春嬌越南河

营业中

休息中

今次行到銅鑼灣市區嘅外圍，發現都有好多嘢食，可能因為租金冇咁貴，嘢食價錢都相對比較合理！第一次喺越南店度打邊爐， 見兩人只係需要$138就食到，梗係要試吓😋呢一間舖都好友越式嘅感覺，幾有設計感。火鍋嘅材料係佢定嘅，食材有熊本一口牛、手切牛肉、漿爆牛丸等等。而湯底就係平時越南湯麵嘅湯底~見唔見到啲一口牛雪花嘅紋路好靚，食落口都好軟身😚串燒可以任意揀要咩肉，我哋就豬牛雞各叫一串~最重要係佢後面嘅沙嗲醬!!!簡直就係提升晒串燒嘅味道，仲要可以見到佢份量非常多~仲有好多花生粒喺入邊，我食火鍋都點一點佢🤣🤣馬拉盞炒通菜嘅蒜蓉味好香！以為佢會辣點知唔會🤪打邊爐一定要叫嘢飲，所以叫咗椰汁冰，比起平時飲開嘅椰汁冰甜味冇咁多，椰味更加出😯店員嘅服務非常友善，食晒所有嘢之後仲有椰汁紫米露送💕好豐富咁作結！

抵食二人邊爐，姐姐服務好好😚——春嬌頂級鮮氣火鍋 ($168; 二人份量)叫咗牛骨湯底，加$18可以轉冬陰功湯底。牛骨湯底好正，慶幸自己冇轉到😂好香好鮮甜，打邊爐一流☺️.如圖所見，邊爐嘅料就係咁多，個人覺得兩個人食，要叫啲小食同野飲就夠飽。如果大食或者好肚餓，可以加點邊爐配料。.最好食係帆立貝😍煮熟縮咗水都仲幾大粒下！鮮甜美味😋手切牛肉同一口牛都唔錯。佢個濛粉都好好食，索嗮啲牛骨湯👍🏻其他配料就正正常常冇特別冇驚喜。蝦滑同蝦都唔太彈牙，少失望....越南春卷($34)外皮好脆，再包埋生菜一齊食，索索聲👌.椰青($38)好正！由大個又清甜😋不夠椰肉有啲老。.不得不說佢個爐好慢...其實唔係爐，佢係一罐細細個，以前食吉邊嗰種燃料罐😂煲極都唔滾，好慢熱下呢😖學杜生話齋要換過個爐佢🤨.——📍春嬌銅鑼灣加路連山道9A號地舖.

囡囡幾日冇出過街，來到weekend同佢食咗個幾豐富既lunch🍽️🍽️。去咗銅鑼灣嘅春嬌🥢，第一次嚟感覺唔錯喎， 首先坐得舒服，餐廳佈置有心思，很有越南風情。店員姐姐每位都幾nice，不斷介紹適合小朋友的菜色。食物味道幾正宗，價錢又大眾化，免加一，有驚喜。囡囡食香茅雞翼荷包蛋飯（$57），配杯凍龍眼水🥤（＋$2）真開心👍👍我就每次都越南餐廳都會試下佢嘅生牛肉河粉（$57），河粉夠滑，牛肉嘅份量都幾多，最重要係湯底系濃郁嘅牛肉味😋另外再叫多個生蝦刺身🍤（$58），同牛肉串燒🍢（$42/3串），非常滿足。

銅鑼灣區美食林立, 每次搵食我都有選擇困難症, 今次來到位於加路連山道既春嬌食越南菜。店舖牆身掛上多種越式擺設, 裝修得充滿越南風情。餐廳係採用手機掃QR CODE自助落單, 操作方便簡單。咖哩香茅豬扒飯 $58 - 豬扒是薄切, 醃得好入味, 而且已切好, 方便客人食用, 咖哩汁夠香濃, 撈飯食一流。- 餐飲配了 熱龍眼水, 很清甜, 解喝潤喉。雞絲扎肉撈檬 $52 - 雞絲乾身, 配上清爽既青瓜及紅蘿蔔絲, 再加魚露同食, 口感及層次好豐富。- 餐飲選擇了 熱茉莉花茶走甜, 雖是用茶包沖的, 但茉莉花味濃, 食完濃味既越南菜, 再呷一口茉莉花茶, 感覺口腔清新舒服。網紙蝦春卷 (4件) $36 - 反而令我有點失望, 春卷雖炸得香口, 但入口略嫌太油 。

視察考路試既路後，係附近醫肚。加路連山道呢帶好多食店，見好想念越南菜就入店內食食。越南火鍋 做梗減價$138牛三寶：有牛肉片，牛肉糕同牛丸。其他仲有白蘿蔔，蝦，白菇，蕃茄，豆腐，檬粉同粟米。兩個人食都幾夠，特色係個帽子火鍋超有新鮮感。最正就係個湯底，真係越南牛河個湯底。。我地仲點左兩款小食，網蝦春卷同埋蝦餅，份量同味道都唔錯。最後餐廳更送上糖水，係紫米露很yummy餐廳裝飾好靚好地道，員工親切有禮。

我去過越南多次，品嘗過越南不同的美食，但越南打邊鑼，我還是第一次嘗試，朋友推薦銅鑼灣春嬌正宗越南餐廳。餐廳裝修得幾有越南風格，墻上掛有越南畫及擺設。三重牛魔王火鍋：食料有手切牛肉、熊本一口和牛粒、醬爆貢丸、菇、蘿蔔、蕃茄、豆腐和栗米等，牛骨湯底是用牛骨、蝦米及多種香料熬製成的，口感鮮甜，熊本一口和牛粒，油脂分布均勻，牛香味十足，口感豐富，齒夾留香，蔬菜也相當新鮮。越式小食春嬌豬肉粉包：面頭酒滿葱油好香，粉包夠薄好滑，點酸甜醬幾開胃。馬拉盞炒通菜：馬拉版蝦醬鹹香帶點微辣夠水準。飲品咸檸七：甜中帶咸潤喉。總體感覺不錯，無論是服務、食材、口味、性價比，值得一試。

天氣轉冷，周末去銅鑼灣時代廣場shopping 逛街，突然好想吃火鍋，朋友提議去銅鑼灣加路連山道9號地鋪春嬌吃越式火鍋。火鍋經常吃，但越式火鍋是第一次嘗試。春嬌頂級鮮氣火鍋牛骨湯底，如仲意冬陰功湯底加$18蚊就Ok啦。火鍋料有：大蝦、牛肉、熊本一口和牛、醬爆貢丸、菇、蘿蔔、蕃茄、豆腐和栗米等幾多料嘅。牛骨湯底清而不濁，食材新鮮鮮，最好味的是牛肉，肉質嫩腍，夠牛肉味，貢丸彈牙。越式小食綱紙蝦春卷：鬆脆香口。飲嘢$38蚊一個椰青啱曬了與火鍋是絕配下火。服務員也非常熱情有禮，整體感覺好暖心！

星期六經過銅鑼灣，去完Time Square 逛逛，差不吾多到lunch時間，諗住去Times Square後邊的小街發掘好嘢食。點知俾我哋見到有間新開嘅越南餐廳，價錢樽唔錯添。．入去覺得裝修好整齊，同埋好耐冇旅行想食下久違了嘅越南餐。其實lunch set真係好抵，有多款飲品選擇😋我哋叫咗椰汁冰同埋綠茶，大杯又解渴🍹《生牛肉河粉》其實個牛肉河粉好大碗，除了個河粉真係好滑好幼細，好似係越南食緊咁，值得推介。其實個湯底好有層次感，好多料，裏面有好多洋蔥痛紫蘇葉，正😌《扎肉湯河》有好多扎肉喺湯面，同樣用料十足，最緊要果粉好幼細好滑，湯底有好多越南嘅herbs , 食落大大碗，感覺好滿足。豬肉鬆粉包非常飽肚，用料十足絕無欺埸，如果個皮簿d更好炸蝦餅個人非常喜歡食蝦餅，這個菜式個人非常推介，好有蝦味

Can u believe a seafood pot for two for just $168?With the scallop and beef from japanI am just amazed by the portion when servedIt covered the entire tableLove the scallop It’s fresh with very firm flesh Shrimp balls are spongy and full of umamiFeel free to add the spice provided There are a number of choice and I love the garlic spicy flavour A little bonus at the end with free Black glutinous rice coconut sweet soupJust perfect to wrap up the night

越南嘢食得多 越式火鍋你又食過未😂 話說今日行過銅鑼灣 見到呢間越南餐廳門口大大個牌話有火鍋食🙈 見到個帽子火鍋好吸引 天氣又凍凍地 不如又試試咩玩法😏.▪️春嬌頂級鮮氣火鍋$168火鍋既Setting係2人份量，材料包括：日本帆立貝、新鮮虎蝦、手切牛肉、熊本一口牛、醬爆牛丸、彈牙蝦滑。除左以上食物 原來仲有白蘿蔔、豆腐、蕃茄、粟米。一上碟已經見到成頂帽咁既火鍋 ，側邊放滿左火鍋料，中間就係打邊爐既湯底😋 食材新鮮又多料 以呢個價黎講仲抵食過吉xx食火鍋（當然要有2個人Share) 另外牛肉好正 可能係越南餐廳 平時整開生牛肉河 所以牛肉質素都好好👍🏻.▪️越式炸春卷$34 食完火鍋叫返個炸野食下 擇左春卷 果然無失望。脆口又多料，4大件3x蚊 合理價錢。.其實餐廳好似主打食越南河 不過我又中意試新野😂下次正正式式嚟食碗河粉先得😋

火鍋（$138）十埋個碗出去粉，尼個價錢一般般呀、個炸春卷皮脆芋泥餡料好味道呀、個玻璃蝦（$58）有6只、點埋醬汁、個味道唔錯架、甜品紫米露糖水都唔錯如果加少少水就更好

越南菜通常都係生牛肉河粉，米紙卷，但越式火鍋唔知大家又試過未呢？今次黎到銅記，搵到間越南鋪食，佢有個帽子火鍋都幾特別。呢間店係用手機落單，幾方便。係個火鍋黎之前，叫左份手撕雞食下先，麻醬同青瓜感覺好清新，多埋芝麻，啲雞肉一絲一絲好正。呢個帽子火鍋特別在啲食材已經圍繞住個湯鍋，只要一水滾就可以一野轟佢地落個湯鍋度，就咁睇呢個份量都好多。我地仲叫埋咖哩牛腩，連埋薄餅，啲咖哩椰香味濃，點埋薄餅吸哂啲咖哩汁，一啖啪入口，呢種味覺衝擊真係咪話唔過癮。幪粉臨尾落湯鍋，煮熟左之後我仲溝埋咖哩汁，有另一翻風味。呢度啲飲品都唔錯，可以一試。食完個火鍋，過下癮都唔錯，無諗到越式火鍋原來都幾得意，下次黎又再食過先。

餐廳有唔少越南出名嘅小食 同湯粉麵三重牛魔王火鍋 牛骨湯底 $138咁帽子火鍋就係 中間係湯 鍋邊就係配料 咁配料都幾多 有鮮蝦 牛丸 蘿蔔 豆腐 牛肉 菇同粟米 湯底係牛骨湯 算係比較清嘅湯底 好合我口味 牛肉既質素都唔錯 有牛味 又唔多筋 但份量唔算多 牛丸就比想像中好食 彈牙又多汁 其他嘅配料都正常 火鍋有跟一碗檬粉 整體來講覺得份量偏小 但味道唔差玻璃生蝦(6隻) $58生蝦幾新鮮 蝦肉幾爽口 醬汁係辣中帶麻 食完覺得幾開胃 網紙蝦春卷 $36外皮炸得香脆 又唔會好油 裏面餡料有香芋同蔬菜 整體味道好夾 點埋泰式辣醬嘅話就令到味道更加有層次六點過後需要加一服務費

禮拜五晚收工去咗銅鑼灣行街，見到呢間越南菜鋪頭裝修幾有特色，相信味道應該幾正宗，所以就入咗去一探究竟😆鴛鴦春卷撈檬 （7/10）撈檬係我每次去食泰國菜都會嗌嘅野食，除咗我真係好鍾意食之外，仲因為佢煮法簡單，好少中伏，安全之選🙊。而呢間餐廳嘅撈檬水準正常，值得一讚嘅係春卷夠熱夠脆☺️香茅雞翼金邊粉 （7.5/10）同撈檬一樣，呢間嘅湯金邊粉不過不失。而雞翼真係好出色，雞翼係岩岩煮好，層皮微炸到脆脆地，肉質多汁同幾嫩下，值得推薦😆珍多冰 （3/10）珍多冰係出乎意料地失望，太甜同埋好重陣椰漿味，絕對唔值得加錢飲🙅🏻‍♂️泰式生蝦 （7.5/10）生蝦都幾爽口，絕無半點腥味，配上辣椒同蒜頭一齊食真係無得輸☺️唯一要彈嘅係呢間餐廳嘅辣椒真係好辣，要自己清理一下嘅辣椒籽再食會更好🙊紫米露 （7.5/10）紫米露係餐廳免費送嘅，枱枱都有。雖然係免費，但絕對無偷工減料，足料之餘味道仲幾好😋———————😋味道：7/10🤵🏻服務：7.5/10💰抵食：7.5/10⏳排隊時間：0分鐘

今日嚟到銅鑼灣尋寶呢呢條街都幾多食肆嘅今日就試下一個我未試過嘅越式火鍋啦都幾特別佢嗰啲餸呢係放喺外圍嘅 冬天就真係要試下個火鍋啦好新鮮呀越南吳火鍋第一次食今日叫咗個168蚊嘅春嬌頂級鮮氣火鍋 湯底好鮮甜 應該用新鮮牛骨呢牛仔嘅如果鍾意食辣嘅朋友就可以揀冬陰功湯底 有兩隻好大嘅扇貝 牛肉同埋 牛肉粒 仲有蝦膠 好抵食呀.真係暖笠笠呀 冬天啱曬另外叫咗一個越式蝦餅做小食配埋個甜酸醬真係好開胃 嘢飲呢我就叫咗個大嘅新鮮椰青 嘩真係好大個呀好抵佢仲要幫我開埋飲完之後仲可以掛埋裏面啲嘢肉嚟食添 鋪頭裝修感覺乾淨店員都發十分親切有禮嘅 我覺得好舒服