普洱

营业中

休息中

其實依間野幾個月前都食過一次，已經經驗麻麻。果時食果個唔知咩酸辣米線，得D肉碎加配菜咁就幾十蚊，米線就煮到勁碎勁林，條條都斷哂，根本就夾唔到，個感覺就好似人地食完碗野之後再番熱，勁中伏。過左幾個月，係荃灣廣場果頭行唔知食咩，諗住再試多次，睇下有冇變好左，點知食完仲嬲，真係永久blacklist!!!!!同女朋友兩個叫左個set，講真我唔會預有咩好食同好出色，但都唔會係咁既質素。Total有三碟餸同一個菜，同兩個白飯。三碟餸當中有兩碟野係涷既,好明顯係煮定放係到，有人叫就放上碟，完！之後上果碟就出哂煙既滷水拼盤，我摸下隻碟係熱既，就知係放係微波爐叮完出黎。最後就上埋碟菜，同之前有人講過一樣，碟底又係勁多水。以上既所有所有野我都算，最嬲就係最後最後上枱果兩碗飯。個人習慣攞起個碗爬飯食，個咀一接觸到個飯面，feel到係冰的，你冇睇錯，係冰，飯心就熱熱地，我心裹面真係頓時有千萬個粗口想爆出黎。講真，估唔到九點幾去食飯，你已經要攞一早煮好放落雪櫃既飯叮比客食，係真心叻既。同個職員講完，我諗又係攞入去叮多十秒又攞出黎，真係唔該哂。從來唔覺得自己係難搞既客人，要求高既客。咩價錢就會知道有咩水平既質素

朋友勁讚佢個朱古力普洱超好味，又偷聽到啲crew話食好啲就去普洱食，而身為荃灣畸寶友未食過真係說不過去，於是朋友仔生日千里遙遙嚟荃灣就食咗呢間。但總是希望越大失望越大。唔齊人唔入得，中性女店員講嘢無尾音(但其實佢係醒嘅)。門口位收錢，有人畀緊錢根本連門都推唔到。仲窄過茶記卡位好多嘅四人位三人坐都要夾硬攝個人落嚟搭枱。門口嘅所謂白色梳化位已被坐到黃咁咁變哂型都唔換。錢唔使賺得咁盡嘅。 被眾人強力推介的朱古力普洱，其實零普洱味，只可以話佢係一杯比較濃似台式嘅朱古力而已，失望 本來想點焗飯，點知睇錯menu點咗旁邊的非焗飯，正確啲嚟講係螢光汁頹飯至真，近$40但差過任何中學canteen 朋友見我咁唔開心，於是喺每人點咗一個餐嘅情況下再追加一個焗飯餐，個汁好怪味好chemical, 連焗飯基本嘅蛋炒飯底都無，只可說零誠意，幫襯連鎖快餐店好過 朋友各點一個米線餐，佢哋話個雲南酸辣好味。以上係叫米線餐加$6有一碟嘅小食，春卷同照片中長條形有極大分別，而且都炸得幾衰。油菜碟底超多水，fing多兩吓都慳，唉食到尾聲，當時lunch time有五六人頂着大太陽喺外面排緊隊，店員叫我哋轉三人枱實情想趕我

一個手袋，一條earpiece，一個我，一個專屬PLAYLIST，每天日復一日的上班，回家，寫日記。偶而看書，每月SUBSCRIBE 的 TIME MAGAZINE寄來家裡郵箱的一天，我知道30天又過了，下個月即將開始。*****我天生不愛炫耀,,卻太多藝術細胞,我談的情,拍的拖,也許很少,中的槍,捱的刀,受的煎熬,華麗得無法低調***放工來到我們的私家飯堂一樣的普洱，今天明明是所謂的慶祝某個經常俾說話我聽但暗中很欣賞我的同事升職的說，嗯，我就是一向不愛用標點。我們每個人，一人點了一份晚餐，快手吃光了，馬上就要仆回公司趕2400 LIVE，雖然我只是單純地用聲音，把東西拼拼湊湊，用最低廉的文字，賺取我維生的薪金。我說我有一種不想改變的wavelength，生活的wavelength，我承認。三個人，三個職位，三種身份，單身分手熱戀的，共治一爐。我們分別點了，法式焗米線，砂鍋麻辣雞米線，還有滇醬骨炒米線米飯。法式焗米線看去上似焗意粉，升職上司說味道還可以，米線爽口乾身。砂鍋麻辣雞米線，熱戀中的同事說，很辣很辣，辣得可以馬上不吃。為何女生一般都不愛吃辣的（除了那個認識了11年，以前一起去太

山珍 辣雞 砂鍋米線 $40平時見到這間經常有人龍在外, 難得見沒有太多人就去試一試依間餐廳打開餐牌都幾多選擇, 我就簡左山珍 辣雞 砂鍋米線, 配檸檬普洱.米線名乎其實用砂鍋上, 賣相唔錯, 又夠熱! 本身都怕會太辣, 原來辣度適中. 雞件都算係預計之內無甚麼特別, 仲有少少雪味, 不過都算可以接受. 至於山珍, 其實主要係各種菇類, 木耳, 芽菜等, 山珍份量好夠! 而米線軟硬度就偏硬, 食起上嚟都唔會太差, 有咬口.令我依餐覺得最特別嘅莫過於檸檬普洱. 坊間都唔係度度都可以試到用普洱沖嘅檸茶. 頭一口飲落去好以去茶樓叫檸茶咁唔妥, 但慢慢飲落去就覺得檸檬同茶可以有咁嘅化學作用, 仲有少少中西合壁嘅感覺, 愈飲愈鐘意!整體嚟講唔錯, 可以一戰!

今日星期日見無咩做諗住出街行下，跟住就同朋友去左荃灣廣場果邊周圍行下，行下行下好快就到左LUNCH 時間，之後就見到呢間普洱，見佢好似都幾多人食，於是就入左去諗住試下呢間野睇下O唔ok，點知唔小心又中左伏。我地叫左呢度最出名嘅朱古力普洱，一碗豬頸肉醬鹵米線同埋南瓜餅。本來諗住應該無事喇，點知都中左招。杯朱古力普洱無茶味， 亦無太多嘅朱古力味，成杯野淡嘅，同我預計嘅差有啲遠。跟住碗豬頸肉醬鹵米線，本來佢有配埋芽菜, 青瓜絲, 仲有紅蘿蔔絲等等嘅配菜我都幾欣賞，但係我唔明點解啲豬頸肉食落會聞到有一陣膠味嘅，搞到我食左一半就無食lu，因為陣味有點奇怪。。。跟住個南瓜餅又係怪怪地嘅，果幾件南瓜餅真係超級多油，食落又唔夠軟講真，而家有左今次咁「特別」嘅經驗我應該唔會再黎嫁喇，希望呢間餐廳有改善喇。。。

「普洱」似台式餐廳，有大量的特色飲品提供及小食，主食主要有客飯及米線類。朱古力普洱許多食客為了「朱古力普洱」特意前來。由於朱古力的味道及香氣都會比一般茶葉較為濃，所以「普洱」的味道會被朱古力遮蓋。店家會以普洱茶作為茶底，我想主要原因普洱的香氣獨特沉香，滋味醇厚回甘，使整杯朱古力更加濃郁而不甜膩。這杯「朱古力」，值得一試，好飲。咖喱焗茄子豬扒飯曾經在附近上過班，第一次嚐到這道咖喱焗茄子豬扒飯的時候是外賣。當時，一試便愛上。 即叫即焗，大概等15分鐘才上桌，熱辣辣的，店員都會提醒「小心碟邊好熱」。咖喱汁似是日式的，味道易入口，好濃稠，微微的辣，咖喱香氣十足。整個焗飯鋪滿一塊塊的豬扒，豬扒接近1cm厚，似經過半煎炸，金黃色的，能夠輕易咬開，咬下去肥瘦適中。把白飯豬扒咖喱汁薯仔同一同放入口咀嚼，好滿足的感覺。一塊塊薯仔煮得熟透而不爛，入口即溶，咖喱與薯仔本來都是天生一對。咖喱對味，薯仔當然好吃。茄子外皮帶脆，瓜肉熟透保持有水份，伴著咖喱一起食，味道出奇地協調，好好味。今天再試味道依舊保持水準，讚。茄汁焗豬扒飯這是好友J點的茄汁焗豬扒飯。豬扒與咖喱焗飯的質感及味道一樣，厚厚的，好味道。滿滿的蕃茄

聽朋友講呢間啲焗飯好好食，上次去荃灣走左轉,行行下唔知食咩就去咗呢間「正野」，叫咗個葡汁雞扒飯，以為佢係焗飯啦，點知係碟頭，跟餐仲有杯朱古力普洱。個飯既味其實就唔錯嘅，但係真係凍左少少囉，好似盒波仔未丁咁樣，不過碟飯都食得幾飽，但如果可以熱D就好啦個朱古力潽洱又意想不到既好味WO，無諗過依2樣完全無關係既野撈埋一齊，效果又幾好喎！味道又唔會好甜，而且杯野同時飲到朱古力同潽洱味，唔會比其中一檥蓋左陣味，一次過滿足2個願望AR～

長假期第二日，到荃灣尋找學生時代回憶，這間普洱，至少屹立十年啦! 味道無乜點變，價錢就加了幾轉，但都仲抵食既，兩口子吃個lunch都係100蚊有找今次lahris點了個香脆酥肉+菜肉餃通心米線，掛住傾計，酥肉都稔左啦...如果酥肉可以另上就好啦! 通心米線其實都有點overcooked這個必點的焗茄汁雞扒蛋飯，雞扒夠晒滑溜，蛋又香，蛋汁撈茄汁飯一流!!p.s. 平時都飲朱古力普洱、咖啡普洱，原來杏汁普洱也不錯! 這十年來還是第一次!! 

燒豬軟骨豆腐丸子通心米線Braised pork bristle, tofu & pork ball with vermislli $42 雙拼燒豬軟骨的醬油十分入味，但有點韌。豆腐丸子以豆腐混合魚肉搓成，豆腐的豆香味較突出，質感幼滑，很特別。通心米線的質感跟米線相若，煙煙韌韌的，不錯！每次吃普洱總要等上一會，但這 絕 對 值 得 ！👍

當天點了咖哩豬扒飯, 滷味拼盤, 朱古力普洱凍飲咖哩豬扒飯咖哩醬汁味道還可以, 但略欠單調層次。豬扒軟淋易切, 好味!滷味拼盤飯幾乎吃完才上, 滷味拼盤有蛋, 雞翼, 豬肉切片。食物連碟都是熱辣辣的, 可能是連碟蒸返熱。滷味拼盤死咸的味道, 雞翼很鞋, 很難食的滷味, 性價比超級低!此餐最出色的是"朱古力普洱"普洱味減低朱古力的肥膩感, 多了一點兒清新茶香, 好飲! 值得一試

食緊野個陣 叫人轉台都算 竟然連一句唔好意思都冇 埋單個陣仲一句多謝都冇 好似自己間舖唔憂做咁呢間野d卡位本身已經夠迫夠窄 直情比人當豬仔咁迫埋一齊食自問搭台好平常但觀察左一段時間發覺侍應永遠只會叫「已落單」的客人轉台而唔係叫「剛剛入黎」的客人搭台我相信有腦袋的人都清楚原因何在此卑劣手法十分不尊重客人 

話說今日要同男友食個午餐, 再去番荃灣廣場睇戲啦~ 距離要入場睇戲時間唔算多, 所以近近地去左荃灣廣場D地舖到食~星期日, 中午時間入座率達9成 快快點餐, <燒豬軟骨配醬鹵米線 $35 配$18特式飲品> 味道方面, 先講豬軟骨, 表層帶甜的~ 咬一口, 肉質非常乾身之外仲要係凍既, 好明顯火喉不夠, 豬軟骨位置硬硬的, 完全食不下 = ="真係晒左D豬軟骨部分 醬鹵米線, 配料有芽菜, 青瓜絲, 仲有紅蘿蔔絲, 將所有材料混埋一齊試一試先, OH MY GOD, 難聽D講句, 成個味道係好九唔搭8, 只係食到比較重既酸薑味...<白汁脆魚柳意粉 $38 配配$18特式飲品>呢個意粉比起我碗米線好好多, 脆魚柳應該係即叫即炸, 外脆內嫩, 魚柳無雪味. 小建議炸粉可以再輕手D~原本見呢到有成起碼40款特式飲品, 滿心歡喜...<凍紅豆糯米香茶> 香茶指綠茶, 茶底不好呢, 完全無茶香, 而奶同甜同樣不夠, 只剩下淡淡的糯米味.<凍珍珠奶茶> 想不到, 綠茶同紅茶一樣茶底差, 無茶味是也, 奶味亦沒有 = =飲品, 相當失

特意去荃灣試... 大大失望未食過一間咁唔用心製作既餐廳... 絕對無下次- 服務: 侍應態度極差，全部黑口黑面- 食物: 叫左炸魚柳、排骨、雞翼，全部唔新鮮，唔知雪左幾耐           跟餐既白飯一PAT PAT.. 好似食糊仔           飲品方面叫左朱古力普洱加珍珠, 珍珠硬到一個點... 杯野飲更加是淡而無味- 環境: 明白晚上繁忙時間搭枱好平常... 但卡位非常窄...           根本無法放下兩枱人所有的食物...            侍應為左做多D生意，不斷叫食客轉枱同搭枱... 極為混亂最終食左一半都無 就同朋友去左第二間食...

是夜OT,喺荃灣食飯，行過被店名吸引，見MENU有款四喜滋味餐，幾吸引，決定一試。四喜滋味餐$98呢個餐有鹵水拼盤、一個小食，一份主菜加碟灼菜，另配飯/米線，同餐牌上價值$18嘅飲品兩杯。其實呢個價錢有如此豐富內容，甚為抵食，但要試過味道先可以下定論。我揀咗黑三剁豆腐同葡汁香草烤雞。        鹵水拼盤有鵝片、鹵蛋同雞翼，味道可以，鵝片稍嫌韌，蛋同雞翼無甚特別，但我最有意見係，為節省時間，個拼盤竟然係用微波爐翻熱上枱，而非用熱鹵水浸翻熱，比打冷檔不如👎      黑三剁豆腐屬冷盤，以皮蛋，辣肉醬、芝麻、葱花、百福豆腐同豉油整成，味道已注定，但處理手法粗疏，皮蛋太太件，如果可以切碎舖面，方便食客以皮蛋碎拌豆腐一齊放入口，讓味覺重叠，風味更佳。葡汁香草烤雞即叫即烤，雞皮香脆肉質鮮嫩，汁不過不失，但非常適合送飯。👌跟餐叫咗芝麻奶茶同胚芽珍珠奶茶，一般水準，比貢茶略差，跟餐可接受，但未有$18嘅價值。整體而言，出品未見出色，或者因為我叫嘅係比較超值嘅套餐，又可能真係要試雲南食品先知佢真正嘅實力，希望下次試雲南菜式會有另一乎感受啦。

一直都知道有這間餐廳，今日帶老虎來到荃灣，突然興起想來這兒食個tea。「普洱」這個名字，乍聽之下有點不明所以，在店內看見牆上掛滿一個個木製玻璃盒，內裡放的都是壓了字的茶餅，馬上聯想起雲南出產的普洱，不難明白這兒主打的是滇菜。來這兒的其中一個原因，就是為了一嚐朱古力普洱，這兩種東西，看似風馬牛不相及，但其實挺搭的。從外表看，跟普通朱古力沒多大分別。呷一口，茶味淡淡的，隨之而來的才是朱古力香，感覺不太甜，兩者味道相衡。男友說味道太淡，我卻覺得很切合普洱茶味淡的特質。朱古力質感不會水水的，飲到中途看見一堆泡沫掛在杯邊，跟台式飲品的打奶泡很像。另一杯點了朱古力奶茶，這個味道和質感都很類似，不過茶味相對比較突出。從外表看，兩杯飲品有99%相似，很好奇店員為什麼可以分辨出來。下午茶套餐除了米線，還有點心小吃，全部價錢相宜。店內提供13款點心，任選兩款不過$26，任選三款亦不過$30，當中已經包括一杯價值$18的特飲。我們選了滇式煎包和南瓜粑粑，前者感覺像煎過的小籠包，未知是否用微波爐翻熱的關係，包身有點冷掉，內餡沒有湯汁，只有小小一團豬肉。後者叫粑粑，是一種以糯米粉製成的糕點。拿上手，感覺軟軟熱熱