時新漢堡飽 (已結業)

諗住轉新位置又重開就黎試吓，睇下有冇進步，店係大咗，我坐廚房門口對出的枱，坐係度感覺好唔舒服，燈光感覺怪怪的，短短坐係度十五分鐘就俾人撞咗幾次，食食下又要起身讓人行入去入面枱坐，枱椅擺放真係馬馬地，地方大咗但竟然食得冇咁舒服，以前舊店地方雖小，至少都唔洗食食下俾人撞或者要起身俾人行入去。薯條加咗三蚊，但就比以前份量少咗好多，薯條同以前一樣係凍的，都放咗幾耐吓。果包舊牛又細得緊要，重要加咗價⋯⋯冇咗以前等候號碼號的聲音，我坐係度都唔知我果ORDER幾時有⋯⋯整體感覺好差，應該唔會再去食。