時代豆業

营业中

休息中

唉！幫襯這店買砵仔糕多年，每次都好滿意它的味道。今天去了銅鑼灣店依舊買了3個黃糖砵仔糕，真的感到十分失望，味道變差了，糕內亦得好少紅豆，糕底仲好硬....不知道其他糕點味道是否能夠保持？😔

呢間位於銅鑼灣既時代豆業一啲都唔難搵，就係登龍街附近，呢間野已經係老字號，有不同類型既糕品同埋餅乾，但我每次都係幫襯佢既糕點，餅乾我就未試過🙄至於佢既糕點，我最愛就係砵仔糕，嘩，啲紅豆多到好似唔使錢咁🤣足料👍🏻而家真係好少見有咁足料既砵仔糕，再加上佢既價錢一啲都唔貴，而家出面某些鋪頭都要賣緊十幾蚊一個。佢都只係幾蚊，價錢絕對親民！

係銅鑼灣買完野，行去鵝頸橋搭巴士，實會經過呢間糕品店。今晚唔知食乜好，就買左3件糕品食下。大部分糕品都係8蚊件，15蚊兩件，20蚊3件。芝麻卷同芒果糯米糍就要13蚊一件。眼大睇過龍的我，以為芝麻卷係20蚊3件的糕品之一。跟住就係紅豆糯米糍同芝麻糯米糍之間掙扎。最後芝麻糯米糍戰勝個皮有點厚，但好軟糯，好濕潤，而且唔痴牙。個芝麻餡勁香，又唔會太甜，好後悔做乜買咁少個芝麻卷無芝麻味，但有芝麻粒，甜度適中，但唔係太推介。泰式九層糕，個人覺得甜左少少，yi-un, 食唔出咩味。除左甜味，所以都唔推介暫時覺得好食的係糯米糍，下次要買多啲至得

有齊咁多款傳統糕點既店真系吾多，而本人亦都一向喜愛食呢啲糕點，今次買左6件，可惜只能存放到一天，不然會變質。-20$有3件所以買左6件，菊花糕都食得出有重菊花味，泰式椰汁糕好夠彈牙但椰汁味吾算太重，西米糕揀左奶皇味，一樣有咬口而且奶皇味好香。-下次會想試下佢個芝麻條

原本由15蚊3件 而家 20蚊先3件，加幅都算幾多所以我最後都只係買咗兩件。 以前好鍾意食佢嘅砵仔糕，今日買咗但覺得質素差左紅豆得幾粒。其他糕點都好似越嚟越細咁，雖然佢有齊晒好多懷舊中式糕點，但價錢貴左質素又差咗， 好似大部份香港食店一樣... 以後都係食少兩件拉

上次同阿媽經過門口，已經見到大排長龍。 因為佢有個帳篷遮住咗，所以連個招牌都睇得唔清楚。我只可從佢鋪入面一張宣傳食品的單張裏見到佢個招牌名。今日經過，冇咁多人，我想買白色砵仔糕，不過買哂，只剩下黃色。另外見到芒果糯米糍的盤又係冇曬，咁我都問一問佢啦! 佢話有，咁就買埋芒果糯米糍。砵仔糕比較實，紅豆亦都比較少， 口感一般。芒果糯米糍糯米皮好新鮮軟熟， 一咬開見到大大粒的芒果， 芒果唔會太甜，少少酸， 口咁起碼唔係爛，我覺得個皮有少少奶味同埋有啲蛋味。芒果糯米糍比砵仔糕出色。

After a hearty late lunch, I noticed that a queue was forming up at this little stall near Times Square.I've seen this kind of snacks so many times when I pass by a bakery or a vegetarian stall and today somewhat made me feel like trying one. The prices are $8/1 piece, $15/2pieces, and $24/3pieces. I'm not really sure about that 3-piece price but I think I remember the owner offering me this deal.  I ended up ordering a Thai cake and a Red bean steamed cake? ($15 for both). I honestly don't know

成日經過時代見呢間賣懷舊糕點既店咁多人排隊搞到次次都經過無買，今次唔可以再錯失了，因為難得下午15:00人唔太多。香港人一貫快既作風，同店員講要2件白糖糕(HKD 15/ 2 PCS), 一條芝麻捲(HKD 13), 同埋兩個多紅豆既砵仔糕(HKD 15/ 2 PCS)。唔洗1分鐘已經快手快腳入曬盒。*味道方面: 白糖糕:別看那雪白平凡的外表，卻有著獨特的口感，令人一試難忘。一件好的白糖糕，吃進口裡還有一種清甜芳香，即使吃完一件又一件也不會膩，而且沒有一陣酸酸的味。芝麻卷:的主要成份係黑芝麻，黑芝麻有滋補﹑烏髮﹑通便等功效。用黑芝麻來做甜品，聽老人家說經常食用對身體有益。呢間的芝麻卷沒有粉粒所以會很幼滑。吾錯!砵仔糕:望圖都知多紅豆，香軟Q韌，加上綿綿的紅豆，陣陣黃糖香，非常美味！總結: 價錢唔貴而且味道好味，值得一試。

軟綿綿 大大件口感一流價錢見人見智但全部都是懷舊風味芝麻卷 糯米糍 香蕉糕 茶果 泰式千層糕 .... 樣樣都係我至愛但未至於令到我會再買的衝動價錢 有1件價錢，倆件便d，三件再便d 選擇大部份都可以夾埋一齊買三件$18確實吸引芒果糯米糍和芝麻卷就只有一件件買，無配搭

經過銅鑼灣鵝頸橋就會見到間買糕點嘅小店每次經過都有人排緊隊買，搞到我成日心思思係咪真係咁好食琴晚食完飯終於無乜人，吾洗排隊就買到全部糕點都係$7/1 $14/2 $17/3姐係買兩個係無平，所以買左六個鍾情於花生糯米糍嘅我一下子揀左三個但實際係令人失望，說好的花生餡只是大量糖同少許芝麻花生，花生味一啲都唔突出！香氣不足，內餡無乜口感，我比較鍾意食到花生碎粒嘅糯米糍值得一讚係糯米皮好軟屬又帶點煙韌，可能其他口味會更出色黑蚊蚊的雞屎藤，依家都好少地方有賣喇我印象中雞屎藤係有餡架，但呢個原來係無餡滿心期待嘅我有點失望但食落陣陣的草青味，帶有回甘嘅味道又幾正整體味道唔太甜，又有點清香！有啲覺得自己食緊艾草大福出面層皮不過口感更煙韌同有嚼勁我即買即食無蒸返熱食，蒸熱左口感應該軟糯啲呢個反而比較特別，值得推薦！

呢間中式甜品糕店，我經常都有去光顧，但係我以前買自己喜歡的糕點作下午茶，尤其周日，下午開杯中國茶，吃黃糖有豆砵仔糕及我的摯愛白糖糕，是一件賞心樂事。今日去九龍開晚間會議，諗唔到買什麼去開會吃，就想到這店，於是買了眉豆糕、馬蹄糕、紅豆糕、芝麻卷（菲林）、桂花糕等，及各式各樣茶果，尤其吸引我的是黑色一團團的馬屎𥸎茶果，據說有清熱解毒的功能，都市人有邊個冇濕熱吖，就即管試吓，好彩不是太苦澀，而且還帶少少甜，不太難食的。同事個個讚不絕口！

第一次食！係老公同我去銅鑼灣行街食飯經過時！老公話呢間糕點好耐架啦！糕點都好好食！所以就買左第一次試！真係覺得唔錯！所以心思思一直都想再來幫襯！下午同媽咪係北角食完午餐⋯⋯⋯過黎銅鑼灣行街！不過今日真係天氣差小小！中途一直落雨！時大時細！搞到好唔方便！但臨回家前！點都要黎一次買！今次買無咩人排隊！對上一次款式少之如仲多人排隊！可能夜啦！都俾人買哂！今次款式好多！但我都係照點左自己最想食既野1.黑芝麻糯米糍「一d都唔會過甜！好好味！」2.雞士藤茶果「以前媽咪買過俾我食就有其他餡料係入面既！好好食！今次呢間買！原來係無餡料的！有小小失望！但唔會過甜！可以啦！」3.杞子桂花糕「都係唔錯！唔太甜」

係銅鑼灣食完野又想食少少甜點點算？可以試下呢間中式糕點店！呢間位於銅鑼灣鵝頸橋附近，糕品嘅種類都幾多咖！呢間店好細，賣嘅嘢一個櫥窗睇到曬！砵仔糕、紅豆糕、西米糕、白糖糕....應有盡有。大部分都係15蚊3件！今次買咗茶果、白糖糕同埋雞士藤。雞士藤大家應該好少見到，雞士藤又名雞屎藤，係用藥用價值咖，可以解毒祛風！食落去煙煙韌韌，有少少草味，可惜冇餡！白糖糕比較薄，甜甜地冇酸味！但白糖糕係冇包裝包住，如果買埋其他糕點，糕會直接掂住其他糕點嘅包裝，感覺上冇甘衛生。茶果係三個糕點入面做得最出色嘅，一來甜度岩岩好，二來餡料適中不會太膩，三來同馬士藤一樣都係煙煙韌韌！唔錯！整體而言，食物味道都中上，但每次光顧，店員都比較冷漠，比錢個都沒有幾乎交流，服務態度有待改善。

平時都好鍾意食芝麻卷，我幾時經過呢度都見到要排隊，今次經過見冇乜人所以就直接買咗。我一個人就食咗1分芝麻卷同埋芒果糯米糍。芝麻卷比我秒速食晒所以冇影到相。份量亦都非常足夠所以，眼大肚窄我已經食唔落芒果糯米糍。返到屋企食佢芒果糯米糍，有啲失望嘅係佢嘅芒果比較少，出邊平時食開嘅芒果糯米糍會有一大條芒果。佢就切開一粒粒但係分量就唔多，真係比較可惜，外皮都唔錯但係都好厚，所以我覺得一定要有足夠份量嘅芒果放落口先夠滋味。去呢度食會建議食芝麻卷，芒果糯米糍都係去返啲專賣店比較好。

一間位於銅鑼灣時代廣場後面, 對住鵝頸橋巴士站的中國傳統糕餅店, 款色多, 而且價錢實惠, 門口永遠不會沒有客人排隊等待購買的 -- 時代豆業.因為家住香港, 一向喜愛到銅鑼灣逛街的我, 每次臨回家前, 必定在此走一轉, 見不太多人的時候,一定買幾款回家與家人共享.而每款 $15 /3件, 可分開買, 亦可一次過3件.到夏天更多客人喜歡購買他們的自製蒠米水等.紅豆燒餅 $ 5皮薄, 軟韌剛好, 餡料量適中, 紅豆蓉不會太甜.紅豆西米糕 $5奶黃西米糕 $5每次必買之選, 因為除他們每件產品都會個別包裝, 衛生,令人食得安心外,他們的西米糕做得比外間其他普遍店舖的西米糕,特別晶瑩剔透, 口感軟棉棉, 而且平均, 不會食食下, 有一,兩啖突然咬到西米未熟, 或放得太耐,糕品變硬的情況.另外, 餡料中間不多,不少, 亦是甜味剛好.紅豆黃糖砵仔糕 $5這個是比較以上兩款產品是口感實了一些,但亦有家人喜歡, 所以都會買來給他們.最後, 他們還有香蕉糕, 芝麻糕, 花生酥,椰絲糯米糍, 眉豆............