時代豆業

营业中

休息中

有一晚經過，見到個櫃寫住有黃金糕，其實已經行過咗舖頭，都即刻返番轉頭買。新年時食唔到，今日終於俾我見返佢🥺返屋企先蒸3分鐘，然後再慢火煎到佢金黃色。哇！個質感好得意！唔甜！好食！下次會再買！

red bean cake 7/10 the cake is smooth, light in texture, and cool. which is a good snack during hot summer. it is a bit too sweet but with tons of red bean which is round and firm which increase the total texture of the cake. most importantly, it was sold at an acceptable price, 20hkd for 3 pieces. the shop keeps having a short queue and it means it is selling something good there. sesame cake 8/10 I don't like sesame often. but this one is less sweet than red bean cake which makes it seems to b

更新：2021-04-25一星期後再買芝麻同花生糯米糍各三粒花生嗰皮厚左好多😅😅芝麻嗰皮同上一次一樣薄同煙韌但嗰餡都係苦苦地...好似燶味咁😅😅😅2021-04-18孤陋寡聞完全唔知銅鑼灣有間如此小店😓之前有朋友話：銅鑼灣有間賣糯米糍好好味！每次嚟銅鑼灣我基本上都會買～但係都好快賣晒！所以要睇彩數完全唔知佢講邊度，之後佢講咗係邊一間平時經過都冇乜留意佢，嗰日咁岩星期日，見佢又冇人排隊喎！就試吓啦$20蚊三件可以任意配搭～要咗芝麻同花生糯米糍各一，同埋千層糕嗰個糯米皮係好味嘅真係好煙韌同薄皮但係嗰日食嗰個芝麻餡有啲苦味花生餡就正常發揮啦千層糕椰汁味夠～唔係好甜，同埋都煙韌,5錯

位於銅鑼灣鵝頸橋旁邊既一間小店，成日都現人龍，小店賣既係幾乎絕跡的糕點同埋懷舊餅乾，由於每件糕點都係冇添加防腐劑， 所以真係最好即食，我買完第二日食口感已經變左😖.原本想買雞屎藤茶粿同燒餅，但兩樣都賣哂，就揀左花生糯米糍，餡料都幾多，多椰絲同砂糖，如果多d花生味會更好🤣糯米糍皮幾煙韌芝麻西米糕第一次試呢款糕品，芝麻味好突出，口感幾厚實，仲有晶瑩剔透同粒粒分明的西米，口感豐富🤤而甜度亦很適中花生茶粿茶粿扁身有點似燒餅，皮非常之黏，食既時候都有點麻煩，糯米味唔太香，花生餡偏少，同埋放一段時間就變得硬身，唔太推介

成日見到好多人排隊，啱啱經過見冇乜人，就買嚟試下，糕點類$20蚊三件，價錢唔貴， size都ok買咗紅豆、 眉豆、菊花、千層 、馬蹄 和紅棗， 除了眉豆糕看得出入面有很多眉豆，真材實料之外， 其他糕都不太看不到有所含的食材除了眉豆和紅豆食得出味道之外， 其他都非常之淡， 菊花沒有菊花味， 千層糕食得出一層層但吃不出是什麼味道， 馬蹄糕除了吃到一點點的馬蹄肉之外糕本身沒有馬蹄味質地還頗彈牙，但有一些的外層是硬的， 造成口感不一 總括嚟講，不能說很難吃，但並不會說好吃 以下相片的糕點已經切到一小片

經過時代廣場，成日見到呢間懷舊糕點店排長龍。難得今次下午三點多經過見到只有三至四人排隊，一於試吓！店員十分快手，喺我未講完成個糕點名稱嘅時候，已經執好入哂盒。可能太忙嘅關係，客人揀緊買咩品種，同埋問$20/3件包含邊啲糕點嘅時候，店員顯得少少唔耐煩。=========================【芝麻卷】$13細個嘅時候飲茶必嗌，近年少咗好多茶樓供應呢款「菲林卷」。芝麻卷口感彈牙、煙煙韌韌，雖然有芝麻粒，但芝麻味較淡，亦欠缺香氣。大部份糕點$20/3件，款式可以混搭。【眉豆糕】眉豆糕清爽，眉豆份量多，唔會太甜。【紅棗糕】口感煙韌幾好，但味道略甜，紅棗味亦唔突出。【花生糯米糍】糯米糍軟熟，皮薄又軟糯；餡料有椰絲、花生、白芝麻、糖，椰絲同糖較花生突出，如果多啲花生會更吸引。=========================時代豆業📍銅鑼灣堅拿道東1號

之前都食過係佐敦幾出名既方太糕品舖，今日就試下呢間係銅鑼灣一d都唔起眼既舖頭。🐒花生糯米糍💰$20*3件個皮好軟，入面d餡有椰絲，糖，同花生粒，整體偏甜。🐒奶黃西米糕💰$20*3件本人為煙un控，呢個西米糕好出色，個西米底好chewy，奶黃香得黎唔係好甜。🐒砵仔糕💰$20*3件呢個砵仔糕好爽口，所有野都好平衡，都係一件出色既砵仔糕！。整體來講，如果經過都可以支持下d小店，價錢係銅鑼灣區都算係咁，對得住質素評分：🌕🌕🌕🌕好味：🌕🌕🌕🌕性價比：🌕🌕🌕🌕

聽說這間店已是很多年歷史了，每次經過都很想試他們的糕點，這次經過終於的起心肝去嘗試他們的白糖糕，因為出邊的白糖糕好多時都係買到比較偏酸的，但這間調得非常之好吃。現在每次經過都決定買白糖糕， 而下午茶時段我也會下去買芒果糯米糍， 他們的芒果糯米糍是非常之新鮮及好吃， 而且很快就會賣晒，果次去到即時整新鮮的芒果糯米糍給我， 芒果的肉非常大而且非常鮮甜， 糯米糍的皮比較厚， 所以要不是很飽的時候去吃會比較好。整體都是很抵吃，而且砵仔糕也非常多紅豆，如果個size可以再大多一點就更加好了🤣

前幾日第一試你哋嘅出品一次過買咗4個芒果糯米滋皮雖然靚但超厚芒果好酸又細塊 其中一件嘅芒果仲變壞咗最後一件連試都廢事 直接掉咗落垃圾桶太難食 永不再幫親 非常失望想像唔到點解有人會排隊

好失望以前鍾意食佢地花生糯米糍、經常會買最好食係花生糯米糍、而家少咗去銅鑼灣、今日經過都專登去買花生糯米糍同芒果糯米糍、已經唔同哂、皮好厚花生餡好小真係唔使再幫

行過見到間懷舊糕餅店，睇落好似都幾好咁，所以買黎一試買左3件糕加1條花生酥糖。一黃一白砵仔糕，紅豆量比一般砵仔糕嘅多，但係個糕比一般砵仔糕硬身啲，但係冇咁甜，我個人應為食落口就好似冇咩味，真係爭少少，同我預期嘅係有出入。紅豆燒餅比出邊坊間嘅細隻，不過佢厚身好多，咬落去有淡淡的芝麻香，同埋有濃郁嘅紅豆餡，燒餅皮好軟熟，依個糕點係合格嘅花生酥糖，係我最期待嘅，因為依種花生酥唔係好多地方有得賣，就算$10條，我都唔理，點都要買一條嚟食，點知係勁甜，本來我個人都幾鍾意食甜，但係呢個花生酥嘅甜度係，我只可以食到兩粒，甜味冚過花生味，同埋唔酥脆，所以我覺得佢係唔合格

聽過這間隱世糕點店好多次，一直都想試吓但無機會，終於上星期六試了，因為剛剛食完飯和糖水即刻食唔落，所以只買了一粒芝麻糯米糍回家吃，嘩！超好味，好軟熟，皮同芝麻比例啱啱好，又不太甜，勁後悔只買了一粒⋯於是今日再去買，兩粒芝麻加一粒紅豆，點知好失望，⋯今日D芝麻糯米糍爆開哂漏哂出嚟，仲整到紅豆糯米糍個面癡滿哂芝麻😒個紅豆糯米糍就真係堅難食，個皮好硬又實，好似隔咗兩夜咁⋯點解只係幾日D質素可以相差咁遠⋯😔

位於鵝頸橋旁邊，唔起眼的小店但賣我最鐘意嘅中式傳統糕點。身位煙韌控就梗係買翻粒糯米糍食😋黑芝麻糯米糍$8/1講真係有小貴，但位於銅鑼灣呢個地段都冇咩好強求。不過好在糯米糍都好重身，外皮煙韌軟糯，唔會太淋，厚度適中(個人食糯米糍嗰陣鐘意食外面層皮多過餡😂) 黑芝麻餡唔會甜，份量亦多，就算減緊肥食翻粒過口癮都唔怕！ 整體口感同味道都好啱我，唯一挑剔嘅係外皮厚度唔太平均，不過我已經好滿意🥰下次經過想再試下其他糕點

食過好多間砵仔糕，最鍾意煙韌彈牙口感ge砵仔糕，呢間ge砵仔糕口感彈牙唔癡牙，甜度適中，分有豆同冇豆款式，黃糖味突出。白色砵仔糕會較快賣晒，相對難買。之前食過白色砵仔糕，口感相對冇咁彈牙但係椰汁味濃郁。除咗砵仔糕，仲有好多其他款式如紅豆糕，馬蹄糕，板糕（類似鬆糕），芝麻糕阿泰式千層糕等，味道算中上，$20/3件，個人覺得相對偏貴，但始終覺得呢度ge砵仔糕最為出色，所以每次經開銅鑼灣都會買黎過下口癮。

唉！幫襯這店買砵仔糕多年，每次都好滿意它的味道。今天去了銅鑼灣店依舊買了3個黃糖砵仔糕，真的感到十分失望，味道變差了，糕內亦得好少紅豆，糕底仲好硬....不知道其他糕點味道是否能夠保持？😔