春風三月 (已結業)

見有優惠（$20)就諗住試下，點知一試就知伏左。首先，少冰既冰量係同無少冰一樣。冰加奶，將啲奶溝淡哂。第一啖未溝淡既奶係好滑，應該係用全脂/日本奶。可惜最後溝淡哂。其次，間野係主打自製珍珠。啲珍珠完全唔掂。黑糖珍珠無黑糖味之餘，咬落仲要係硬既，完全唔彈牙，好似食緊實心既粉團。再者，佢個蓋既設計有啲奇怪。佢應該預啲人可以擰一擰個蓋就可以試啲奶泡先，但係佢個蓋係好實，好難擰開。插飲管個位又係好難插。最後，唔知佢係因為優惠，所以先比啲咁既質素既珍珠，定本身都係咁。我淨係知下次唔會再試佢。

本身以為春風三月都係一般台式飲品店，但喺選擇飲品時，發現春風三月有多款不同口味的珍珠，而且係自家製作，非常有心思！大部分的飲品可以選擇不同甜度和冰的份量，好貼心！原本想試奶茶或者加奶蓋，但我地晚餐食得太豐富，就決定這次先試一杯紅茶同一杯烏龍茶！Baileys復刻紅茶 $29好大杯呀，份量十足！Baileys珍珠係奶白色的，外層口感煙軔，內裏有少少硬！味道有少許奶油味，沒有酒味，唔錯！而且Baileys珍珠份量同樣相當多，差唔多每一啖都可以食到珍珠！紅茶甘香純厚，每一杯有獨立茶包，茶味可以保持到最後，唔會有愈飲愈淡既情況，抵讚！凍桂花烏龍 $25淡淡清香的桂花味，加上烏龍茶的甘甜，絕對係消暑解渴既良品！同樣有獨立茶包，桂花同烏龍茶既味都可以維持到最後！另外，春風三月有售賣環保飲管，為環保出一分力！

不好飲,雜誌介紹!黃金果茶x3:味道好淡,好似飲緊藥水味甘,紅火珍珠一D味都冇,冇口感!馬士革綠茶x1:叫左少甜,少冰,出道黎效果係苦(似水味都冇咁嬲)Double芋頭奶x3:哩柸最正常,不過唔夠凍...飲得慢就會有怪味!(夠凍可以的)但不要一次過買太多柸....其他會等到溶冰!

聽聞話元朗開咗一間新嘅飲品店，幾受歡迎，但實在唔會為咗一杯嘢飲，專程走入元朗。終於佢哋喺旺角都開咗分店，所以趁呢日路過當然要去一試。餐廳鮮黃色嘅主調，喺雨天令人心情開朗起來。驟眼睇以為呢間都係一般台式飲品店，但望返個餐牌，就發現選擇並唔相同。聽店員講，佢哋其中一個最大嘅賣點，係自製珍珠，味道非常多元化。其中一款好吸引嘅係baileys珍珠，所以揀咗杯奶蓋baileys復刻紅茶，甜度同埋冰嘅份量都可以按自己口味選擇，呢次揀咗半糖，少冰。等咗一陣就可以享用到即叫即製嘅飲品，杯上邊有指示教點樣為之最佳享受：首先應該要打開個杯蓋呷一啖奶蓋，享受芝士嘅香味，然後先至用飲管吸啜珍珠同埋紅茶。珍珠嘅味道非常清甜，顏色與一般嘅珍珠有所不同，比較淺色，呢個應該就係自家製嘅魅力，能夠製造出同坊間與別不同嘅產品。由奶蓋嘅鹹香到紅茶嘅清新，繼而係珍珠嘅甜美，呢個三部曲組合獨特，好值得一試。收銀處有賣環保飲管，為保護地球略盡綿力。唔知幾時佢哋會買埋可重用嘅杯呢？

好日都唔行過嚟太子呢邊，之前睇過雜誌介紹元朗手搖飲品呢間鋪頭已經榜上有名，但係元朗對我來講實在太遠啦，今日俾我係太子見到佢喺度喎，即刻衝左入去試!!雖然門口有五至六個人排緊隊但係服務員動作都好快，所以唔使5分鐘就可以落完order等嘢飲啦。門口都有不斷播着之前雜誌訪問嘅片段，見到原來佢哋每一粒珍珠都係每日新鮮人手製嘅，近排呢一啲手搖野飲大行其道，有啲真係幾參差㗎 ，但係見到真係用心手制嘅梗係要支持啦信心保證嘛！每逢見到呢一啲野，我都係會叫有芋頭嘅今次就叫左一個Double芋頭奶，但係見到佢甜到同埋冰都係固定嘅，其實都有少少卻步架，不過見到珍珠都係芋頭味嘅，所以就要一試啦！點知原來OK喎，芋頭奶係由芋頭同鮮奶打成嘅，好濃而且都係飲得出佢冇落人工糖嘅，甜就主要靠芋頭味嘅珍珠調味，我呢一個唔飲甜野嘅人都覺得幾好飲！以後口渴有多一個新選擇啦！

放工經過旺角新世紀廣場附近，見到開左一間台式飲品，店舖裝潢好靚好乾淨，有別於一般台式飲品，遠看已見到搶眼黃色的招牌，而地點亦非常方便，就在新世紀廣場扶手側。一向鍾意試新野既我當然試試看啦！我見門外都吸引了很多食客，幸好店員手腳很快。春風三月出名手做珍珠同即沖茶，我就點了一杯桂花烏龍加桂花珍珠，配搭好特別！我一試愛上，飲得出真材實料，珍珠Q彈，有桂花味，茶的味道亦很清香，很解渴，特別在熱辣辣天氣更加透心涼！我會再幫襯！

旺角站一落到底，就見到黃色「春風三月」門面，好sharp！呢期興飲奶蓋，係台灣仲排哂長龍，趁呢間旺角分店新開，拿拿林嚟飲番杯先😬奶蓋Baileys復刻紅茶 $34 (走冰、無糖)落完order等咗陣，就見到呢杯製成品，好大杯👍🏻呢度係用上新鮮泡嘅茶底，而且見到成個茶包喺入面，好重本！未撈埋d奶之前，試啖茶先，紅茶味清香，同埋走冰杯茶都凍凍地，好飲呀。頂頭嘅奶蓋，奶泡豐富，旁邊加咗少少鹽，面頭灑咗d玫瑰花碎，淨係個奶泡都好滑、帶少少鹹、又有d玫瑰清香；撈埋茶底變成奶茶，呢杯茶真係正！😋😋加上鍾意呢度有得揀，無糖啱晒我，咁樣先至飲到茶嘅鮮味。仲有，呢度啲珍珠好好食，Baileys味珍珠，本身有少少甜，硬度非常好，有咬口得嚟，唔係硬實實果隻感覺，i like it!

由旺角東站走到弼街，遠處已見到一個超級搶眼的黃色招牌，原來是台式茶飲。剛好和老公都好渴所以決定一試。在門口還有派因新張優惠減$5的單張，所以豪爽地點了個貴價飲料。我很少買這些杯裝茶飲，對芝士奶蓋的認識只有在大陸試過而已。點了奶蓋茶後老公問奶蓋是否等於芝士奶蓋，我才發現好像是不同，獨自在失望中。不過，原來這家也是芝士奶蓋，還有濃濃的芝士味，濃稠度剛好。它標榜的是用台灣精選的茶葉，還有一大個冷泡茶包。不過，一大包茶包也佔據了蠻多位置的，以此價錢，略為小杯了一點點。加入玫瑰的綠茶多了一點香甜味，而且自家製的珍珠非常有咬口，看到還有其他特別的味道，例如火龍果、Baileys，令整杯很大眾化飲品多了一點特別。

第一次試飲春風三月，鍾意試新野架我，就揀咗奶蓋Baileys復刻紅茶，似乎都幾有gimmick。芝士奶蓋呢樣野真係百飲不厭，今次加上岩鹽就更加吸引。$34價錢唔算平，但係勝在夠大杯。職員好細心咁樣教我地飲，首先擰開個蓋，先是一啖奶蓋， 再試一啖茶，然後先再攪勻佢。第一啖芝士奶蓋鹹鹹地，仲有少少玫瑰花粉嘅香味，感覺令到芝士奶蓋冇咁油膩。整體來講，紅茶都香，但唔算甘。芝士奶蓋有少少起粒，但係味道好好。Baileys珍珠有Baileys, 非常之煙韌，少硬，唔係太彈牙嗰種，係我鍾意嘅口感。可惜有少少甜所以蓋過左Baileys味，如果冇咁甜就完美喇。

之前成日見到有人post<<春風三月>>既茶已經好想好想試。。。有朋友話我知旺角新開張，所以為咗試一試佢啲珍珠，前兩日一放工就特登過旺角，位置一啲都唔難搵，原來就係新世紀落去金魚街條天橋位附近。唔算多人排，可能今日新開張無乜人知。仲好唔駛排咁耐~叫咗一杯奶蓋Baileys復刻紅茶，珍珠唔會太軟，奶蓋係加咗岩鹽味道好特別。然後望到原來真係成個茶包係個杯入面店員亦好細心詳細介紹話全部珍珠都係手造兼且係冇加任何色素然後。。。今日再去試其他珍珠。。。😂本身想試紅火 。。。點知9點已賣晒。。。轉咗試甘菊金萱烏龍加桂花珍珠🌼真係有桂花㗎🤤期待試埋紅火珍珠同芋頭珍珠🤤🤤🤤🤤🤤

今日行完Moko新世紀出黎，天氣好熱，突然間想飲野，見到有間新開既台式飲品鋪頭做緊優惠，出示優惠卷即減5蚊，就即刻行左埋去睇睇呢間台式飲品賣點係每一杯都係有獨立沖泡，唔似其他台式飲品鋪咁，而且門面都佈置得唔錯。再望一望Menu，可以選擇既飲品都幾多，最我就點左一杯最新既超級珍珠奶茶。大約等左幾分鐘左右，終於拎得，個杯都幾大杯，而且珍珠份量都好充足，味道都唔錯，而且好香，珍珠都好軟熟，當飲到底既時候，真係發現有茶包係杯入面，覺得幾特別，係其他鋪係搵唔到。

春風三月上年喺元朗開店嘅時間我就已經好想試佢嘅baileys珍珠，但元朗真係太遠所以一路冇機會試到。最近得知佢喺旺角開分店，咁啱約咗朋友喺附近就順便去試吓飲品選擇好多，而最吸引嘅當然係唔同口味嘅手作珍珠，而且佢哋用嘅所有材料都係台灣直送［奶蓋baileys復刻紅茶，$34］$34呢個價錢唔算平，但其實佢好大杯，珍珠份量又多，而且最surprising係每一杯係用一個獨立茶包沖泡製成，所以呢份心思同質量都抵返哂杯蓋有一格可以轉開，方便飲個奶蓋，做得好貼心。奶蓋好綿密、企身，咸咸哋又帶奶香紅茶茶湯甘醇香濃，而baileys珍珠既煙韌又帶淡淡whiskey味道，好特別另外值得一提嘅係，店內有賣不銹鋼環保飲管，一set內有齊粗飲管、幼飲管，同埋個刷，小店都出一分力推動環保，抵讚

旺角新開手製珍珠奶茶店春風三月，今日去試試，叫了一杯果茶加手作桂花珍珠，真係用真茶包沖，茶味好濃呢點我最buy, 唔會似一般果茶無茶味，感覺清新好fresh, 桂花珍珠好香，佢有多款味既珍珠選擇，仲有Bailey,Ross, 隻隻都想試, 第一次試咁特別既珍珠, 同出面普通珍珠既味唔同，聽店主講既真正台灣製作，不錯，而家新開仲要減5蚊優惠，下次會試多幾多幾種珍珠, 佢地仲有而家最hot既黑糖珍珠奶茶，見好多人叫，下次會試試。

在元朗已有分店的春風三月已在旺角開業，天氣十分炎熱，要來一杯茶解渴。第一天開張已有幾個人在排隊，最近很喜歡芝士奶蓋，點了奶蓋ｄｏｕｂｌｅ玫瑰花綠茶。先品嚐芝士奶蓋，再吸一淡玫瑰綠茶，咸咸地的芝士很濃厚，玫瑰綠茶用了一個茶包去沖，綠茶味道很濃，帶點玫瑰味道。最後把芝士奶蓋與玫瑰綠茶混合來飲，變成少少奶味的玫瑰綠茶。如果自帶飲筒可獲贈＄５ｃｏｕｐｏｎ。外賣經常浪費很多塑膠餐具，塑膠廢物污染海洋，熱愛潛水的我希望以後繼續有海龜，ｗｈａｌｅｓｈａｒｋ睇。加＄２５買自帶飲筒，一起支持環保。