晨光餐廳 (已搬遷) 新店位置

係大窩口咁耐都未食過佢，食到唔知食咩好，又見到佢都幾多人幫襯喎就入去試試。一人嗌左一樣，我食咸魚蓉雞粒炒飯，愛人吃涼瓜斑腩飯。個炒飯d咸魚夠大粒，之前食過一d咸魚雞粒炒飯係唔見有咸魚且無咸魚味，呢度我就真係食到有咬口的咸魚肉（但唔係咸魚茸咩😂），唔錯唔錯另外涼瓜斑腩個斑腩係出奇好吃，首先係斑腩夠晒熱，食到最後都仲係熱嘅，可能係個皮包得好均勻😂d肉都好滑，正兩個飯，無嗌野飲，埋單$88，可能係悅來酒店附近有都算正常價嘅

$40幾蚊午餐，黑椒牛扒飯，可以揀中湯或西湯，落單後幾分鐘即到，趕時間快食就岩晒！熱奶茶出奇地唔錯，唔怪之得次次經過都滿座啦！我鐘意幫襯街坊小店，唔鐘意集團機械式出品。

雖然今日我唔在場 但平時一個禮拜都同屋企人幫襯呢間野幾次 算熟客 啲侍應都認得我地但今日知道屋企人被趕走件事就咁既 媽咪同婆婆入去見卡位full晒 咁就是但搵個位坐啦 坐左一陣見到有個卡位 就搬過去坐 點知個侍應走過黎話：「你地得兩個人唔好坐卡位啦！」咁媽咪就望下其他坐卡位既客都係兩個人坐咋喎我婆婆問：「點解我地唔可以坐卡位既？」媽咪答：「唔知啊 人地兩個都可以坐 唯獨係我地兩個唔可以坐 唔知係唔係蝦緊我地兩個女人仔 人善被人欺呢？」個侍應即刻走過黎話：「你地成日都坐兩個幾鐘 我地餐廳只可以比人坐兩粒鐘咋！」媽咪問：「下 你地餐廳有寫明只可以坐兩粒鐘咩？」個侍應話：「你唔滿意你就同老細投訴我囉！」媽咪同婆婆嬲到走左！真係用反華仔嗰句「今時今日咁既服務態度點得嫁？」講真，平時坐得耐都係望到餐廳無咩人先會坐耐啲，反正又唔係有好多客，坐下有咩所謂？我地仲有個80歲老人家，又唔係黃金時間霸住你地啲位，餐廳當敬下老都唔得？呢間餐廳既老細，如果你有睇呢度啲食評，咁唔該你真係貼張橫額係門口，大大隻字寫住「每台只限坐兩小時」，咁咪唔怕再有我地呢啲麻煩友囉而唔係背後細細聲同啲員工講，叫佢地鬧走我地，低端

一個人好肚餓，趕時間，過了早餐時間，但好想食類似早餐的東西，揀了附近的茶餐廳，希望快食之後閃。坐下後才醒起以前食過呢間，上餐速度勁慢，今次趕時間食，唔知會幾耐~ 時間已經有午餐供應，常餐得一款，得意在係生滾牛肉面，有包、蛋同飲品，抵食既。今次上餐好快，適合趕時間醫肚既我。豬包好食，蟹柳炒蛋就麻麻，個生滾牛肉面就無沙爹牛肉面咁好味，湯底有啲清啖，但牛肉係OK 既。隔離位姨姨們不斷話杏霜好飲，下次可以試試。

前天到了荃灣,剪頭髮後有點肚餓,所以到附近找一些普通餐廳吃飯到了一家叫晨光餐廳的,餐廳不算太多人,所以立刻坐下一般的茶餐廳路線,一樣有午市飯餐我選了一個B餐點了一個扒餐,餐湯是羅宋湯,只能說是夠熱,味道實在普通,湯水比較淡,內裡亦沒有什麼材料典型的普通茶記例湯,有點失望相反鐵扒餐特點比較多,牛扒雖然過熟,但肉味尚算可以,份量亦比較大,吃起來還可以而且熱辣辣,感覺還不錯也不多根位,可以輕鬆切下薯條雖然香脆,但薯味不足,相信是材料的問題普通吃一頓還可以

一個如常的星期日，獨自走到荃灣，只是想醫吓個肚，也因為一個人，簡單就算了，不用太複雜，因而只好在茶餐廳進食好了。晨光餐廳是已選好的餐廳，一切都是因著早餐茶餐午餐之類，不用想太多。羅宋湯只是為著蔬菜而點，微辣而搶走了酸甜，蔬菜的軟腍，也因為煲得太久所致吧。黑椒雞扒飯是今天午餐的主食，雞扒恆常的咬口感覺，軟硬適中，不嫰不硬，靠黑椒汁的調味，醬汁不算辛辣，剛好。熱咖啡是今天的餐飯，苦澀的味道，不算香濃，是一杯普通的茶餐廳咖啡。沒有要求下，午餐來得自然，還算是中規中矩，不算難吃已是好好。

Lam脷: 2.5/5抵食: 3/5相機: 2/5今次Vi簡單為大家介紹個大大份平民熱狗，大家經過大窩口可以睇下，轉角位既餐廳都幾多人去一分價錢一分貨，大家期望唔好太大，叫做不過不失咁啦  熱狗幾香口，熱呼呼，個包烘過微脆,但香腸有d細條, 芥末醬偏小, 不過好飽肚,下午茶食完之後基本上要好晚先會再覺得肚餓 熱狗寫真：

中午1點左右，距離約人的時間還有1小時，是但搵間餐廳快手食完就算。因為唔洗等位，所以去左呢間餐廳，咁就出事了。餐廳冇冷氣，阿姐大脾氣，差啲以為佢先係客。我點選了一個墨丸河，女友點了黑椒牛柳絲炒麵。墨丸河正常味道。而女友點的炒麵，牛柳已變壞，叫侍應換其他食物又黑口黑面好似我地唔啱咁。卒之換埋做墨丸河算數。連改張單都要改幾次先改到，你地係得既！臨走聽到阿姐話：咁都食唔晒呀？嘩大佬你估我唔想食呀？食得落先得架！隔離枱仲鬧走左2個客，祝呢間餐廳長做長有客俾佢鬧 PS: 好好奇點解會有7個哈哈笑

雖已六時過後, 本人因中午太遅進食而仍覺很飽, 故本人和友人分別點選吞拿魚三文治及海南雞飯。正如一般的茶餐廳做法, 草草吃掉吞拿魚份量奇少的三文治, 味道跟賣相必然沒有期望; 至於海南雞飯, 友人話不難食, 但亦只有「勉強過得去之意」, 觀其隨之奉上之醬料欠醬油便知 !

我其實是荃灣區常客, 不過從未幫趁過此店, 因為說實話, 此區太多食市選擇, 但出色的食市(不是連鎖店), 也一般只能做到三幾年, 能有水準的店也所餘無幾。今晚本來想去某立方 (都係附近), 原來八點多已關門, 所以只好找別的食市。行下行下, 其實都知呢間晨光已開業數年, 不過單憑個招牌名就只會聯想食早餐 .... 哈哈!實話店門面是光猛的, 也算新有打理, 所以不會抗拒內進, 不過心理上始終是一間茶餐廳。今日見菜單係門口, A 西式晚餐是羊扒, 好就不防一式 ! 內進後, 人不多, 有卡位坐 , 電視正播范冰冰 .... !侍應過來, 我下單要A餐, 無留意原來中式也是 A / B / C , 所以佢問左我是否要蒸魚?吓, 大家交著了一會, 最終佢知我要羊, 但同番我講 , 中式餐都有 A 唉 ~ 好心中式寫 1 / 2 / 3 區分啦 , 我想我一定不會是第一個人遇到的問題吧 ! 西式套餐連餐湯同熱飲, 天口熱當然豪兩蚊比佢轉凍飲啦約十分鐘有得食, 嘩賣相有驚喜, 排得幾靓, 望真D 仲有三塊羊 .... 唔係化? 三塊都很長, 唔似羊扒, 應該係羊排切出來, 有大骨的, 而且肉多

尋日(10-8-2014 Sun)朝,同男友起身後,再去熊貓酒店睇啲o野,於是o黎呢間食早餐,o黎到有人等位,男友想搵第二間,但我即管攞二人位,原來有位,等o既係3-4 人.我同男友分別要$28.00o既歐陸早餐,有牛角包,茄汁豆,豬柳配烚蛋,加$2.00要凍奶茶.$26.00o既超值早餐,鮑魚絲火腿通粉,配西煎雙蛋,牛油方包或厚多士,加$2.00要凍檸茶少甜,男友將西煎雙蛋轉為炒蛋.等o左一陣,兩杯o野飲到o黎,奶茶口感夠滑,有茶味但唔太夠;男友就大讚凍檸茶好似,因為o岩佢口味.等o左5分鐘,男友o既早餐到齊,就咁睇炒蛋好乾,厚多士有成吋厚,我先偷食啲,炒蛋竟然唔乾而係嫩,重有蛋汁,;厚多士外脆內軟,牛油雖然塗得唔多,但卻o岩o岩好美味; 通粉就正常冇問題.而我o既早餐要等多3分鐘至到,不過牛角包變o左厚多士,奇.但算啦,反正我鍾意食厚多士多啲,而茄汁豆出奇地多,先食茄汁豆,估唔到佢o地整返熱之餘,自己再調味,應該係加o左香草同糖,但可惜我o地都覺得麻麻,或者唔再加糖會好啲.而豬柳都OK大件,鹹度適中,烚蛋係全熟冇問題.食物水準唔錯,呢o度o係酒店對面,可令旅客食到港式水準,為港爭光

已經唔係第一次幫襯，幾乎次次去都見到有人黑口黑面。今次更加離譜！服務態度其差，我唔會再幫襯，想受氣就即管試下啦！人地都未食完野就搵三個客走入去只有兩座o既卡位,即係暗示對面o既二人走啦是吧?問佢攞杯水食藥好似我地做錯事咁,個副嘴臉真係......Sorry我真係頂唔順!仲要杯水拎到埋來個時補多句：「拿！食藥呀！」嘩！當堂火都來埋！我唔係話俾個少少錢就以為自己好巴閉,但至少唔應該係受到咁o既對待,公道話：食物還算ok,但不是特別好食,亦不是特別平,環境唔闊落,一多人就好熱,但d野幾好食都係假,一句講哂,唔會再有下一次。

無論早午晚餐下午茶，在茶記開餐永遠都是最方便不過，有些茶記的下午茶都會做到下午六時半認真方便。來到晨光，雖然已過下午茶時間，兼且進入晚飯時間，在下仍然想來一個下午茶，幸好晨光仍然有豬扒包和熱狗等麵包供應，否則在下真的要吃個晚飯呢！在下不再看餐牌，已在門口的餐牌中選定了要吃的東西，但不知道是否有套餐，可是得來的答覆是要單點。豬扒包。豬扒包外表就像豪興茶記的豬扒一樣，不同之處是晨光已把豬扒包切成兩半，方便進食。麵包烘得鬆脆，和仍然感到包身是熱的，而且有烘燶的地方；包裡有蕃茄豬扒生菜和沙律醬，可是沙律醬較多，要小心吃，否則就會萬分狼狽。豬扒煎筤香脆，也很鬆化，算是有水準的豬扒包。熱奶茶味甘香醇厚，也有茶香和回甘的感覺，茶亦算是香滑，奶和茶調和得宜。下次如果有機會再來的話，就試下他們的午餐及晚餐。

在這一區，不少茶餐廳都去過了，多次經過這家餐廳，都被它的名字吸引──晨光，很有朝氣，活力和盼望的象徵。　　晚飯的時間，人蠻多的，我們找不到卡位，只好「搭枱」。　　看到是日晚餐，除了是A餐是羊扒外，其餘的全都是中餐，個人喜好是西餐，而旁觀週遭吃著羊扒的食客，那客羊扒真的太大了，正說要控制體重，所以不予考慮。經過一番研究後，我們決定要一碗豬軟骨米線和豬軟骨河粉。　　這碗豬軟骨米線份量不是太多，一看上去，豬軟骨有好幾塊，菜也有好幾條，湯色澤很濃，我喝了一口，很好喝，鹹淡適中，又沒有味精味，多喝了也不感到口渴，並且有濃烈的魚味，大概有用魚來作湯底。　　河粉方面，夠軟夠滑和夠透薄，一咬即散，輕易便溶掉了。　　至於豬軟骨，醃得夠酥軟，而且也夠鬆，很惹味，份量也夠多。　　但價錢的確比一般茶餐廳要貴了，要３０一碗。

你沒想過,在這小小社區,會有一間吃早餐,要攞”飛”輪候的茶餐廳。早餐供應至11:30am,對懶床的人,可是一個寬限。和老公一早看中E餐,歐陸早餐$27。斑戟很香奶味,有微微的脆面,唔錯。炒蛋雖比較淡,或許加了少許奶,煎出適量的蛋汁。吉列魚柳,即炸成,又脆又熱,還有拌的不是一般沙律醬,而是有酸瓜粒的千島醬。令這個「歐陸早餐」,更是非一般的茶餐廳早餐。另一個雙併麵餐$25。午香肉丁,不是太好吃,有朕罐頭味,「大光麵」也不是吸汁能手,所以此點不太好吃。唯讚的是厚切午餐肉,煎得金黃色,而且有兩片添呀!另外還有羅宋湯螺絲粉+炒蛋+奶油豬的餐,看鄰座的也很不錯。「晨光」,不是第一次光顧了,初時是被奶茶,給留下好印象。現在覺得她各樣,也越做越出色呀。果然是給人一個好好的早上。