春茶曉 (已結業)

俾我發掘到呢間超級隱世嘅茶飲店🤩位置真係超隱蔽係一條小巷旁嘅樓梯直上呢間店雖然隱蔽無論外面至內部設計都好有心思綠白色外牆 滿滿花草植物由外至內都係打卡位📸好似處於鬧市裡休閒嘅小角落空間感好大每一樣擺設都係店主設計俾人一種好放鬆好chill嘅感覺☺️主打鮮果茶飲 亦有奶茶/鮮奶/茗茶利用唔同嘅水果打成有時仲會有季節限定間中會供應輕食-暴打檸檬葡萄唔知飲咩好又唔想飲奶店主就推介呢個🍇呢度嘅飲品有微冰/少糖選擇我就揀咗店家調配嘅黃金比例飲落好香葡萄味😍唔係香精糖水！驚喜地有一粒粒堅嘢葡萄係裡面加咗檸檬酸酸甜甜咁茉莉茶茶香慢慢散發🥰成杯嘢好清新😋

地膽友人帶我們品嚐完同一條街的小籠包及鍋貼後，便一同到來，喝一杯和繼續聊天。此Cafe位於街道的盡頭，玻璃窗外的綠意仍可盡收眼簾，和名字很配，室內濔漫着詩情畫意。點這期間限定的葡萄奶緹，最先純粹是被飲品的顏色層次設計所吸引，怎知一喝，竟有驚艷！先喝到是中層的紅葡萄茉莉茶沙冰，頗香甜，再啜飲到聚底的酸酸及爽口的青色提子肉，人的累意頓消，混合一起，口感豐富，酸甜平衡。上層微鹹的芝士奶蓋，泡沫綿密，和紫紅色的中層沙冰及果汁，混在一起，入口又是另一妙趣，這味道和質感設計，不會讓人厭倦，反而會越喝越想飲，真的只需5至10分鐘，已不知不覺喝完一整杯！同行常四出覓食之友人，也點了另一款期間限定，材料主力是青檸及葡萄，評價卻是過酸！心暗忖，點的時候，看到材料，名字又叫得暴打檸檬葡萄，不就是已可估計，味道一定是如此？不過，其表情，又確讓大家滿室笑聲！天色漸沉，又要想想，去那兒吃晚餐了！

呢間就真係真正嘅隱世Cafe啦，位置偏僻到唔係住附近嘅人都未必知有呢間cafe😌😌其實都唔算難搵既，由地鐵站行過嚟都只係10分鐘左右，同埋呢度平時都唔係好多人，靜靜地睇下書寫下野都係唔錯既選擇，環境裝修都唔錯，比到你一種relax嘅感覺，但店外就冇咩特別，始終都係喺巷入面….嘢食方面其實選擇唔多，佢冇任何熟食嘅嘢，蛋糕類都只係得幾種，主要都係嘢飲多🧋叫左杯’肉肉葡萄奶緹’🍇，其實佢係巨峰果肉加沙冰奶蓋，底層係新鮮嘅巨峰果肉跟住提子汁之後沙冰再加奶蓋,做出唔同層次，飲落去好有口感👍🏻之後果杯係’麻薯芋泥奶姫’🥛，雖然佢個麻薯唔係好煙韌，但係佢加左奶凍搭救，幾特別，芋泥方面唔算太多，整體都可以一試既👍🏻最後要介紹果個水果撻，佢個撻皮係香蕉燕麥，無糖低脂😍，然後中間嗰啲係酸奶，加埋一齊食嘅時候我覺得甜到啱啱好，本身自己都唔鍾意食太甜，呢個真係啱啱好，女仔食一流，當減咗肥嫁啦😂😂

係北角返工咁多年都唔知呢頭有間咁chill既茶店襯星期六要返工就同同事去幫襯下一去到門口 就已經畀門牌同埋外邊嘅設計吸引咗入到去裏面發現果然係好適合影相打卡嘅地方每一個角落都係一個打卡影相位本來入到去想飲嗰杯「梔曉」但可惜冇原材料所以冇得飲唯有試另一杯「紅柚見」叫得「紅柚見」就知道入面一定有紅肉西柚杯入面既西柚肉勁多而且一啲都唔會苦鍾意食西柚既人就好岩飲呢杯「紅柚見」而同事就要左杯「 麻糬栗子蓉奶姬」本來杯野飲係用芋泥做既而且係用本地芋頭但因為冬天既關係有Special Edition係用栗子做再加上牛奶及忌廉打成栗子蓉幼滑綿密而中層就有自製煙韌既麻糬奶油包可以好肯定講麻糬肯定係即製因為同事叫完之後要等5分鐘先有野飲拎到既時候下面仲係熱辣辣既同事話杯野飲唔會太膩而且甜度適中價錢方面係比平日既飲品店貴左少少但睇個環境係絕對值得既

係openrice搵食店 咁岩無意中俾我發現左依間不起眼既小店 位置上 真係好唔起眼🤣 係角尾既一角 隔離就係一條唔知上邊度既長樓梯 唔係咁岩行過/專登搵 真係唔會發現到依間小店。 正正因為唔起眼，所以中午12點食飯時間都冇乜人 ，提供左一個寧靜既小角落俾人安靜下☺️雖說係小店，但打卡位都比想像中多 。店舖以健康茶飲為主打 都有提供少量既輕食 今次就叫左金橘百香（$35） 即叫即整 夠哂fresh 等左一陣就有 飲品都好足料 睇到入面係滿滿既果肉 入口係清新既金橘味 加上健康既百香果肉同金橘肉 成件事又唔酸又好清新 飲飲下好快就飲哂😂 睇到原來入面加埋青檸落去 職員好有禮貌 係度悠閑咁渡過一日絕對係一件美好既事🥰🥰

個個位都係打卡位嘅cafe🥰~~~~~~~~~~~~~~係北角諗住飲下嘢，點知俾我search到呢間咁靚嘅cafe，cafe個位都幾隱蔽，如果唔係特登search都未必揾到😂一去到已經見到有好多植物係門口，好靚❤️入到去都有好多植物嘅擺設，令人覺得好chill好relax，而且可能位置較隱蔽，所以唔係太多人，好適合同朋友坐下傾下偈，環境一流！同朋友叫咗兩杯嘢飲，兩杯都好好飲，好足料，奶蓋亦好好味😍如果再去北角一定會再嚟！-香水檸檬($35)-微醉肉肉葡萄($45)

一條小巷長樓梯直上，與大街相隔，有大隱隱於市的感覺。店內設計獨特清新，環境亦乾淨舒服，有好多花花草草，好relax。同大街上人頭湧湧的coffee shop唔同，真心可以同朋友靜靜地傾下計，享受片刻的慵懶和寧靜。月亮燈勁靚，打卡一流。同朋友點左2杯飲品 - 桃芝夭夭 + 麻薯芋泥奶姬，之後坐在另一邊的落地玻璃吧台前閒聊。桃芝夭夭 - 有豐富的桃汁和桃肉，清新唔會太甜。奶蓋亦夠厚身帶咸味，唔會太膩。麻薯芋泥奶姬 – 奶味香濃，唔似奶粉即沖。杯內勁足料，有芋泥和彩色珍珠，Cream上又有少量碎咸果仁吊味，勁飽肚。老闆娘好好人，推介我地下次試下鳳梨輕咖。不知不覺就坐到入黑~ ~

北角堡壘街呢條內街最近係街尾開咗間小清新嘅cafe，位置都幾隱蔽下，係小巷樓梯上面，如果唔係街坊或者附近學生都未必會發現😂呢度環境好chill令人好放鬆，有唔少乾花同植物擺設，空間好寬敞，分開唔同位置，因為位置唔就腳，呢日星期日冇乜人可以慢慢坐。呢度雖然係cafe嘅格局，不過主打各類新鮮水果茶飲🍹，聽講遲啲仲會供應小食同蛋糕，之後就可以飲啖茶食件餅放鬆下。紅妝荔枝其中一款夏日限定款式，用荔枝做主打，配以西瓜綠茶同茶凍。見到嘢飲非常足料😗😗入面有好多新鮮嘅荔枝果肉，加埋粒粒茶凍，飲落口感豐富味道好清新😋人均消費：$40推介指數（10分為滿分）：8分

天氣好熱，之前成日經過這間新店好想試。今日突然有空，特登行去買外賣。地方有點偏。叫咗杯lychee 乜乜，超級新鮮好味呀😋😋😋 店員有禮，氣氛一流。下次一定再去

我和我朋友在北角遊走，但夏天實在太熱了，想搵一個輕鬆的地方，巧合地見到這個充滿這文青的小店。店面好似外國的店鋪，一去到店內，每一角落都充滿藝術文化，坐位都寬闊，唔會覺得唔舒服。之後我地點了香水檸檬🍋和夏黑夏至🍇。真係好好飲，好有水果味，又有茶味。香水檸檬🍋酸酸甜甜， 好啱夏天飲。夏黑夏至🍇真心推介，雖然係沙冰，但好似食緊啖啖水果。飲完都唔會好口渴，好自然，好好飲👍🏼👍🏼見到佢地真係用真水果尼整，誠意十足，真心推介這一間小店。

“鳳梨莓莓”($40)北角堡壘街新開咗間茶飲店🥰店舖位置比較隱蔽,要行上一條長樓梯先到因為舖頭用上大量花草盆栽嚟裝飾🪴一推門入去已經覺得好relax☺完全唔會覺得自己置身於北角呢個鬧市中😆飲品款式大概分成鮮果清茶,奶茶同茗茶🧋叫咗呢杯有芝士奶蓋嘅鳳梨莓莓🍍🍓入面真係超多菠蘿肉😍夾埋士多啤梨酸酸甜甜咁好fresh☺奶蓋都做得夠厚身😋得閒嚟hea一個下晝都唔錯😝

之前去完行山，返到屋企附近都仲係想搵啲解渴既台式飲品消消暑。打開“開飯”咁o岩見到開左間裝修都幾唯美既飲品鋪。相信開鋪無耐吾多人知所致，嗰日去到我哋包場咁，如果係打咭人士置身響咁優美又闊落既環確實“非常好影”，由於同區某人氣飲品鋪頭都結業易左手，所以都希望呢間有心做既飲品鋪愈來愈生意興隆。飲品方面，嗰日原本職員係推薦我飲檸檬嗰杯，可惜同日我已經響另1家茶舍飲左杯檸檬沙冰，所以對取名為“夏黑夏至”既飲品特別好奇。平日飲野都有少甜既習慣，印象中嗰日響無點少甜既情況下杯沙冰都吾會好甜，提子味好出，飲得出係靚生果整，酸酸甜甜咁，冰凍度都好夠。連愛較真既先生嗰日試飲完都無話可說就知好飲！ 😆🤭😜打算第日試埋其他再黎補評。

Lunch後想飲一杯台式飲品，就隨意找找，走到街道的盡頭就看到小店。走進店舖，就有很多植物佈置，感覺十分清新。飲品相當不錯，我點了一杯芒果熱情果加麻薯波波（走甜），當中有半個芒果肉、少少熱情果肉，甜度適中。值得再去！

新開嘅位於北角嘅飲品鋪，首先間鋪嘅設計好靚，老闆話係佢親自設計嘅,真係好勁,又識整茶又識設計,鋪頭面積好大，位置唔多嘅，所以有好多打卡位，有植物，日落燈，又有花藝師設計嘅植物，好適合放假嚟hea時間~鳳梨莓莓好好飲，見到有雪櫃裝住d水果,老闆話d水果茶全部都係新鮮水果即整嘅，嗌左正常甜度真係正常甜，有士多啤梨味又有鳳梨味滿足晒中意尼兩款水果嘅我，同埋本身飲其他鋪頭既芝士果茶到最後我都會飲唔晒，但尼杯鳳梨莓莓我好快飲晒了，一d都唔會太甜！

開張第一日就嚟左，裝潢設計很漂亮。對於堡壘街街坊嚟講多左一個relax的地方。香水檸檬酸酸甜甜，夏天非常解渴。千層蛋糕唔算好甜。唯一係太多植物，搞到似花店咁。🤣