春嬌越南河

营业中

休息中

新一年既連假當然要出去放鬆下自己啦😚黎到銅鑼灣醫肚仔，一於去呢間bookmark左一段時間既新開越南餐廳試試佢🍴！😋✨洋蔥豬扒脆豬豬配烤牛肉湯檬（$42）加煎蛋🍳（$8）首先會見到洋蔥🧅、蒜片，羅勒同青檸舖面，湯底清甜，煎蛋🍳富有蛋香。烤牛肉係肉碎黎既，唔好睇相以為得好少，但其實只係比啲湯浸住左😙味道甜甜地，有時咬到筋位，不過一啲都唔難咬，仲增加左口感，配埋檬粉，食指大開！Fill Size豬扒包🐽有手掌咁大✋🏻，脆豬內塗滿牛油🧈。烤得香脆不再話下，豬扒好大塊，躺在生菜上，肥瘦適中，清甜味美既洋蔥汁去除左油膩感，啖啖滿足😙☕️熱越南咖啡（$8）真 係 好 濃❗️發現越式咖啡要落多啲煉奶先至好飲，因為咖啡偏酸，甜煉奶可以降低酸度，令到咖啡易入口，同時保留風味😙杯咖啡啱曬平時返工提晨飲，可惜嗰日放假，然後晚黑瞓唔着了😹

成日食西、中餐，今次點都要試吓越式湯粉店舖佈置好似越南嘅傳統風格，細細間舖親民嘅感覺✨香茅豬扒蔥油飯大大塊嘅即炸豬扒配合左香茅嘅風味果然係粵式嘅味道再配埋個蔥油打底更加香味濃郁配白飯，中和油膩感如果多番少少汁簡直係Perfect✨春嬌火車頭湯粉越式最鍾意食就係湯河，尤其是火車頭湯河，裏面份量又多材料亦豐富，牛丸、生熟牛肉。重點推介係有兩塊好厚嘅花膠喺裏面，確實唔客氣真係好足料，熬製嘅牛骨湯底好好味✨越式香茅雞翼即炸雞翼好香脆肉質嫩滑，會查埋香脆炸蒜片同香茅，味道特別提升✨椰青食得越式湯麵點唔少得要配個椰青，午餐只需要加$32就可以飲到一杯清甜透心涼嘅椰青水啦

唔少香港人都鍾意食越南嘢，貪其香料夠清新又唔油膩。早排就有朋友推介咗呢間叫「春嬌」嘅越南菜館俾我，聽說店子很有人氣，頗受附近上班族和街坊歡迎。餐廳位於加路連山道，由港鐵銅鑼灣站 F1 出口步行過來，也只是 5 分鐘路程，交通挺方便。店子環境不俗，舖面寬敞闊落，而且佈置得很有心思，特色擺設隨處可見。牆身上掛滿了色彩繽紛嘅斗笠和掛畫，配上垂吊而下的竹編燈罩，裝潢充滿越南風情。餐廳採自助形式落單，客人只須掃描二維碼 QR Code，便可以即時用手機在電子菜單上選取點餐！我哋點咗一客咖喱牛腩飯，一份下午茶餐，另外再加咗碟菜同小食。咖喱牛腩飯：牛腩大約有 5、6 件，每件都好完整厚身，肉質肥美有咬口，而且食落唔會乾爭爭。咖喱汁富馥香，味道濃惹，微微滲出辣勁，但又不會太嗆。薯仔帶天然甜味，另外加咗隻日本荷包蛋。荷包蛋周邊脆卜卜，夠晒香口，中間流心蛋黃，蛋味香濃，撈飯吃一流。下午茶餐揀咗：招牌洋蔥豬扒脆脆豬，個豬扒包相當有睇頭，絕對無將貨就價，非常大個。豬扒醃得夠晒入味，肉質好鬆化，入口充滿肉汁，味道鹹鹹香香，配埋爽口的洋蔥同香脆的豬仔包吃，非常美味。馬拉盞炒通菜：碟通菜炒得勁香口，嫩綠得嚟又夠爽甜

今次我去左銅鑼灣搵食, 而家無左晚市，最後一餐堂食只可以食下午茶。咁啱去左加路連山道，想搵下有無好野食，比我搵到呢間叫做【春嬌】嘅越南餐廳，我見到佢個餐牌真係好平！HK$42就有3個單品，一於跟我黎睇下啦~我地叫左兩個餐，先介紹第一個3寶組合HK$42「燒牛肉撈檬粉+洋蔥豬扒脆豬仔包+龍眼冰」開頭以為佢地呢種3拼茶餐應該好細份，樣樣都係迷你，點知佢唔係！全部都好似正價份量，超大份，講真，我食完個豬扒包都已經飽飽地啦~~~呢個係燒牛肉撈檬粉，佢有好多牛肉碎，份量真係好多，又有好多蔬菜真係好豐富！撈埋個酸辣醋汁味道都真係好好食！呢個就係豬扒包，份量一D都唔細, 好鬼大個，成隻手掌咁大架超大塊豬扒呀~~~~佢個豬仔包裡面查滿牛油，香到爆炸，真係好邪惡呀~~~龍眼冰真係好好味，好濃龍眼味同埋好甜，好正呀~~~平時出去叫一杯都要HK$22左右啦，而家包埋，真係抵到爆炸!!!!HK$40「燒牛肉湯檬粉+洋蔥札肉脆豬仔包+茉莉綠茶」呢碗燒牛肉湯檬粉真係好大碗，牛肉份量一樣咁多，湯底就係牛肉湯好濃好正！平時HK$42只可以叫到一碗牛肉檬粉，而家有多一個包同埋飲品，係咪好抵先?我另外叫左一份札肉脆豬仔包

連放幾日大假，架要出去行吓街食下野啦，我今日就同麥生出城去銅鑼灣搵食啦⋯⋯見到有間叫「春嬌」越南餐廳，一見到果名我就諗起套戲「志明與春嬌」，呢間餐廳🍴名實在太特別啦😅餐廳內嘅周圍環境都好有越南風情，見到果餐牌有越南🇻🇳火鍋🍲，我從來都冇試過越南🇻🇳火鍋🍲，一於試下啦⋯⋯我地就揀咗$168鮮氣火鍋🍲，内有帆立貝、手切肥牛、虎蝦、一口牛、醬爆牛丸，而湯底就係我地平常食越南🇻🇳木粉嘅湯底脆炸扎肉 $32扎肉炸左之後好香脆，呢個食法幾得意😎網紙蝦春卷 $36平常越南春卷皮係米紙，而呢個蝦春卷係用網紙包住，令到果蝦春卷更加香脆。冇諗過會有送甜品🍮，重要係我最愛嘅紫米露

因為疫情，六點後無堂食，同HONEY出街食飯都要提早去食，去到銅鑼灣，HONEY話想食下越南野，見到哩間新開的越南餐廳春嬌，(關唔開志明事?哈哈)見到佢的冰櫃有椰青，真的好想飲~同HONEY點左生牛肉湯河粉，我就點左個春卷撈檬，另外都一人一個椰青，馬拉盞炒通菜，同埋酸辣鳳爪椰青因為我地點左兩個套餐，一個套餐加32蚊就有椰青，椰青都系職員推介，飲落真的好FRESH~~又有好多椰肉食~~生牛肉湯河粉生牛肉湯河粉HONEY話都唔錯，河粉唔會太淋~~湯底都唔錯，春卷撈檬春卷撈檬有兩種不同的春卷，另外撈檬分量都好多，有齊所有配料，加埋汁食真的好正~~馬拉盞炒通菜馬拉盞炒通菜真的好香口，又唔會過鹹，通菜好爽口酸辣鳳爪酸辣鳳爪無骨，食到真的好開心，另外佢唔會過酸~味道剛剛好，同HONEY系咁爭食哈哈~~哩個早的晚餐真的食得好滿足~~

限聚令下，要吃一餐好的真的是10分困難，今天和朋友到了銅鑼灣，大家說起很久也沒有去越南旅行，說到興起，就好想吃一餐正宗越南粉，上網見到銅鑼灣春嬌，評價唔錯，而且好近我哋就去試一試！點了一款越南生牛肉河粉，湯底牛骨味濃郁，生牛肉配上洋蔥，爽口又美味，把湯也喝完，也沒有口乾，真材實料！臨近聖誕，點了一款燒春雞，皮脆肉嫩！越式腸粉亦10分不錯，很有當地風味！人均消費幾十元就能感受一下越南當地美食實在不錯！

春嬌位於銅鑼灣加路連山道較入嘅位置 丹麥餅店直行到尾 算係幾偏僻 唔係無聊行過都唔知有間越南餐廳哈哈😂 不過食晏時間都好多人 餐廳用QR code自助落單 方便之餘又唔怕落錯單~ 今次試咗春嬌招牌蔥油烤牛肉湯河😔🤩先講個湯底係深啡色嘅牛骨湯 味道濃郁適合重口味人士 蔥油烤牛肉係肉碎咁樣一粒粒 好惹味之餘仲好掛麵 👍🏻👍🏻麵條方面亦有河粉、金邊粉等選擇 午餐嚟講五十幾蚊仲包茉莉花茶或者龍眼水 算係幾抵食 唔怪得咁多人啦😝

呢日同朋友去左銅鑼灣行街，我地行左一陣就想搵一間餐廳食午餐，我地搵左一間越車餐廳，餐廳既環境都唔錯！呢度係用QR code落單，好方便！我地點左馬拉盞通菜牛肉飯，呢個價錢喺銅鑼灣黎講真係好平，份量非常大，而且外觀好靚，用呢個咁有特色既碟去裝住，好有越式風味。通菜炒到好惹味，仲有嫩滑牛肉片，正！另外仲有鴛鴦春卷河粉，兩種唔同口味既春卷，春卷炸到酥脆，河粉既湯底落左好多香料，味道香濃！仲點左酸辣鳳爪做小食。香滑既越式奶茶。新鮮椰青都好好飲！

今日嚟銅鑼灣搜尋到呢間越南餐廳，下午茶價錢勁抵食，過咗Lunch Hour每枱依然坐滿食客。坐低點餐掃QR Code, 好方便，揀咗個「春嬌火車頭湯粉」湯底好味，仲有好多料，薄薄嘅生牛肉好嫩滑唔鞋口，配洋蔥絲一齊食好爽口，大大碗份量足👍🏻「酸辣鳳爪」酸酸辣辣...好惹味，愛辣嘅一定不能錯過。必飲「椰青」呢度嘅椰青係我飲過最好飲嘅，一定要食埋裡面嘅椰肉，超嫩滑...好好飲呀😍見到有二人海鮮火鍋好吸引，下次再嚟一定要試🤗

< 🇻🇳春嬌 > 📍銅鑼灣呢日行完銅鑼灣想食下越南野🇻🇳就去咗呢間越式餐廳食下午茶😋🦐玻璃生蝦 6隻 $58而家做緊優惠好抵食😛😛 生蝦幾大隻 同埋都新鮮 好爽口 蒜頭好大片👍🏻 點埋酸辣汁好惹味😋🍞奶油脆豬豬配美國薯條🍟 $24奶油脆豬有兩大舊 烤得好脆 配埋練奶好好食😋 薯條份量都多 唔太鹹😛🥥椰青 $32呢個椰青好好飲 係我飲過最清同最重椰青味 仲有好多椰肉食 推介😋🥩河內生牛肉檬粉 $46生牛肉份量好多 薄切但牛肉味都好重😛 檬粉好大碗 索晒啲湯好好食 另外仲可以自己加青檸汁😋🍗牛肉串燒三串 $42牛肉串燒肉質唔會好韌 加咗香茅醃幾好食😋 同可以點沙嗲醬 佢嘅沙嗲醬加咗花生粒幾好食👍🏻👍🏻🍖雞肉串燒三串 $42相比之下我鍾意食雞肉串燒多啲❣️肉質好嫩滑 雞肉醃得好入味 好好食😋🥬馬拉盞炒通菜 $48最後叫個炒通菜 加咗馬拉盞好惹味 有少少辣 炒得幾香😆

Came across this Vietnamese restaurant while looking for places to eat in CWB. Food was decent and reasonably price. Drinks (jasmine tea or longan water) included in lunch sets. The shredded chicken was extra lean - just the way i like it. Also thought the mini sweet potatoes to be so cute! 🍠

之前幫左朋友一個忙，佢話今次要請我食飯，就帶咗我嚟呢間越南餐廳啦。不過因為6點就禁堂食，所以我地要五點鐘食個early dinner。我：「死啦有好多個小食想食，唔知揀邊個好。」朋友：「揀曬啦！我請！」我：「咁豪？咁我唔客氣啦！」於是，我地就叫咗一碗生牛肉金邊粉、一碗生牛肉湯檬同埋四個小食。🍜生牛肉金邊粉湯底好濃，生牛肉份量都唔少。同埋我好鍾意金邊粉嘅口感。好大碗，食得開心。🥩生牛肉湯檬（全走）同生牛肉金邊粉差唔多，除左少左啲洋蔥芽菜蔥花生碎之類之外。同埋係檬粉。🍤越南脆炸蝦餅 $46都幾大塊，切開左做五大片，口感彈牙，充滿蝦味，不過如果有醬可以點就應該更好食。呢到嘅蝦餅同串燒都每碟伴有兩粒烤小甜薯，所以我地總共有六粒，全部比我食曬。好開心，因為我好鍾意食。🍢牛肉/雞肉串燒（每份三串）三串$42串燒本身淋左花生碎同埋沙爹醬，怕唔夠嘅話仲額外有一碟沙爹醬可以自己落，夠曬味。牛肉同雞肉都幾滑，唔錯。🍋越南春卷配青木瓜沙律 $24有三條春卷又有青木瓜沙律，仲要連飲品先$24，抵食。春卷炸得幾香，食緊咁多小食嗰陣間唔中食幾啖個青木瓜沙律，感覺好清新。🫖茉莉花茶（熱）$0生牛肉湯粉同青木瓜沙律都

春嬌 (銅鑼灣).⚜️越式雞翼蔥油煎蛋飯⚜️.晏晝就會係想食飯嘅時候，半生熟嘅煎蛋再配上綠油油嘅蔥油，再配埋香煎雞翼，個人好喜歡呢個配搭！ (˶‾᷄ ⁻̫ ‾᷅˵)但係千祈唔好好似我哋咁蠢再加多隻蛋🤣🤣啲飯有埋蔥油香，好好食！.⚜️小食拼盤⚜️.小食拼盤分別有鳳爪扎肉以及春卷及蝦餅，少少油膩，但係份量唔算太多二人食啱啱好.⚜️玻璃生蝦6隻⚜.生蝦唔算肥大，上面配有蒜片同辣椒粒.⚜️河內生牛河⚜.湯底算濃郁，配搭生牛肉片，我哋之前食過都覺得唔錯今次再食！.📌 春嬌 (銅鑼灣)銅鑼灣加路連山道9A號地舖.—————————————————————-

周六休假與好友去銅鑼灣行街，一陣狂購之後發現昵間越南餐廳食飯的人不少，感覺口味應不錯。最主要係被個店名所吸引裝修都几具特色！本想一嘗他們的特色火鍋，不料因疫情措施收緊，店鋪取消了火鍋堂食，我們于是乎選擇了幾款招牌餐及小食。APP點餐非常方便！*HKD68春嬌火車頭河粉：裏面的牛肉、貢丸、花膠等食料充足，湯汁鮮美；*HKD56香茅豬扒蔥油飯：兩大塊煎至微黃的肉扒加上碧綠的蔥花吃起來真的是色香味俱全；*HKD34春嬌豬肉粉包：晶瑩透亮的粉皮包裹著鮮嫩的肉餡，松軟可口；*HKD36網紙蝦春卷：越南餐廳必試，酥脆飽滿，令人滿足；*HKD14/串嘅牛肉串燒：塊大肉嫩，最讓人驚喜的是盤中配色的小薯個個那麽的糯甜可口估不到昵間小店都梗好食又有心思，下次應該會再來專門品嘗他們家的火鍋~