時新漢堡飽 (已結業)

Shake shack 及 Five Guys 風行全港，尤其Five Guys 排隊條龍永遠常在，相反我卻懷念時新漢堡，尤其去年佢不辭而別。依然懷念紅磡時代土炮漢堡風味，今日有幸再次黃埔相遇，六七十年代風格設計的Logo，相比舊鋪，唔駛排隊入坐享用漢堡包快餐，簡單芝士漢堡配薯條，就係咁 comfortable，咁cozy 。那份洋蔥味漢堡扒是連鎖式快餐店無可比美的獅子山下風味。但確實懷念舊店內本土裝橫，破舊摺櫈加舊式電視機，揚逸著舊殖民時期經濟起飛氣氛，亦標記著西方美式民化融入本地平民的興盛年代，滲著人情風味，亦是你我他父母半斤八兩年代的本土 Shake shack & Five Guys。

以前啲朋友成日都叫我嚟呢間食，不過唔係冇開就係我唔得閒，點知之後想去食嘅時候已經話佢執咗，今次行開黃埔見到佢又開返梗係要黎試一試啦以前啲朋友成日都叫我嚟呢間食，不過唔係冇開就係我唔得閒，點知之後想去食嘅時候已經話佢執咗，今次行開黃埔見到佢又開返梗係要黎試一試啦位置都幾難搵,喺巴士站對面，唔係太顯眼試咗個煎蛋漢堡包，包皮柔軟又香入面啖啖肉，快餐店同佢真係冇得比，經開一定要黎試吓

呢間時新漢堡飽終於都返來啦以前都係食呢間 多過食m 記 今次開係黃埔 有少少吾就我自己 但係為左再食佢都專程去一轉黃埔仍然保持水準 牛肉鮮甜 厚肉 如果薯條🍟再多些些就更好啦 😂😂

窮遊香港-抵食小店漢堡包.呢間小店一定要講下d漢堡👍🏻出品好過老麥好多（睇圖都覺正啦～）🤔老麥成日d包都整定 好食都變唔好食.⭐️單層漢堡芝士蛋包拼薯條$38⭐️雪菜牛肉絲米粉$33⭐️紅豆冰 雜果冰加$7（菜單睇圖）.成個包係平價快餐入面👍🏻我認為好高評價👍🏻（洋蔥汁？洋蔥沙律汁？）👍🏻同漢堡加芝士好夾 好評加$7有特飲 紅豆冰 雜果冰👍🏻雜果冰比左半杯雜果我.....👍🏻紅豆冰都好評 夠起沙....但.....🤦🏻‍♀️佢比左普通飲筒我......（啜到奶力都出埋.....）👍🏻跟餐薯條都用上粗薯條 加分.😀雪菜牛肉絲米就普通啦黎呢到食 漢堡包先係重點ma.#時新漢堡飽地址：紅磡德康街黃埔花園12期家居庭G22-23號舖.⭐️評分：味道：4.5/5 環境：4/5服務：4/5 衛生：3.5/5抵食：4/5

時新 ｜ ＃紅磡 🔹單層豬柳芝士蛋漢堡 （秘製沙律醬） ＄ 30 🔹魚柳包  ＄25 🔹炸雞脾 ＄25🔹炸薯條 ＄20 🔹熱檸茶 ＄17 單層豬柳芝士蛋漢堡 （秘製沙律醬） 漢堡熱辣辣即叫即整，麵包烘得香脆軟熟。 手打豬柳漢堡 咬落有肉汁， 兩面煎得香。秘製沙律醬酸酸甜甜 有d似他他醬， 意想不到同蛋＋芝士好夾。魚柳包 同樣係漢堡包 即叫即整，魚柳新鮮炸起 外層炸槳 不會太厚 魚柳保持嫩滑 ，漢堡夾著兩片魚柳加上他他醬 完美。炸雞脾首先炸雞脾的顏色金黃， 未食都見到炸槳很薄， 雞脾size 大過手掌 同塊面差不多。 一切聽到清脆 「crash」， 雞脾肉厚多汁，調味剛好 食落有淡淡酒香。！！ 非常推介大家叫雞脾， 啖啖肉 同朋友share都得呀。炸薯條 有無聽過fries with curve is real fries !! 炸薯條 每條都有手指咁粗， 一睇顏色就知唔係用千年油炸。薯味十足 正 

成日都聽到同事講時新漢堡包好好食！一直都無機會食，今次終於有得試下啦！我外賣左豬扒蛋芝士漢堡，一拎番公司，全部人都聞到好香話我自私食😆😆😆最後佢地都去左買黎食！個豬扒包好juicy 好脆又好香！真係幾好食！下午茶一流😆😆😆

以前中學時代放lunch好鐘意去嗰啲舊式快餐店食漢堡包+炸薯條+汽水，貪佢平靚又快，食完仲可以同同學仔行下街街先返學。時新就係舊式快餐店既代表，自從佢搬左後一直想去食，但紅磡對我呢個新界人來說又真係吾係好就腳。今日去開黃埔就當然要去朝下聖。叫左兩個芝士漢堡包，一個有加蛋，一個無。因為係即叫即整所以個漢堡上台時仲係熱辣辣，好有肉汁，蛋係煎蛋，仲要係半熟有流心效果， 淋係漢堡上再加埋芝士， 簡直係絕配，男友見我食得咁滋味，就極後悔無加蛋薯條係波浪厚薯條，好耐無食過波浪薯條，感覺好地道，好香港...haha....而且係脆口既，吾會好似出面快餐店咁炸定而淋晒最有驚喜係羅宋湯，好濃蕃茄味，又多湯料，最怕羅宋湯啲椰菜甘荀煲到淋晒，但呢到啲料仲好新藓，吾淋但入味。滷水雞髀好似細隻左啲，過肉質都滑，係吾太夠滷水味，下次試下炸脾!

今日友人sick leave，所以星期一都可以一齊食tea，好開心啊時新個朵都響左好耐，但係從來都未試過，到我想食既時候舊店已經賣左舖了⋯⋯一直都無跟得好足呢d 飲食資訊，所以我都唔係好知道新既時新開左係邊當日都係因為行去搭小巴先機緣巧合見到新舖位置既然今日家人唔洗返工，一於一齊黎試下啦！我地三點幾先去到，所以叫左兩個下午茶餐，單層漢堡、薯條，飲品分別係熱華田同朱古力呢個漢堡係kong style! 但係d 沙律醬係特製，同普通買既比係有d 酸，但係酸都好既然，可以解到漢堡既膩（雖然港式漢堡既扒唔會係厚身）其實你話係咪真係好驚為天人呢，咁梗係唔係啦，黎時新都係食返港式茶餐廳既風味啫不過個薯條真係要講一講，因為不滿。d 薯條係凍架！連暖都唔係！炸物係熱既真是基本吧？埋單幾錢唔記得左，不過應該都係五十幾蚊吧

搬到新店後，是初次惠顧。很久之前已試過舊店的味道。朋友想吃，便再次來到。老實說，味道不會一鳴驚人，主要是新鮮製造，那一份新鮮暖熱的感覺，是令人回味的重點原因。簡單的漢堡包中只有薄薄的免治牛肉，可加蛋和芝士，並沒有附上任何洋蔥或生菜！味道上比較單調，平平無奇。重點只是即叫即整，滿滿的心意加分而已。薯條也是新鮮熱炸的，食用時小心燙口喎！紅豆冰不錯，紅豆很軟熟，保持粒狀，增添口感。奶味香濃，整杯都是甜甜的，好喝。

前排一打開Facebook就見唔少有關時新快餐店既post🤔先知原來佢地搬左舖🤨（之前諗住去食，結果摸門釘😭）我就叫左個漢堡芝士蛋包餐，跟汽水 (但係其實要餐同唔要餐，價錢都係一樣😓），而女朋友就叫咗漢堡芝士包。聽聞佢哋嘅漢堡扒係全人手打嘅，所以食落去都好鬆軟，啲肉唔會好厚實，口感幾好👍🏻另外值得讚嘅就係佢哋嘅秘製沙律醬，真係好惹味啊🤤不過薯條就唔係太脆，而且份量有啲少🤨諗住每樣叫少少就可以食多啲款，所以我哋仲叫咗個滷水雞髀，結果係有啲失望嘅👎🏻啲雞肉好”鞋”，而且滷水味都唔夠。雖然網上都聽過好多人講話時新好好食，但個人認為普通水準，可以再改進。

今日試咗2個下午茶☕️一個係雞翼餐一個係雞比餐兩個都有薯條🍟薯條比m記大條又外脆內軟🥰但熱咖啡就比外面難喝雞比雞翼都香脆可口🥳🥳值得一試下次會再試晚餐和早餐🤣

首次來吃聞名已久的時新，本人一直都未有機會係舊店食，今次難得去黃埔便順道去食新店既時新。包：有經過烘過既面包，鬆軟得來又有少少脆，口感不錯漢煲扒：食得出係新鮮整，還保留少許肉汁，但汁不多。要靠醬汁去彌補，食完覺得m記根本冇得比喇。如果住得近都會考慮食多次醬汁：醬汁完全係整個包既靈魂所在，味道酸酸地兼且美味，正好中和漢堡扒的油膩感薯條：好普通的薯條，可嗌可不嗌，只不過食漢堡點都要配份薯條先為之完美

正所謂，兩層芝士巨無霸，人人食過笑哈哈。一間外形好像80年代的快餐店，推門一進，木紋四方卓，皮造長椅，開放式廚房，更有80年代感覺雙層芝士蛋漢堡，厚度真的一口咬不了，漢堡雖則唔太厚，但肉汗很多，香濃牛肉味，加芝士再加炒蛋，配合十分邪惡。

雖然我從未食過時新，但知道紅磡有兩間時新，一間係黃埔家居，另一間係蕪湖街，都心思思想試好耐。今日就試勻兩間，看看舊式漢堡的魅力。時為下午茶，從黃埔美食坊來都很方便。我們一行3人叫了兩個下午茶餐吃。餐廳座位比較擠迫，當時坐無虛席，幸好不多久便有位，可以坐下。我們抱住食完呢間再食SSHKB1963的慾望所以食少少先。要了一個B3及B6餐。先說B3餐，個漢堡都唔錯，漢堡要了蛋後感覺沒有那麼寡，所以本人建議要吃有蛋的漢堡才算完美。塊肉有咬口，結實唔錯。雞脾都炸得香口。至於薯條不熱，林身同份量太少。快餐店的格局，人較多，自取，同埋等餐都要一段時間。

時新臨近結業前，食過一次，記得當時尤如回到80年代。今日再臨時新，發覺增添多一份時代感，唯味道仍不變。座位比從前的寬敞，老爺電視變成HDTV 播著77台但人情味仍沒變。食時新當然食薯條、漢堡包，再喝杯凍朱古力吧大大條薯條點一點亨氏茄汁，非常美味。唯薯條只達暖的程度，不太香脆，少許失望雙層芝士漢堡包漢堡口感不俗，肉質香口，仍然好食。配以大大片芝士食用，一流呀！食時新漢堡，一定要食秘製沙律醬，沒有酸味，反而與漢堡相互配合雙層芝士漢堡蛋包漢堡扒依然好食，重點是煎蛋！香口非常，但沒如其他食客所言，會流蛋黃的。不要緊，食完這包，你的肚皮會感到豐足時新這一次重臨紅磡，大家值得再去吧！