晨光餐廳 (已搬遷) 新店位置

豐富早餐好重要, 食得好, 做咩都醒神.今日到晨光食早餐, 火腿絲通粉, 通粉好彈牙, 湯飲到除左咸味, 仲有少少甜味, 中意!煎旦, 我覺得可以唔好煎咁乾.多士, 烘得適中, 牛油可以多D, 或者俾我自己塗.凍咖啡, 香濃, 奶味幾重.味道唔錯, 食完個人精神晒!

早早有事出荃灣，來到晨光食早餐ＸＤ餐肉腸仔公仔面　＋　熱奶茶餐肉：好厚下，唔似快餐店薄薄的一片，應該油炸的腸仔：切左花，應該都係應該油炸的，係唔健康但好食不過餐肉腸仔原身就ＸＤ公仔面：浸到剛剛好，唔會太硬或是太軟，唔錯ＸＤ熱奶茶：濃度、甜度都好好下，唔差茶味唔算淡

肚了餓了，看到這間門面可以，價錢適中，比翠華平少許，就試下先，叫了兩個客飯，一個石碢咖哩雞，味道不錯，但雞肉好硬，件數又不多，另一個是咕咾肉，上碟時買相不錯，味道亦可，但粉漿太厚，排骨太細，越食越無胃口！下次不回再來！

已超過20年未遇過咁悔氣o既侍應. 仲要全部都係黑口黑面. 想受氣一定唔會失望. 我全程都有禮貌有笑容, 因為我同個女一齊, 希望個女識得尊重自己尊重人.食物味道算不錯, 但絕對不會再去!

2010年3月4日 ( 3-1 ) 荃灣 ( 晨光餐廳 - 1 ) 日程：( 晨光餐廳 - 好彩海鮮酒家 - 元朗合興餅家 ) 早上陪太座空肚覆診，完事後，太座提議到這裡早餐，我倆選吃了兩個早餐。分別為：早餐A，有鮑魚火腿通粉，牛油厚多士，煎雙蛋，餐茶一杯。早餐B，茄湯長通粉，炒蛋拚牛油豬仔包，餐茶一杯。鮑魚火腿通粉：鮑魚絲很少，火腿絲味道也好，通粉沾嗦上湯汁好吃。羅宋湯長通粉：有番茄牛肉青椒及洋蔥，濃味好喝。牛油厚多士：牛油足夠，多士烘焙得宜，脆口味美。炒蛋：炒蛋夠香滑而不老，屬夠水準的炒蛋。牛油豬仔包：微熱，外脆內軟，牛油足料，好味過於1月30日在同區(翠華)吃過的牛油豬仔。熱奶茶：茶味夠濃，奶味足，也是很香滑，但微帶苦澀，亦算順喉，奶茶，始終是( 翠華 )稍勝。熱鴛鴦：咖啡與奶茶比例差不多，也有一般茶記水準。餐後總結味道：今天早餐水準幾好。環境：我倆選坐卡座，坐得幾舒服。服務：不過不失。衛生：無發覺不妥之處。抵食：算是抵吃了。

呢間餐廳都開左一段時間,未嚐過。老公食過炒、粉豬扒包,覺得幾好食,奶茶亦好飲。七點時份,座上客坐滿75%。我地左炸醬麵+$5飲品:奶茶。火腿煎蛋厚多士。炸醬麵附的上湯奶白色,好似好正咁,其實無特別。炸醬味好似甜醬溝水,得個甜味；肉絲好實淨,好似煮熟左,擺左o係度,有人order就撈一撈「炸醬」,上得!好難食!蛋麵好爽!!!好彈牙!!!個人口味,如果麵條爽口彈牙,感覺上好似唔熟咁,要o趙好耐。奶茶,睇茶色都好像樣喇。味道茶甘中帶掛喉的奶味,好奶茶!!我覺得,質素與金華十分相像。但奶茶「專家」覺得,未至於此.....應該似新華喎!都好好架喇!厚多士,果然好厚!可惜塊火腿,同蛋都cover唔到塊麵包!唔合比例!麵包ok脆。欣賞隻煎蛋,煎得好靚,沒丁點的燶蛋皮。這店還有鐵板扒食,五十幾蚊鐵板餐,可以一試。

呢間餐廳開咗唔係好耐,但我嚟過好多次,如果晏咗嚟,要响門口等一陣先有位呢間最正既係佢D咖喱,同茶餐佢每日都有是日精選,個個都好似好正咁,而裡面其中一款,一定係咖哩。佢D咖哩真係好正,夠香如果果日唔想食太飽,會食茶餐,佢哋茶餐個包,唔係果D方包多士,係一個圓型既豬仔包,烘香咗加D牛油,好味。茶餐個麵,唔似一般茶餐廳咁,佢係用新鮮既肉去滾。佢一個餐都要成差不多$30,同其他茶餐廳比,係貴咗D,但都覺係抵

老豆話熊貓酒店附近開了一間新餐廳，問我有冇興趣一試，愛嚐新嘢既我，又怎會拒絕呢?並不是太肚餓，旨在試試新店，隨便點一碗片頭河就好了，老豆要個水餃河，老媽子則要一客海南雞飯，要白飯。簡單的三樣嘢，竟都出現漏單和錯單情況，不是吧！我叫的片頭河，送上檯時成了魚蛋河，眼見魚蛋似乎不錯，就懶得去換了，照食可也。河粉淡茂茂，完全感受唔到米香，很一般；魚蛋反而不錯，彈牙有鮮味，好彩沒有換回片頭，否則可能仲衰。老豆的水餃賣相正宗，裡頭大大隻鮮蝦仁和筍，據報幾好吃，但河粉同是不行；老媽子的海南雞飯又是漏單，追單之後，又忘記轉白飯，侍應真的在夢遊。試了一件雞，嫩滑，卻一點味道也吃不出，唯有靠醬汁去調味了。這裡最好的就是餐具，若只睇餐具而不看環境，還以為是在酒店用膳呢！