春城銅鍋米線

营业中

休息中

三鮮銅鍋米線 - 叫得銅鍋米線嘅就緊係要試吓個特色，原來個銅鍋係可以保持米線溫度，所以食到尾都係熱辣辣~一碗入面有腩肉，豬潤同埋螺旋藻好豐富~ 呢度嘅腩肉肥瘦分明夠軟腍，豬潤爽滑勁多螺旋藻好有口感，而且湯底夠鮮美~招牌海南胡椒豬肚雞米線 - 用上三黃雞🐥🐥🐥肉質特別彈滑，豬肚韌軟嫩~胡椒香氣迫人，微微辣暖胃又醒神爆漿紅糖糍粑 -口感外脆入面 QQ 好軟糯，好食~不過食嘅時候要小心，因為入面嘅紅糖真係超級流心！食嘅時候就爭啲漏曬出嚟成手都係

招牌豬扒酸酸辣辣銅鍋米線 ($55)招牌豬扒酸酸辣辣銅鍋米線熱辣辣上枱，銅鍋保溫，湯底酸辣開胃，配料有酸菜、腐皮、似碎、木耳等，而且辣度都有好多level揀豬扒厚切煎得香脆，肉質嫩滑，啖啖肉，另外米線煮得煙韌彈牙，吸晒湯底嘅酸辣味，幾惹味招牌海南胡椒豬肚雞米線 ($68)胡椒豬肚雞米線湯底濃郁，入口有陣陣溫和嘅辛香，胡椒味突出但唔嗆口，食落暖身又滋味豬肚煮得軟腍無異味，原件雞件肉質好嫩滑，食完好暖身凍檸茶 (@+$6)香煎墨魚餅 ($58)香煎墨魚餅煎得外表微微金黃，口感結實彈牙，餅入面粒粒墨魚碎，增添咬口，小食黎講幾出色📌春城銅鍋米線 (尖沙咀)地址：尖沙咀厚福街6號地舖

呢間米線店真係幾正，環境方面唔算好靚，但坐得舒舒服服，唔會逼逼哋，店員友善蟲草花椰子雞米線湯底好有驚喜，清甜之餘又帶少少藥膳香，感覺幾滋補，米線爽口唔會淋晒，食落幾舒服。雞肉係嫩滑嘅類型，吸收晒湯底嘅味道，配埋蟲草花啲微微草香，成個組合幾有層次。炸脆脆蝦膠豆卜呢個真心要試！咬落去外皮夠脆，但唔會太乾，蝦膠彈牙有鮮味，仲帶少少香口豆卜嘅口感，好邪惡但又忍唔住想食多粒。招牌豬排米線呢個睇落就已經好夠哂份量，豬排炸到金黃酥脆，睇得出係外脆內嫩嗰種，啖啖肉超滿足。米線方面，照舊保持爽口唔會淋晒，湯底濃郁但又唔會搶走主角豬排嘅風頭，反而有種互相襯托嘅感覺。豬排外皮香脆，肉質唔會乾巴巴，咬落仲帶少少肉汁，再蘸啲湯食，味道更升級。如果你係鍾意食炸豬排，又想試埋米線嘅話，呢個組合絕對係無得輸

•招牌豬扒酸酸辣辣銅鍋米線 $55 (⭐️4/5)一定要叫呢個豬扒米線🤟🏻豬扒外皮酥脆，肉質淋，仲好大塊🐷🤌🏻。米線用銅鍋上有特色，酸辣味道調得啱啱好✨，呢個價錢有呢個質素，真心不錯🥰～•蟲草花椰子雞米線 $62 (⭐️3/5)湯底好香濃椰子雞味🥥，仲加咗啲紅棗，所以飲落甜甜地，米線幾掛汁🤤!!雞肉份量都好多，有成五舊雞🐣，但少扣分位係肉質偏鞋😥•炸脆脆蝦餃豆卜(5pcs) $38 (⭐️4/5)呢個小食基本上每枱都嗌，豆卜入面釀滿蝦餃，每粒炸得好脆，識食一定要浸落個湯底度再食，仲正😋📍春城銅鍋米線 尖沙咀厚福街6號地舖

一向都係米線控，呢間主打係用銅鍋嚟裝米線，可以保持食物熱度，今晚黎開尖沙咀行街，所以就決定嚟呢度晚飯我哋每人叫咗一碗米線+各自一杯凍檸檬茶1）招牌豬扒酸酸辣辣米線果然係招牌！塊豬扒好容易切，一啲都唔韌，仲好大塊。以平時食開酸辣米線嚟講，呢碗酸辣湯底係屬於偏酸嘅，夠開胃，所以我不停係咁飲佢哋嘅湯🤣🤣2）自選三餸米線（揀咗麻辣湯底、小辣、鱈魚豆腐、竹笙、金菇）小辣唔算好辣，可接受 。鱈魚豆腐係星星形狀，幾得意，口感似魚蛋 。最鍾意叫竹笙同金菇，因為都係好索汁嘅蔬菜。小食：炸脆脆蝦膠豆卜（三粒）唔怪得係推介啦，炸到金黃色，超級脆，蝦膠又彈牙，有蝦味，成粒脆炸蝦丸咁 ，用嚟浸落米線湯底一齊食，一流！食完碗米線又真係幾飽，所以本身想試埋佢哋個紅糖糍粑，個肚都冇位，唯有下次試啦。🤣🤣餐廳係用QR code落單，所以樓面侍應service都好快手，服務員亦好有禮貌。❤️❤️❤️

一直想食咗呢間米線好耐，主要係因為呢到嘅米線會用銅鍋上，可以維持米線熱辣辣嘅口感，夠晒特別😋～✨招牌豬扒酸酸辣辣銅鍋米線招牌豬扒大大塊，而且肉質柔軟！米線口感爽滑，仲有肉碎、腐皮、木耳同埋酸菜等等嘅配菜，整體口感更加多元！米線嘅辣度揀咗小辣，湯底嘅酸味比辣味更為突出，令人特別開胃～✨春城麻辣銅鍋米線呢碗米線就揀咗中辣嘅麻辣湯底，越食越麻辣，真係辣得過癮！配料揀咗肉質嫩滑嘅新鮮牛肉同埋雞肉，真係大滿足啊～✨炸脆脆蝦膠豆卜(5粒)大大粒鮮蝦打到起膠再釀喺豆卜入邊，炸完之後外層豆卜酥脆可口，內裡嘅蝦膠彈牙多汁！點埋泰式辣醬更加正～✨凍檸茶

好耐冇去厚福街個頭，本身同朋友只係諗住買個蛋撻食，行吓行吓見到開左間米線，價錢相宜，個銅鍋米線又好特別咁，於是就入去試下🤣✨招牌海南胡椒豬肚雞米線：以為呢度淨係酸辣米線出名，估唔到佢個胡椒湯底都做得咁出色。湯底有好香濃既胡椒味，夠哂暖胃，食完個米線連啲湯都飲晒🤣✨招牌銅鍋酸酸辣辣豬扒米線：呢個絕對係舖頭嘅招牌特色，用銅窩裝住米線，配料有酸菜、芽菜、肉碎，腐皮、木耳絲，辣度雖然揀左小辣，入口個陣覺得唔辣，隔幾秒慢慢feel到又麻又辣🤣好過癮。豬扒炸得香口，而且肉質唔會炸到乾左，咬落仲係好juicy😋✨炸脆脆蝦膠豆卜：見到餐牌既相見到賣相好吸引，果然冇令人失望。原來炸過嘅豆卜可以咁鬆化香脆，而且完全唔會油膩。個蝦餃餡都好足料，口感彈牙。

厚福街特色銅窩米線😇厚福街出名多嘢食，仲要係小店嘅天堂，好多香港人都識得喺呢度搵好嘢食，我都唔例外🙌🏻😉今次食嘅呢間叫做春城同鍋米線，顧名思義佢就一個銅窩連米線上，都幾有特色㗎，米線叫咗豬扒招牌銅鍋酸酸辣辣，裏便嘅配料十分之豐富，湯底濃郁，咩辣度都可以揀🙌🏻👍👍另外叫咗份小食炸脆脆蝦膠豆卜👍👍聽到個名就知道幾特別，裏便嘅蝦膠大大粒，好香口，炸物愛好者必吃❤️❤️店員服務態度非常好，好細心👏👏

招牌海南胡椒豬肚雞米線好香胡椒味，辣度啱啱好，豬肚洗得乾淨又爽口，而碗轉左雞髀嚟，雞肉就算放喺熱湯到都無變老，肉質保持鮮嫩，食完暖笠笠。招牌豬扒酸辣銅鍋米線豬扒軟腍入味又大塊，米線又滑又彈牙，配上辣酸菜令湯底開胃又過癮。炸脆脆蝦膠豆卜反轉豆卜放在加入香膠油炸，令豆卜炸得非常酥脆鬆化，而且乾身不油膩，好高質嘅炸物。爆漿紅糖糍粑即叫即炸，外脆內軟，中間煙煙韌韌，一咬開香甜味濃的紅糖漿爆出來，一定要趁熱食。

這家春城銅鍋米線真的好美味😋首先，必點的開胃小吃，炸脆脆蝦膠豆卜🍤 外皮炸得金黃酥脆，內裡是彈牙的蝦膠，一口咬下去，咔滋咔滋的，超級滿足！🤤 沾上泰式醬汁，更是美味加分！💯 再來是紫菜蠔仔肉碎米線🦪🍜 鮮美的蠔仔和肉碎，搭配香脆的紫菜，再加上濃郁的湯底，好吃！🥰 當然，來到春城銅鍋米線，一定要試試他們的招牌豬扒酸酸辣辣銅鍋米線🐷🌶️ 厚切的豬扒炸得外酥里嫩，搭配酸酸辣辣的湯底和滑順的米線，簡直是絕配！👍 辣度適中，非常開胃🌶️

Weekend 好遲起身無食lunch，下午茶時段先去到尖沙嘴搵野食，點知見呢間米線人流都算多，就走入去食碗米線～招牌春城銅鍋米線（腩肉、蘿蔔、魚片頭）湯底幾濃，腩肉大大塊但煮得好夠冧，蘿蔔亦都好入味，魚片頭食落幾彈牙。呢碗米線另外仲有好多配料例如肉碎、芽菜、木耳絲，好豐富。秘製雞翼食落覺得似瑞士雞翼，d 汁調得都唔錯，雞翼醃得幾入味。凍檸茶少甜少冰我最中意飲凍檸茶，我叫左少甜之後甜度就啱啱好，飲落夠清爽又解渴。

我好鍾意食米線，特別係最鍾意食濃烈味精湯底，夠酸夠鹹夠辣我就開心。出街食嘢係咁㗎啦，要健康不如自己煮～但係我又懶得煮，又唔識煮，聽人講呢間春城有個椰子雞湯底米線，即管嚟試吓，不過我聽到椰子雞湯其實都掙扎咗陣，因為多數都好淡，最多擺兩片海底椰喺入邊冇味又硬，所以本來都好想叫酸辣米線算數，但係呢一晚我真係好想健康啲，最後就叫咗碗椰子雞。賣相有驚喜，一睇個湯底杰撻撻就知有料到，絕對唔係好似清水咁樣敷衍你嗰隻，仲有椰絲喺面㗎，啲蟲草花雲耳啊多到呢，正！冇估錯，食落係濃味嘅，佢唔係味精嗰隻濃味，係食到有椰子味，又有雞湯味，係濃濃健康嘅味道，呢碗米線，我食哂係完全係冇罪惡感，連個湯我都飲咗一半。講吓啲小食，叫咗個炸蝦膠豆卜同埋爆漿紅糖糍粑，兩個都好好食，蝦膠豆卜炸得靚，紅糖糍粑甜度適中，攤凍咗都仲係流心嘅，絕對有心機！

話說日日返工lunch time都唔知食咩好，今日同事終於有好介紹🤩佢地話新開呢間銅鍋米線好正～於是衝左去食☺️果然！一出街口已經見到好多人排隊，起尖沙咀黎講多人排隊ge舖頭實冇得輸😏雖然好多人，但入座同上餐都好快👍🏻我嗌左個招牌胡椒豬肚米線，好足料，湯底又夠濃胡椒味，真係食到個人都熱辣辣出汗果隻👍🏻而糍粑也是必須點的，香脆內軟到不得了，入面真係爆漿出黎～叫人點抗拒😭✨唔怪得lunch time爆哂場d人都仲要排隊等～係值得的👍🏻招牌海南胡椒豬肚雞米線凍奶茶爆漿紅糖糍粑（3粒）

尖沙咀搵食，厚福街都幾多野食！行過原來開左間新米線，try左都唔錯。店舖環境乾淨企理，簡單親切，職員服務貼心，點餐又快又準。價錢好親民！$50-$60有咁正嘅米線同小食，尖沙咀喎！性價比算幾高！🍜 招牌豬扒酸酸辣辣銅鍋米線 $55 呢款招牌米線真係酸辣控嘅最愛！叫咗中辣，個人覺得辣度啱啱好。唔食得辣嘅朋友建議由BB辣開始，佢有6個辣度任揀。湯底香辣惹味，唔同南記或譚仔嘅辣，帶內地香料嘅獨特風味，可能就係昆明媽媽既風味！入面有肉碎、芽菜、腐皮、酸菜、木耳絲同甜酸菜，食材多，米線滑溜吸晒湯汁，食完暖胃滿足！豬扒另外上，一大塊，外脆內嫩，唔會乾柴，正！🌶️🍲 蟲草花椰子雞米線 $62 唔想食辣？椰子雞米線係好選擇！湯底椰香濃郁，微微creamy但唔會膩，真材實料，唔會淡如水！有蟲草花、紅棗同木耳，湯頭鮮甜滋補，雞肉嫩滑多汁，米線吸滿椰香🥥🍗🥟 炸脆脆蝦膠豆卜 (3/5粒 $25/$38) 呢款小食好有驚喜！豆卜炸到金黃乾身，咬落索索聲，似長洲街頭嘅炸豆卜，香脆唔油膩！入面滿滿蝦膠，仲有成隻鮮蝦，蝦膠彈牙鮮甜，蝦肉juicy有咬口，食完真想再叫一客！🦐💛下次行過尖沙咀行街搵食值得一試！👍😋

【油尖旺區】【春城銅鍋米線】同經理哥喺尖沙咀做嘢，居然食返呢間我喺 1am1747 已經試咗佢哋旺角店嘅餐廳，笑咗。佢都識莊敬哥，話想知莊敬哥嘅口味係咪同佢相近咁話。所以佢都係試 $55 嘅「招牌豬扒酸酸辣辣銅鍋米線」，真係同莊敬哥一樣，不過經理哥要小小辣，想食辣啲。佢就加 $7 要「生菜」做餸，咪又係索汁，識玩呀，個湯底真係吸引。佢就加 $6 飲「凍奶茶」，水準正常咁喎，我見佢都順暢地飲晒。而我自己今次就試 $62 嘅「蟲草花椰子雞米線」，我就要唔辣，嘻，不過都有加 $8 轉雞髀，味道就勁香椰子味，又足料。我加 $16 要埋「炸海蝦寶」，都唔錯。嘢飲加 $8 飲「清涼爽」係楊協成嗰隻嚟。我極力推薦食佢哋嘅「炸脆脆蝦膠豆卜」做小食，今次試夠五粒，$38，經理哥都話正。好似啲腐皮包住啲蝦膠咁炸，好特別。夾埋埋單係 $200，尖沙咀食到特色嘢，算合理。。。（地址：尖沙咀厚福街6號地舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區旺角分店：1am1747