影片
寻晚同男朋友去左佢屋企楼下个间昭阳日本料理, 重新装修~之前都想去试下,因为佢话有长寿司, 但都冇去试!~佢装修之后晚市话有串烧,咁就去试下啦~门口有位女侍应派单张(单张上写新张优惠,凭单张惠顾有9折,9点半后85折)接过后,8:10pm,入到去...眼见只有2枱,好少人..(心想唔通唔好食..?)不过环境尚算舒适,有6间VIP房,单张上写,见唔到)灯光昏暗,,冷气够冻...可能冇咩人~有2个张bar枱分开, 一张系串烧bar, 一边系寿司bar,坐低之后即刻奉上沙律一小客,附酱汁,之后就睇menu,Order 左串烧 : 芝士鸡翼,烧羊架,串烧鸡软骨,牛肉杂菜窝,炸生蚝,带子寿司,鳗鱼寿司(only呢款系长寿司),炸软壳蟹手卷,同花之恋寿司~~但等左好耐...眼见隔离枱(一家四口)不停上菜,佢地系早d..不过越等越唔对路...又见寿司bar司傅好得闲咁好以冇单做..开始觉得不妙,..突然个经理行埋来..佢话check过原来落漏单!我同男朋友眼都突埋...得2枱客都落漏单...真系激死左..仲要劲肚饿...个经理即系say sorry, 仲帮我们落番单,话即整!!足足等左40分钟有多,唉...不过之后个经理全程serve我们张枱,跟住又送左一客三文鱼腩刺身比我们食住先...之后食物随随送上~首先系串烧,芝士鸡翼阿经理话唔新鲜,帮我们cancel左~串烧鸡软骨好香,个味刚刚好,好好食!不过个烧羊架就麻麻,有d难咬,不过有mustard比客人调味~牛肉杂菜窝好好味,个汤系劲鲜甜,配料就同出面个d一样,不过就好新鲜,唔以有落味精~寿司好新鲜,带子寿司好甜,佢送个客三文鱼腩刺身好多油脂,好新鲜~(长)鳗鱼寿司酱汁好浓,好香~唯独个炸软壳蟹手卷,上面有牛油果,青瓜丝同蟹子~不过炸软壳蟹就系涷的,争左d!~到最后..都系仲漏左花之恋寿司,不过冇追佢,因为都够饱了~埋单9折后$300到,不过各食家留意,原来个沙律系要收$$$$$$,佢冇讲啰,不过menu heading有行字提及,如果大家唔想食就记得同佢讲,收$18~仲要冇咩特别仲有一样要留意,menu上有红色*的串烧系得一串,其余都系2串上~寿司都系段件计~整体都好好,不过系搞笑d啰个服务生,如果人仲多的时候..佢咪仲劲漏单..大家都要小心d...如果唔系要白等了~顺带一提,见到隔离枱有order北海道烧蚝,仲好大声话好正..下次都要一试
继续阅读
招牌菜
食记 (5)
寻日去开红磡,听男友话佢发现左佢屋企楼下有间唔错o既日本料理(之前去开加X贺),就本住试下无访o既心态去食我o地坐sushi bar,一坐低,师傅己经落足咀头狂sell,佢介绍左好多特别o既鱼,有D我都未食过我order左以下菜色(想去的网友~试下吧~)1)原条活左鱼(欣赏师傅o既酸汁,不太酸,冇盖过鱼味之余,仲有淡淡柚子香)~全晚至爱~2)深海石(活的~即~新鲜~)3)鲸龙薄切(本来都唔错,But,都系好似左口鱼好味D)4)秋刀鱼剌身(大厨话系时令鱼,秋天食最肥美,系飞机货~本人觉得有D腥)5)什锦天妇罗(粉浆有D厚,尚算脆口)6)鲍鱼中华冷面(失望之作~唔系真鲍鱼)其间寿司大厨仲请我o地食左客特别order,系用𫠒红鱼卷到好似雪糕筒,裹面放左海胆,面头有几粒三文鱼子~好鬼靓,成朵花咁~最后仲有雪糕送~好鬼饱寿司大厨仲话下次比个10%我o地~坐sushi bar有so~钟意食鱼生o既网友~不访一试 ~~~啊!冇八吋sushi~~~
继续阅读
上星期weekday, 见庇利街有新的日本食店, 便去试试, order 了三文鱼寿司猪颈肉定食炸虾卷两人晩市消费了$200 左右.可惜所有刺身都唔新鲜, 相信唔会再去...
继续阅读
老公睇完呢度的食评，既然讲到咁好，所以今日决定唻试下咩叫fusion菜～～先唻佢地的招牌寿司八吋长刺身！！一件八蚊，局住你要叫两件先可以叫～～哗～～件寿司系好长呀！不过切到好薄呢＠＠刺身亦唔算新鲜！茶壶海鲜汤：其实系比menu 上的相片吸引而落order：相中茶壶口布满密密及迫爆出来的海鲜，不过茶壶送来时才发觉，材料只有在茶壶内的数件杂菇，一粒虾及数粒鱼片；汤味偏于味精汤，一般鲜甜啦～～蟹子沙律：$35大大碗，系老公觉得最超值的沙律，味道亦不错。吉列猪扒手打乌冬：原价hk$40，转为手打乌冬加hk$10～～乌冬感觉似上海面，煮得太软及太林，无口感；汤底则是非常港式的，完全配合唔到乌冬的味道＠＠吉列猪扒没有跟沙律酱（叫先会有），而且吉列猪扒跟汤底完全唔配合！！食到呢度，已经唔想再叫其他食物，情愿晏ｄ再食宵夜好过～～～
继续阅读
呢间嘢都几多fusion菜, 我成家6人想舒服d所以坐VIP房,坐房有个welcome food 送,一只牡丹虾船; 好得意!系一只巨型牡丹虾上有几件细粒过指甲嘅寿司bb!我叫咗特价一尺长大虾天妇罗, 蓝莓牛仔扒, 活左口鱼刺身, 海螺刺身, 带子皇刺身,智利海胆,刺身沙律, 酱爆鸭舌, 酒煮蚬, 福冈烧;一尺长大虾天妇罗真系第一次食咁大只,$28抵!蓝莓牛仔扒跟铁板上, 个蓝莓汁好香好fresh, 牛仔扒面烧到肉面焦焦哋而肉身仍好juicy, 几有创意, 好味道!$98.活左口鱼, 新鲜及刀功好, 我本身好钟意食薄切, 左口够滑, $138海螺刺身, 日本飞机货, 鲜甜爽口, 原只$68, 抵食!带子皇刺身, 又系巨型版, 产自北海道, 好鲜甜, 同普通带子刺身简直两回事, $58智利海胆, 好大粒, 好鲜味, 虽然$200, 但试过就知同平时好细粒嘅分别刺身沙律, 呢间招牌菜大大兜, 最重要个汁好开胃, 用个金色兜而沙律汁橙色, 好醒胃, $38酱爆鸭舌, 好有获气, 日本菜有鸭舌食, 哈! $38酒煮蚬, 用花甲, 正! $48福冈烧, 其实系牛内脏串烧, 有牛筋,牛舌,牛肚, 系几特别,不过我就麻麻哋, $50/6串其他我老豆嗌咗支"黑一点"烧酌,佢话好饮,个名几抵死!$368; 我同家姐就饮俩小无猜,有气酒,$58/壶,几易入口最后埋单送雪糕,共$1300-食得好丰富,下次一定再去!系位置难揾d,揸车就好方便,有成4个停车场.
继续阅读