普慶餐廳

营业中

休息中

餐廳今期菜式主要係東南亞，所以好多重香料既同海鮮款式。特色湯有肉骨茶、冬蔭功，有風味，淺嚐即可。凍海鮮特別既有龍蝦同琵琶蝦，質素可以，冇重雪味、霉肉或者過鹹既問題。芝士火腿留返早餐試，應該都係嗰啲。沙律吧正常，特別在多toppings同sauce。熱葷冇一道比較印象深刻，款多取勝。日式燒鰻魚好食，肥美肉嫩。天婦羅勝在有各式鹽。粉麵檔係越式牛肉粉，牛肉湯桂肉重，牛骨味淡，清湯算。甜品方面，比較特別既有芒果糯米飯，椰汁西米糕，多款曲奇。其中最得我心既係水果撻。Movenpick有提子霖酒，好食。飲品一人一杯，有主題特飲，揀左青檸梳打，味道中規中矩，算比咖啡有新意。

簡單啲食完感覺唔值 冇鴨肝鵝肝冇麵包蟹冇蟹鉗😟大部分野食都好普通唔喺特別好味一係就無乜味CP值低同等價錢可以食其他❌唔會再去❌💰星期日$680連加一🥛包一杯飲品🕡時間1830-2130🔺大概15分鐘前開始入座🍴座位安排咗坐係比較入嘅位置，樓底矮，瑟縮一角，暗暗黑黑咁。如果坐正中庭就好啲，開揚好多。其實整體佈局有啲似八九十年代香港，玩fusion嘅感覺，唔似一間傳統高級酒店，不過都叫新淨啦☑️收碟都快不過都似係一貫假期炒散嘅員工殷勤有餘 比較業餘但好幾次未食完 就想收隻碟😅其實等食客起身離座先收碟 會更好呢度拎嘢食啲碟周圍放 冇統一位置 例如枱底一是枱底一是枱面一是對面個tray次次都唔知邊度拎碟❗️生蠔、凍海鮮 唔係自助❕由職員配給⛔️有少見嘅琵琶蝦但冇味，自己點醬啦唯有⛔️龍蝦有膏，都係冇乜鮮味蟹腳OK，唔會太鹹，偏瘦✅反而海蝦幾好食，爽甜❌生蠔唔係即開🦪細隻，有瘀黑色冷盤最唔好就係放冰，啲冰溶得快浸住啲海鮮😑食到好呢hea😏刺身蝦原隻，正常北寄貝唔錯，鮮甜‼️壽司啲飯好差，一粒粒返散開冇黏性、冇壽司醋味❗️冬蔭公湯友人話好鹹❗️蘑菇湯友人話好稀no good，其實見佢𢳂嗰時都估到😂熱葷真係無乜食

今天與朋友約食自助早餐，提前一天電話預約並要求坐卡位，餐廳應承。到達餐廳後服務員態度欠佳，命令式叫我們掃描安心出行，我們已經掃描緊，不用吹。我們原定預訂的卡位，服務員帶我們到廁所出面最近的不是卡位抬坐，我們即時說明訂座時要卡位，但為何變成廁所位？服務員說卡位無開，帶我們到其他的不是卡位抬坐。接著我們就見卡位有人坐及還有卡位的座位。我想說，如果吾比卡位，就應該一早講，吾好應承左，去到冇得比我地坐。真係無奈！

今次試左佢個冰火下午茶其實就係個半自助餐主菜Menu 整體嚟講可以多元化少少 同埋好多主菜都要加錢 再加埋一今次一行六人 可以樣樣試下素食漢堡食落麻麻安格斯牛肉漢堡比較好食意粉味道唔錯 大大份幾抵食！個羊架係最貴嘅主菜 有半隻龍蝦同埋兩件羊架 龍蝦還好 羊架同行親友表示太羶！到自助餐嘅部分 個即製窩夫好薄冇味又硬左少少 可以唔食 即製Crepe 還好 唔知點解D 配料擺左去另一邊 隔左個雪糕櫃 雪糕係回本之選佢有Movenpick 又有Haagandazs 加埋10款口味嘅雪糕同雪芭！除此之外得3款熱嘅甜品 喺麵包布甸之類 幾好食 同埋有幾款生果 冇咩特別總括嚟講 甜品可以提供多d 選擇例如基本嘅蛋糕🍰 同埋少少冷盤

呢度午餐自助餐款式都好多，同埋都好多人，好彩提早book定位！海鮮方面，佢有生蠔🦪任食，每人每次最多拎2隻。佢唔算好大隻，但鮮甜無腥味，易入口；蟹鉗🦀大大隻、蟹肉紮實，調味後小小鹹味但無搶到鮮甜嘅肉味。蝦都係新鮮彈牙 🦐 肉眼扒半生熟，滿滿牛味；燒腩肉都燒得外皮香脆，肉汁豐富，香草調味剛好，點埋蜜糖芥末醬中和佢嘅油脂，配搭一流！🥩🥓刺身有5種海鮮選擇，都算新鮮，而且每次都會俾3片，份量好足夠。🍣甜品有Movenpick雪糕任食，正呀！🍦仲有啲熱葷、沙律、串燒等等都幾好食，400蚊左右嘅價錢係值門票價嘅！🤪

好難得黎食一次buffet, 一早book 好位，樣樣都好好食，而且款式又好多，同大家分享下我地攞左三輪野食，肉眼扒真係好正，好香牛味，而串燒係即叫即燒，雜錦天婦羅都係，好正呀

呢間自助餐真係勁出名，平時要好耐先可以book到，前排同男朋友去staycation~ 個package有得包埋自助晚餐😍😍😌 終於食咗佢哋好出名嘅buffet啦！晚市都算多嘢食 ，海鮮種類都幾多，當中最鍾意龍蝦🦞鮮甜肉質爽口，夠新鮮！蟹鉗食落啖啖肉勁方便～生蠔正常發揮，係有幾隻會有啲腥味，不過長期好多人排隊😂熟食好多選擇，樣樣食一啖都飽🤣🤣🤣啲野食賣相都吸引到我去試～ 牛排唔錯！甜品種類都勁多，有好多蛋糕類甜品，啲朱古力甜品味道唔錯！食埋雪糕🍦飽晒😋😋😋

香港人人都鍾意食自助餐我就唔係特別鍾意嘅不過普慶係其中一間我去完又會去嘅首先海鮮🦞種類繁多龍蝦同虎蝦都好好食😋龍蝦🦞超多膏 虎蝦勁爽口刺身都有6-7款我自己只揀咗4款食有帶子 甜蝦 吞拿魚 油甘魚新鮮好食😋另外仲有好幾個唔同counter每樣食一件都飽到食唔落仲要留肚encore虎蝦同龍蝦呢Counter分別有日式 東南亞 西式之類呢個自選烚下烚下都唔錯一來可以自己揀啲蔬菜食下湯底亦都唔差甜品有movenpick雪糕仲有成十種味其他甜品都有唔少選擇每人仲有一杯飲品我清清地揀咗青檸梳打

數一數二受歡迎嘅自助餐餐廳，總算無令我失望。提早會同我做reconfirm ，另外因為帶埋BB一齊去食，又特意安排卡位俾我哋，又一早準備好BB餐椅同餐具。同埋當晚執碟都比較快。食物分佈整個餐廳，每區都至少有2-3個職員，令到每區取食物嘅等候時間唔耐，即使食物拎晒都好快refill。當晚凍海鮮之中，龍蝦，生蠔，海蝦都好新鮮，淨係食幾round 海鮮，隨時已經可以回本。另外壽司刺身，熟食，甜品都值得可以encore再encore 。至少我嗰晚見到粉麵區不斷有人encore 。

每年聖誕節我哋一家都一定會去酒店食自助餐嘅，自我懂事開始就無改變，而普慶buffet係我私心推介，因為其性價比絶對比同級同價嘅酒店為高。凍海鮮、肉檔、刺身、熟食、串燒、麵檔、中式區、甜品、飲品區應有儘有，食物出品有水準，唔會差，就咁已經係價回票價。凍海鮮：生蠔有法國 / 新西蘭  / 美國，由於客人太多，有8成都係開定嘅，每人每次限攞3隻，都叫做creamy同清殼碎清得幾仔細所以條龍都好鬼長下；波士頓波龍蝦多膏但肉質有啲實；蟹腳新鮮鹹味適中，都夠肥大👍，麵包蟹蟹膏都夠甘香👍小龍蝦無試，琵琶蝦夠夾彈，但無乜味：青口就正正常常，但唔靭嘅；凍蝦都夠大隻同彈牙。涷海鮮來貨係幾好。凍盤區：芝士都係啲大路野，4-5款，餅乾乾果都有比你配搭；Ham同cold cut好齊，自已睇相；醃菜醃魚都有，沙律都有唔少款。刺身：帶子 / 油甘魚 / 希靈魚 / 三文魚 / 吞拿魚 / 立魚 / 八爪魚，全部都正正常常。肉檔：原隻火雞，有啲鞋身，但都叫有肉汁，火雞嚟講叫好食；肉眼7成熟，等中間位攞；乳豬皮夠脆夠juicy！熟食：雞粥同喇沙好味👍，片皮鴨皮脆肉嫩👍，其他都係正常野，無乜特別。。。甜品：其本有M字頭雪

我2個月前訂位，冇可能比個位置我係咁，斷估唔到有人會早過我訂位，起碼我都係第一個訂仲要係我7個人，誰知嚟到比個門口位我掛，入面D位有咁多你冇可能係咁編排位，生日係想一家坐埋食得開心D，吾係送個蛋糕比我就得，我接受，我係想開食一餐姐......已經冇哂心情，仲有食自助餐係可能留定食物比人架，我都係第一次聽🤔🤔🤔

普慶餐廳的自助餐，真係值得推介，午巿Buffet價錢雖然平d，但選擇方面都依然勁多，海鮮方面都好新鮮，有我最喜歡的長腳蟹同麵包蟹，d麵包蟹d糕多到癲，食多隻都怕膽固醇爆燈。最估唔到竟然有香港特色的小食，雞蛋仔、格仔餅同埋有枝裝維他奶飲，另外亦都有多款movenpick雪糕，整個Buffet都比到我驚喜，雖然成間餐廳都full哂人，但食物refill都做到好足，真心，我絕對會再來食飯。

以往 普慶餐廳 較難訂枱 現時 高質自助餐 做得出色 比比皆是 要訂座亦容易 暑假期間 一家大細 刷餐飽也不少 今天於 逸東酒店 Staycation 晚餐包了普慶餐廳 東南亞美食巡禮 自助餐 餐廳滿座 🍴🍴 凍海鮮選擇多 新鮮龍蝦 小龍蝦 大蝦 中蝦 即開生蠔 翡翠螺 青口 蟹 琵琶蝦 吸引到我不喜歡 凍海鮮的 都吃了兩大盤 真是淨吃海鮮 都超級飽 😁😁東南亞各國 地道美食主題 少不了泰國食品 各種串燒 泰式 燒虎蝦 蒸魚 青咖喱雞 香葉胡椒雞 香茅牛肉 冬蔭公 🌶🌶越南美食 生牛肉湯河 🐂🐂馬來西亞蝦麵 參巴炒蝦 胡椒蒜頭肉骨茶 🍖🍖韓式炒粉絲 豬手 🍗🍗日本剌身 各式壽司 多款即炸天婦羅 日式串燒港式湯粉麵 燒味 各式沙律 凍肉 燒牛肉 菠蘿火腿 多種甜品 雪糕 新鮮水果 🍉🍉還包每人一杯 咖啡或茶 或東南亞特飲 🍹🍹各款食物 食材新鮮 口味調配恰當 高質 每款都吃 一整晚都吃不完 選擇自己喜歡的 美食最好 😋😋每晚 雖然由 6:30pm 開始 直至 9:30pm 但入座時眼見 已經不少人客 氣氛相當歡愉 以幾百元的價格 換來暢快的 美食體驗 絕對值得下次再來 🥰🥰

🧜🏻‍♀️資料顯示黃店黃店本身唔想寫太差但係水準真係有待改善🥲去嘅時候七月份，特登去慶祝男朋友正日生日。餐廳做緊東南亞嘅主題，有好多泰國嘢、馬來西亞嘢。我諗好多人都俾佢嘅海鮮吸引咗去食，啲青口、龍蝦同螺係唔錯嘅。但係啲生蠔真係仲衰過出面$10 1隻嗰啲，一早開定晒擺喺度，完全冇味，又勁細隻。為咗食生蠔嘅我哋超級失望，六百幾蚊位啲生蠔唔應該係差到咁樣。日本魚生ok都叫有返少少質素…炸天婦羅都唔錯。最欣賞佢係擺咗好多唔同嘅鹽喺度，唔係淨係比蘿蔔蓉，而且仲有好多唔同種類嘅嘢，蝦天婦羅幾好食熟食大部份都係不過不失，不過乳豬嘅數量真係太少，好快就冇晒，都唔會加番。雖然好多東南亞菜式都有落芫荽，但係佢真係好多嘢都落芫荽，對於唔食西嘅人其實冇啖好食…甜品都係不過不失野飲方面都有啲特別嘢飲吓，我哋就嗌左美祿恐龍同埋青檸梳打。質素方面我覺得佢俾返橙汁仲好……..總括而言，絕對唔值六百幾蚊一位，不過如果食個lunch buffet又有差唔多嘅嘢食可以go不過因為今次太失望，應該都唔會再回頭。

生蠔 龍蝦鉗係唔錯既 麵包蟹好唔新鮮 啲肉散曬其他熱食都冇咩特別 不過不失魚生冇味牛扒好鞋甜品種類唔多 外表一般 雪糕既話，藍莓芝士同淋酒都好食，其他味一般本來見到咁多介紹仲好期待，入到去第一時間拎海鮮食，蠔同龍蝦鉗都ok,蟹鉗就唔ok必食既係雪糕同龍蝦鉗，其他可以試少少就ok個肉骨茶🤦🏻‍♂️🤦🏻‍♂️🤦🏻‍♂️成排蒜連皮放落去煲....啲排骨...就似煲完湯既肉.....勁難食應該唔會再有下一次