時新快餐店 (已結業)

上個月第一次食過時新漢堡飽後, 就愛上左佢啦次次係附近經過, 我都會望下佢條龍 (排隊買野食既人龍), 如果係20人以下, 我一定會去排隊.今次買左個雙層芝士漢堡食, 水準都係好一致 ~~ 好味. 上個月第一次食呢個飽, 覺得佢咸左D, 今次個味就岩岩好, 唔知係我食慣左,定係......時新既漢堡飽牛味唔重, 但就好多汁,咬落軟硬適中, 佢又加左D碎洋蔥, 所以又好有香味. 未試過既朋友一定要黎試下.

特登同fd黎試下...食左個雙層芝士蛋漢堡....好味呀!!!個包唔係話好大個...但係好厚呀!!料好夠...遲d得閒再去食過...100%值得推介!!!!

見到時新係openrice長期都高企榜首，唔試又點得呢~~其實係一間平平無奇，有少少舊式的快餐店，真係估唔到裡面竟然有好野食丫!!見到d芝士多到湧出黎，真係口水都流丫~~熱辣辣整起真係寧舍唔同~個包好軟綿綿，d材料好足!!十幾蚊食到個咁好味既漢堡包真係好感動。

時新快餐店~名就聽得多啦~仲要大受openrice好評~家姐又成日叫我去試~今次難得有機會路經紅鋤~就要去試試啦~本身都唔知呢間野響邊~點知亂行都行到去~原來佢都幾近火車站~間鋪細細地咁~好似茶記+快餐店咁~一場來到~梗係試佢既包包啦3個人~叫左2個雙層芝士蛋漢堡同芝士蛋漢堡即叫即整~新鮮熱la個包好大~我食一層既個口都係岩岩夠大~雙層個口真係唔夠~其實食一個都夠飽~我覺得佢d漢堡真係幾好味好多肉汁~宜家市面上有既漢堡都係冷藏m記果種~但係佢呢個真係自己整~好味好多~朋友們都食得津津有味~仲有一定要講既係佢一定好味過m記!!!

Saw this little fastfood shop @ Openrice with the highest # of sFinally gave it a shot last nightlong queue (expected) and not quite up to standard environment (even a corner shop is better) makes me wonder why... the secret lies mainly on the burger, Below are the list of food me and my wife ordered: Beef Burger with Eggs - Delicious home-made burger, juicy with bites of onion, it goes perfectly with the sauces Fish Fillet Burger with eggs & cheese - Again its good, just a little surprise the

去紅館睇尹光演唱會前，先去慕名已久的時新醫肚。時新最精彩的地方，不是他的漢堡扒有幾有「牛味」或者幾鮮嫩，而是，他能「用蔗渣的價錢做出燒鵝的味道」：用的雖是最普通的街市質素免治牛，但加上洋葱粒和葱粒，做出一塊厚厚的漢堡扒 - 單單這個漢堡扒，肉汁豐盈，味道細緻，絕對是心機之作；再配上新鮮麵包和一丁點的沙律醬調味令味道層次更豐。這種味道細緻的漢堡，加多片芝士才收11個大洋，不是「用蔗渣的價錢做出燒鵝的味道」，是甚麼？今天的兩位主角當中，太公比較喜歡漢堡蛋包；這個平民漢堡配上蛋味充足的煎蛋，味道的層次再豐富一點；芝士漢堡則較弱，因為片裝芝士味道不夠重，未能豐富食味，但半溶芝士的口感，也應可俘獲不少嗜吃芝士者的心。炸雞脾是水準之作，雞脾整體炸至皮脆肉滑，沒有過乾，不錯；不過這個質素的炸雞脾相對不難找，若非很喜歡炸雞脾，在這裏還是主力吃漢堡較好。兩個人，吃要了個芝士漢堡、漢堡蛋包、和一隻炸雞脾，合共才$32 ；這個價位，「蔗渣」得很。

今日食到時新既漢堡包包!我唔係好鍾意食牛肉因為會敏感不過想食芝士同蛋所以就要左個雙層芝士蛋漢堡有double牛肉真係超勁爆好食!熱laklak!聽從大家既叮囑要極chuk一黎就即刻食!!!!好食到呢係咬完第一啖係忍唔住係咁食食食食一路mmmmmmmmm一路咬咬咬哈哈食晒成個包停低先突然覺得好飽同埋已經唔記得係咩味淨係覺得好滿足(其實咁樣係品嘗唔到不過忍唔住><)wow都只係$15我既薯條就燶左d朋友既就o岩o岩好

見到時新人氣超高故意同朋友入紅磡食~結果本人覺得除了漢堡包之外其他真係普普通通個雙層芝士蛋漢堡包真係正到叫good~!肉汁多又好味~但薯條太硬唔多掂~奶茶覺得無味添...除了漢堡包，其他真係唔好試..~___~

只談漢堡包,好味呀!!即叫即整,漢堡牛肉內加了洋葱碎煎,牛肉應該用酒醃過,很香味濃,又有肉汁,自製的沙律醬不酸不甜,剛好,加上烘熱了的麵包,新鮮熱辣配合傳統80年代港式餐廳風味,一絕呀!!!!散賣9蚊個,即叫即整,還有這種高品質,真不知還何處有,賣個菠蘿包都5蚊啦!!講真,看了有些咸面内容後有感而發,有誰不知道,靚牛肉肥美多汁味濃鮮嫩,不用調味,煎出來已極美味,用來做漢堡包,超正,有錢就可以了!!能以廉價做出令人讚嘆的菜式,是難能可貴,賣小見小啊!!!!面對大型連鎖店衝擊的年代,真希望這些特式小店能繼續堅持下去,為我們留下所剩無幾的味覺回憶和特式美食!

今日下午兩點半去到,勁多人買,不過都估到啦,星期六喎,一定人多,排隊買就排左五分鐘到啦,但係等攞包就等左足足半個鐘,買左兩個包,一個雙層芝士蛋漢堡飽,一個豬排飽,上左車之後即刻食,食豬排飽先,都ok既,唔算好特別,不過都比出面好食,因為新鮮製造,十分有七分啦,而個雙層芝士蛋漢堡飽就真係好出色,仲更加新鮮,論味道同價錢都可以說是頂級,食幾多個都唔會厭

試左個雙層漢堡芝士蛋包(個名係咁上下)6點幾去到,都冇乜人...得d學生哥叫左雙層漢堡芝士蛋包($15x2)+著條($10)+凍奶茶($10)50蚊就可以醫飽2個人個肚d漢堡入面有洋蔥仲要鬼咁好食.平時最鬼憎係m記食ge漢堡.今次打孖上都冇問題其他都平平凡凡咁啦,過得去~

睇到d食評都好似好正今個月終於去左食 .去到先知原來唔係好大間都要等位同埋因為多人 .所以等佢整既時間都唔短同女朋友一齊食左雙層芝士漢堡包 , 黑椒牛扒包 , 同埋一碟薯條,正係睇都覺得好食 .塊牛扒幾大下 又幾好咬女朋友幾鍾意食薯條都覺得d薯條唔錯唯一係個包有d單調 真係得塊牛扒可能食得太多某連續快餐店既包 乜都有d咁不過整體上都幾好食

路經紅磡,想起lee這間常常勁多好評的時新,就買了一個$9漢堡包.等左10分鐘,舊漢堡都幾juicy,個包熱熱地,沙律汁不是太多, 我會比"ok",冇想像中咁好好好食呢!~係唔係因為平有咁既質素,所以好評多到咁呢???

我係Poly返學，好多同學仔都recommend時新既包包所以試左我既第一次果次我買返學校食（5分鐘路程）返到去雖然仲暖，但覺得好一般，而且唔夠飽（個包都幾細）而且佢一定係即叫即整，所以平均都要等3至7分鐘不過價錢真係好平，9至十零蚊就有交易就咁買個包（9蚊）都得果次之後我好耐都冇食過喇但身邊同學們仍然忍唔住成日話好好味，所以半年之後我再試第二次呢次我都係take away，但因為趕時間邊行邊食呢次我發覺佢D包真係好好味架~包既皮脆脆地，牛肉多汁而且好香「牛味」加上洋蔥同少少汁真係超正！比超MOS Burger同Freshness Burger真係正超多（不過都係Burger King好食D）用咁既價錢食到簡直抵到喊啦所以第2日我又忍唔住再食~hahaha呢次經驗話比我聽食時新係要即刻食的

I was very hungry the morning I went to this fast food restaurant. I ordered mint noodles, lemon tea and a hot dog. Even with a empty stomach, I couldnt even finish the food. It was just so bad. "Funny" is the word I would use to describe the food there. And the hot dog just didnt taste like a hot dog at all. OK. Thats simply bad food. But interestingly enough, I went there because of the huge amount of positive critics for such a small restaurant. Why?