時新漢堡飽 (已結業)

時新漢堡包係好多理工讀書同學嘅回憶，午餐過嚟買個漢堡包就係一餐，又平又好食。知道佢開返，就帶太太過嚟一齊食。鋪頭大左坐得舒服左，當然要叫個雙層牛肉漢堡，一層一層咁樣食落去，好enjoy。味道冇乜變，仍然好好食，因為啲牛肉好食，唔係外邊嗰啲漢堡扒，啲沙律醬都好好味。仲有叫咗個炸雞翼同埋生果沙律，唔錯。仲叫咗個紅豆冰，好多紅豆，啲紅豆好冧，好食。好滿足嘅一餐，諗返起好多以前讀書嘅嘢，都有share俾太太，哈哈。