時新漢堡飽 (已結業)

分家搬新舖後首次去食環境比以前企理光猛好多-下午茶餐-芝士漢堡薯條凍奶茶-單點-炸雞髀落單後等候時間約10分鐘見等咁耐， 心想一定係新鮮炸一路等一路滿懷期待結果黎到漢堡略暖，經典白醬，味道及格薯條略淋，乏善可陳最失望係炸髀我期待一隻新鮮生炸起， 拎起會辣手嘅雞髀但係結果近乎涼嘅...同一個餐灣仔樂景平$20有多雞髀新鮮生炸漢堡薯條熱辣辣水準次次穩定論雞髀而言大家樂都好食d時新今次出品水準以下真心不及格下次真係不了......

時新的大哥二哥各有說辭，兩兄弟各有各做！大哥的在蕪湖街逸酒店旁 名叫SSHKB 二哥在黃埔花園吉野家斜對面。為了可以更有深度地比較 我們一家人今天跑了兩場。風格：大哥比較時尚 二哥一貫快餐店作風味道：大哥的有點改良 洋蔥碎更多更香 二哥的更似以前的味道態度：二哥的店每個人都很急態度很差 大哥的店比較寬容有服務態度風度：二哥取得時新漢堡包名字專利 特意在所有屏幕上寫明香港只此一家 絕無其他分店 大哥寫的是Taste the different 風度翩翩其實兩兄弟為了一檔野搞到分裂真係好可惜 個人比較偏好大哥蕪湖街的店 因為我一直相信只有一直改善才會有進步才能越來越好 原來已經不錯所以一成不變的生活不是我prefer的style 但如果喜歡以前的味道一定需要回來黃埔的時新漢堡包🍔

舊店結業，記得當時都有睇到報導機緣巧合、今日又搵返時新漢堡的延續店地點轉戰黃埔，離港鐵站不遠同舊店比起，新店比較乾淨，是新式快餐店的裝潢下午來到，人數都坐滿8成另外都有幾個人企係到等緊外賣睇左一陣menu, 原來有下午茶食感覺食物製作有點慢，落單後等左10分鐘左右先有溫度不算太熱由於我坐近水吧位置，一直都聞到整食物的味道結果用餐完畢，離開店後、果陣油煙味纏繞左我一日.....漢堡包好像細個左，不過神奇白色醬汁依然出色

我是以前紅磡天橋老店的fans 知道開了新店從港島過來 希望能拾回以前的味道只點了一個單層芝士漢堡 看食評說這味道變了 我還怕找不回原來的味道可我覺得也沒差 肉質很好 多汁 蛋煎得剛好 面包略微不夠熱 唯一變的就是沙拉汁 比起以前較稀 跟酸 原本有的一粒粒的菜 這個汁全沒了 咬口差一點但還保留了原本的風味 友人不是老客並沒覺得有差環境變好了很多 以前是老鋪風味 玩在有冷氣 座得舒服些整體很不錯 是與時俱進的老店 還會再來支持港式小店

時新 我細細個就聽過呢個名，不過從來都無食過，由他以前係紅磡，到而家搬左來黃埔，今次係我第一次試😂😂😂所以無得同以前比較，不過見d人之前講到咁鬼好食，唔試下都唔得啦唔係叫左好多野，因為呢道都唔平，間舖唔大，不過人都唔多，總共叫左圖上咁多姐然後有部大電視不間斷咁播自己間舖嘅片呢個就係雙層同單層嘅分別，雙層真係厚到你係咬唔曬嘅，不過共通點都係塊漢堡排，都真係幾細下，不過個沙律汁就幾好食下嘅，未試過嘅可以試下個漢堡包，不過又未去到要特登來食嘅程度至於個薯條，唔洗係呢道食，真係茶記都好食過他，不過講到呢間野最過分呢，都係果杯利賓納啦，收成20蚊一杯，好心你溝糖漿就唔好咁小氣啦，真係求奇有d紫色就算，淡到呢

紅磡港式快餐名店「時新」，因家族紛爭問題而結業了一段時間後，家族裏其中一人在黃埔重開了一間「時新漢堡包」，作為其港式漢堡包粉絲，當然要試吓啦。新店舖光鮮同乾淨左，坐得較舊店舒服。看menu食物也同舊店差不多。以往去「舊時新」都係食漢堡，今次來新店也一樣。在下午茶餐中要了一個單層漢堡蛋包拼薯條，要凍飲合共要付四草左右。漢堡包一會兒便弄好，樣子還和舊店的出品一樣，是我細個時港式快餐店的那種沒太多配料的港式漢堡。包是送來的大路貨，無什特別。漢堡扒不算太薄，雖不致爆汁，但至少唔乾身，尤愛肉餅中加入不少洋葱，令肉餅變得更香。蛋生熟度剛好，雖然像舊店般包中不會有蕃茄生菜等配料，然而那個夾在漢堡中的白色醬汁還是老樣子，屬時新的殺手鐧，是屬於調較了味道的沙律醬，不太酸，有了它一切也變得唔會難食。畢竟見識多了，時新的漢堡當然好吃過老麥幾倍，但同一些用靚包靚肉的貴價漢堡店相比，平心而論它只屬中規中矩，但在這裏吃的是一種情懷、一種追憶，這亦是其令我這年紀的人（成長於七、八十代）特別鍾愛它的原因。值得一提的是這裏供應的是波浪紋薯條，味道也不特別，但唔知點解，食時新的漢堡好像要配這種薯條才對路似的。

以前在舊舖都食過幾次, 真係好好味! 到佢搬左後, 第一次黎新舖幫襯, 舖內大間左好多, 座位比以前更舒適的.不過佢售賣形式, 同樣係快餐店的模式我地叫左: 雙層漢堡芝士蛋包, 薯條賣相好吸引, 好豐富! 包好脆, 入面有煎蛋, 沙律醬, 同兩塊手打漢堡肉, 咬落勁鬆軟可口, 而且好有牛肉味道! 配上酸甜既沙律醬, 好開胃.黑椒雞扒飯 (汁另上), 因為要俾小朋友食, 所以請師傅將汁另上. 呢個都好好味! 將雞排煎得好香脆, 肉汁仍留在, 唔會覺得好鞋口

以前見佢門口排晒長龍，被嚇怕怕，為了舒服試食，小編當天吃了一個豐富早餐，15:00左右就去食下午茶☕️。舊鋪已經好去試，但往往排隊到小編時總是漢堡包🍔售罄。今次策略正確✅ 到門口一個人到無，大慨是因為閒日的下午茶時間。入到餐廳，店舖少了舊舖的懷舊氣息，卻比以前寬堂舒適很多。下午茶☕️餐由$35起而小編叫了B2套餐，因雙層芝士漢寶加了$8還有叫了一杯凍奶茶再加了$5，共$48。漢堡包🍔咬落去所有兒時回憶就返晒黎！ 包質鬆軟，肉質多汁，最喜歡是那酸酸甜甜的秘製沙律醬，唯一小缺點是芝士不是溶溶地的狀態。薯條🍟是一般港式茶餐廳那種，波浪形粗粗肥肥的。與大連鎖漢堡包店的薯條是完全不一樣，而且他們的獨立包裝茄汁也很懷舊（以前的港式茶餐廳也會經常出現），現在很少會見到，而且現今也很少餐廳會一碟薯條🍟給兩包番茄醬。凍奶茶:雖然是凍飲啖茶未仍然香濃

幾年前食過紅磡舊鋪，原來而家搬左去黃埔新天地地方寬敞舒適左，比舊鋪衛生～ 但感覺似快餐店，少咗嗰陣懷舊的味道🤔🤔價錢仍舊十分親民，下午茶餐，$35已經包漢堡蛋包加一碟薯條，和一杯熱飲份量幾多，當正餐都得！但單叫的話就不太化算呢～無食咁耐，水準仍舊高質，麵包是嘉頓麵包(?)，包內的牛肉十分juicy，不像連鎖店用的急凍漢堡排，食得出係新鮮手打的，裏面的沙津醬酸酸甜甜的，加上煎蛋，口感很豐富，大大大滿足～而薯條就係普通茶餐廳嘅波浪粗薯條，幾香口，不過略油～ 下次想試下炸雞脾多d🍗

舊香港做到宜家既時新，由紅磡尼到黃埔，又係令一個時代🙆🏽‍♀️雖然餐廳裝修小左懷舊既味道不過食物就依然地道啦💁🏽‍♀️漢堡芝士包 HKD22冇食到雙層因爲叫多左薯條同雞翼哈哈主打用鮮牛肉既漢堡真係好好味，多汁而且食到佢手打既精華🤗仲有仲有招牌沙律醬真係好好好好味呀🤤🤤🤤咁岩沙律醬份量都唔小，啖啖肉啖啖醬呀👍🏿好高興見到老店仲可以愈做愈有，希望香港其他既老店都可以繼續有得做🙆🏽‍♀️

之前知道時新漢堡唔做落去嘅時候,真係覺得可惜,到開返新店都未有時間去試,今日終於有時間去食.around 3 pm, 店入面唔算多人,就叫咗2個下午:-漢堡蛋包 (祕製沙津汁) +薯條+凍奶茶-單層漢堡包 (茄汁) +薯條+熱檸水包:如果熱返少少會比較理想漢堡:味道恰到好處,但肉質較為乾身蛋:不過不失秘製沙津汁:依然出色,但份量若可加多少少會比較好,可以 moisturize 個肉薯條:太硬太乾奶茶:奶味略重新店空間,環境及衛生當然較舊店良好,同時缺乏了舊店的味道,在我而言,時新漢堡的食物整體質素並不是首要條件,而是懷舊及回憶味道,

自原址閉店後，心裡一直好掛住佢，怕佢唔會開返，怕從此無得食咁正嘅港式漢堡包，知道佢終於重開，今日一於老遠都要去試下啦！因為唔多熟黃埔花園，加上今日天氣超熱，費事白行冤枉路， 所以搭地鐵時已經喺地圖check下間舖搬咗去邊，由C2出口行過去唔駛5分鐘，都好易搵。今日星期日下午lunch hour都好full下，剛好有一張二人枱，真lucky。明明哩期玩減肥，今日無辦法都要破戒，我地兩個人要咗三個漢堡包，一個加芝士同蛋，另外再叫多個炸雞髀，及炸薯條，加兩罐可樂，你話唔肥就奇，不過如果黎得就唔好講食咗幾多卡路里。餐廳裝修當然無咗以前嘅懷舊感，同一般茶餐廳無異，但D枱好似大咗D，感覺有D迫！食物不用多說依然保持水準，特別係漢堡扒肉質非常鮮嫩多汁，炸雞脾外脆內軟，帶點咸香味，不能抗拒，只係炸薯條未夠熱，有點美中不足。

漢堡蛋包/漢堡芝士包 $22漢堡芝士蛋包 $25炸雙腸 $15炸薯條 $20漢堡包幾好食，只係又唔係好食到要特登走去食但黎到黃埔，就trytry佢啦包係嘉頓出品，無咩特別，標準港式漢堡款式可以揀牛肉/豬肉，咁唔食牛既我都可以食漢堡 (好貼心)入面既漢堡多汁、打得幾軟熟但係唔大塊，沙律醬有濃厚既酸甜味道，好正，但沙律醬份量好少，如果可以落多D沙律醬，就好啦而煎蛋係燶邊，蛋黃微微半熟，超級正der~如果漢堡包可以再熱D就好，家下只係微温薯條係港式既波浪紋粗身薯條，面頭有鹽去提味，仲熱辣辣，份量ok，但唔食都無損失炸雙腸就只係好簡單既兩條油炸廚師腸，無特別，自己去百佳買一包返去煮都係十幾蚊，無謂嘥錢係呢度食咁低能 as me新店裝修係現代化左好多，雖然話有個電子mon睇號碼係幾方便，但成間鋪卻少了舊時港式快餐店既味道。如果黎食，大家可以既話就食下午茶 (每日14:30-17:30)，因為有得叫餐，全部都三十幾蚊，包兩款野食仲包野飲。我六點到，只可以全部散叫，我就覺得唔抵食啦 (熱檸水散叫都要$17)

傳說中的時新漢堡。。聞說紅磡區既時新是漢堡的老字號。。咁岩工作又經過呢頭，試試佢啦，不過真係期望太大，結果不似預期。。之前一次都未食過，舊舖搬左位，都係黃埔裡面。🍔款式都幾多，重有飯食最後揀左 漢堡蛋包 $22 + 炸薯條 $20🍔麵包軟熟，秘制沙律醬都好食，塊肉係手打既鮮牛肉漢堡。。不過就食唔到味道。。🍟波浪薯條，昔日啲快餐同冰室成日見到，薯條外脆內軟，好香口，重多左份懷舊味道🤤舊式小店越來越少，需然唔係我杯茶，但都係一份香港特色，加油丫💪

話說早前想去紅磡食時新，點知執左笠。話晒大學時代成日幫襯，我地叫公廁餐廳，但又好多人食架喎，佢地個手打漢扒好正。直到其爭產事件，其中一個兄弟決定開番，仲搬左去黃埔入面，就好想去試下水準有無變。因為開左黃埔站，去黃埔其實方便左好多。今晚係八點半前趕及佢閂門前去到，叫左個雙層芝士蛋漢堡，一客薯條同埋一杯檸水，盛惠73蚊吖。漢堡扒感覺比以前細左，不過味道都仲保持倒嘅，芝士就依舊係無溶嘅狀態，痴左蛋其實我覺得成個漢堡係好味嘅！薯條就係貫切嘅波浪紋薯條，灑左d鹽去提味，不過就略嫌唔夠熱，如果新鮮熱辣辣就正喇。搬左位置，其實方便程度大減，不過經開黃埔，都會去埔襯下嘅。