人唯有o係門口排隊等出面天氣好熱一個唔知係老闆定伙記o既人見到咁就叫我地入裡面等服務唔錯!!夠哂細心!叫左個海南雞飯D雞肉幾滑仲要冇骨,好方便D雞肉o既份量都唔少呢間鋪得一個汁不過個汁真係幾好味同幾特別酸酸地 有小小辣幾開胃不過個油飯就爭左少少飯硬左DD同唔夠香不過整體算唔錯扺食!

青咖哩雞飯-飯口感一舊舊有d,,唔知係炒唔暈 定係 炒熟過頭..雞肉好普通既冰鮮雞柳般,,飯就得個辣字,,野飲凍檸茶請佢小冰.但黎左杯仍然多冰..味道一般..咁就承惠39$埋單起身走先講有糖水要唔要,,我都起左身好尷尬嘛話要然後坐低..希望佢地識得就時間問..係得收銀時問個阿伯收唔收5毫,,比較隨和語氣答 無乜所謂..但..都係唔合格..下次食泰國菜,,試下食貴d先..有機會既話..50$留下未食過great野..so far

午飯時間...原本打算去同一條街既(魚魚魚)食魚湯泡飯...經過門口見有無骨雞飯, 只收35蚊就走左入去試...晴苑店子細細, lunch hour更是爆場...門口有2台電腦供上網, 全店免費wi-fi...地方好窄, 全店得幾張台, 坐得不是太舒服, 但是服務不錯...雞飯賣相ok, 女仔來說好夠食了...雞全去骨, 很滑有雞味, 醬汁也調得很好油飯都還可以... 算是一個小驚喜!!同事點了雞湯米粉, 28蚊包飲品... 也可以一試

四個人黎食晚飯,點左:海南雞飯: 雞肉夠味,唔使點醬都得,肉質都算滑,不過d飯就麻麻,唔夠油香兼無乜味濕炒海鮮河:超油,海鮮亦不佳,可以不點乾炒咖哩豬: 完全唔似乾炒,水汪汪咁,豬肉片都唔鞋,不過冇乜味,而且幾細碟泰式豬脾:比較好既一碟,豬脾夠淋而且入味,可惜墊底既咸酸菜比較失色,唔夠味同唔夠酸泰式炒雞丁:炒得尚算香口,雞肉都幾入味,唯份量亦偏少呢間野d小菜平均要五十蚊以上一碟,但份量很多都偏少,唔多抵食質素亦頗參差,都係去九龍城食好d

早兩日同女朋友經過呢間泰國餐館，是關我地都係住大角咀既原居民！所以走入去試一試！！店長介紹我地食生蝦剌身，泰式海南雞同香草炒蛋！！生蝦好新鮮爽甜，尤其點左ｄ秘制醬汁，好醒胃！去骨海南雞超正，好滑兼啖啖肉！味度一流！！最後香草炒蛋，從來都無食過兼好有特式，店長話泰國既香草食左對身體腸胃有益！！一輪衝鋒後，由於本人大食，覺得重未夠喉，於是點左個泰北燒魚及椰青咖喱海鮮！但個泰北燒魚等左成二十分鐘至出爐，店主話由於燒魚要用慢火，所以時間會耐一ｄ，但魚肉好滑，兼且一陣香料味由魚肚透出，所以等都值得既！！到椰青咖喱海鮮食左一半，至發覺完來係無椰青肉，於是好奇問店長何解？後來解釋原來廚師將椰青肉挖出來溶入咖喱汁中做食材，店長重講點呢個菜會跟一個椰青水呢！所以每個椰青唔會循環再用！最後埋單重有甜品送，都幾好呀！不過地方就比較細左ｄ，所以我地都等左成幾個字至入到座！希望店長留意一下啦！

我同男朋友經過這間泰國餐廳，於是入去試下lor......我order --- 生蝦剌身 , 好普通, 好左汁醒胃 咸魚雞粒炒飯, 好油、好咸、好貴....$68.00男朋友order -- 泰式炒金邊粉, 淡而冇味, 不好吃服務o.k. la because 冇咩客........不過座位比較窄D。

2009.1.1夜晚又黎到大角咀搵食, 訂左枱...叫左係出面無見過既七拱炒蛋, 燒腍肉..同椰青咖喱海鮮…等左頗耐, 終於有野食喇..七拱炒蛋只係d葉定菜既物體炒蛋, 唔算熱, 超咸, 好唔想食, 但又唔想浪費, 勉為其難都食左幾件..唉..燒腍肉個皮唔似燒, 我覺得係輕輕炸過咁, 又係得個咸字..又唔算熱…椰青咖喱海鮮係最熱既一個, 個汁望落最靚, 食下先, 入面有幾件魷魚片, 幾隻好細既蝦仔, 2至3隻細既青口..中間同個底差唔多全部都係厚厚既椰菜, 菜仲多過海鮮囉…食食下諗住but d 椰肉食下喇, 點知一d椰肉都無囉, 完全俾人刮晒, 果刻覺得個椰青係之前俾人飲完循環再用咁..好嘔心…拿拿臨想走人, 埋單時cashier同我地講叫我地食埋糖水先...糖水係椰汁綠豆蓉, 味道唔錯...算係一個補償…埋單發覺無加一, ok 喇…但唔會再黎, 因為本人都食過好多次泰國菜, 大部分都係九龍城食, 覺得九龍城果d大部份都係泰國人開, 又平又好味, 去唔倒呢間又可以去第間…呢間大角咀既晴苑間舖咁細唔多位, 上菜又唔快, 呢區又唔多泰國菜, 有人排隊都唔奇丫

首先值得一讚佢地既服務態度係"一流"不論book枱,,入坐,,落單,,介紹食物都非常好連check單佢都讀埋比你聽!!好入返正題!!我地一行7個人食晚飯 total $ 811叫左以下既野:生蝦刺身,,,爽﹑鮮﹑甜﹑個汁仲好好味海南雞半隻,,,,滑滑既雞肉..冇骨全部大大啖肉!!臭草煎蛋,,, 好搞笑一人一件好快手食哂,,一d都唔臭xd"生菜包,,(有少少辣)d肉唔係好乾身果隻..所以very good...泰北燒魚,,,,其實好似係鹽燒既囉,,,冇咩特別紅咖哩羊,,,,(老闆話紅好食過黃!!)...又唔錯bor...冇so味..但有羊味 個汁送飯仲好鬼正!!椰青焗飯,,,,,咪講笑!!呢個真係好食...有椰青肉..有奶味..甜甜的! 好好味牙!!咸魚雞粒炒飯,,,我冇食到,,唔知,,^^仲有不可不提既係 咖哩蟹....蟹有肉!!汁又係做得唔錯..個個都話好食!!仲叫左5杯野飲....老闆非常好仲送左糖水比我地,,,係暖既西米露有椰汁的^^食左一餐好味道的泰國菜!!不足既係,,唔係咁方便啦,,第一次去都要搵下,,,但係老闆既提引下都搵到!

黎間第一次試......雖然比較窄同細.........二人枱最好都糸我地黎張.......近收銀果張！三色冰..........叫一個飯送一杯特飲.......好有椰汁味吾太甜蝦刺身.....非常鮮甜.............個汁又正辣.椒肉碎抄飯.......乾身一d都吾油.....very good海南雞.......有雞味又滑........拍得住泰妃X...or X 潮........好咪仲有糖水送添

Happy Friday~ 同朋友一齊去搵好野食!想再去食生蝦好耐, 上黎SEARCH左下就揀左呢間喇地方唔算大, 得十張枱倒, 八點去到都坐滿人要等位, 所以下次最好都係訂左位先去好啲其實去前以經Target左要食d乜生蝦刺身 - 都幾多隻, 夠爽海南雞 - 起晒骨真係唔錯, 但個汁太多薑蓉椰菜苗 - 同想像中的椰菜苗不同, 轉左用蒜蓉炒代咸肉, OK咖哩蟹(店員推介) - 咖哩好味, 唔會太辣, 有蛋漿撈埋, 點薄餅一流(可惜得蒜蓉包)服務都算唔錯, 幾有禮貌. 價錢都唔貴, 值得一試啦

數日前, 同幾位朋友去大角咀食飯, 原本想打邊爐。但又嘈, 傾唔到計。咪搵間人少少的餐廳坐下食飯。呢間餐廳環境唔錯,好似都幾啱一班人傾計食飯, 咪試下LOR間餐廳唔嘈, 一班人傾計食飯啱曬 order左椰汁雞湯, 生蝦刺身, 海南雞飯, curry, etc...椰汁雞湯: 少hot (自己要求的), 好好飲, 真才實料, 重椰汁味, 好多雞生蝦刺身: 真係好少泰國餐廳有咁多蝦, 蝦又新鮮, d 汁又啱啱好, 必試之選一海南雞飯: 不得不讚的一道菜, 冇骨, 又滑, d 汁又夠味, 必試之選二仲叫左杯三色冰, 都唔錯下次一班人想傾下計, 食下飯, 都會choose 呢樹.

間唔中會去大角咀搵野食,見到呢間新開無耐既泰國菜館, 一行4人去試吓.點左-黃咖哩羊, 幾香咖哩味, 羊一d羶味都無, 不錯-蒜茸包, 好香蒜茸味, 熱辣辣,就咁食都好味, 點咖哩汁,仲正-蝦餅, 煎得幾香, 幾彈牙-椰汁酸辣雞湯-正!, 必飲, 老闆娘推介, 酸酸辣辣, 很開胃, 有d椰汁, 幾香, 而且材料十足,很多雞肉 (唔鐘意"東陰公湯"d 香茅味, 可試下呢款)-海南雞飯, d 雞幾滑, 唔會太肥同油-咸魚炒芥蘭, ok-珍多冰, ok