春茶曉 (已結業)

一條小巷長樓梯直上，與大街相隔，有大隱隱於市的感覺。店內設計獨特清新，環境亦乾淨舒服，有好多花花草草，好relax。同大街上人頭湧湧的coffee shop唔同，真心可以同朋友靜靜地傾下計，享受片刻的慵懶和寧靜。月亮燈勁靚，打卡一流。同朋友點左2杯飲品 - 桃芝夭夭 + 麻薯芋泥奶姬，之後坐在另一邊的落地玻璃吧台前閒聊。桃芝夭夭 - 有豐富的桃汁和桃肉，清新唔會太甜。奶蓋亦夠厚身帶咸味，唔會太膩。麻薯芋泥奶姬 – 奶味香濃，唔似奶粉即沖。杯內勁足料，有芋泥和彩色珍珠，Cream上又有少量碎咸果仁吊味，勁飽肚。老闆娘好好人，推介我地下次試下鳳梨輕咖。不知不覺就坐到入黑~ ~