春水堂人文茶館 (創紀之城五期(apm))

营业中

休息中

早數天去了APM吃午飯，大約11:30左右到達春水堂。已經開始有少量排隊。不用等太久便進了餐廳進食。點了麻辣牛腩面，奶茶和豬肚小吃。味道出乎意料之外好。面質地不錯，豬肚/腸份量十足（如图），口感很地道。一定會再回去。

珍珠鐵觀音雪糕吐司$ 58去到春水堂除吃食滷肉飯、鹽酥雞、牛肉麵、珍珠奶茶曾其實仲有好多甜品揀㗎！今次叫咗呢個toast，表面有好多珍珠仲有一大pat cream，呢個combination好難唔好食！啲珍珠真係好好好好味呀，夠晒煙銀！個雪糕係鐵觀音味，茶味都幾香濃，茶味嘅話又唔會太甜。個吐司有烘過，食落好香脆，卜卜脆真係好正啊。一齊食好好味，推介推介〜呢度嘅位置都好方便，坐得好舒服，推介大家都嚟！！！

平時肯定排曬隊，今日我十二點二去到，條隊難得只係三個人，立即跑步仆去排，難得等了約三分鐘就入去了。叫咗麻辣牛肉麵、鐵觀音奶茶。麻辣方面就不算好有辣味，可能我平時嗜辣。牛肉半筋半腩，驚喜在牛腩好稔好稔，完全唔痴牙！！我平時係一個成日攝野入牙隙的人，食橙食麵包都攝，春水堂個牛腩，竟然唔攝！好surprise！食完牙簽都唔洗拎！牛筋亦稔，味道很香。鐵觀音奶茶唔漏，既有奶香，也不蓋掉茶香。埋單有加一124元，日日食話就好貴嘅，但偶爾食加上食物質素好來說，其實抵！

今日同朋友行apm，見到平日排晒長龍嘅春水堂竟然唔使排隊。我其實仲未有機會上到呢間餐廳，於是我地就入左去食tea。一入到去見到餐牌都有好多選擇，肚餓想叫餸食飯食麵又得，叫小食又得（大多都係炸野），仲可以叫埋甜品、台式飲品，我諗無人會唔like嘅～不過個珍珠招牌紅茶雪糕吐司係值得試下😇 佢用排包做底，唔會好膩。而且佢個cream同紅茶漿都好香，特別要讚嘅係個cream好有空氣感，唔會好易溶，睇得出係心機貨！可惜，啲珍珠有點頂胃🤣同朋友坐低吹下水，真係幾舒服架！

星期六過咗lunch時間都仲係勁多人排隊🤭排咗超過30分鐘，終於入到去！！佢話無限時坐，於是我都坐低係入面等朋友，都幾好！staff都幾nice 正餐叫咗鹽酥雞，紅燒牛肉麵，芋米糕同功夫麵！最正係功夫麵🤣簡單但係好食！牛肉麵令人有啲失望🙈啲麵林哂同個湯嘅味道吾係好出...下次未必會再揀！小食都唔算好特別，所以就麻麻🤣🤣反而甜品食完都繼續令我日諗夜諗🤣黑糖珍珠鐵觀音雪糕多士 😍😍😍真係好好食！好似分子料理禁🤣😂啲野一齊食就變咗珍珠奶茶🥤雖然鐵觀音雪糕個味唔出，但都已經可以比足95分！！！

呢間唔使小編多講，係台灣好岀名嘅過江龍🤤之前喺台灣食過，好似話啲珍珠奶茶係最出名，係真係幾正，反而係香港冇飲過佢啲珍珠奶茶，怕肥呀😟台灣菜黎講佢都真係算幾貴下，同阿元來了嗰啲相比，淨係嗌一個便當都差唔多等於人地3-4道小食😳不過食物質素都對得住佢個價錢，再加埋裝修同埋舒適感都接受到個價🥳.🍱豬手魯肉便當個便當有四個格，有兩個格係菜同菇類，跟住就係豬手同埋魯肉飯🤪豬手好淋好入味，絕對唔會好難咬，全部都係筋個種，有3-4舊，份量都幾多😋略嫌啲魯肉太少，唔夠送飯😫.🍱牛骨濃湯牛肉麵嗰日已經食咗好多煎炸野，所以叫咗個清湯，不過之前都食過紅燒個款，湯底真係要讚，我係咁飲😂牛肉都好好食，不過如果可以厚切啲啲就好，太薄滿足唔到我😫不過整體黎講，台灣好多街邊舖都做到呢種水準🤫.🍽味道: 3/5🏙環境: 4/5‍👨🏼‍🍳服務: 4/5💧衛生: 3.5/5💰價錢: 2/5

經過好多次 都好多人排隊媽媽講過好多次想試今晚終於的起心肝排隊排咗大概半個鐘左右就入到去食了叫咗個豬手便當嚟share又唔係唔好食嘅但係就有d overprice成100蚊個呢d台式便當都不過不失由於太多地方嘅酥雞都好好食佢真係無乜特別喇我同媽媽都好鍾意個芋米糕有d似羅白糕呢個就好奇怪 都唔係坊間一般嘅奶黃無蛋黃味 好甜 甜得嚟真係好奇怪好鍾意飲呢d湯呢個都好飲嘅 有啲藥材味不過飲唔到、見唔到當歸成70蚊個 都好貴下媽媽唔食甜野 但又好堅持要叫甜品我見有好多好評但就覺得好普通 可能淋埋黑糖好食d？我哋就只係拎嚟點

今次同個老表仔去咗apm 試下呢間台灣嘢排隊排咗一陣已經有位喇 入到去感覺裝修唔錯 環境舒服同埋乾淨我哋兩個人叫咗三樣嘢兩杯嘢飲滷肉飯 小碗 ～ 色澤唔係太深但係味度都香濃，如果可以多啲肉汁就好喇紅燒牛肉麵 推介之選 牛肉非常嫩同埋琳 湯底 好重牛肉味 但又唔會過濃味 食每一啖面飲少少湯非常之正鹽酥雞～ 合格 雞塊好juicy得來外表好鬆軟紅豆珍珠奶茶～ 我覺得紅豆配奶真係一絕再加少少茶 甜而不膩愛玉檸檬綠茶～ 檸檬加綠茶感覺好新鮮但係略為偏甜甜 有啲愛玉係入面好似啫喱咁 唔錯成餐飯整體感覺都非常之好 對於我嚟講，當然價錢係偏貴啦 二百幾蚊食個lunch

有野做出觀塘順便搵下附近有咩食🙆‍♀️見到呢間台式餐廳幾吸引👉我地1140左右到👣5洗排隊魯肉飯(細)🍚半肥瘦豬肉加肉鬆原來咁夾💕 本身唔係咁鍾意食肥豬肉既我😨覺得唔油膩不特止仲幾惹味👅美中不足既係啲餸唔夠多😒😒😒食到尾得番白飯☠紅燒牛肉麵🐮🐂🍲湯底濃郁，用左幼麵都幾彈牙。不過牛肉就略為普通。冇太大驚喜☻👻👑鐵觀音珍珠奶茶珍珠係偏細粒但都幾有咬口💖茶底好出，完全係我杯茶😬推介珍珠紅豆鮮奶茶呢杯落單時店員溫馨提示製作時間會比較耐，有啲似紅豆冰加珍珠👿小提示: 我地食完大約12點零已經好多人排隊，如果平日你有興趣黎食，建議早啲或過放飯時間先😎

APM店可以係屋企打電話去落order，再預時間落去攞😀👍🏼外賣自取，唔洗加一。珍珠奶茶｜$29叫得「珍珠奶茶始創店」，當然有一定水準，不過口味偏甜，微糖都幾甜。魯肉飯（小碗）｜28上面有魯肉，冬菇粒同肉鬆。今次魯肉份量幾多，但無乜肥肉，肉質略嫌乾身。好彩既話，豬肉半肥瘦煙煙韌韌就再好食d。黃金香酥雞｜$48鹽酥雞每次都會新鮮炸，拎到返屋企都重脆脆地。雖然味道同台灣春水堂係有一段距離，價錢都唔平，但一百蚊鬆d買到台灣風味，加上餐廳位置就腳，都係會令我keep住幫襯。

同事話我知透過openRice Apps 買春水堂唔使排隊，慳返好多時間。果然真係快、靚、正。本來我淨係想點茉香奶茶，但同事極力推介一定要加珍珠，所以點了兩杯，分別係茉香奶茶和珍珠茉香奶茶。同事就點了珍珠茉香奶茶。春水堂準時預備好我哋呢三杯嘢飲。我決定同一時間飲兩杯，睇吓味道分別大唔大。結果發現，茉香奶茶真係要加珍珠，味道係好唔同，令到成杯飲品昇華。有珍珠，會有古早味嘅焦糖香，同杯奶茶超級夾。加上珍珠做得彈牙，所以平時我唔鍾意食珍珠今次我都食晒。同事果然冇介紹錯。今後會繼續用Openrice 訂春水堂，仲一定會加珍珠！！ ！

鐵觀音珍珠奶茶茶味夠濃，正！便當份量好夠，女仔會食唔曬。今次我食鯛魚腩，啲汁加埋芝麻混落珍珠米食，係感受到口腔內有種香味的！唔好嘅係叫外賣時喺system 明明揀咗唔要餐具，但又比咗🙈

每次一想飲台式珍珠奶茶，就好自然地覺得要行入去🚶‍♀️《春水堂》。但係勢估唔到，係APM已經開左成年既佢，都仲係要排隊……《春水堂》係黎自台中🇹🇼的一間連鎖茶餐廳， 主要賣珍珠奶茶及泡沫紅茶等等既茶飲，可能你會話台式飲品而家周街都係啦❗有咩特別⁉️💓 我的最愛－鐵觀音珍珠奶茶：🙎‍♀️十分之喜愛🤭茶香好出🤤，令到你唔覺得珍奶飲落好漏，D珍珠好煙韌，唔會出現咬落覺得硬既情況。就係咁PERFECT❗💓半筋半肉蕃茄牛肉麵：蕃茄湯底好濃郁，用落唔會覺得加左味精，所以你會不停地想飲多幾啖。麵佢就用左扁麵，食落都幾彈牙，口感十足，半斤半腩嘅牛肉，分量岩岩好。野食同野飲既質素都真係幾好，所以又解釋左點解佢成日都要排隊🥴❗疫情關係，見到而家野食野飲都可以外賣啦😆♥️仲好有愛，每枱都送返個口罩套俾食客♥️

差唔多每個月都會食一至兩次，通常都係外賣，但今次質素真係差好遠，如果幫襯都係揀返堂食好啲。麻辣牛肉麵個味同之前無乜分別嘅，不過佢嘅牛肉同埋牛筋就真係食到我眼都突埋。啲牛肉好瘦，瘦到咬完係有渣，唔想呑落肚；牛筋之前會有2至3舊，今次就得一舊。94蚊一碗麵完全唔應該係呢個質素，食到好嬲，呢個質素最多$40都真係比多佢！其實外賣叫春水堂，好大程度上係因為佢個杯鐵觀音珍珠奶茶，不過連飲筒都唔記得比，真係好失望!!!!!!!!要人點樣唔飲筒飲珍珠奶茶!!!!!

平日嘅下午，開完會時午飯時間已過，之前試過兩次去春水堂都要排好耐隊放棄左，今次撞啱過左lunch hour 又未到食tea時間又去望下！實在太開心啦！唔駛排隊立即入去食 ！  🍗黃金香酥雞 🍗$49 好香，好酥炸，粒粒雞啖啖肉唔油！好味呀！🍄 鹽酥杏飽菇🍄 $38 第一次食比想像中咸左小小，杏飽菇切左粒仲好有咬口！🎂珍珠熔岩蛋糕 🎂$58呢個蛋糕先係我地嘅主菜！D cream 好滑配埋粒粒珍珠唔食飯都要食呢個蛋糕！蛋糕軟熟唔太甜，正！🍵珍珠紅茶🍵 $29 冇得彈嘅茶飲！食得好開心