普慶餐廳

营业中

休息中

今次係第二次黎😙😙今次都幾有book位 另外仲訂咗個蛋糕 加左少少錢 兩個人大概$1400 星期日dinner buffet 雖然貴咗少少但係呢個價錢都值得等我介紹下啦 海鮮🦞係真係必食我地食左勁多轉 個日唔算太多人 唔使排隊攞生蠔😍😍我食左勁多轉 餐廳入面d同事都好nice有時見你拎住好多野就會幫你手拎翻埋位 海鮮分別有龍蝦 小龍蝦 麵包蟹 長腳蟹 青口 同大蝦 可以自己揀拎幾多 或者係拎邊一款 全部都好鮮甜😋😋😋😋呢part我比滿分❤️另外，刺身都有好多野食 三文魚同甜蝦仲有帶子係勁大件仲要好甜 又夠凍唔會出現溶冰既情況(之前係其他酒店有試過…-,-)天婦羅全部都係新鮮即刻整 仲要熱辣辣😋😋😋仲有好多款添我覺得最正係甜品🍮超多野食 雪糕任食😚😚😚仲要係movenpick 仲有一個開心果蛋糕超級無敵勁好味下次一定會再黎食

🍔食物質素：👍🏻👍🏻👍🏻👍🏻💵價錢性價： 👍🏻👍🏻👍🏻📸打卡指數： 👍🏻👍🏻 🪑環境衛生：  👍🏻👍🏻👍🏻👍🏻🤵🏻店員服務：  👍🏻👍🏻👍🏻👍🏻fai.lok住左一晚酒店，當然要去逸東酒店試下佢早餐，逸東酒店早餐係最低層B1 普慶餐廳，早餐由6:30-10:30，分了3段時間，fai.lok係食第2段時間8:00-9:15。西式早餐一般西式早餐有既野都齊全，佢個炒蛋好受歡迎，去左幾轉都冇晒，終於等到。奄列區隔離仲有個奄列位置大排人龍，可能多人排，而且奄列製作需時，真係要等好耐，fai.lok都係到早餐尾段少人啲先去排，廚師會問你要咩材料同加唔加蕃茄，視乎自己喜好，奄列係好食，又多餡料，不過就未去到要大排長龍。湯麵區湯麵區好多麵款揀，配料又多，調味料都好齊全。中式點心中式點心款款都好食，腸粉唔乾又好滑，炒麵炒得香，只係菜肉包就普通左啲，餡都好少下。飲品區好少見酒店早餐有維他奶。熱茶係出面見唔到熱茶，原來如果有需要係可以問侍應拎。水果水果得4款，不過都好夠，水果甜甜地，又新鮮。麵包麵包果醬好多揀，有啲好少見都有，好正，脆酥 或者牛角包個啲都好脆，但軟餐包 或者法包款就比較硬 難咬。Panc

記得兩年前去過幾次，果陣時食物水準幾好，服務質素都算中規中矩。自助餐嘅點本位都係生蠔🦪龍蝦🦞（今次無長腳蟹腳）🦀今次去完之後，可以話永久blacklist，想體驗下叫狗嘅服務，可以去體驗下。去拎生蠔嘅時候，見到一大堆開定嘅生蠔比冰蓋住，然後拎起身沖兩下水，以前都有即叫即開。 我絕對唔介意你開曬放係到比冰鎮住（比人任拎任食），但係可唔可以唔係即開又要扮即開，又要限人拎兩舊，啲蠔開完比佢沖完之後既無海水味，又無新鮮嘅滑溜感，感覺似係下就開咗好耐。去到凍海鮮果邊，廚師係個五十幾歲嘅女士，用把街市賣菜嘅聲大叫：要咩，跟住用呼喝聲要你拎啲平價嘅青口同熟蝦🦐，我已多次行到去龍蝦🦞面前，佢都係呼喝我要唔要前面(廉價海鮮）果啲，其實客人想食嘅時候會同你講，唔洗你大聲呼喝，唔需要多次提醒，有陣時仲敲打個鐵桶，問你要唔要。見到有啲斯文客人話要，比曬成盤佢，螺都無講就塞埋比佢，用意十分明顯。當然回本位嘅龍蝦，每人限拎半隻，我問個員工可唔可以要多一隻，佢地就扮聾聽唔到，講幾大聲佢地都唔會比你，跟住就話下一位，但我又好奇怪，又唔敢明寫限攞幾隻龍蝦。我覺得賣三餸飯既態度都好過佢地，員工對客人嘅態度同叫狗🐕無分別，

普慶餐廳Dinner Buffet 🍽成日聽到朋友話呢間正呀不過好難Book位所以我係3個星期前Book定先冷盤海鮮🦞有10款可選擇蟹超細隻 冇乜鮮味 其他都唔錯生蠔🦪每次只可攞2隻但剛開始的生蠔勁細隻又好薄太約8點出咗大隻生蠔 食返2隻先滿足到 對生蠔嘅慾望食物種類選擇多 每款都feel到認真製作 大致滿意最鐘意有個日本corner 魚生飯可自行配搭 鐘意加咩都得Sushi精美 天婦羅 🍤串燒 即炸即燒有啲似去咗居酒屋飲品 - 只提供一杯 唔係好夠 甜品 🍮種類多 雪糕有多款食物質數唔錯 值回票價屋企人滿意 係最重要❗️

今次book Staycation包埋早餐buffet！八百幾蚊包左三餐，好抵呀！但checkin時得翻6:30-8:30時間簡食早餐！其他時間full左🥲第二朝一早就起身落去食早餐！野食都算多選擇！最特別有樽裝維他奶、雞蛋仔、奶皇酥！早餐buffet比較少見到呢d！但雞蛋仔唔係即叫即做，所以都淋左🥲熱盤有中式點心、粥、腸粉、自選食材粉面～冷盤有沙律、火腿、生果！整體大部分食物味道都唔錯！值得encore😍

中秋前夕同家人食自助餐，係openrice終於揾到仲有酒店有位。知道依間酒店長者（60歲或以上）有discount ，亦都知佢出名多款式，可以就唔同人口味，所以就黎左試下lunch buffet。黎之前餐廳已經幾次confirm booking，都幾周到。環境都闊落，枱同枱之間都有返一定距離。服務都周到，好快幫你加水+收碟。款式方面好多，地方好大，要行晒成個地庫。佢做緊星馬泰主題，所以除左傳統日式、海鮮、甜品區之外，會有個東南亞區。職員仲派左兩張ticket去水吧換特飲，好有心思。自己本身鍾意食熟食，而屋企人鍾意食生，而依間酒店滿足晒我地需要。生野方面有刺身、生蠔、蝦、龍蝦等等。熟食方面有好多款，有意粉、蒸魚、海南雞飯、泰國越南式食物、越式粉麵、喇沙粉麵、即炸天婦羅、烏冬等等。好適合鍾意熟食既朋友，質素都ok。反而西冷就真係難食，好鞋好un 。甜品方面有不同既糕點，中式糖水，西式蛋糕，即製waffle同任食既hagan darz 同moven pick 雪糕。亦有啲糖果同水果，岩晒小朋友同大人。沙律方面都有啲整好左有dressing既沙律，亦可以自製，都適合健康一族！總結，食物款式好多

普慶buffet都幾出名，今次就黎到食早餐，分為幾個corner包括西式早餐區、輕食早餐區、麵包區和中式早餐區，分流措施不錯中式點心當天得素菜餃、牛肉燒賣同叉燒包，味道一般，另外有煎腸粉，呢個唔錯，煎得脆口，配埋甜醬和麻醬一流🥰旁邊仲有粥、鹹豆漿、蒜蓉炒菜最特別係有雞蛋仔，第一次見酒店會供應，睇住職員炮製新鮮熱辣，外脆內韌，口感不錯😋數量都好多，唔洗擔心會食唔到，不過麵包點就比較普通 可能冇自家餅房，麵包唔熱唔鬆軟奄列區配料都多，有6款，不過等候時間都比較耐，得一位廚師去煮，男廚師技術好一般🙈一反蛋就爛咗，煮到偏熟粉麵檔可以自己夾想要既餸再比廚師去煮，可以淨係要菜或餸，煮完之後會再加上高湯

放假抖下都要晨早流流起身食早餐本身覺得有啲反智😂，但見男朋友好期待咁就唯有努力爬起身😌。去到大概9點左右，都已經幾full (早餐無記錯去到10:30)。2人位就枱唔係好大，叫左茶有個茶壺就更加逼🤣。野食唔詳細介紹，但好多種類，基本上你早餐食到既野都有💛。有中式、西式、糕點、生果、salad等等，比較特別係omelette仲有得自己order睇住佢即刻整😚。✅All day breakfast類(?):scrambled egg係清得特別快，炒得偏熟少少但都夠滑，其他都唔錯，係beacon燶左啲就會偏硬。✅香烤薯仔: 最鐘意連皮烤既薯仔！好香又唔會好重seasoning😍，又唔會太硬身，烤到啱啱好。✅中式粉麵: 類似台灣食滷味咁夾餸去個籃到，叫埋呢食咩麵就有staff即刻本整，加埋湯意外地又唔錯，唔算好濃味朝早食啱晒👍🏻。❎包類: 凍左既包會扣分😂，牛角酥同muffin呢啲無得擺番去toaster所以差咁啲，雞蛋仔拎左先見佢整左底新既🙈，凍食味道都ok既，不過一定無熱食咁香。同埋muffin偏甜，食左幾啖就頂唔順🙈。💬入去時門口staff會問有冇試過佢地既自助早餐，無既會簡單介紹下同埋

第二日早餐係buffet式，其實都係早餐基本嘢麵包比想像中多款式，特別係法包，已經有好幾種，不過法包我就冇食，因為覺得好神奇地，竟然無焗爐，只有多士爐，所以根本唔知道如何翻熱法包，因為無焗過嘅法包偏硬亦都唔係咁好食～雞蛋仔望落好打卡able, 都好少見酒店有雞蛋仔咁，不過其實放到好淋，所以我就冇食啦～好鐘意食玉桂酥嘅我，拿咗件試，但又係冇得焗返熱，完全失色，其實係咪有焗爐我唔知呢🧐另外佢有奶黃提子酥，但中秋實在食太多奶黃月餅啦😂食到驚驚哋，所以我都冇試嘅～拿咗件朱古力cupcake，不過不失，不過賣相好好飲品位置有樽裝維他奶😍好吸引好懷舊，即刻拿返支～不過近年少甜走甜嘅我，唔係好飲得慣😂覺得好甜😂最後俾我發現原來有無糖熱豆漿，好啱我！飲晒成碗！另外想講，呢間酒店好多碗碟都係懷舊嗰款，幾特別👍🏻放埋一齊幾有懷舊感覺朝早食返啲熱嘢會舒服啲，去咗拿碗烚菜，米粉嗰啲都冇要到，要咗幾粒魚蛋、牛丸，比想像中好，魚蛋同牛丸好夠魚味牛味又彈牙，因為喺街食多數都唔想太出色，本身無乜期望，但估唔到呢到又幾好燒賣就麻麻哋，腸粉反而唔錯👍🏻加埋醬汁仲正👍🏻💰book酒店有不同package包埋⭐️4星/5星🈵分

逸東普慶Buffet出晒名難Book😋大多要半個月至一個月前book😂記得五月做緊燒烤主題「普慶烤激樂」時小妹去完都想大讚d食物種類超多😍海鮮生蠔🦞🦪新鮮而且質素吾錯🙌🏻 d熱葷真係好好味又多選擇😋***紐西蘭生蠔🦪、新鮮龍蝦🦞、天婦羅🍤、泰式燒海鮮🐙、炙燒大頭蝦🦐、蒜香檸檬燒蠔🦪、牛油芝士烤焗開邊龍蝦🦞，再食勻南美巴西烤肉串🍢，食客喜愛的牛肉眼🥩、雞腿🍗、各式肉腸等，用炭火燒烤，炭香四溢，滋味滿分。另外，大受食客愛戴的原隻香草烤羊脾🍖及路易斯安那風味烤雞🐥

兩星期前book定位同父母去普慶食中秋節飯，因為普慶午餐都有蠔食，又有長者優惠。成人 $308+10%，長者$198+10% （閒日價錢）12點去到唔多人，好快就安排好位置。今次中心位置，book個陣講左唔想坐咁遠，怕老人家拎野食行得遠。真係有做到👍🏻👍🏻👍🏻一開始就拎左海鮮同蠔。蠔雖然唔大隻，但都有海水味同有肥美的。海鮮就小龍蝦，虎蝦同龍蝦鉗都唔錯。蟹同螺就麻麻地，唔食青口就冇拎到。魚生佢有5種揀。三文魚，北寄貝，𩶘魚，八爪魚同希靈魚。新鮮同肥美的，不錯日式炸物同燒物都好食，見個女仔不停手咁炸炸炸😋有蝦，南瓜，蓮藕，蕃薯，冬菇。燒肉眼同豬腩，燒豬腩皮都係硬，食唔到。肉眼對我黎講熟左d，平時係食開3成。呢度差唔多7成了。但肉質都ok的。最好味都係燒菠蘿🍍。今期好似多左d泰國越南野食，有牛肉粉，冬陰功，肉骨茶，泰式拼盤…另外，又係有燒味啦！最尾緊要食甜品啦，雪糕有movenpick 同 HaagenDazs 各4種味道。蛋糕就有7款，同5種甜品杯。重有麵包布丁，中式糖水同夾餅。生果就有蜜瓜，哈密瓜，西瓜同菠蘿。總括黎講選擇多，野食啱哂大人老人家小朋友食。環境又夠闊落，唔會太迫，價錢又優惠

餐廳設有七個美食專區，提供多款國際美饌各種冰鎮海鮮採購自世界各地，新鮮且選擇多樣亦設有即叫即燒海鮮、即席切肉等自助餐設有午餐及晚餐時段 自從翻新後都無黎過,而家環境比以前浪漫左,燈光柔和了不少!中湯,西湯每天提供一款 環境舒適,食物精緻可配搭不同款式餐包 另有熱盤芝士焗蠔 火焰龍躉球、避風塘炒蟹、辣酒煮翡翠螺、即煎蠔餅等當晚品嚐的炒蟹肉多惹味,極之推薦燒鴨醃得入味,可以夾返2件試試呢!仲有班蘭葉炸雞 香氣十足,雞肉嫩滑朱古力火鍋 可配多款水果 麵包布甸焗得香,味道好仲有燒牛肉,羊架 多款不同蔬菜款式豐富 燒牛肉 牛肉味濃郁佐敦彌敦道380號香港逸東酒店B1樓層消費$500

為左個早餐，所以住左一晚酒店之前見好多人都讚普慶個早餐，終於有機會試到亦都無令我失望，為個早餐絕對想再去第二次！就咁walk in去食都唔貴，連加一好似$150有找，絕對抵過出去食個all day ，坐又坐得舒服早餐選擇真係唔少，重點味道都唔錯，對比返同級好似尖咀凱悅、金域假日，佢真係贏曬乳酪旁邊重有d粟米片呀、提子乾呀可以自己加冷盤連配料沙律，以早餐黎講無論配料同醬汁都屬於多選擇還有一款撈好既薯仔沙律包點選擇唔少，醬料又多選擇生果有四款果汁三款還有維他奶粉麵檔炒菇好好味，薯餅又夠脆，d野食真心唔差早餐意粉都有望個樣都知唔差，好夠味Pancake 配鮮忌廉真係無得頂雞蛋仔不能錯過，望住佢新鮮整好就出去拎，外脆內軟有蛋香整體好滿意，滿意過一年前食自助晚餐

早餐同晚餐都有相同區域，例如凍盤芝士火腿、沙律吧同水果。而早餐比晚餐好既地方係飲品再無限住一杯，可以自己斟果汁、牛奶或者攞枝維他奶。亦可以請侍應落單叫咖啡/茶。其他提供既都係大路野，諸如早餐穀物，即煮奄列，煙肉炒蛋，麵包果醬……只講比較ok既，有迷你牛角包-鬆化、味噌湯-偏甜、三角薯餅-少油，其他中規中矩。

上網見到介紹逸東酒店既普慶餐廳，下午茶半自助餐，有心太軟、窩夫、梳乎厘等既甜品2小時任食，咁中意食甜品既我又點可能錯過🥰主菜：法式紅酒燉雞 $148紅酒味好重，個人唔太喜歡🙅🏻‍♀️，雞肉質夠淋，食得出燉得夠時間青口辣椒扁意粉配蒜香番茄醬 $148正常，唔特別，但份量有點偏少餐飲叫左凍奶茶糖同奶可以根據自己喜好加，但個人覺得個茶底唔夠濃，個奶亦無咩奶味，加埋一齊，係好淡好淡既奶茶至於甜品，係最失望既地方可能因為睇左網上既介紹，對啲甜品太過高期望，以至於拎到手既時候，有啲失望，個窩夫同個梳乎厘個樣貌同宣傳差太遠🤣🤣，不過係好食既。整體來講，中意食甜品既唔太建議特登book黎食，🙅🏻‍♀️但如果係想有個地方坐下，同朋友傾下計食下野，我覺得係唔錯既選擇🙆🏻‍♀️，因為一來唔貴，二來地方夠大，冷氣又充足，2小時慢慢傾慢慢食係足夠既。