春風三月 (已結業)

{{ 春風三月 }} 嘅自家手作無添加特色珍珠同芋圓一直係foodamin 想試的。店主專程去到台灣學習手製珍珠過程然後回港。喺元朗開左第一間店。近來佢地喺旺角開左分店。比較就腳。所以今日終於可以同表妹一人一杯試番喇。奶味野繼續交番俾表妹試番 。芋頭控嘅佢選擇Double芋頭奶配上芋頭珍珠。但由於固定冰度同埋限定甜度。所以整體偏甜。雖說是double 芋頭。但芋頭味道唔算香濃。而且容易有過份飽滯感。相反Baileys復刻紅茶比較有驚喜。杯入面裝住一個紅茶茶包。茶包係由台灣直送。好香濃紅茶味又唔澀口。由於配以自家研製Baileys珍珠。所以Foodamin 繼續選擇走甜。因為珍珠已有一定甜度。走甜後味道剛好。唔會搶走紅茶香。Baileys 珍珠有輕微酒香。口感相當煙韌。屬不錯嘅配搭。好特別而且係好飲嘅。

之前呢間得元朗店已經好想試 但實在太唔就腳所以一直都未試 喺旺角開左之後終於可以試多幾次啦 試過不同嘅純茶+珍珠 真係唔錯 茶底ok 珍珠超班 d珍珠有咬口得黎唔會太硬 又有唔同味道揀

繼續試黑糖珍珠鮮奶～春風三月第一間店係元朗，而家係旺角又有喇，唔洗去到咁遠飲。呢間相對其他睇落好似大杯d，價錢同其他差唔多$32，春風三月既珍珠口感又同之前試既唔一樣，黑糖味重d，甜d，但係可以接受，唔會太甜，珍珠好似係咁多間最煙韌，奶味香，但冰量好似多左d，因為冰量甜度固定左，無得少冰少甜，總括黎講係有d驚喜，但唔係最好飲，行過口渴就試下喇😬路過咁啱見到店員係路邊嘔緊，之後就入左去沖野飲，有無洗手真係唔知🤢

❣️黑糖珍珠鮮奶黑糖珍珠非常香而且不會太過甜膩有點可惜的是黑糖和鮮奶不能混合得很好整體就像黑糖和鮮奶分開喝-❣️Baileys復刻紅茶紅茶茶香很足茶包也保留在飲料裏Baileys是珍珠的味道吃下去就是酒的感覺非常有特色-

行過旺角，就想飲黑糖珍珠鮮奶。見到咁啱開咗一間比較新嘅台灣飲品鋪頭，個名幾得意就諗住試吓。見到menu 一杯珍珠奶茶都要$32，都有小小貴。諗咗一諗就打算試下新嘢最後叫咗杯凍奶蓋baileys 復刻紅茶($34)，一飲就覺得有啲中伏!首先我地無叫小冰，但杯茶係絕對唔夠凍，咁落去好似常溫;奶蓋唔好飲，baileys 珍珠ok ，都幾特別。值得一讚，個杯嘅設計幾好，係方便我哋好容易咁樣調節大細地飲奶蓋真係有啲失望

本身好鍾意飲茶味濃啲既珍珠奶茶😳出到太子夜得濟附近間天仁茗茶已收工見到呢間春風三月話台灣正宗就諗住試下普通同黑糖奶茶都要32蚊諗住貴貴地,應該有好野卦於是決定試下點知一飲...陣味真的好似啲隔左夜既奶茶咁唔知係咪啲茶放得太耐一啲都唔好飲甚至比起街邊小食檔自己沖都唔會咁既質素到啲珍珠又忽然勁甜啲茶就勁苦 超級怪飲左幾啖都係掉左😫😔😔鋪頭既然新開又收咁貴好應該認真改善短期內都唔會再幫襯😑😑😑

作為芋頭控的星星，每次必嚐的一杯芋泥飲品，今日沿經旺角見新開小店有『特濃』芋頭飲品當然要一試。價格不算貴，而且份量十足，可惜甜度固定，星星覺得甜度可稍微調降會比人更合我心意。這店所製作的芋頭鮮奶已將芋頭泥與鮮奶融合，芋頭搭配鮮奶，淡淡奶香，口感順滑，濃郁的芋頭香散發在嘴裡。個人喜好，我還是比較喜歡不做攪拌的芋頭拿鐵，顧客自行把芋頭泥與鮮奶融合，除了可單嚐芋頭再喝一口鮮奶外，更又可真正看到芋頭量多少

見到好多媒體報道講到呢間幾厲害，難得我呢日同個friend 行到去呢忽，加上無人排隊wor~ 我就買黎試。奶蓋double玫瑰綠茶 $3我無認真睇內容仲身痕加多個芋頭珍珠，唔怪得職員聽完我講即時黑人問號。大大杯茶裡面仲有大大個茶包，再加埋一堆珍珠其實差唔多少左1/5嘅茶。不過玫瑰味同綠茶味都分別地好濃烈，問題就係分別地。至於個奶蓋，其實唔係好夠味，可以再奶d 再濃稠d ，因為茶底好濃烈，所以奶蓋弱左就好似唔夠奶嘅拿鐵咁，係有少少失望。不過個珍珠係好食好甜好好咬，只係我唔係好分到呢堆珍珠入面有幾多係芋頭有幾多係玫瑰，走糖嘅時候配呢D 珍珠係ok的黑糖珍珠鮮奶 $32朋友叫呢個黑糖珍珠鮮奶有好多珍珠，佢話食到珍珠有黑糖味，幾好o趙，不過飲到一半就放棄，因為佢成杯都係奶，加上糖度無法調整，變相飲飲下會好漏好飽，或者下次可以試多個 Bailey 比多次機會佢，一般飲品佢就真係好一般啦。

今日又經過太子Shopping買下嘢行下街, 天氣太炎熱行到身水又身汗梗係要買杯嘢飲先至得喇！今次又試返之前去飲開嘅茶店鋪"春風三月", 睇下今日又有啲咩新推介先, "黑糖嫩仙草奶凍" 同埋就係 "Double玫瑰綠茶"(大馬士革綠茶配玫瑰珍珠), 每杯推廣價都只係20蚊, 今次又睇下呢兩隻推介又有幾好味先！大約等咗十分鐘左右又攞到兩杯外賣, 因為我鍾意飲奶, 所以我飲嗰杯就係"黑糖嫩草奶凍", 買時事先已經叫店務員加多啲黑糖, 因為上次飲個杯係加黑糖所以特別甜美, 攞上手啲色水冇上次果杯"糖珍珠鮮奶"咁濃郁, 飲落仲冇上次果杯咁甜美, 但係杯底有啲好似涼粉噉嘅啫哩搭救, 之但係畢竟都唔夠甜, 飲到最屘好似飲鮮奶咁完全冇甜味！另外我朋友嗰杯"玫瑰綠茶"茶味都係一般般般, 我朋友飲咗兩啖都話覺得唔夠甜, 要返加返啲糖水補救。今次搞到我對呢間鋪頭大失所望, 希望鋪頭睇到呢篇食評會有待改進喇！😭😭

黑糖珍珠奶茶已經橫行無忌,但係為食嘅人類係唔會厭倦㗎⋯⋯只有不停試,不停飲,不停驚喜,不停失落😂無限輪迴咁🌀就正如啲女人話減肥咁,又要減又要食,肥咗又減,瘦咗又再食一樣,暫時都未見到終點。今日陪完阿肥剪完頭毛之後行到出嚟花園街,原本諗住買個著名菠蘿油開心吓㗎,點知賣哂喎...之後四周圍望望吓就醒起平時搭小巴出嚟時會經過呢間台式飲品店,咁就拉埋阿肥過嚟望清望楚先。原來佢個名咁有詩意,叫做「春風三月」,聽見都覺得舒服,店舖雖小但仍然可以見到佢哋都將舖面打扮靚靚俾客人打咭影相呢間都有黑糖珍珠鮮奶$32蚊,所以我決定一試!而餐牌上見到有款嫩鮮草奶凍做緊推廣優惠$20蚊杯,阿肥都決定要試下呢個老老實實,我飲完之後,都覺得呢家品牌嘅味道都算唔錯,佢哋都係用新鮮牛奶,所以奶味夠濃,只係黑糖味就唔算重,感覺上就唔會太甜,缺點就係珍珠過韌,應該係煮得唔夠耐所以令到質感較硬,要緊記啊珍珠很重要的～阿肥嗰杯係嫩鮮草奶凍,顧名思義即係涼粉啲朋友,所以就冇呢個問題啦佢就話佢嗰杯好正喇但暫時所見呢間就冇乜人龍,我覺得唔想排咁耐隊先有得飲嘅話,呢間都可以諗下呀

星期日約了朋友出旺角行街，正由Moko Mall經花園街步行去旺角見到台式飲品店‘春風三月‘就行過去八卦一下，看一看餐牌Baileys 復刻紅茶配Baileys 珍珠～ 兩眼立即發光～很吸引我😝即刻付款買一杯試下！另喜愛奶的朋友們可以試奶蓋 Baileys 復刻紅茶配Baileys 珍珠飲品沖調好了～喝一口頭有紅茶味不濃不淡而Baileys味道尾尾道來，真的不錯👍🏻 帶驚喜而Baileys珍珠是透明色的輕輕帶Baileys味道，偏甜所以紅茶可選擇無糖喔🙂

去開剪頭髮，經過春風三月，記得上次新開有人龍，排左十幾個，今日見唔洗排，試一試佢先！因為唔想飲奶茶，又見到Double玫瑰綠茶特價，$20就試下啦原來係玫瑰珍珠配埋玫瑰味綠茶一出黎見到每杯都有個茶包，咁有誠意，雖然後來覺得有啲阻住攪。一飲就成口珍珠，淡淡玫瑰味，非常煙韌，咬到攰呀。整體係大太杯，一個人飲唔曬，有興趣試其他珍珠！

而家茶飲店開到總有一間起左近, 每杯索價都接近$40, 究竟有咩原因令佢哋越開越多, 越賣越貴, 但又吸引到咁多人飲呢？連我自己都唔知點解, 好似上咗癮咁, 唔飲唔舒服。炎炎夏日, 一杯在手份外清涼。可能係位置的問題, 呢間舖雖然新開, 但未見人龍, 好快就可享受。黑糖珍珠鮮奶 $32黑糖珍珠Q彈, 黑糖與鮮奶混和, 甜度剛好。奶蓋Double玫瑰綠茶 $34茶底用上大馬士革綠茶, 清新怡人。珍珠Q彈, 滿是玫瑰香味。奶蓋厚滑, 配清爽嘅茶底最為合適。

今日同朋友去咗太子弼街臺灣特色飲品店舗"春風三月"品嚐一下佢哋嘅珍珠奶茶。我就揀咗佢哋嘅"黑糖珍珠鮮奶", 而我朋友就揀咗佢哋嘅"Baileys"復刻紅茶要少冰！顧名思義我個杯就係黑珍珠加鮮奶加冰再加黑糖, 啲黑珍珠外軟內煙韌, 可能因為我孤陋寡聞, 試完口感同味道之後就向店務員查詢, 點解d黑珍珠唔煲腍啲嘅？店務員就話: 其實啲黑珍珠已經煲咗兩次, 第一次係煲腍佢, 第二次就係加黑糖再煲多一次！佢仲解釋話啲黑珍珠遇冷就會硬少少, 至於啲黑糖同鮮奶飲後就覺得有啲唔夠甜, 我仲叫店務員加多啲黑糖畀我, 因為我鍾意重口味所以要甜啲... 適逢今個星期五下日有限定優惠, 呢兩杯都推廣價為每杯22蚊, 仲足足慳咗17蚊添！

同朋友路過新世紀廣場下面，諗住掃吓街，見到呢間台式飲品店應該係新開張冇耐，又冇咩人排隊，就走去望吓個餐牌先因為朋友係芋頭控，見到寫住double芋頭奶，已經唔駛望其他有咩揀就揀咗呢款，雖然感覺超高熱量，但芋頭唔係度度有，所以一定要試。果真，一試難忘，冇得輸，何謂double，原來珍珠都是芋頭味，雙重口味，正到爆，下次可以再叫嚟飲另外叫咗桂花烏龍加芝士奶蓋，溫馨提示~奶蓋不能襯花茶，味道超奇怪。個人建議:奶蓋配紅茶才是最好。