晴苑泰國菜 (已搬遷) 新店位置

今晚屋企唔開火，來到附近一間做街坊生意嘅泰菜館。兩個人，簡簡單單點咗兩個set，菠蘿炒飯同招牌泰式豬脾飯。第一次食佢嘅菠蘿炒飯，但係冇驚喜不但止，仲要失望... 睇menu，菠蘿炒飯有兩種，set嘅話就係碟頭飯咁，另外一種就係好似其他泰式餐廳咁，原隻菠蘿咁裝住上。跟餐+ $10可以order xx冰一類飲品，見好耐冇飲龍眼冰，覺得試下。結果... 唉，一杯糖水溝幾粒龍眼肉，完。實在俾唔落分，$10可以慳返。俾錢嗰陣，本來想碌卡，但是日佢哋部機條線連結問題，嘗試咗三次都碌唔到，最後俾cash。可惜佢哋並冇貼出告示告知其他客人...

一班朋友係NYE短聚，唔想食貴泰菜，又近西九去睇煙花，呢度係好介紹。椰青都係$30咋，仲有泰式凍奶茶和象啤。椰青好清甜，可惜奶茶奶味太重。今餐食得好greeny，唔好見到白晒晒的青木瓜沙律以為無料到，份量都幾多，唔係好spicy，小小酸，好爽脆，餐前小菜真係幾開胃。燒豬腩肉真係好正，好少見到其他泰菜舖頭有，可以skip豬頸肉了。D肥膏一D都唔肥，好香口好脆，如果泰式有呢個，簡直可以比美德國的咸豬手！蝦膏炒通菜ok，好味，like 佢既nuts topping，一定要有！要食泰菜都必食香葉炒豬肉，唔係好辣，好大份，豆好多，不過肉碎可以再多些，味道香濃送飯一流。碎肉包又係經典菜，呢個就多肉，菜不但新鮮又crispy，連肉碎食真係索索聲，豬肉碎都好入味呀！

逢星期三都要帶阿囡去大角咀附近返英文班，而我亦只有45分鐘食飯。希望可以响呢幾個月盡試大角咀美食。繼上次去小儀間車仔麵伏咗後，今日又試吓泰國菜先。帶完阿囡返學都已經過咗兩點，下午茶都開始了，咁無理由唔叫下午茶啦。我要咗個泰式辣豬肉碎炒飯，老公要咗個蝦醬炒飯，2個都係推介菜式，再加咗個酸辣無骨鳳爪。個肉碎炒飯無乜肉碎，偏油，但個味係ok的。老公話個蝦醬炒飯唔錯。至於個鳳瓜只得酸味。加錢轉咗青檸梳打，但偏甜。個總評是因為抵食，好食過茶仔。

Found this restaurant on my way back to hotel Dorsett. Was a bit cautious in selecting the dishes as I don't eat pork/beef/ham. The staff helped me with selecting the dishes and all tasted quite good. Ordered Red curry with rice, fried chicken with cashew and steamed rice. It was quite similar to Indian food and all of us enjoyed it. They served a complimentary desert as well which was too good,coconut with vanilla topping. Would recommend this restaurant!

大角咀出名多野食！而晴苑係我最中意食的餐廳之一！今晚同朋友兩個食，點了泰式金邊粉，亦試左招牌菜豬脾飯，真係好淋好好食！金邊粉份量亦好多，味道聞落好香，甜甜的，可以同朋友share黎食！飲品就揀左三色冰，好中意飲椰汁，有埋啲配料岩晒我，好有嚼頭。最後埋單都係百幾蚊，超級抵食阿dinner set$49!!!

呢間餐廳就食到好多 香港普遍餐廳食唔到既野叫左金邊粉, 第1夠大份 第2 料好足 , 第3味道好食又唔會太油仲叫左牛肉炒飯好香, 同樣夠大碟 ,美中不足既係d牛肉真係好少 同好碎 唔太食到出黎特飲叫左三色椰汁飲 會有唔同既甜味走左出黎 幾得意.地理位置有d遠 呢個係雖一唔好處

係大角咀突然想食泰國菜,就搵到呢間較高評分,決定一試.點左1小食拼盤-比較普通,得蝦餅夠熱同彈牙2串燒- 彈牙有肉感,點埋醬一流3金邊粉-唔太酸,幾惹味不過不失,但勝在低食

其實係大角咀既泰式餐廳唔多，好食既真係第一兩間今次係我第一次食呢間，價錢唔算貴(比起九龍城個D)我同老婆兩人嗌左冬蔭公湯河同海南雞飯個冬蔭公湯河味道幾濃，因為我比較喜歡金邊粉既關係所以我轉左金邊粉D料都幾足，香草既味道同泰國食個D冬蔭公好相似，辣度都OK海南雞飯D雞口感唔錯，幾爽口彈牙，不過冇乜雞味，似係冰鮮雞不過都幾嫩滑，D醬料都幾野味，個油飯就失色左D，口感好似介乎白飯與油飯之間個湯就油左D，都幾好味，有埋D湯料俾你咬

自從發現大角咀有好多美味local嘢食後，呢一帶就變成我常來嘅地區。有一次想試人氣車仔麵車品品點知無開門，於是就去咗對面呢間晴苑食個泰國菜。估唔呢度我已encore 了數次，反而仲未試過車品品散叫無叫dinner set, 其實價錢都好似差不多，最重要可以點哂自己最想食嘅嘢！本來最鐘意食佢呢度的豬手飯。不過近來愛上青咖哩，今次點咗青咖哩豬頸肉，串燒，冬蔭功湯，蒜蓉包同炒雜菜。青咖哩豬頸肉：青咖哩香滑而辣度剛好，叫豬頸肉唔要雞肉因感覺無咁鞋口肉比雞較soft。不過重點係食那個吸收了青咖嘢汁的泰國茄子，非常juicy! 咖哩汁送香脆的蒜蓉包一流，而且塊包焗得乾身蒜香味亦足夠，淋完咖哩汁後還可繼續keep 住夠脆掛住食包冷落咗碗飯添... 冬蔭功湯：湯底酸味辣度剛好，亦唔會太重椰香。不過冬蔭功湯好睇個人口味，我自己就覺得湯底算係我喺香港的泰國菜館飲過的頭三甲位置！唔會太水，濃度亦適中，唔似得出面有啲湯一味得個酸字。街坊價不會expect 有超爽大蝦，呢隻蝦肉質都OK（至少唔「梅」）。如果可以多啲草菇更好串燒同雜菜大致正常，都幾好食但又唔會令你"wow"的感覺。值得一讚係本身擔心串燒雞肉

平日都好鐘意食泰國菜，成日聽人講大角咀多錚野食。今日LUNCH來了大角咀,來到這泰菜餐廳。鋪內面積大，裝修佈置一般這炒河的材料十足味道偏濃，都幾好味，D雞肉o既份量都唔少,個汁酸酸地 有小小辣喇沙，湯底保持其熱度碗內有煙食品要夠熱,湯底很結身,幼幼的米粉每一口都充滿著喇沙湯的香味。內裡的配料有魚片 魚蛋 還有蝦蝦較新鮮，另外有數片魚片。

大角咀多野食就係人都知喇要慳錢邊度食野先至平靚正? 識食梗係黎埃華街食啦,呢間泰國菜又平又抵食,唔會因為價錢而將貨就價,又唔駛點排隊,係我晚餐嘅首選,已經幫襯左無數次,其他食物都ok,係d 特飲就麻麻地,次次去我多數都會嗌呢個泰式喇沙餐(連飲品都係$3x)同埋必嗌泰式春卷,相比之下個春卷好貴要成68蚊,但真係幾好食,次次黎食都會嗌番一份,另外佢d 冬陰功湯河都好正,如果行開呢邊不妨一試,平價之選

週末和家人食晚飯而去到大角咀，又是一個有不少選擇的區域，在家人介紹下，來到這泰菜餐廳。見佢晚飯時間都有不少人幫襯，應該不錯，事不宜遲，介紹食物：海南雞飯：雞肥美新鮮，蘸上魚露十分正。油飯亦夠香。//青木瓜沙律：夠辣，青木瓜亦爽脆。//豬肶：都幾大隻，肉質嫩而燒得入味。//串燒（豬和雞）：都十分滑溜，醬汁不錯，因個人不喜歡太多花生碎的醬，佢剛剛好。//炒通菜：炒得夠鑊氣//還點了黃咖喱雞和薄餅和三杯梳打類野飲，就普通水準啦。//每人都是100元多少少，性價比算高的泰菜館，可來多次（好過在大型商場食裝修和幫忙交租）。

今晚去左食泰國菜，好耐都冇食過就來到呢度食，因為晚市關係又係Happy Friday，所以鋪頭都坐滿了。要等位，好采唔駛等好耐就有位了。今晚二人叫左三樣野1. 泰式海南雞(半隻)2. 冬蔭功(細)3. 海鮮炒飯點菜後大約10分鐘就陸續上檯了首先，就係泰式海南雞海南雞本身夠"林"身，同一般海南雞好似冇分別，但係隔離有個泰式辣醬就好香濃，有辣味但又唔會喧賓奪主，配菜又可以中和辣味。跟住係冬蔭功湯配料足，但有好多香茅，如果飲個陣D香茅入左口，都幾影響口感，因為好多渣係個口度，不過無佢就無左冬蔭功既味道，不過我就哂落肚了，味道係清，小辣個類同夠香。最後係海鮮炒飯一貫海鮮炒飯作風，裡面有魷魚，有蝦(唔係蝦乾)，仲有隻蠔，不過得一隻，我兩個人食嘛。

大角咀其實有好多自家經營的優質小店呢間sunny thai招牌海南雞飯同豬批飯今次係豬批飯豬批好林甜酸sauce 開胃塊裝飾青瓜都新鮮不過湯就。。。味精少不免飲品我推介青檸soda同椰汁今次order 可樂。。因為需要提神一下

老實講，黎得大角咀舊區食飯都唔會expect有乜野「賓至如歸」既服務。不過，呢度勝在「抵食夾大件」，晚飯由$40幾蚊既set到幾百蚊既套餐都有，可以話係豐儉由人。Anyway，餐廳地方都算幾大，佔左兩個舖位既位置，枱同枱之間都唔算太迫，以茶餐廳格局既食肆黎講真係非常唔錯。泰式海南雞飯︰坦白講，食唔到乜野泰式既感覺，似係普通海南雞飯再俾個泰式醬伴碟就算，有少少「hea」。不過，份量夠晒大之餘D雞既口感亦都唔錯。雖然已經有心理準備係冰鮮雞貨式，但煮法俾想像中好好多，冇乜雪味之餘重有少少調過味既口感，抵讚！至於飯方面就都係D一般野，冇乜值得一提。炸蝦餅︰非常喜出望外既小食，冇諗過$60幾蚊會有成8大舊，重要唔係扁既「蝦餅」而係大到成個「蝦球」咁！新鮮炸起既蝦餅熱辣辣之餘料亦都好足，咬落去既時候一D都冇坊間「成口粉」既感覺，果種爽滑彈牙既感覺真係超正，絕對係必試之選。Overall呢間餐廳俾我既感覺係sell食物質素多過sell環境，感覺就好似「那些年」九龍城果D泰式餐廳，非常有heart，絕對值得一試！