時代豆業

营业中

休息中

$10/3 唔算平，要左雞屎籐，雲片糕，糯米糍．雞屎籐完全無雞屎籐味好似食緊糯米粉團／湯圓皮咁......唔得．雲片糕味道好怪又實，以前食過雲片糕，好似唔係咁喎......唔得．糯米糍唔難食囉．$10買左一件糯米粉團／湯圓皮，一件怪味粉糕，一件唔難食糯米糍，都幾貴............

短短兩個星期, 我已經再買多兩次了.愛上了呢到的紅豆豆漿同紅豆糕, 好香紅豆味, 尤其是豆漿, 飲哂成杯都仲有好多紅豆響底. 細細粒好有咬口同埋好甜. 杯豆醬就好細杯耶可唔可以加大ga其實, 啜左兩啜就冇哂喇.芝麻卷真係超級大條呀, 芝麻味唔係好濃不過幾香.因為兩次都太飽所以冇食到眉豆糕, 不過朋友食左佢話仲好食過紅豆糕喎!

朋友買左一盒糕點，有砵仔糕同白糖糕，無可否認兩樣都甜左d，啡色砵仔糕完全唔香片糖味，依個麻麻地。不過我覺得白糖糕幾好呀，唔會酸，口感軟熟。我自己經過幾次見到好多糕點選擇，朋友仲話好多人買茶果，有機會都買個來試下先

星期日臨回家時買左d糕點回家食...$10有3件我就選擇左馬豆西米糕; 花生茶果同埋芝麻糯米滋...點知回家食十分之失望...其實上次買過回家食覺得好好味今次先再買來食..點知無一樣糕點係好味...唉...bad list

妹妹同事請她食砵仔糕,我強行搶左白色試下,點知勁甜,唔我口味啊

屯門新墟有一間都係叫「時代荳業」，我係俾呢間分店(suppose係)評語。試o左雲片糕($3)~每次經過望見都覺得佢個texture會似椰汁馬豆糕：2片白色o既糕夾住一層薄薄地黃色o既糕層。食落先知原來係好有口感！外面白色o既好似乾o左o既棉花糖，甜甜地，中間就應該係一般甜糕饀。唔難食，不過就無令人一食想再食o既衝動，所以我食o左半個就掉o左lu~仲食o左綠豆糯米糍($3)，so far食o左幾間糯米糍，覺得係有2種唔同style：一種就真係煙煙un un，一種就好似奇趣o既香蕉糕咁，一食唔痴牙，咬落去淋身甜到爆。我覺得2種無話邊隻好d，好睇個人口味。呢間係後者，咬開綠色o既糕身見到o既係好靚仔o既綠豆蓉。正~$5/2件，不算貴但我又唔覺要用「抵食」形容。

食完晚飯經過呢度就順便貪得意係到買d糕試吓。買左砵仔糕，雲片糕&泰式九層糕。砵仔糕ok,起碼夠豆豆。雲片糕就第一次食，但係唔係咁喜歡。質地咬落幾硬，好似食緊紙皮咁，又有d似厚穀殼麥片咁。泰式九層糕食頭嗰幾ロ都幾好，yin yin un un 咁。但係越食越甜，最尾食左半舊就甜到食唔落。本人覺得如果佢地d糕點可以唔好咁甜就好好多。亦見到有蚊zi係個糕屜裏面免費咁品嘗D糕點.

9 August 2006 (Wed) - 小吃好好友請我食咗兩件小點，一件係砵仔糕，另一件係雲片糕！砵仔糕我一向都喜愛，所以覺得都唔錯，但係雲片糕我就第一次食，真係不得了，我諗我唔會再食，因為真係太甜．．．佢個樣好似件三文治，但係入面既應該係糖，出面白色既我就唔知係咩．．．但真係太甜．．．我只係食咗兩啖，已經唔想再食．．．

我自己對中式糕點就不大興趣, 不過我亞媽就比較喜歡.見此店有雞屎藤買, 咁我就買d糕點回來一起食.我就無食件雞屎藤啦..見到成件野都黑色就無興趣...試左件紅豆西米糕...都無咩紅豆餡又食唔出有西米在內..味道一般..只係唔會太甜啦.

今晚行過見到有雲片糕($5/2pcs),即刻諗起細個好鐘意食..不過而家已經好少見..就買左2件黎食^^點知呢隻原來同細個食果隻完全唔同..細個食果隻係直情可以一片片咁meet出黎食的..而且帶著甜甜地既香蕉油味..但今次呢種...只係一舊粘米粉造既糕..夾住一d好似糯米糖既物體..而家好淡..只有少少香蕉油味..食完好失望啊不過之前飲過呢度既豆漿..好好飲..好有豆味,而且仲好抵飲!!個笑面係俾豆漿既

今次試左黑芝麻糕($5/2件), 幾香芝麻味, 但如果有芝麻粒粒會更好.糯米糍依然皮較厚, 不過都幾大粒.

行過見到糯米糍, 雙眼發光又買嚟試試, 二粒豆沙二粒花生, 外皮鋪滿粉, 食時會弄到滿嘴邊都係, 都很軟豆沙不太甜, 但分量偏少兼不太香, 花生餡反而幾咸香, 仲幾多tim

今日已經係第N次幫襯(屯門店)，都係買我0既心頭好--鬆糕!!不過，勁過份!!!!!話說佢賣$3一件糕，而$5可以有2件。Lunch time0既時候，我就揀左2件鬆糕。佢一底糕擺係個玻璃櫃入面，其中有2件係散放係底糕0既面。我見2件之中，每件size都幾大，咪同個店員話要。點知個店員係黑起面，目無表情快快手夾左2件細，放係我面前。我以為佢唔明我要邊2件，咪同佢講清楚，佢就即刻話:「無得揀架喎，我地係順序夾架。0甘你要唔要鴉?」佢都已經入左落袋，我咪話要囉。~_~真係火都黎埋，你講順序咪算。駛唔駛加埋「0甘你要唔要鴉?」雖然只係一件好平0既鬆糕；但同你買野係唔係要受你氣先??公道一d，佢0既糕岩我口味，係好食；不過因為佢0既態度，我唔會再幫襯!!!如果下面有0分服務分，我唔會比1分~~

其實我幫襯開0既鋪頭係位於屯門0既時代豆業。貪佢$5就可以買到2件糕點嘛!!尤其係我至愛0既鬆糕。夾埋$5件頭都幾大架，咖哩黃，鬆軟，如果熱食仲正。最近比我發現左一樣野，唔知佢製0既時候加左d咩野，入口0既時候好似有一陣酒香味(定係發酵味?)，所以而家lunch，幫襯佢變左我0既指定動作。 至於佢0既其他糕，我都有試過。砵仔糕水準就一般，無驚喜，豆都唔算多。紅豆糕同眉豆糕唔係太好食(我個人認為)，因為唔中意佢加魚膠粉(真係無得傾，深水0既糕真係正d)。白糖糕太甜，口感都幾好，幾彈牙。茶果就...我欣賞豆沙蓉，不過size就細個d；如果係花生餡，我就覺得似花生醬，唔太buy，事關都幾肥。佢整0既喜板，唔知係咪無係包裝紙上掃油，癡住晒，「起皮」時搞到爛晒，呢樣唔得，食得唔方便。 都同意之前0個位人兄講，間野d衛生都有待改善，我都見過d 烏蠅係d糕度盤旋。尤其而家呢間野加開左張檯，搵過Indian番黎轉薄餅，d衛生真係要搞好d。佢呢條橋都幾駛得，真係有好多人幫襯，$10一件，都幾油膩，我有d男同事幫襯過，一次過買2件，食完想飽死喎~~(Ha, 食完好上路?)

其實時代d糕都唔係特別好食,都係一般,只不過有時放工去搭巴士時肚餓,又想食少少野,咪去買2件糕食下囉. 不過多次都要睇個賣糕小姐的面色,真係討厭,其實唔單止我一個係咁,我d同事都係咁講,"-好似好叻咁,-懶係好多人幫襯咁,-唔憂做咁". 行到埋去,就要即刻講要乜,睇下先知架,仲要黑口黑面,永冇笑容,最唔高興的事就係~~我朋友很喜歡食白糖糕,但就唔食邊位,買糕前已同佢講唔要邊位,佢仲要袋d邊位糕比你,問你激唔激氣呀,再同佢講唔要邊位,佢仲黑晒口面咁講"冇得簡,要唔要呀",最多咪唔要,都唔知點解佢咁態度,搞度自己心情都差埋.服務嗰度我比0分!