時新漢堡飽 (已結業)

時新漢堡終於重出江湖, 由二哥帶領在黃埔花園開了一間時新漢堡包， 牛肉球同醬汁是採用他們自己的傳統秘製做法， 從遠處也聞到漢堡包的香味。 剛於3月21號重開， 現時人頭湧湧座無虛席， 柯打後也需等20分鐘才能取餐。 麵包係用嘉頓麵公司的，牛肉漢堡餡料跟以前沒大分別， 牛肉質地打得鬆彈，質感不算太實也不是太散剛剛適中，食到一浸浸洋蔥嘅香味，沙律醬汁亦香甜。價錢方面: 單層漢堡20元， 單層芝士漢堡22元 ，炸薯條20元，雙層漢堡30元。本人覺得時新漢堡包是一種香港舊式飲食情懷，間中來感受一下懷舊的香港風味。

以前讀poly 成日都會去時食食tea,果時仲係好平，第一次食真係覺得好正，勁juicy,起馬比某大牌burger 更正，之後結業後都覺得好可惜。點知時新係黃埔重開！！咁緊係唔試唔得啦！！照舊叫左孖芝蛋，$33係比以前貴左，不過搬得入黃埔都預左，但係水準依然布保証

時新漢堡包，聞名已久，舊店關閉了，一直未有機會試，真有點可惜，知道新店開張，當然要去試試。除了漢堡包，其實都有好多快餐嘅選擇。漢堡包係最出名，不過行經過多次，都係售罄。今次終於買到，一於外賣回家慢慢嘆！今次買了兩個漢堡芝士蛋包，店內都好多人，收銀員有溫馨提示，今日人多，要等好耐。果然真是，等了差不多半小時。好彩都有位置可以坐低慢慢等。熱騰騰嘅漢堡包有得食了！果然味道非凡，好食！等左咁耐，都係值得的！

等兩個漢堡包，由3:08分開始，等到3:48，都話未整，仲同你講前邊有一對人未有，不過唔係得好多人咋喎，又唔使排隊，叫漢堡包要等埋啲人炸薯條，上一張飛整完晒先整第二張飛，咁即係話我要等上一個人食完先得，真心講從來唔寫食評，不過真係有太多時間，dislike!! 真係unbelievable，佢嗰度仲唔係煎緊漢堡，以前舊舖都唔會係咁，如果唔識搞鋪頭，就唔好做啦！只係諗住賺錢一個漢堡包＄30，😡😡😡😡😡

尋日嚟咗時新試試，去到門口已經聞到漢堡扒香味，但竟然唔駛排唔駛等，唔通呢個懷舊漢堡潮咁快已過？我地叫咗炸薯條、炸雞全翼、芝士漢堡x2、可樂x2。呢度似m記形式，落咗柯打，等冧把出去拎。都等咗好一陣，叫到我地，遠處見到男朋友拎住炸薯條、全翼同可樂行埋嚟，以為熱辣辣，點之係暖偏凍，雞翼就熱既，可能等埋隻炸翼等到凍哂掛。薯條凍就一定唔好食架喇，雞翼就係學校既味道，外面脆薄皮，有鹽醃味道，但入面肉質都係一般水準。食完差唔多再叫冧把拎漢保包，我地兩個芝士漢堡分別叫咗黑椒汁同招牌沙律醬，漢堡確實出色既香，入面攪碎既肉質嫩，但芝士都真係成塊，我覺得芝士溶啲係可以再好啲！再之証明咗真係個度出名食咩就食個樣好喇，其他都係無謂叫😅😅😅

係時新漢堡包仲係紅磡嘅時候就已經幫襯開，對佢嘅漢堡包好有感情，今日難得去到黃埔，竟然見到佢重開返，即刻試吓！佢個裝修同之前好唔同呀，光鮮左好多，有啲cafe感覺照舊叫咗個雙層牛肉芝士蛋漢堡包再加一罐可樂，價錢比之前貴左好多喎，淨係個包單買都要＄38 ,拍得住triple O!買完之後就攞張飛等叫啦,點知一等,就等咗半個鐘!因為佢真係逐個漢堡包整,而廚房人手又只得兩個,所以真係等好耐!好彩個包黎到之後都冇令我失望,牛肉依然多汁，再加埋半熟雞蛋同原塊芝士，形成一種香港獨有嘅漢堡包味道!

新店全店由樓面到洗碗都轉晒人，但明明已經唔係剛剛新開，唔熟悉運作。星期六下午過晒食飯時間，都可以等左25分鐘😖😖😖叫左名物雙層芝士漢堡同炸雞脾，好彩乽尚算keep到舊舖既味道，只係個漢堡明顯細左，唔知係咪搬去黃埔舖租都貴左好多如果唔趕時間先好去，如果唔係真係要好有耐性先得

放工諗住去試吓，叫咗炸雞髀 ，話即炸， 點知去到counter 以經炸好又係冷的。唔會再幫襯As title, ordered a fried drumstick as they said it was made on order, but when I went to the counter they gave me a ready made one that is cold. Suffice to say, I won’t be going back there anymore.

諗住轉新位置又重開就黎試吓，睇下有冇進步，店係大咗，我坐廚房門口對出的枱，坐係度感覺好唔舒服，燈光感覺怪怪的，短短坐係度十五分鐘就俾人撞咗幾次，食食下又要起身讓人行入去入面枱坐，枱椅擺放真係馬馬地，地方大咗但竟然食得冇咁舒服，以前舊店地方雖小，至少都唔洗食食下俾人撞或者要起身俾人行入去。薯條加咗三蚊，但就比以前份量少咗好多，薯條同以前一樣係凍的，都放咗幾耐吓。果包舊牛又細得緊要，重要加咗價⋯⋯冇咗以前等候號碼號的聲音，我坐係度都唔知我果ORDER幾時有⋯⋯整體感覺好差，應該唔會再去食。

內戰一段時間，由其中成員重開店，終於的起心肝睇戲前黎試一試7點鐘，雖然人多但都即刻搵到位，排隊買完飛，坐底等叫number真係唱下歌都得，一等再等，等足廿幾分鐘。。。舊店果陣門口人山人海都未洗等咁耐終於等到2個包同薯條。。。包竟然係唔熱，程度係影相都睇到，塊芝士連少少溶嘅感覺都無size 亦縮咗水，個醬亦非以前嘅味道，包身都偏硬再黎薯條，外觀無咩問題，一拎，又係凍嘅連薯條面嘅鹽都無埋，又凍又淡嘅薯條，可以自己幻想係咩野口感總結。。。未試可以唔洗試

開番啦開番啦！ 爆錶都要嚟食！期待左好耐的時新漢堡終於重開了、地点話就話地鈇可到、但都隔涉、如果對黃埔唔多熟的朋友、要找也易…… 今日過開九龍、梗係順個靚便嚟幫趁！店内當然比以前大很多、冷氣又足、坐位舒適…… 早上開店不久已差不多坐滿客、不知何解今天只賣單層漢堡、快手叫了我摯愛的芝士漢堡…… 可用八達通付款認真方便了客人…… 約等了八分鐘便叫到我的單號、兩仔爺唔駛一分鐘就ko左個飽、要馬上追加！漢堡入口仍是那份美味、醬汁仍是惹味非常、牛味鮮嫰…… 感覺漢堡的份量比以前細了少許、又或是我真的餓了太久？時新漢堡包確實是我們香港人之光！

首先，我好少寫食評，但真係忍不住。昨天老婆興起，叫我陪佢去黃埔時新，話新開而好耐未食過，本來都唔想去，因以前已知食一个包唔夠飽又要等，但点都要去，你懂的..因早去，十一点到，排等五，一比錢先知原來無餐叫，一個蛋漢堡加杯奶茶要三十九大元,French fire 二十元一小份。我早期二十元餐到後期加到三十元，已好少去，一个字，不值，因塊漢堡牛的牛成份好少。其實錢是小，而家見到塊漢堡係大過五元多的，我認老，唔知年青人口味，但老麥个磨菇牛套餐一定好食過佢，重有吃得飽。有的人話佢French fire 有特色，唔好講價錢，賣熱狗間Ironic 好食過佢多多聲。一間老店，水準keep唔到之餘還加價，但又咁多人去，是迴光返照，還是我老左口味唔跟上潮流？ 天知...題外話，菲律賓間快樂蜂的炸雞真係好食，一百元多的有六件，好食過佢地的什麼炸雞腿，有時要食得精明，用一的唔合理價錢去食的不值的東西，你只會助長的老板以為食老本都過關。

《時新漢堡飽 (紅磡)》重新啟業新地址同舊地址相差都有一段距離如果打算去嘅朋友最好搭地鐵啦！新店環境唔算大 座位都比較迫但快餐來講都算舒服嘅但快餐來講呢價格都算係貴我哋兩個人以上嘅份量大約需要＄200如果大家想重點出擊 建議大家食漢堡😋😋漢堡蛋包 $22 評分：6.5/10漢堡芝士包$22 評分：6.5/10兩個漢堡包個重點都係落係鮮牛肉漢堡上漢堡質地冇西式漢堡咁乾 較juice加埋秘制沙律醬 係別有一番風味但漢堡包的份量比外面的小如果只是叫漢堡恐怕會唔夠飽了炸雞全翼 $23 評分：4這個令我有少少失望 因為比我想像中乾 肉質唔夠嫩而且調味唔夠😞😞

The restaurant is back in Hung Hom again after the old shop closed 1 year ago. The food we ordered were cheese hamburger with egg and chicken fillet with fried egg. The pork was meaty and juicy. Definitely need to try the double burger next time. It's a must to visit!

等左好耐新舖終於開雖然離舊舖好遠下，但都叫係黃埔區裝修靚左，店舖闊落左！可以坐多好多人今日得閒終於去食下！漢堡包就無變過，一樣禁好味啦係價錢貴左，不過都值得食架！岩哂做下午茶醫肚！yum yum