晴苑泰國菜 (已搬遷) 新店位置

這間店来過很多很多遍,但是第ㄧ次寫食評,我的太太亦非常喜歡在這裡吃晚飯,最大原因應該是價錢便宜,食物質數好今次去到發現多了兩大優惠,第ㄧ,晚市免收加ㄧ(之前去是有的)第二,係ㄧ個星期每天都會有ㄧ個菜式做特價,只要消費滿ㄧ百元就可以用特價去享用當日既菜式,因今天是星期ㄧ所以選了炭燒豬頸肉,唔好諗住特價就味道不好,燒得皮脆肉嫩酸辣鳳爪味道剛剛好海南雞肉質十分滑,好味過很多大餐廳的海南雞,蝦醬通菜亦十分出色,最後椰青比外面那些泰國餐便宜,這間餐廳ㄧ個月平均幫襯兩,三次晚市,三、四次下午茶,冇辦法,因為實在便宜同好味道

泰國菜 一直都係口痕痕既最佳之選 因為泰國嘢夠重味 辣既夠辣 香既夠香 應該係用得比較多香料既菜系 晴苑既嘢食其實之前食過 味道真係好夠濃 係耐唔耐口痕會想食既嘢 不過每次都食唔到好多 因為口痕比較容易滿足 每次一定要嗌既係招牌冬蔭功 後來發現係招牌大蝦冬蔭功先最勁 不過湯底應該差唔多 所以普通冬蔭功都已經好滿足 正正就係因為呢碗冬蔭功 幫佢贏得喺我心目中 夠辣夠濃夠香既形象 所以每次都要飲 即使我記得之前新聞好似話過呢間既冬蔭功米線係全港鈉含量超標最多 安慰自己話好耐先食一次唔緊要 仲嗌左一個生菜包肉 唔知點解 真係好鍾意呢一類型既嘢食 唔只係泰國包 韓國包都好鍾意 其實甚至係北京片皮鴨我都喜歡 可能係鍾意包嘢既感覺 呢個生菜包其實幾好 不過同其他包一樣 菜永遠都係包唔曬啲肉 如果有得加菜就好啦 每個泰國餐廳都會有既pad thai 嗌黎睇下同一款泰菜 邊間整得好食啲 不過其實泰國炒粉都係落差唔多既料 只要炒出黎唔會太碎 落料足 有花生碎都好難出錯 不過呢 我喜歡辣辣地 然後又落啲青檸咁既炒粉 呢個對我黎講就稍嫌唔夠重口味啦

因為平日返工食lunch 都要等位，所以今日放假特登返大角咀食紅日都有供應set lunch 都要俾个like 佢叫左青咖哩牛腩飯，加个蝦醬炒飯 另外陪个豬頸肉佢既青咖哩吾算辣，份量都可以接受(有大約八件牛腩, 其餘就係菜) 蝦醬炒飯就喊左少少，對一个男仔黎講分量就叉好多 豬頸肉就好細份，得幾舊豬頸肉絲，每人三，四舊就無晒 下面全部都係菜 (有少少搵人笨嘅嫌疑🤣) 甘要28有啲貴 叫多art lunch 會比較平餐飲叫左龍眼冰 有少少過甜嘅問題Overall 水平不變 會再食lunch (dinner 就覺得比較貴，佢个價可以出外面食得更好)

黎到大角咀就選擇左一間泰國餐廳去食個快lunch一見到餐牌就揀左廚師推介青邁酸辣雞絲金邊粉$39佢可以比你揀麵底 但食得泰國菜就緊係金邊粉啦！個湯底飲落覺得好酸好夠味而且飲得出落足好重料既薑呀香茅個啲食食下仲會食到香料配料黎講都算多因為有大量雞絲 雞腳同埋幾舊排骨金邊粉吸曬啲湯真係好好食 唔會有好重既粉味但係...遺憾既係飲野要加錢加左熱檸水要$5 但都ok既 要比小店維生中午時份 客人都幾多！推介：/ 5

今曰突然想食下泰國野 就係open rice搜尋下附近有咩泰國野食下😄見呢間又未食過就去試下啦入到去都已經有幾多人下 我地兩個人叫左三樣野姐 因為唔係太肚餓 所以剩係叫左個海南雞飯 泰式炒金邊粉 仲有一碟炸春卷野飲就叫左一支啤酒同一個椰青。埋單連埋+1二百幾蚊 價錢同味道都中規中矩 不過不失 !!!海南雞肉質嫩滑 好味 金邊粉炒得好出色 夠曬入味 酸酸地特別開胃青卷上枱仲係熱辣辣 炸得又夠香脆可口椰青夠曬冰凍同清甜 夠曬解渴啤酒亦都夠曬凍 正👍🏻

首先我叫了外賣，時間等候不錯大約五至十分鐘就可自取！我叫了一個细冬陰功湯同埋乾炒牛河冬陰功湯一點 辣味都無，只飲到椰奶成個湯得一小個大頭蝦半身，到牛河仲精彩(多油)河粉未熟，大部份硬！完全沒有味！太差了，

原定安排的食店沒開門.......唯有臨時臨急周圍搵食........朋友生日, 當然至少要坐得舒適啦.......哩間泰國菜.....可以慢慢食下傾下......不錯.....前菜.......先來柚子沙律.......柚子不少......內有一些紅蔥頭......香料.......亦有花生碎........驚喜是隻蝦都不是細細隻果啲......算彈牙有點蝦味......再來一碟生蝦刺身.......蝦也不錯......只是朋友不喜歡生蝦上面隻辣椒唔辣......小食拼盆.....我們4人有少少唔夠分.......哈哈有燒豬頸肉.......肉質軟腍.......有雞翼......有炸蝦丸.....尚算彈牙.......春卷........熱辣辣脆卜卜......湯品......冬蔭功 (細)......湯內的蝦用上大頭蝦......吸引......湯是少少辣......不好辣也可以試下........主菜........朋友想食咖哩配薄餅.......我們最後選了皇宮咖哩大蝦.......已包一份蒜蓉包......真係超大隻蝦........蝦肉彈牙.....但蝦味較淡....必須

午市大受歡迎，成日排長龍！要食就要早啲去！青咖喱雞飯Set Lunch HKD 45唔辣！椰汁味重！ 清邁酸辣雞絲金邊粉HKD 39雖然係廚師推介，湯底香濃，但材料有好多雞腳，淡淡都食到雞腳趾，感覺怪怪的... ... 特飲都係HKD7-8 ,好抵食！

昨晚走咗去晴苑泰國餐廳，食呢個泰國菜 。叫咗春捲椰青焗飯冬，陰功湯， 嗌咗兩杯珍多冰 ，三個椰青 ，仲有其他嘢食。整體都唔錯 除咗個椰青。 椰青上枱好似好大粒， 點知入面好似自己加咗啲水咁 ，一啲嘢車尾都冇 。我真係懷疑佢唔知係咪返用嘢清自己加啲水落去 ，總之我飲冇一間泰國菜係會係咁。我未試過飲一個咁奇怪嘅椰青， 係完全冇味嘅。講番嘢食係ok嘅， 春捲都好好味 冬陰功湯都好香椰汁味好好食 ，但係通常我去泰國菜，由其而家天口咁熱 ，我都嘆番個新鮮椰青 唯有我去選擇第二間囉 食完呢一餐之後我諗我唔會再嚟喇 真係有啲失望

與朋友係圓方睇完戲，唔想食圓方嘅貴價連鎖野於是搭咗一個站黎到奧運站，行咗去大角咀食泰國菜兩個女仔食唔到好多野點咗碟生蝦、一個炒河粉、兩碟餸同兩杯野飲生蝦先上我好鍾意食生蝦呢度嘅生蝦，隻隻都好大隻，肉質鮮美，一定要推介俾大家跟住係野菜苗由於平時少食菜，所以有機會朋友又唔介意的話，我都會叫碟菜食而野菜苗更係泰國餐廳必點的炒嘅味道好好，但美中不足係菜不算靚，有小小苦澀味，雖然都係可接受範圍，減分仍少不了泰式豬脾肉呢個係廚師推介，其實我同朋友都未食過豬脾肉，諗住試下點知一試便愛上，豬肉炆得好淋，味道其實有d中式，豬皮淋到一d都feel唔到佢嘅肥膩，豬肉淋得黎一d都唔鞋泰式海鮮乾炒河海鮮足料，味道亦好正，鹹辣適中我嘅龍眼冰消暑一流餐廳員工好nice，我同朋友食完坐係度傾計，有個侍應見我地飲完野飲，專登斟兩杯水俾我地，然後叫我地慢慢傾食物味道好味，價錢合理，下次要再黎過

不想留在大圍搵食，與家人出咗去大角咀搵食，本來心癢癢想試新嘢，但又驚瀨嘢，都係去番水準較穩定既"晴苑"開餐好了。今次叫咗海南雞飯，柚子沙律，串燒雞肉，這些之前都試過，到目前為止仍在安全線。今次試埋蒜子胡椒炸鮮魷，味道唔錯，炸得很酥脆，下次再來，可以encore.也試了掛住食，忘記影相的椰汁青咖哩雞肉，不辣又有椰漿的香甜味，小朋友都食得好開心。也試了冬蔭功，不會很酸，辣度小朋友都勉強食到，但愛辣的人士就未必啱，至於我們的口味而言，都Ok，唔錯架。另叫了蝦醬炒通菜，雖沒有驚喜，但味道都唔錯。也叫了三杯飲品，三個人埋單共530元，抵食，服務態度良好，食得開心。

來晴苑開餐好多次，都沒失望過，今晚來大角咀工作，晚餐時間很自然會想起它。兩個人叫了兩碟無骨海南雞飯，柚子蝦沙律，生蝦刺身。無骨海南雞，肉很滑，另上的湯都好好飲，平日很少在外面飲例湯的我，都飲曬成碗。柚子沙律，柚子大大粒，夠清新，蝦也不算小。生蝦也很爽口。辛苦搵嚟志在食，還是去些比較熟悉的餐廳開飯，穩穩陣陣嘛！另要一提的是，我們再order一個無骨海南雞飯外賣，原來，外賣的無骨海南雞飯是不跟湯的，只有堂食才跟湯，大家要注意呀！

食泰國菜好多人覺得要去九龍城，食過大角嘴晴苑後，已經覺得唔再需要特等去九龍城。原因有二：一係佢比九龍城平；二係晴苑係好味，bonus就係佢選擇好多。我個人食過一定超過20次，每次都keep到水準，信心之選。---椰青焗飯--- 驚喜之作用原個椰青黎焗，入面既椰青水，會用杯裝起，比返你飲。全個椰青用到盡，唔會浪費個飯好香好濃椰青味，飯完全吸收晒椰青既香，食落去每一啖都好濃郁。餡料好充足，有椰子肉、腰果、肉鬆、海鮮例如青口等，每啖飯口感好充實，又香濃又好味，我地成台人對呢個焗飯讚不絕口。---大蝦冬陰功湯---我最鍾意飲冬陰功，今次選擇叫呢個貴d既大蝦冬陰功湯而唔係普通冬陰功既原因係呢款有椰奶，有椰奶既冬陰功湯會比普通既黎得香濃同甜。一上湯，發覺無叫錯。個湯勁香，係香辣香辣既味道。飲一啖發覺超好味，首先，佢係有酸味，仲有辣味，酸辣併埋係好match。再加上有好多椰子肉，增加左香味。料都好足，有2隻大蝦，蝦肉唔會梅。湯料有好多香菜例如香茅辣椒調味，飲得出好足料，唔係求其加味精黎帶出香味。建議3人以上可叫呢個湯。---海南雞---有點失色，雖然係冰鮮，但雞肉處理得嫩滑，不過無味，無鮮味

知道這食肆是真正泰國厨師主理便到這裡嘗試吓他們的厨藝。因時間尚早尚有大量空位。先叫了一客地道泰國鷄加豬踭飯。送到枱前看到己十分想食。鷄及豬踭份量充足，加上兩款調味料，味道十足像在泰國享用。用豬踭汁送饭又十分可口。另外叫了一個咸豬肉炒菜，這個菜炒得很好味，咸度適中，咸肉可口。另加一個柚子沙律，這個菜一樣做等很好，柚子份量很適當，蝦子及蝦肉調味得很好。這裡的泰國厨師真是值得一讚？下次一定要試另外的菜式。

每日番工放lunch都想食唔同既野 唔洗門日都係食同一樣野今次選擇近公司既一間泰國餐廳淨係望個門口都好有泰國feel 放左公仔係到入到去餐廳既光線都比較暗之前已經試過海南雞飯 d雞好滑好嫩唔太肥 點埋隻辣醬都幾夾呢個飯會跟個湯 不過個湯就有少少鹹今次試青咖哩豬頸肉飯 呢到有紅黃青咖哩揀 但聽同事講青咖哩好食d就揀左青咖哩青咖哩辣得黎又有少少甜 汁可以用黎撈飯食豬頸肉切得唔算薄 份量適中雖然好辣但越食越惹味 食到出哂汗都抵