時新快餐店 (已結業)

之前都睇左好多人留言, 所以昨天有時間去試下港式漢堡包....叫左一個芝士漢堡加蛋$13蚊, 本身想試下黑椒汁, 不過收錢個阿姐無提到, 就當試下orig. 味收左錢個阿姐就同我講, 你個號碼係12號(第一時個感覺都幾攪野)等左幾分鍾就有得食....第一口咬熱熱地...呼.......d芝士溶溶地好野味, 再食.....食到有沙津汁味, 楊蔥味, 反而肉味就無嘜....再試下只食d肉都係覺得味道淡左d....整體都ok好食, 可能因為新鮮, 不過就唔會特意去食....

嘩, 幾年無嚟, 環境一樣, 仍十分舊的裝修, 老細搵咁多都唔整整間鋪呀!?不過, 唔裝修都好, 價錢可以賣平些，十幾蚊漢堡、幾蚊雞薯條，味度還好。漢堡和麵包都即煎，有肉汁，熱辣辣，醬汁和芝士已溶成一堆, 好味道! 越來越出名，排大隊，幸好質素不變。

今日睇完套悶戲之後，大嚿就同我搭車去搵食喇，而第一站就係時新！我第一次食咋，大嚿就已經食過一次架喇，其實我本身對呢D漢堡包興趣一般，不過見佢長期高據第一位，點都試吓啦，還掂順路之嘛(因為目標係隔離嘅聯記)一入到去，嘩，乜原來得咁少位架咋? 同埋好多估計係Poly學生，感覺好學生呢~我叫咗芝士漢堡(黑椒汁)-$11，大嚿就要芝士蛋漢堡(都係黑椒汁)-$13，叫多杯凍奶茶少甜-$10！好快就有得食喇，黑椒汁唔夠多呀，無咩黑椒味，而且塊漢堡好多估計係筋嘅粒粒~ 不過預計之內，因為大嚿之前都同我講過只係一般，而唔係好食到"嘩"一聲果D囉！ 對我嚟講，試過就算啦！

終於有機會吃到傳說中的時新漢堡啦~第一口咬下去時, 真係有衝動大叫一聲"真係好好味呀!"D肉汁多到從嘴角流出來~牛肉又鮮又嫩, 如此無懈可激的時新漢堡只是11蚊一個....天呀~你可唔可以開間分店係我左近呀....依家心思思, 好想又去食過...可惜唔就腳....救命呀!!!!

其實一如發發，這種地方小店吃的是感覺，就好像一個好朋友那樣。而且，這類小店的特色通常都是平靚正，所以大家抱著很大期望來時新，是很自然會失望的。有一段時間，我在附近工作，每天都會經過時新，但只是吃過兩三次，每次都點雙層漢堡，間中吃一下無妨。不過不知何故，我每次吃都不覺得如其他人所講的美味。我會覺得漢堡算是不錯，因為我從來都覺得一分錢一分貨，所以我認為時新值得一試，但並不值得專程到紅磡只是為了吃一吃波浪薯條，或者炸雞髀，又或者雙層芝士漢堡。或者，香港人都懷念舊式港式快餐店吧。

係openrice留意左時新好耐.....因為佢每個月都會上好評餐廳10強 ! 前幾日lunch time去到 , 好多人我們2人好不容易搵到個位 , 但真係有d迫.....我們點了 : 1個普通漢堡 + 1個雙層漢堡 + 薯條 + 炸雞脾雙層漢堡真係好食d...d肉汁好正 ! 可惜芝士好似唔係好夠溶 , 有點可惜 薯條 , 係波浪薯條 , 熱辣辣好好味 ! 好耐冇試過了.... 炸雞脾 , 一般 , 唔算好好味 , 而且太油了 坦白說 , 之前看過很多人對時新的食評 , 看得我好想好想食可能是我太期待了吧 ! 所以覺得有點失望時新的漢堡飽的確令人驚喜 , 可惜唔算非常好食果種唯一吸引的地方 , 就是價錢 , 簡直物超所值 ! 期待下次再光顧

H & K 在觀塘嘆完茶後,就向目的地紅磡出發去睇戲, 睇戲後當然不忘去試食新野啦!H 向來都好鐘意食Burger, 又見此小小快餐店的漢堡飽有如此的好評,所以一直都好想試下, 今日終於安排到去試下, 一去到就見這間舊式的快餐店外面排了一條長龍,心想openrice的效應果然不少!由於 H&K 稍後重要食飯,故只是ORDER了一個雙層芝士漢堡一齊試下,等了一會就有得吃了!雙層芝士漢堡飽 ==> SIZE不大,肉都幾鬆並且加了洋蔥,都幾香,但沒有肉汁,芝士只是普通貨終於試到了,但H有點失望,但想深一層,$13 一個, 有這樣的質素, 也都算是物有所值吧, 總不可以跟其他價格跟其相差幾倍的BURGER相比啦 !

已經係openrice 留意了時新好耐, 又係poly 返學, 咁近, 終於去一試。真係聞名不如見面, 我和 honey order 了: 雙層芝士burger, 雙層芝士旦 burger and 波浪薯條。肉質juicy, 混合洋蔥碎, 十分香口惹味, 加上半融的芝士, 真係超正!還有經典的波浪薯條, 又香又脆, 不過茄汁就孤寒了一點, haha. 食飽飽都不過$50, 超值! 坐於小店內用餐還可重拾童年回憶呢!

昨晚約了友人去黃埔UA看「一百萬零一夜」，見有點時間，便打算去時新碰碰運氣，估唔到假日都可以給我們找到兩個位置！我和友人點了一個茄汁孖芝、一個沙律汁魚扒包和一客炸薯條。我們二人都覺得孖芝最好吃，因為有兩塊扒的感覺實在太美妙了，非常JUICY。而麵包的乾"真真"又能夠被漢堡扒的肉味balance番，兩者恰到好處！．．．但未免有點油了。而且，雖然加了芝士，但一點芝士味都沒有，不點芝士如否都沒有所謂。至於魚扒包因為沙律汁太少的關係，令到整個包都乾"真真"。薯條就有點"淋"，不是太好吃，下次都不會再點了！我諗我都會再黎嘅．．．

機緣巧合之下終於可試這間熱爆小店.鞠躬後我和薑餅人及薑餅人妹妹去吃第二輪, 店內十分舊式兼不太整潔, 但也不影響我們的食慾吧!要了一個普通漢堡包, 一個芝蛋漢堡包, 一碟炸薯絛, 一杯奶茶和可樂.漢堡扒肉質鬆軟也不會乾爭爭, 一致認為普通漢堡包好吃過芝蛋漢堡包, 可能是芝士和蛋味也不突出, 也不能和漢堡扒融和.據薑餅人多年吃炸薯絛經驗, 他覺得這裡的炸薯絛炸得有點過火, 外脆但內不鬆軟, 似有翻炸幾次之嫌, 薯香也不足, 熱度也不夠.凍奶茶不錯, 有茶香.

老實講我真係唔明點解d人係openrice寫呢間野10大重要最近係第一位囉。真係想有人講d野可以令我 貓貓食神 覺得ok來聽下...，有點兒比人騙了去的感覺睇完openrice，我就同女友去試食，係專登去食家，不過...真係好失望囉，好在我地住附近，唔係車費時間都浪費了...。老實講，縱使係唐伯虎點秋香，唔同其他outback、m記...比較，只係同返同級餐廳仔比，佢都還合格0既...。最後我地比佢0既分數係 20/100. fail~以下就係我地今晚食的食物...【漢堡飽】牛肉沒牛肉味。芝士沒芝士味。飽皮唔夠鬆軟。唯一個沙律醬幾芝味【魚柳飽】魚柳夠曬彈口差d要用刀，沒魚味。其他同漢堡飽一樣唔好食【薯條】過火，大小不平均，沒薯仔味，鹽又唔夠【檸檬茶】超難飲

已經黎過一次,但冇開門今次特登再黎多次,好彩有開門~雖然平民,但的確吾錯!!塊漢堡扒好多汁!!好正!d芝士溶咪一齊~仲正叫左芝士蛋漢堡同咪雙屠芝士漢堡另外叫咪炸雞脾同炸薯條

今日去POLY探下朋友仔...上次見到呢度好潮如評，就順道黎試下！結果係......好滿足！JUICY既牛肉...好溶既芝士...即叫即整...連舊旦都好食過人...唔知點解>W<薯條外脆內軟.......正到呀~~~~~~~~~~~~~~~~~~~~~~~~~~~~~~~~~~~~~~~~~下次黎開一定要再食!!!

星期日原本想去三河屋一試，但見地方細細，外面卻有五六個人，於是就來了時新。我叫了雙層芝士蛋漢堡，J仔要了雙層漢堡及炸雞肶，而HONEY則只要了漢堡包一個；我們另飲了奶茶和檸水各一。各人均覺得好味到了不能，只是包身較小，大家都不夠飽。(所以之後去了吃三河屋旁的上海包)漢堡牛肉是厚厚的，有肉汁，味道豐富，不單是別人的「齋肉味」，而是有幾重的香料味和用洋蔥(和蕃茄？)提升質感。今次發現原來可配不同的醬汁，於是HONEY試了黑椒汁，結果也覺得很出色，起碼不像平日吃開的食味吧。炸雞肶比我上次吃的更香更熱，而且肉質也頗滑。既然噤好生意，希望老闆會改善一下裝修和枱椅，讓我吃得舒服些、自在些吧！

昨天十一時到達, 未食早餐又未到午飯, 叫了一個餐, 芝士煎蛋漢堡, 十分正, 漢堡即煎夠熱, 芝士已半溶化在漢堡與包之間, 加上煎蛋 (不過太熟), 內裡還有一些洋蔥片和一些不知名的醬汁(應該是沙律醬, 但甜的), 想再叫多個, 但已被人禁止, 話要留肚食下午茶喎, ... 明天再嚟過!!